| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. д̇ааяанасуд̇д̇аван̣н̣анаа
8. Tāyanasuttavaṇṇanā
89. адтамз бураан̣ад̇ид̇т̇агарод̇и буб̣б̣з д̇ид̇т̇агаро. зд̇т̇а жа д̇ид̇т̇ам̣ наама д̣̇ваасадти д̣̇идтияо, д̇ид̇т̇агаро наама д̇аасам̣ уббаад̣̇аго сад̇т̇аа. сзяяат̇ид̣̇ам̣ нанд̣̇о, важчо, гисо, сам̣гижжо. бураан̣аад̣̇аяо бана д̇ид̇т̇ияаа наама. аяам̣ бана д̣̇идтим̣ уббаад̣̇зд̇ваа гат̇ам̣ саг̇г̇з ниб̣б̣ад̇д̇од̇и? гаммаваад̣̇ид̇ааяа. зса гира убосат̇абхад̇д̇аад̣̇ийни ад̣̇ааси, анаат̇аанам̣ вад̇д̇ам̣ бадтабзси, бад̇иссаяз агааси, богкаран̣ияо кан̣аабзси, ан̃н̃амби б̣ахум̣ галяаан̣ам̣ агааси. со д̇асса ниссанд̣̇зна саг̇г̇з ниб̣б̣ад̇д̇о, саасанасса бана нияяаанигабхаавам̣ ж̇аанаад̇и. со д̇ат̇ааг̇ад̇асса санд̇игам̣ г̇анд̇ваа саасанаанужчавигаа вийрияаббадисам̣яуд̇д̇аа г̇аат̇аа вагкаамийд̇и ааг̇анд̇ваа чинд̣̇а сод̇анд̇иаад̣̇имааха.
89. Aṭṭhame purāṇatitthakaroti pubbe titthakaro. Ettha ca titthaṃ nāma dvāsaṭṭhi diṭṭhiyo, titthakaro nāma tāsaṃ uppādako satthā. Seyyathidaṃ nando, vaccho, kiso, saṃkicco. Purāṇādayo pana titthiyā nāma. Ayaṃ pana diṭṭhiṃ uppādetvā kathaṃ sagge nibbattoti? Kammavāditāya. Esa kira uposathabhattādīni adāsi, anāthānaṃ vattaṃ paṭṭhapesi, patissaye akāsi, pokkharaṇiyo khaṇāpesi, aññampi bahuṃ kalyāṇaṃ akāsi. So tassa nissandena sagge nibbatto, sāsanassa pana niyyānikabhāvaṃ jānāti. So tathāgatassa santikaṃ gantvā sāsanānucchavikā vīriyappaṭisaṃyuttā gāthā vakkhāmīti āgantvā chinda sotantiādimāha.
д̇ад̇т̇а чинд̣̇аад̇и анияамид̇ааан̣ад̇д̇и. сод̇анд̇и д̇ан̣хаасод̇ам̣. бараггаммаад̇и бараггамид̇ваа вийрияам̣ гад̇ваа. гаамзд̇и гилзсагаамзби вад̇т̇угаамзби. бануд̣̇аад̇и нийхара. згад̇д̇анд̇и жхаанам̣. ид̣̇ам̣ вуд̇д̇ам̣ ход̇и – гаамз аж̇ахид̇ваа муни жхаанам̣ на убабаж̇ж̇ад̇и, на бадилабхад̇ийд̇и ад̇т̇о. гаяираа жз гаяираат̇знанд̇и яад̣̇и вийрияам̣ гарзяяа, гарзяяаат̇а, д̇ам̣ вийрияам̣ на осаггзяяа. д̣̇ал̣хамзнам̣ бараггамзд̇и д̣̇ал̣хам̣ знам̣ гарзяяа. сит̇ило хи бариб̣б̣ааж̇од̇и сит̇илаг̇ахид̇аа баб̣б̣аж̇ж̇аа. бхияяо аагирад̇з раж̇анд̇и ад̇ирзгам̣ убари гилзсараж̇ам̣ аагирад̇и. агад̇ам̣ д̣̇уггадам̣ сзяяод̇и д̣̇уггадам̣ агад̇амзва сзяяо. яам̣ гин̃жийд̇и на гзвалам̣ д̣̇уггадам̣ гад̇ваа гад̇асааман̃н̃амзва, ан̃н̃амби яам̣ гин̃жи сит̇илам̣ гад̇ам̣ зваруубамзва ход̇и. сам̣гилидтанд̇и д̣̇уггарагааригавад̇ам̣. имасмим̣ хи саасанз бажжаяахзд̇у самаад̣̇иннад̇худ̇ан̇г̇авад̇ам̣ сам̣гилидтамзва. сан̇гассаранд̇и сан̇гааяа сарид̇ам̣, ‘‘ид̣̇амби иминаа гад̇ам̣ бхависсад̇и, ид̣̇амби иминаа’’д̇и звам̣ аасан̇гид̇абарисан̇гид̇ам̣. аад̣̇иб̣рахмажарияигаад̇и маг̇г̇аб̣рахмажарияасса аад̣̇ибхууд̇аа буб̣б̣абад̇хаанабхууд̇аа. адтамам̣.
Tattha chindāti aniyamitaāṇatti. Sotanti taṇhāsotaṃ. Parakkammāti parakkamitvā vīriyaṃ katvā. Kāmeti kilesakāmepi vatthukāmepi. Panudāti nīhara. Ekattanti jhānaṃ. Idaṃ vuttaṃ hoti – kāme ajahitvā muni jhānaṃ na upapajjati, na paṭilabhatīti attho. Kayirā ce kayirāthenanti yadi vīriyaṃ kareyya, kareyyātha, taṃ vīriyaṃ na osakkeyya. Daḷhamenaṃ parakkameti daḷhaṃ enaṃ kareyya. Sithilo hi paribbājoti sithilagahitā pabbajjā. Bhiyyo ākirate rajanti atirekaṃ upari kilesarajaṃ ākirati. Akataṃ dukkaṭaṃ seyyoti dukkaṭaṃ akatameva seyyo. Yaṃ kiñcīti na kevalaṃ dukkaṭaṃ katvā katasāmaññameva, aññampi yaṃ kiñci sithilaṃ kataṃ evarūpameva hoti. Saṃkiliṭṭhanti dukkarakārikavataṃ. Imasmiṃ hi sāsane paccayahetu samādinnadhutaṅgavataṃ saṃkiliṭṭhameva. Saṅkassaranti saṅkāya saritaṃ, ‘‘idampi iminā kataṃ bhavissati, idampi iminā’’ti evaṃ āsaṅkitaparisaṅkitaṃ. Ādibrahmacariyikāti maggabrahmacariyassa ādibhūtā pubbapadhānabhūtā. Aṭṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. д̇ааяанасуд̇д̇ам̣ • 8. Tāyanasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. д̇ааяанасуд̇д̇аван̣н̣анаа • 8. Tāyanasuttavaṇṇanā
