| Library / Tipiṭaka / திபிடக • Tipiṭaka / த⁴ம்மஸங்க³ணீ-அனுடீகா • Dhammasaṅgaṇī-anuṭīkā |
தேபூ⁴மககுஸலவண்ணனா
Tebhūmakakusalavaṇṇanā
269. ஸத்தஹி மஹாவாரேஹீதி படிச்சஸஹஜாதபச்சயனிஸ்ஸயஸங்ஸட்ட²ஸம்பயுத்தபஞ்ஹாவாரேஹி அனுலோமபச்சனீயஅனுலோமபச்சனீயபச்சனீயானுலோமாதி³னயா அனுலோமாதி³னயா. பா⁴ரத்³வாஜகோ³தமாத³யோ அட்ட²சத்தாலீஸ லோகே கொ³த்தானி மூலபூ⁴தானி, ததா² கட்ட²கலாபாத³யோ அட்ட²சத்தாலீஸேவ சரணானீதி ஆஹ ‘‘அட்ட²சத்தாலீஸ’’ந்திஆதி³. தத்த² தேஸந்தி ப⁴ப்³பா³ப⁴ப்³பா³னங். த்³வாரஸீஸேன த்³வாரவந்தானி க³ய்ஹந்தீதி அதி⁴ப்பாயேனாஹ ‘‘தங்தங்த்³வாரானி வா காயாதீ³னீ’’தி. அசித்தீகாரேன வா கதங் ஹீனங், அஜ்ஜு²பெக்க²னேன கதங் மஜ்ஜி²மங், ஸக்கச்சகதங் பணீதங். ஆமிஸகிஞ்ஜக்கா²தி³ஹேது வா கதங் ஹீனங், புஞ்ஞப²லகாமதாய கதங் மஜ்ஜி²மங், கத்தப்³ப³மிச்சேவ அரியபா⁴வே டி²தேன கதங் பணீதங். ப⁴வஸம்பத்திலோபே⁴ன வா பவத்திதங் ஹீனங், அலோப⁴ஜ்ஜா²ஸயேன பவத்திதங் மஜ்ஜி²மங், பரஹிதாய பவத்திதங் பணீதங். பரித்தகதங் வா ஹீனங், மத்தஸோ கதங் மஜ்ஜி²மங், அதி⁴மத்தஸோ கதங் பணீதங். மஹக்³க³தேஸு பன படிலத்³த⁴மத்தங் ஹீனங், நாதிஸுபா⁴விதங் மஜ்ஜி²மங், ஸுபா⁴விதங் வஸிப்பத்தங் பணீதங். இமேஸுபி ஏகேகஸ்ஸ ஹீனாதி³கஸ்ஸ ஆயூஹனநானத்தாதி³வஸேன ஹீனாதி³பே⁴தோ³ லப்³ப⁴தியேவாதி த³ட்ட²ப்³ப³ங். ஸம்பயுத்தத⁴ம்மானங் வஸேனாதி யோ சித்தப்பபா⁴விதோ சித்தஸம்பயுத்தானங் சித்தாதி⁴பதெய்யபா⁴வோ, ஸோ தங்னிமித்தே சித்தே உபசரிதோதி ஏவங் வா எத்த² அத்தோ².
269. Sattahimahāvārehīti paṭiccasahajātapaccayanissayasaṃsaṭṭhasampayuttapañhāvārehi anulomapaccanīyaanulomapaccanīyapaccanīyānulomādinayā anulomādinayā. Bhāradvājagotamādayo aṭṭhacattālīsa loke gottāni mūlabhūtāni, tathā kaṭṭhakalāpādayo aṭṭhacattālīseva caraṇānīti āha ‘‘aṭṭhacattālīsa’’ntiādi. Tattha tesanti bhabbābhabbānaṃ. Dvārasīsena dvāravantāni gayhantīti adhippāyenāha ‘‘taṃtaṃdvārāni vā kāyādīnī’’ti. Acittīkārena vā kataṃ hīnaṃ, ajjhupekkhanena kataṃ majjhimaṃ, sakkaccakataṃ paṇītaṃ. Āmisakiñjakkhādihetu vā kataṃ hīnaṃ, puññaphalakāmatāya kataṃ majjhimaṃ, kattabbamicceva ariyabhāve ṭhitena kataṃ paṇītaṃ. Bhavasampattilobhena vā pavattitaṃ hīnaṃ, alobhajjhāsayena pavattitaṃ majjhimaṃ, parahitāya pavattitaṃ paṇītaṃ. Parittakataṃ vā hīnaṃ, mattaso kataṃ majjhimaṃ, adhimattaso kataṃ paṇītaṃ. Mahaggatesu pana paṭiladdhamattaṃ hīnaṃ, nātisubhāvitaṃ majjhimaṃ, subhāvitaṃ vasippattaṃ paṇītaṃ. Imesupi ekekassa hīnādikassa āyūhananānattādivasena hīnādibhedo labbhatiyevāti daṭṭhabbaṃ. Sampayuttadhammānaṃ vasenāti yo cittappabhāvito cittasampayuttānaṃ cittādhipateyyabhāvo, so taṃnimitte citte upacaritoti evaṃ vā ettha attho.
தேபூ⁴மககுஸலவண்ணனா நிட்டி²தா.
Tebhūmakakusalavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / தேபூ⁴மககுஸலங் • Tebhūmakakusalaṃ
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā / தேபூ⁴மககுஸலவண்ணனா • Tebhūmakakusalavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā / தேபூ⁴மககுஸலவண்ணனா • Tebhūmakakusalavaṇṇanā
