| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੮. ਤਾਯਨਸੁਤ੍ਤવਣ੍ਣਨਾ
8. Tāyanasuttavaṇṇanā
੮੯. ਅਤੀਤਜਾਤਿਯਂ ਸਯਂਕਾਰવਸੇਨ ਤਾਯ ਦਿਟ੍ਠਿਯਾ ਉਪ੍ਪਾਦਿਤਤ੍ਤਾ ਪੁਬ੍ਬੇ ਤਿਤ੍ਥਕਰੋ। ਤੇਨਾਹ ‘‘ਦਿਟ੍ਠਿ ਉਪ੍ਪਾਦੇਤ੍વਾ’’ਤਿ। ਅਪਰੇ ਆਹੁ ‘‘ਅਯਂ ਮੇ ਸਤ੍ਥਾਤਿ ਗਹਣવਸੇਨ ਤਿਤ੍ਥਕਰੋ ਅਸ੍ਸ ਅਤ੍ਥੀਤਿ ਪੁਬ੍ਬੇ ਤਿਤ੍ਥਕਰੋ, ਅਤੀਤਤ੍ਤਭਾવੇ ਤਿਤ੍ਥਕਰਸਾવਕੋ’’ਤਿ। ਤੇ ‘‘ਦਿਟ੍ਠਿਂ ਉਪ੍ਪਾਦੇਤ੍વਾਤਿ ਤਸ੍ਸ ਸਤ੍ਥੁਨੋ ਦਿਟ੍ਠਿਂ ਆਦਾਯ ਗਹੇਤ੍વਾਤਿ ਅਤ੍ਥੋ’’ਤਿ વਦਨ੍ਤਿ। ਤਿਤ੍ਥਂ ਨਾਮ ਦ੍વਾਸਟ੍ਠਿ ਦਿਟ੍ਠਿਯੋ ਤਬ੍ਬਿਨਿਮੁਤ੍ਤਸ੍ਸ ਮਿਚ੍ਛਾવਾਦਸ੍ਸ ਅਭਾવਤੋ। ਤਿਤ੍ਥੇ ਨਿਯੁਤ੍ਤਾਤਿ ਤਿਤ੍ਥਿਕਾ, ਤੇ ਏવ ਤਿਤ੍ਥਿਯਾਤਿ વੁਤ੍ਤਾ ਕ-ਕਾਰਸ੍ਸ ਯ-ਕਾਰਂ ਕਤ੍વਾ। ਤਸ੍ਸਾਤਿ ਯਥਾવੁਤ੍ਤਸ੍ਸ ਕਲ੍ਯਾਣਕਮ੍ਮਸ੍ਸ। ਨਿਸ੍ਸਨ੍ਦੇਨਾਤਿ ਫਲਭਾવੇਨ। વੀਰਿਯਪ੍ਪਟਿਸਂਯੁਤ੍ਤਾਤਿ વੀਰਿਯਦੀਪਨਾਤਿ ਅਤ੍ਥੋ।
89. Atītajātiyaṃ sayaṃkāravasena tāya diṭṭhiyā uppāditattā pubbe titthakaro. Tenāha ‘‘diṭṭhi uppādetvā’’ti. Apare āhu ‘‘ayaṃ me satthāti gahaṇavasena titthakaro assa atthīti pubbe titthakaro, atītattabhāve titthakarasāvako’’ti. Te ‘‘diṭṭhiṃ uppādetvāti tassa satthuno diṭṭhiṃ ādāya gahetvāti attho’’ti vadanti. Titthaṃ nāma dvāsaṭṭhi diṭṭhiyo tabbinimuttassa micchāvādassa abhāvato. Titthe niyuttāti titthikā, te eva titthiyāti vuttā ka-kārassa ya-kāraṃ katvā. Tassāti yathāvuttassa kalyāṇakammassa. Nissandenāti phalabhāvena. Vīriyappaṭisaṃyuttāti vīriyadīpanāti attho.
