| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੭. ਤਤੁਤ੍ਤਰਿਸਿਕ੍ਖਾਪਦવਣ੍ਣਨਾ
7. Tatuttarisikkhāpadavaṇṇanā
੫੨੨-੫੨੪. ਸਤ੍ਤਮੇ ਪਾਲ਼ਿਯਂ ਪਗ੍ਗਾਹਿਕਸਾਲਨ੍ਤਿ ਦੁਸ੍ਸਾਪਣਂ। ਤਞ੍ਹਿ વਾਣਿਜਕੇਹਿ ਦੁਸ੍ਸਾਨਿ ਪਗ੍ਗਹੇਤ੍વਾ ਦਸ੍ਸਨਟ੍ਠਾਨਤਾਯ ‘‘ਪਗ੍ਗਾਹਿਕਸਾਲਾ’’ਤਿ વੁਚ੍ਚਤਿ। ਅਸ੍ਸ ਚੀવਰਸ੍ਸਾਤਿ ਸਾਦਿਤਬ੍ਬਚੀવਰਸ੍ਸ। ‘‘ਤਿਚੀવਰਿਕੇਨਾ’’ਤਿ ਇਮਿਨਾ ਅਚ੍ਛਿਨ੍ਨਤਿਚੀવਰਤੋ ਅਞ੍ਞਸ੍ਸ વਿਹਾਰਾਦੀਸੁ ਨਿਹਿਤਸ੍ਸ ਚੀવਰਸ੍ਸ ਅਭਾવਂ ਦਸ੍ਸੇਤਿ। ਯਦਿ ਭવੇਯ੍ਯ, વਿਞ੍ਞਾਪੇਤੁਂ ਨ વਟ੍ਟੇਯ੍ਯ। ਤਾવਕਾਲਿਕਂ ਨਿવਾਸੇਤ੍વਾ ਅਤ੍ਤਨੋ ਚੀવਰਂ ਗਾਹੇਤਬ੍ਬਂ, ਤਾવਕਾਲਿਕਮ੍ਪਿ ਅਲਭਨ੍ਤਸ੍ਸ ਭੂਤਗਾਮવਿਕੋਪਨਂ ਕਤ੍વਾ ਤਿਣਪਣ੍ਣੇਹਿ ਛਦਨਂ વਿਯ વਿਞ੍ਞਾਪਨਮ੍ਪਿ વਟ੍ਟਤਿ ਏવ। ਅਞ੍ਞੇਨਾਤਿ ਅਚ੍ਛਿਨ੍ਨਅਸਬ੍ਬਚੀવਰੇਨ। ਦ੍વੇ ਨਟ੍ਠਾਨੀਤਿ ਅਧਿਕਾਰਤੋ વੁਤ੍ਤਂ ‘‘ਦ੍વੇ ਸਾਦਿਤਬ੍ਬਾਨੀ’’ਤਿ।
522-524. Sattame pāḷiyaṃ paggāhikasālanti dussāpaṇaṃ. Tañhi vāṇijakehi dussāni paggahetvā dassanaṭṭhānatāya ‘‘paggāhikasālā’’ti vuccati. Assa cīvarassāti sāditabbacīvarassa. ‘‘Ticīvarikenā’’ti iminā acchinnaticīvarato aññassa vihārādīsu nihitassa cīvarassa abhāvaṃ dasseti. Yadi bhaveyya, viññāpetuṃ na vaṭṭeyya. Tāvakālikaṃ nivāsetvā attano cīvaraṃ gāhetabbaṃ, tāvakālikampi alabhantassa bhūtagāmavikopanaṃ katvā tiṇapaṇṇehi chadanaṃ viya viññāpanampi vaṭṭati eva. Aññenāti acchinnaasabbacīvarena. Dve naṭṭhānīti adhikārato vuttaṃ ‘‘dve sāditabbānī’’ti.
