| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਤਾਯਨਸੁਤ੍ਤવਣ੍ਣਨਾ
8. Tāyanasuttavaṇṇanā
੮੯. ਅਟ੍ਠਮੇ ਪੁਰਾਣਤਿਤ੍ਥਕਰੋਤਿ ਪੁਬ੍ਬੇ ਤਿਤ੍ਥਕਰੋ। ਏਤ੍ਥ ਚ ਤਿਤ੍ਥਂ ਨਾਮ ਦ੍વਾਸਟ੍ਠਿ ਦਿਟ੍ਠਿਯੋ, ਤਿਤ੍ਥਕਰੋ ਨਾਮ ਤਾਸਂ ਉਪ੍ਪਾਦਕੋ ਸਤ੍ਥਾ। ਸੇਯ੍ਯਥਿਦਂ ਨਨ੍ਦੋ, વਚ੍ਛੋ, ਕਿਸੋ, ਸਂਕਿਚ੍ਚੋ। ਪੁਰਾਣਾਦਯੋ ਪਨ ਤਿਤ੍ਥਿਯਾ ਨਾਮ। ਅਯਂ ਪਨ ਦਿਟ੍ਠਿਂ ਉਪ੍ਪਾਦੇਤ੍વਾ ਕਥਂ ਸਗ੍ਗੇ ਨਿਬ੍ਬਤ੍ਤੋਤਿ? ਕਮ੍ਮવਾਦਿਤਾਯ। ਏਸ ਕਿਰ ਉਪੋਸਥਭਤ੍ਤਾਦੀਨਿ ਅਦਾਸਿ, ਅਨਾਥਾਨਂ વਤ੍ਤਂ ਪਟ੍ਠਪੇਸਿ, ਪਤਿਸ੍ਸਯੇ ਅਕਾਸਿ, ਪੋਕ੍ਖਰਣਿਯੋ ਖਣਾਪੇਸਿ, ਅਞ੍ਞਮ੍ਪਿ ਬਹੁਂ ਕਲ੍ਯਾਣਂ ਅਕਾਸਿ। ਸੋ ਤਸ੍ਸ ਨਿਸ੍ਸਨ੍ਦੇਨ ਸਗ੍ਗੇ ਨਿਬ੍ਬਤ੍ਤੋ, ਸਾਸਨਸ੍ਸ ਪਨ ਨਿਯ੍ਯਾਨਿਕਭਾવਂ ਜਾਨਾਤਿ। ਸੋ ਤਥਾਗਤਸ੍ਸ ਸਨ੍ਤਿਕਂ ਗਨ੍ਤ੍વਾ ਸਾਸਨਾਨੁਚ੍ਛવਿਕਾ વੀਰਿਯਪ੍ਪਟਿਸਂਯੁਤ੍ਤਾ ਗਾਥਾ વਕ੍ਖਾਮੀਤਿ ਆਗਨ੍ਤ੍વਾ ਛਿਨ੍ਦ ਸੋਤਨ੍ਤਿਆਦਿਮਾਹ।
89. Aṭṭhame purāṇatitthakaroti pubbe titthakaro. Ettha ca titthaṃ nāma dvāsaṭṭhi diṭṭhiyo, titthakaro nāma tāsaṃ uppādako satthā. Seyyathidaṃ nando, vaccho, kiso, saṃkicco. Purāṇādayo pana titthiyā nāma. Ayaṃ pana diṭṭhiṃ uppādetvā kathaṃ sagge nibbattoti? Kammavāditāya. Esa kira uposathabhattādīni adāsi, anāthānaṃ vattaṃ paṭṭhapesi, patissaye akāsi, pokkharaṇiyo khaṇāpesi, aññampi bahuṃ kalyāṇaṃ akāsi. So tassa nissandena sagge nibbatto, sāsanassa pana niyyānikabhāvaṃ jānāti. So tathāgatassa santikaṃ gantvā sāsanānucchavikā vīriyappaṭisaṃyuttā gāthā vakkhāmīti āgantvā chinda sotantiādimāha.
