| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
д̇збхуумагагусалаван̣н̣анаа
Tebhūmakakusalavaṇṇanā
269. ид̣̇аани яасмаа саб̣б̣аанибзд̇аани д̇збхуумагагусалаани хийнаад̣̇инаа бабхзд̣̇зна вад̇д̇анд̇и, д̇асмаа д̇зсам̣ д̇ам̣ бабхзд̣̇ам̣ д̣̇ассзд̇ум̣ буна гад̇амз д̇хаммаа гусалаад̇иаад̣̇и аарад̣̇д̇хам̣. д̇ад̇т̇а хийнанд̇и лаамагам̣. д̇ам̣ ааяууханавасзна взд̣̇ид̇аб̣б̣ам̣. хийнуд̇д̇амаанам̣ маж̇жхз бхавам̣ маж̇жхимам̣. бад̇хаанабхаавам̣ нийд̇ам̣ бан̣ийд̇ам̣, уд̇д̇аманд̇и ад̇т̇о. д̇ааниби ааяууханавасзнзва взд̣̇ид̇аб̣б̣аани. яасса хи ааяууханагкан̣з чанд̣̇о ваа хийно ход̇и, вийрияам̣ ваа, жид̇д̇ам̣ ваа, виймам̣саа ваа, д̇ам̣ хийнам̣ наама. яасса д̇з д̇хаммаа маж̇жхимаа жзва бан̣ийд̇аа, жа д̇ам̣ маж̇жхиман̃жзва бан̣ийд̇ан̃жа. яам̣ бана гад̇д̇угаамад̇аасан̇каад̇ам̣ чанд̣̇ам̣ д̇хурам̣ чанд̣̇ам̣ ж̇здтагам̣ чанд̣̇ам̣ буб̣б̣ан̇г̇амам̣ гад̇ваа ааяуухид̇ам̣, д̇ам̣ чанд̣̇аад̇хибад̇ид̇о ааг̇ад̇ад̇д̇аа чанд̣̇аад̇хибад̇зяяам̣ наама. вийрияаад̇хибад̇зяяаад̣̇ийсуби зсзва наяо.
269. Idāni yasmā sabbānipetāni tebhūmakakusalāni hīnādinā pabhedena vattanti, tasmā tesaṃ taṃ pabhedaṃ dassetuṃ puna katame dhammā kusalātiādi āraddhaṃ. Tattha hīnanti lāmakaṃ. Taṃ āyūhanavasena veditabbaṃ. Hīnuttamānaṃ majjhe bhavaṃ majjhimaṃ. Padhānabhāvaṃ nītaṃ paṇītaṃ, uttamanti attho. Tānipi āyūhanavaseneva veditabbāni. Yassa hi āyūhanakkhaṇe chando vā hīno hoti, vīriyaṃ vā, cittaṃ vā, vīmaṃsā vā, taṃ hīnaṃ nāma. Yassa te dhammā majjhimā ceva paṇītā, ca taṃ majjhimañceva paṇītañca. Yaṃ pana kattukāmatāsaṅkhātaṃ chandaṃ dhuraṃ chandaṃ jeṭṭhakaṃ chandaṃ pubbaṅgamaṃ katvā āyūhitaṃ, taṃ chandādhipatito āgatattā chandādhipateyyaṃ nāma. Vīriyādhipateyyādīsupi eseva nayo.
имасмим̣ бана таанз тад̇ваа наяаа г̇ан̣зд̇аб̣б̣аа. саб̣б̣абатамам̣ вибхад̇д̇о хи зго наяо, хийнанд̇и зго, маж̇жхиманд̇и зго, бан̣ийд̇анд̇и зго, чанд̣̇аад̇хибад̇зяяанд̇и зго. имз д̇аава чанд̣̇аад̇хибад̇зяяз бан̃жа наяаа. звам̣ вийрияаад̇хибад̇зяяаад̣̇ийсубийд̇и жад̇д̇ааро бан̃жагаа вийсад̇и хонд̇и. буримо ваа зго суд̣̇д̇хиганаяо, хийнанд̇иаад̣̇аяо д̇аяо, чанд̣̇аад̇хибад̇зяяанд̇иаад̣̇аяо жад̇д̇ааро, чанд̣̇аад̇хибад̇зяяам̣ хийнанд̇иаад̣̇аяо д̣̇ваад̣̇асаад̇и звамби вийсад̇и наяаа хонд̇и.