੫੨੬. ਪਾਲ਼ਿਯਾ ਨ ਸਮੇਤੀਤਿ ‘‘ਅਨਾਪਤ੍ਤਿ ਞਾਤਕਾਨਂ ਪવਾਰਿਤਾਨ’’ਨ੍ਤਿ ਇਮਾਯ ਪਾਲ਼ਿਯਾ ਨ ਸਮੇਤਿ ਤਤੁਤ੍ਤਰਿવਿਞ੍ਞਾਪਨਆਪਤ੍ਤਿਪ੍ਪਸਙ੍ਗੇ ਏવ વੁਤ੍ਤਤ੍ਤਾ। ‘‘ਅਞ੍ਞਸ੍ਸਤ੍ਥਾਯਾਤਿ ਨ વੁਤ੍ਤ’’ਨ੍ਤਿ ਇਦਂ ਅਞ੍ਞਸ੍ਸਤ੍ਥਾਯ ਤਤੁਤ੍ਤਰਿ વਿਞ੍ਞਾਪਨੇ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ ਹੋਤੀਤਿ ਇਮਮਤ੍ਥਂ ਦੀਪੇਤਿ, ਤਞ੍ਚ ਪਾਚਿਤ੍ਤਿਯਂ ਯੇਸਂ ਅਤ੍ਥਾਯ વਿਞ੍ਞਾਪੇਤਿ, ਤੇਸਂ વਾ ਸਿਯਾ, વਿਞ੍ਞਾਪਕਸ੍ਸੇવ વਾ, ਨ ਤਾવ ਤੇਸਂ ਤੇਹਿ ਅવਿਞ੍ਞਾਪਿਤਤ੍ਤਾ, ਨਾਪਿ વਿਞ੍ਞਾਪਕਸ੍ਸ ਅਤ੍ਤਾਨਂ ਉਦ੍ਦਿਸ੍ਸ ਅવਿਞ੍ਞਾਪਿਤਤ੍ਤਾ। ਤਸ੍ਮਾ ਅਞ੍ਞਸ੍ਸਤ੍ਥਾਯ વਿਞ੍ਞਾਪੇਨ੍ਤਸ੍ਸਾਪਿ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ ਨ ਦਿਸ੍ਸਤਿ। ਪਾਲ਼ਿਯਂ ਪਨ ਇਮਸ੍ਸ ਸਿਕ੍ਖਾਪਦਸ੍ਸ ਅਤ੍ਤਨੋ ਸਾਦਿਯਨਪਟਿਬਦ੍ਧਤਾવਸੇਨ ਪવਤ੍ਤਤ੍ਤਾ ‘‘ਅਞ੍ਞਸ੍ਸਤ੍ਥਾਯਾ’’ਤਿ ਅਨਾਪਤ੍ਤਿવਾਰੇ ਨ વੁਤ੍ਤਨ੍ਤਿ વਦਨ੍ਤਿ, ਤਞ੍ਚ ਯੁਤ੍ਤਂ વਿਯ ਦਿਸ੍ਸਤਿ, વੀਮਂਸਿਤ੍વਾ ਗਹੇਤਬ੍ਬਂ। ਤਤੁਤ੍ਤਰਿਚੀવਰਤਾ, ਅਚ੍ਛਿਨ੍ਨਾਦਿਕਾਰਣਤਾ, ਅਞ੍ਞਾਤਕવਿਞ੍ਞਤ੍ਤਿ, ਤਾਯ ਚ ਪਟਿਲਾਭੋਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ।
526.Pāḷiyā na sametīti ‘‘anāpatti ñātakānaṃ pavāritāna’’nti imāya pāḷiyā na sameti tatuttariviññāpanaāpattippasaṅge eva vuttattā. ‘‘Aññassatthāyāti na vutta’’nti idaṃ aññassatthāya tatuttari viññāpane nissaggiyaṃ pācittiyaṃ hotīti imamatthaṃ dīpeti, tañca pācittiyaṃ yesaṃ atthāya viññāpeti, tesaṃ vā siyā, viññāpakasseva vā, na tāva tesaṃ tehi aviññāpitattā, nāpi viññāpakassa attānaṃ uddissa aviññāpitattā. Tasmā aññassatthāya viññāpentassāpi nissaggiyaṃ pācittiyaṃ na dissati. Pāḷiyaṃ pana imassa sikkhāpadassa attano sādiyanapaṭibaddhatāvasena pavattattā ‘‘aññassatthāyā’’ti anāpattivāre na vuttanti vadanti, tañca yuttaṃ viya dissati, vīmaṃsitvā gahetabbaṃ. Tatuttaricīvaratā, acchinnādikāraṇatā, aññātakaviññatti, tāya ca paṭilābhoti imānettha cattāri aṅgāni.
ਤਤੁਤ੍ਤਰਿਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Tatuttarisikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੭. ਤਤੁਤ੍ਤਰਿਸਿਕ੍ਖਾਪਦਂ • 7. Tatuttarisikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੭. ਤਤੁਤ੍ਤਰਿਸਿਕ੍ਖਾਪਦવਣ੍ਣਨਾ • 7. Tatuttarisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੭. ਤਤੁਤ੍ਤਰਿਸਿਕ੍ਖਾਪਦવਣ੍ਣਨਾ • 7. Tatuttarisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੭. ਤਤੁਤ੍ਤਰਿਸਿਕ੍ਖਾਪਦવਣ੍ਣਨਾ • 7. Tatuttarisikkhāpadavaṇṇanā