ਤਤ੍ਥ ਛਿਨ੍ਦਾਤਿ ਅਨਿਯਮਿਤਆਣਤ੍ਤਿ। ਸੋਤਨ੍ਤਿ ਤਣ੍ਹਾਸੋਤਂ। ਪਰਕ੍ਕਮ੍ਮਾਤਿ ਪਰਕ੍ਕਮਿਤ੍વਾ વੀਰਿਯਂ ਕਤ੍વਾ। ਕਾਮੇਤਿ ਕਿਲੇਸਕਾਮੇਪਿ વਤ੍ਥੁਕਾਮੇਪਿ। ਪਨੁਦਾਤਿ ਨੀਹਰ। ਏਕਤ੍ਤਨ੍ਤਿ ਝਾਨਂ। ਇਦਂ વੁਤ੍ਤਂ ਹੋਤਿ – ਕਾਮੇ ਅਜਹਿਤ੍વਾ ਮੁਨਿ ਝਾਨਂ ਨ ਉਪਪਜ੍ਜਤਿ, ਨ ਪਟਿਲਭਤੀਤਿ ਅਤ੍ਥੋ। ਕਯਿਰਾ ਚੇ ਕਯਿਰਾਥੇਨਨ੍ਤਿ ਯਦਿ વੀਰਿਯਂ ਕਰੇਯ੍ਯ, ਕਰੇਯ੍ਯਾਥ, ਤਂ વੀਰਿਯਂ ਨ ਓਸਕ੍ਕੇਯ੍ਯ। ਦਲ਼੍ਹਮੇਨਂ ਪਰਕ੍ਕਮੇਤਿ ਦਲ਼੍ਹਂ ਏਨਂ ਕਰੇਯ੍ਯ। ਸਿਥਿਲੋ ਹਿ ਪਰਿਬ੍ਬਾਜੋਤਿ ਸਿਥਿਲਗਹਿਤਾ ਪਬ੍ਬਜ੍ਜਾ। ਭਿਯ੍ਯੋ ਆਕਿਰਤੇ ਰਜਨ੍ਤਿ ਅਤਿਰੇਕਂ ਉਪਰਿ ਕਿਲੇਸਰਜਂ ਆਕਿਰਤਿ। ਅਕਤਂ ਦੁਕ੍ਕਟਂ ਸੇਯ੍ਯੋਤਿ ਦੁਕ੍ਕਟਂ ਅਕਤਮੇવ ਸੇਯ੍ਯੋ। ਯਂ ਕਿਞ੍ਚੀਤਿ ਨ ਕੇવਲਂ ਦੁਕ੍ਕਟਂ ਕਤ੍વਾ ਕਤਸਾਮਞ੍ਞਮੇવ, ਅਞ੍ਞਮ੍ਪਿ ਯਂ ਕਿਞ੍ਚਿ ਸਿਥਿਲਂ ਕਤਂ ਏવਰੂਪਮੇવ ਹੋਤਿ। ਸਂਕਿਲਿਟ੍ਠਨ੍ਤਿ ਦੁਕ੍ਕਰਕਾਰਿਕવਤਂ। ਇਮਸ੍ਮਿਂ ਹਿ ਸਾਸਨੇ ਪਚ੍ਚਯਹੇਤੁ ਸਮਾਦਿਨ੍ਨਧੁਤਙ੍ਗવਤਂ ਸਂਕਿਲਿਟ੍ਠਮੇવ। ਸਙ੍ਕਸ੍ਸਰਨ੍ਤਿ ਸਙ੍ਕਾਯ ਸਰਿਤਂ, ‘‘ਇਦਮ੍ਪਿ ਇਮਿਨਾ ਕਤਂ ਭવਿਸ੍ਸਤਿ, ਇਦਮ੍ਪਿ ਇਮਿਨਾ’’ਤਿ ਏવਂ ਆਸਙ੍ਕਿਤਪਰਿਸਙ੍ਕਿਤਂ। ਆਦਿਬ੍ਰਹ੍ਮਚਰਿਯਿਕਾਤਿ ਮਗ੍ਗਬ੍ਰਹ੍ਮਚਰਿਯਸ੍ਸ ਆਦਿਭੂਤਾ ਪੁਬ੍ਬਪਧਾਨਭੂਤਾ। ਅਟ੍ਠਮਂ।
Tattha chindāti aniyamitaāṇatti. Sotanti taṇhāsotaṃ. Parakkammāti parakkamitvā vīriyaṃ katvā. Kāmeti kilesakāmepi vatthukāmepi. Panudāti nīhara. Ekattanti jhānaṃ. Idaṃ vuttaṃ hoti – kāme ajahitvā muni jhānaṃ na upapajjati, na paṭilabhatīti attho. Kayirā ce kayirāthenanti yadi vīriyaṃ kareyya, kareyyātha, taṃ vīriyaṃ na osakkeyya. Daḷhamenaṃ parakkameti daḷhaṃ enaṃ kareyya. Sithilo hi paribbājoti sithilagahitā pabbajjā. Bhiyyo ākirate rajanti atirekaṃ upari kilesarajaṃ ākirati. Akataṃ dukkaṭaṃ seyyoti dukkaṭaṃ akatameva seyyo. Yaṃ kiñcīti na kevalaṃ dukkaṭaṃ katvā katasāmaññameva, aññampi yaṃ kiñci sithilaṃ kataṃ evarūpameva hoti. Saṃkiliṭṭhanti dukkarakārikavataṃ. Imasmiṃ hi sāsane paccayahetu samādinnadhutaṅgavataṃ saṃkiliṭṭhameva. Saṅkassaranti saṅkāya saritaṃ, ‘‘idampi iminā kataṃ bhavissati, idampi iminā’’ti evaṃ āsaṅkitaparisaṅkitaṃ. Ādibrahmacariyikāti maggabrahmacariyassa ādibhūtā pubbapadhānabhūtā. Aṭṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਤਾਯਨਸੁਤ੍ਤਂ • 8. Tāyanasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਤਾਯਨਸੁਤ੍ਤવਣ੍ਣਨਾ • 8. Tāyanasuttavaṇṇanā