Imasmiṃ pana ṭhāne ṭhatvā nayā gaṇetabbā. Sabbapaṭhamaṃ vibhatto hi eko nayo, hīnanti eko, majjhimanti eko, paṇītanti eko, chandādhipateyyanti eko. Ime tāva chandādhipateyye pañca nayā. Evaṃ vīriyādhipateyyādīsupīti cattāro pañcakā vīsati honti. Purimo vā eko suddhikanayo, hīnantiādayo tayo, chandādhipateyyantiādayo cattāro, chandādhipateyyaṃ hīnantiādayo dvādasāti evampi vīsati nayā honti.
имз вийсад̇и махаанаяаа гад̇т̇а вибхад̇д̇аад̇и? махаабагаран̣з (бадтаа. 2.14.1) хийнад̇д̇игз вибхад̇д̇аа. имасмим̣ бана таанз хийнад̇д̇игад̇о маж̇жхимараасим̣ г̇ахзд̇ваа хийнамаж̇жхимабан̣ийд̇авасзна д̇аяо годтаасаа гаад̇аб̣б̣аа. д̇ад̇оби маж̇жхимараасим̣ табзд̇ваа хийнабан̣ийд̇з г̇ахзд̇ваа нава нава годтаасаа гаад̇аб̣б̣аа. хийнасмим̣язва хи хийнам̣ ад̇т̇и маж̇жхимам̣ ад̇т̇и бан̣ийд̇ам̣ ад̇т̇и. бан̣ийд̇асмимби хийнам̣ ад̇т̇и маж̇жхимам̣ ад̇т̇и бан̣ийд̇ам̣ ад̇т̇и. д̇ат̇аа хийнахийнасмим̣ хийнам̣, хийнахийнасмим̣ маж̇жхимам̣, хийнахийнасмим̣ бан̣ийд̇ам̣. хийнамаж̇жхимасмим̣ хийнам̣, хийнамаж̇жхимасмим̣ маж̇жхимам̣, хийнамаж̇жхимасмим̣ бан̣ийд̇ам̣. хийнабан̣ийд̇асмим̣ хийнам̣, хийнабан̣ийд̇асмим̣ маж̇жхимам̣, хийнабан̣ийд̇асмим̣ бан̣ийд̇анд̇и аяамзго наваго. бан̣ийд̇ахийнасмимби хийнам̣ наама ад̇т̇и, бан̣ийд̇ахийнасмим̣ маж̇жхимам̣, бан̣ийд̇ахийнасмим̣ бан̣ийд̇ам̣. д̇ат̇аа бан̣ийд̇амаж̇жхимасмим̣ хийнам̣, бан̣ийд̇амаж̇жхимасмим̣ маж̇жхимам̣, бан̣ийд̇амаж̇жхимасмим̣ бан̣ийд̇ам̣. бан̣ийд̇абан̣ийд̇асмим̣ хийнам̣, бан̣ийд̇абан̣ийд̇асмим̣ маж̇жхимам̣, бан̣ийд̇абан̣ийд̇асмим̣ бан̣ийд̇анд̇и. аяам̣ д̣̇уд̇ияо навагод̇и д̣̇вз навагаа адтаараса. имаани адтаараса гаммад̣̇ваараани наама . имзхи бабхаавид̇ад̇д̇аа , имзсам̣ васзна, адтаараса кад̇д̇ияаа, адтаараса б̣раахман̣аа, адтаараса взссаа, адтаараса суд̣̇д̣̇аа, адтажад̇д̇аалийса г̇од̇д̇ажаран̣аани взд̣̇ид̇аб̣б̣аани.
