| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
8. தாயனஸுத்தவண்ணனா
8. Tāyanasuttavaṇṇanā
89. அட்ட²மே புராணதித்த²கரோதி புப்³பே³ தித்த²கரோ. எத்த² ச தித்த²ங் நாம த்³வாஸட்டி² தி³ட்டி²யோ, தித்த²கரோ நாம தாஸங் உப்பாத³கோ ஸத்தா². ஸெய்யதி²த³ங் நந்தோ³, வச்சோ², கிஸோ, ஸங்கிச்சோ. புராணாத³யோ பன தித்தி²யா நாம. அயங் பன தி³ட்டி²ங் உப்பாதெ³த்வா கத²ங் ஸக்³கே³ நிப்³ப³த்தோதி? கம்மவாதி³தாய. ஏஸ கிர உபோஸத²ப⁴த்தாதீ³னி அதா³ஸி, அனாதா²னங் வத்தங் பட்ட²பேஸி, பதிஸ்ஸயே அகாஸி, பொக்க²ரணியோ க²ணாபேஸி, அஞ்ஞம்பி ப³ஹுங் கல்யாணங் அகாஸி. ஸோ தஸ்ஸ நிஸ்ஸந்தே³ன ஸக்³கே³ நிப்³ப³த்தோ, ஸாஸனஸ்ஸ பன நிய்யானிகபா⁴வங் ஜானாதி. ஸோ ததா²க³தஸ்ஸ ஸந்திகங் க³ந்த்வா ஸாஸனானுச்ச²விகா வீரியப்படிஸங்யுத்தா கா³தா² வக்கா²மீதி ஆக³ந்த்வா சி²ந்த³ ஸோதந்திஆதி³மாஹ.
89. Aṭṭhame purāṇatitthakaroti pubbe titthakaro. Ettha ca titthaṃ nāma dvāsaṭṭhi diṭṭhiyo, titthakaro nāma tāsaṃ uppādako satthā. Seyyathidaṃ nando, vaccho, kiso, saṃkicco. Purāṇādayo pana titthiyā nāma. Ayaṃ pana diṭṭhiṃ uppādetvā kathaṃ sagge nibbattoti? Kammavāditāya. Esa kira uposathabhattādīni adāsi, anāthānaṃ vattaṃ paṭṭhapesi, patissaye akāsi, pokkharaṇiyo khaṇāpesi, aññampi bahuṃ kalyāṇaṃ akāsi. So tassa nissandena sagge nibbatto, sāsanassa pana niyyānikabhāvaṃ jānāti. So tathāgatassa santikaṃ gantvā sāsanānucchavikā vīriyappaṭisaṃyuttā gāthā vakkhāmīti āgantvā chinda sotantiādimāha.
தத்த² சி²ந்தா³தி அனியமிதஆணத்தி. ஸோதந்தி தண்ஹாஸோதங். பரக்கம்மாதி பரக்கமித்வா வீரியங் கத்வா. காமேதி கிலேஸகாமேபி வத்து²காமேபி. பனுதா³தி நீஹர. ஏகத்தந்தி ஜா²னங். இத³ங் வுத்தங் ஹோதி – காமே அஜஹித்வா முனி ஜா²னங் ந உபபஜ்ஜதி, ந படிலப⁴தீதி அத்தோ². கயிரா சே கயிராதே²னந்தி யதி³ வீரியங் கரெய்ய, கரெய்யாத², தங் வீரியங் ந ஓஸக்கெய்ய. த³ள்ஹமேனங் பரக்கமேதி த³ள்ஹங் ஏனங் கரெய்ய. ஸிதி²லோ ஹி பரிப்³பா³ஜோதி ஸிதி²லக³ஹிதா பப்³ப³ஜ்ஜா. பி⁴ய்யோ ஆகிரதே ரஜந்தி அதிரேகங் உபரி கிலேஸரஜங் ஆகிரதி. அகதங் து³க்கடங் ஸெய்யோதி து³க்கடங் அகதமேவ ஸெய்யோ. யங் கிஞ்சீதி ந கேவலங் து³க்கடங் கத்வா கதஸாமஞ்ஞமேவ, அஞ்ஞம்பி யங் கிஞ்சி ஸிதி²லங் கதங் ஏவரூபமேவ ஹோதி. ஸங்கிலிட்ட²ந்தி து³க்கரகாரிகவதங். இமஸ்மிங் ஹி ஸாஸனே பச்சயஹேது ஸமாதி³ன்னது⁴தங்க³வதங் ஸங்கிலிட்ட²மேவ. ஸங்கஸ்ஸரந்தி ஸங்காய ஸரிதங், ‘‘இத³ம்பி இமினா கதங் ப⁴விஸ்ஸதி, இத³ம்பி இமினா’’தி ஏவங் ஆஸங்கிதபரிஸங்கிதங். ஆதி³ப்³ரஹ்மசரியிகாதி மக்³க³ப்³ரஹ்மசரியஸ்ஸ ஆதி³பூ⁴தா புப்³ப³பதா⁴னபூ⁴தா. அட்ட²மங்.
Tattha chindāti aniyamitaāṇatti. Sotanti taṇhāsotaṃ. Parakkammāti parakkamitvā vīriyaṃ katvā. Kāmeti kilesakāmepi vatthukāmepi. Panudāti nīhara. Ekattanti jhānaṃ. Idaṃ vuttaṃ hoti – kāme ajahitvā muni jhānaṃ na upapajjati, na paṭilabhatīti attho. Kayirā ce kayirāthenanti yadi vīriyaṃ kareyya, kareyyātha, taṃ vīriyaṃ na osakkeyya. Daḷhamenaṃ parakkameti daḷhaṃ enaṃ kareyya. Sithilo hi paribbājoti sithilagahitā pabbajjā. Bhiyyo ākirate rajanti atirekaṃ upari kilesarajaṃ ākirati. Akataṃ dukkaṭaṃ seyyoti dukkaṭaṃ akatameva seyyo. Yaṃ kiñcīti na kevalaṃ dukkaṭaṃ katvā katasāmaññameva, aññampi yaṃ kiñci sithilaṃ kataṃ evarūpameva hoti. Saṃkiliṭṭhanti dukkarakārikavataṃ. Imasmiṃ hi sāsane paccayahetu samādinnadhutaṅgavataṃ saṃkiliṭṭhameva. Saṅkassaranti saṅkāya saritaṃ, ‘‘idampi iminā kataṃ bhavissati, idampi iminā’’ti evaṃ āsaṅkitaparisaṅkitaṃ. Ādibrahmacariyikāti maggabrahmacariyassa ādibhūtā pubbapadhānabhūtā. Aṭṭhamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. தாயனஸுத்தங் • 8. Tāyanasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8. தாயனஸுத்தவண்ணனா • 8. Tāyanasuttavaṇṇanā