ਅਨਿਯਮਿਤਆਣਤ੍ਤੀਤਿ ਅਨਿਯਮવਿਧਾਨਂ ਅਨਿਯਮવਸੇਨ વਿਧਿવਚਨਂ। ਤਣ੍ਹਾਸੋਤਨ੍ਤਿ ਤਣ੍ਹਾਪ੍ਪਬਨ੍ਧਨਂ। ਨੀਹਰਾਤਿ ਸਮੇਹਿ ਪਜਹ। ਏਕਤ੍ਤਨ੍ਤਿ ਏਕਗ੍ਗਂ। ਤੇਨਾਹ ‘‘ਝਾਨ’’ਨ੍ਤਿ। ਉਪਪਜ੍ਜਤੀਤਿ ਨ ਉਪ੍ਪਜ੍ਜਤਿ ਨ ਪਾਪੁਣਾਤੀਤਿ ਆਹ ‘‘ਨ ਪਟਿਲਭਤੀ’’ਤਿ। ਨ ਓਸਕ੍ਕੇਯ੍ਯਾਤਿ ਨ ਸਙ੍ਕੋਚਂ ਆਪਜ੍ਜੇਯ੍ਯ। ਘਰਾવਾਸਤੋ ਪਰਿਬ੍ਬਜਨਂ ਪਰਿਤੋ ਅਪਗਮੋਤਿ ਪਰਿਬ੍ਬਜੋ। ਪਬ੍ਬਜਿਤવਤਸਮਾਦਾਨਸ੍ਸ ਅਦਲ਼੍ਹਤਾਯ ਚ ਤਤ੍ਥ ਚ ਅਸਕ੍ਕਚ੍ਚਕਿਰਿਯਾਯ ਸਿਥਿਲਗਹਿਤਾ। ਅਤਿਰੇਕਨ੍ਤਿ ਪਬ੍ਬਜ੍ਜਾਯ ਪੁਰਿਮਕਾਲਤੋਪਿ ਅਧਿਕਂ। ਉਪਰੀਤਿ ਉਪਰੂਪਰਿ। ਦੁਕ੍ਕਟਂ ਅਕਤਮੇવ ਸੇਯ੍ਯੋਤਿ ਦੁਚ੍ਚਰਿਤਂ ਨਾਮ ਸਬ੍ਬੇਨ ਸਬ੍ਬਂ ਅਕਤਮੇવ ਹਿਤਾવਹਂ।
Aniyamitaāṇattīti aniyamavidhānaṃ aniyamavasena vidhivacanaṃ. Taṇhāsotanti taṇhāppabandhanaṃ. Nīharāti samehi pajaha. Ekattanti ekaggaṃ. Tenāha ‘‘jhāna’’nti. Upapajjatīti na uppajjati na pāpuṇātīti āha ‘‘na paṭilabhatī’’ti. Na osakkeyyāti na saṅkocaṃ āpajjeyya. Gharāvāsato paribbajanaṃ parito apagamoti paribbajo. Pabbajitavatasamādānassa adaḷhatāya ca tattha ca asakkaccakiriyāya sithilagahitā. Atirekanti pabbajjāya purimakālatopi adhikaṃ. Uparīti uparūpari. Dukkaṭaṃ akatameva seyyoti duccaritaṃ nāma sabbena sabbaṃ akatameva hitāvahaṃ.
ਯਂ ਕਿਞ੍ਚੀਤਿ ਯਂ ਕਿਞ੍ਚਿ ਕਮ੍ਮਂ। ਸਿਥਿਲਂ ਕਤਨ੍ਤਿ ਅਸਕ੍ਕਚ੍ਚਕਾਰਿਤਾਯ ਸਿਥਿਲਂ ਕਤ੍વਾ ਪવਤ੍ਤਿਤਂ। ਏવਰੂਪਮੇવਾਤਿ ਏવਰੂਪਂ ਪਰਾਮਟ੍ਠਸਾਮਞ੍ਞਸਦਿਸਮੇવ ਪਚ੍ਛਾਨੁਤਾਪਚਰਿਯਾਦਿਪਟਿਭਾਗਤੋ। ਸਂਕਿਲਿਟ੍ਠਮੇવ ਤਣ੍ਹਾਸਂਕਿਲੇਸਉਪਕ੍ਕਿਲਿਟ੍ਠਤ੍ਤਾ। ਆਸਙ੍ਕਿਤਪਰਿਸਙ੍ਕਿਤਨ੍ਤਿਆਦਿਤੋ ਸਮਨ੍ਤਤੋਪਿ ਪਰੇਹਿ ਸਙ੍ਕਿਤਂ। ਬ੍ਰਹ੍ਮਚਰਿਯਸ੍ਸ ਆਦਿ ਆਦਿਬ੍ਰਹ੍ਮਚਰਿਯਂ, ਤਤ੍ਥ ਨਿਯੁਤ੍ਤਾਤਿ ਆਦਿਬ੍ਰਹ੍ਮਚਰਿਯਿਕਾ, ਮਗ੍ਗਬ੍ਰਹ੍ਮਚਰਿਯਸ੍ਸ ਪੁਬ੍ਬਭਾਗਪਟਿਪਦਾਤਿ ਅਤ੍ਥੋ। ਤੇਨਾਹ ‘‘ਮਗ੍ਗਬ੍ਰਹ੍ਮਚਰਿਯਸ੍ਸ ਆਦਿਭੂਤਾ’’ਤਿ। ਪੁਬ੍ਬਪਧਾਨਭੂਤਾਤਿ ਪਠਮਾਰਮ੍ਭਭੂਤਾ।
Yaṃ kiñcīti yaṃ kiñci kammaṃ. Sithilaṃ katanti asakkaccakāritāya sithilaṃ katvā pavattitaṃ. Evarūpamevāti evarūpaṃ parāmaṭṭhasāmaññasadisameva pacchānutāpacariyādipaṭibhāgato. Saṃkiliṭṭhameva taṇhāsaṃkilesaupakkiliṭṭhattā. Āsaṅkitaparisaṅkitantiādito samantatopi parehi saṅkitaṃ. Brahmacariyassa ādi ādibrahmacariyaṃ, tattha niyuttāti ādibrahmacariyikā, maggabrahmacariyassa pubbabhāgapaṭipadāti attho. Tenāha ‘‘maggabrahmacariyassa ādibhūtā’’ti. Pubbapadhānabhūtāti paṭhamārambhabhūtā.
ਤਾਯਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Tāyanasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਤਾਯਨਸੁਤ੍ਤਂ • 8. Tāyanasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਤਾਯਨਸੁਤ੍ਤવਣ੍ਣਨਾ • 8. Tāyanasuttavaṇṇanā
