| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. д̇ааяанасуд̇д̇аван̣н̣анаа
8. Tāyanasuttavaṇṇanā
89. ад̇ийд̇аж̇аад̇ияам̣ саяам̣гааравасзна д̇ааяа д̣̇идтияаа уббаад̣̇ид̇ад̇д̇аа буб̣б̣з д̇ид̇т̇агаро. д̇знааха ‘‘д̣̇идти уббаад̣̇зд̇ваа’’д̇и. абарз ааху ‘‘аяам̣ мз сад̇т̇аад̇и г̇ахан̣авасзна д̇ид̇т̇агаро асса ад̇т̇ийд̇и буб̣б̣з д̇ид̇т̇агаро, ад̇ийд̇ад̇д̇абхаавз д̇ид̇т̇агарасааваго’’д̇и. д̇з ‘‘д̣̇идтим̣ уббаад̣̇зд̇ваад̇и д̇асса сад̇т̇уно д̣̇идтим̣ аад̣̇ааяа г̇ахзд̇ваад̇и ад̇т̇о’’д̇и вад̣̇анд̇и. д̇ид̇т̇ам̣ наама д̣̇ваасадти д̣̇идтияо д̇аб̣б̣инимуд̇д̇асса мижчааваад̣̇асса абхаавад̇о. д̇ид̇т̇з нияуд̇д̇аад̇и д̇ид̇т̇игаа, д̇з зва д̇ид̇т̇ияаад̇и вуд̇д̇аа га-гаарасса яа-гаарам̣ гад̇ваа. д̇ассаад̇и яат̇аавуд̇д̇асса галяаан̣агаммасса. ниссанд̣̇знаад̇и палабхаавзна. вийрияаббадисам̣яуд̇д̇аад̇и вийрияад̣̇ийбанаад̇и ад̇т̇о.
89. Atītajātiyaṃ sayaṃkāravasena tāya diṭṭhiyā uppāditattā pubbe titthakaro. Tenāha ‘‘diṭṭhi uppādetvā’’ti. Apare āhu ‘‘ayaṃ me satthāti gahaṇavasena titthakaro assa atthīti pubbe titthakaro, atītattabhāve titthakarasāvako’’ti. Te ‘‘diṭṭhiṃ uppādetvāti tassa satthuno diṭṭhiṃ ādāya gahetvāti attho’’ti vadanti. Titthaṃ nāma dvāsaṭṭhi diṭṭhiyo tabbinimuttassa micchāvādassa abhāvato. Titthe niyuttāti titthikā, te eva titthiyāti vuttā ka-kārassa ya-kāraṃ katvā. Tassāti yathāvuttassa kalyāṇakammassa. Nissandenāti phalabhāvena. Vīriyappaṭisaṃyuttāti vīriyadīpanāti attho.
анияамид̇ааан̣ад̇д̇ийд̇и анияамавид̇хаанам̣ анияамавасзна вид̇хиважанам̣. д̇ан̣хаасод̇анд̇и д̇ан̣хааббаб̣анд̇ханам̣. нийхараад̇и самзхи баж̇аха. згад̇д̇анд̇и згаг̇г̇ам̣. д̇знааха ‘‘жхаана’’нд̇и. убабаж̇ж̇ад̇ийд̇и на уббаж̇ж̇ад̇и на баабун̣аад̇ийд̇и ааха ‘‘на бадилабхад̇ий’’д̇и. на осаггзяяаад̇и на сан̇гожам̣ аабаж̇ж̇зяяа. гхарааваасад̇о бариб̣б̣аж̇анам̣ барид̇о абаг̇амод̇и бариб̣б̣аж̇о. баб̣б̣аж̇ид̇авад̇асамаад̣̇аанасса ад̣̇ал̣хад̇ааяа жа д̇ад̇т̇а жа асаггажжагирияааяа сит̇илаг̇ахид̇аа. ад̇ирзганд̇и баб̣б̣аж̇ж̇ааяа буримагаалад̇оби ад̇хигам̣. убарийд̇и убаруубари. д̣̇уггадам̣ агад̇амзва сзяяод̇и д̣̇ужжарид̇ам̣ наама саб̣б̣зна саб̣б̣ам̣ агад̇амзва хид̇аавахам̣.
Aniyamitaāṇattīti aniyamavidhānaṃ aniyamavasena vidhivacanaṃ. Taṇhāsotanti taṇhāppabandhanaṃ. Nīharāti samehi pajaha. Ekattanti ekaggaṃ. Tenāha ‘‘jhāna’’nti. Upapajjatīti na uppajjati na pāpuṇātīti āha ‘‘na paṭilabhatī’’ti. Na osakkeyyāti na saṅkocaṃ āpajjeyya. Gharāvāsato paribbajanaṃ parito apagamoti paribbajo. Pabbajitavatasamādānassa adaḷhatāya ca tattha ca asakkaccakiriyāya sithilagahitā. Atirekanti pabbajjāya purimakālatopi adhikaṃ. Uparīti uparūpari. Dukkaṭaṃ akatameva seyyoti duccaritaṃ nāma sabbena sabbaṃ akatameva hitāvahaṃ.
яам̣ гин̃жийд̇и яам̣ гин̃жи гаммам̣. сит̇илам̣ гад̇анд̇и асаггажжагаарид̇ааяа сит̇илам̣ гад̇ваа бавад̇д̇ид̇ам̣. зваруубамзваад̇и зваруубам̣ бараамадтасааман̃н̃асад̣̇исамзва бажчаануд̇аабажарияаад̣̇ибадибхааг̇ад̇о. сам̣гилидтамзва д̇ан̣хаасам̣гилзсаубаггилидтад̇д̇аа. аасан̇гид̇абарисан̇гид̇анд̇иаад̣̇ид̇о саманд̇ад̇оби барзхи сан̇гид̇ам̣. б̣рахмажарияасса аад̣̇и аад̣̇иб̣рахмажарияам̣, д̇ад̇т̇а нияуд̇д̇аад̇и аад̣̇иб̣рахмажарияигаа, маг̇г̇аб̣рахмажарияасса буб̣б̣абхааг̇абадибад̣̇аад̇и ад̇т̇о. д̇знааха ‘‘маг̇г̇аб̣рахмажарияасса аад̣̇ибхууд̇аа’’д̇и. буб̣б̣абад̇хаанабхууд̇аад̇и батамаарамбхабхууд̇аа.
Yaṃ kiñcīti yaṃ kiñci kammaṃ. Sithilaṃ katanti asakkaccakāritāya sithilaṃ katvā pavattitaṃ. Evarūpamevāti evarūpaṃ parāmaṭṭhasāmaññasadisameva pacchānutāpacariyādipaṭibhāgato. Saṃkiliṭṭhameva taṇhāsaṃkilesaupakkiliṭṭhattā. Āsaṅkitaparisaṅkitantiādito samantatopi parehi saṅkitaṃ. Brahmacariyassa ādi ādibrahmacariyaṃ, tattha niyuttāti ādibrahmacariyikā, maggabrahmacariyassa pubbabhāgapaṭipadāti attho. Tenāha ‘‘maggabrahmacariyassa ādibhūtā’’ti. Pubbapadhānabhūtāti paṭhamārambhabhūtā.
д̇ааяанасуд̇д̇аван̣н̣анаа нидтид̇аа.
Tāyanasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. д̇ааяанасуд̇д̇ам̣ • 8. Tāyanasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. д̇ааяанасуд̇д̇аван̣н̣анаа • 8. Tāyanasuttavaṇṇanā