Ime vīsati mahānayā kattha vibhattāti? Mahāpakaraṇe (paṭṭhā. 2.14.1) hīnattike vibhattā. Imasmiṃ pana ṭhāne hīnattikato majjhimarāsiṃ gahetvā hīnamajjhimapaṇītavasena tayo koṭṭhāsā kātabbā. Tatopi majjhimarāsiṃ ṭhapetvā hīnapaṇīte gahetvā nava nava koṭṭhāsā kātabbā. Hīnasmiṃyeva hi hīnaṃ atthi majjhimaṃ atthi paṇītaṃ atthi. Paṇītasmimpi hīnaṃ atthi majjhimaṃ atthi paṇītaṃ atthi. Tathā hīnahīnasmiṃ hīnaṃ, hīnahīnasmiṃ majjhimaṃ, hīnahīnasmiṃ paṇītaṃ. Hīnamajjhimasmiṃ hīnaṃ, hīnamajjhimasmiṃ majjhimaṃ, hīnamajjhimasmiṃ paṇītaṃ. Hīnapaṇītasmiṃ hīnaṃ, hīnapaṇītasmiṃ majjhimaṃ, hīnapaṇītasmiṃ paṇītanti ayameko navako. Paṇītahīnasmimpi hīnaṃ nāma atthi, paṇītahīnasmiṃ majjhimaṃ, paṇītahīnasmiṃ paṇītaṃ. Tathā paṇītamajjhimasmiṃ hīnaṃ, paṇītamajjhimasmiṃ majjhimaṃ, paṇītamajjhimasmiṃ paṇītaṃ. Paṇītapaṇītasmiṃ hīnaṃ, paṇītapaṇītasmiṃ majjhimaṃ, paṇītapaṇītasmiṃ paṇītanti. Ayaṃ dutiyo navakoti dve navakā aṭṭhārasa. Imāni aṭṭhārasa kammadvārāni nāma . Imehi pabhāvitattā , imesaṃ vasena, aṭṭhārasa khattiyā, aṭṭhārasa brāhmaṇā, aṭṭhārasa vessā, aṭṭhārasa suddā, aṭṭhacattālīsa gottacaraṇāni veditabbāni.
имзсу жа бана д̇збхуумагзсу гусалзсу гаамааважарагусалам̣ д̇ихзд̇угамби д̣̇ухзд̇угамби ход̇и н̃аан̣асамбаяуд̇д̇авиббаяуд̇д̇авасзна. руубааважарааруубааважарам̣ бана д̇ихзд̇угамзва н̃аан̣асамбаяуд̇д̇амзва. гаамааважарамбзд̇т̇а ад̇хибад̇инаа сахааби уббаж̇ж̇ад̇и винааби. руубааважарааруубааважарам̣ ад̇хибад̇исамбаннамзва ход̇и. гаамааважарагусалз жзд̇т̇а аарамман̣аад̇хибад̇и сахаж̇аад̇аад̇хибад̇ийд̇и д̣̇взби ад̇хибад̇аяо лаб̣бханд̇и. руубааважарааруубааважарзсу аарамман̣аад̇хибад̇и на лаб̣бхад̇и, сахаж̇аад̇аад̇хибад̇иязва лаб̣бхад̇и. д̇ад̇т̇а жид̇д̇асса жид̇д̇аад̇хибад̇зяяабхааво самбаяуд̇д̇ад̇хаммаанам̣ васзна вуд̇д̇о. д̣̇виннам̣ бана жид̇д̇аанам̣ згад̇о абхаавзна самбаяуд̇д̇ажид̇д̇асса жид̇д̇аад̇хибад̇и наама над̇т̇и. д̇ат̇аа чанд̣̇аад̣̇ийнам̣ чанд̣̇аад̇хибад̇иаад̣̇аяо. гзжи бана ‘сажз жид̇д̇авад̇о гусалам̣ ход̇и, маяхам̣ бхависсад̇ийд̇и звам̣ яам̣ жид̇д̇ам̣ д̇хурам̣ гад̇ваа ж̇здтагам̣ гад̇ваа абарам̣ гусалажид̇д̇ам̣ ааяуухид̇ам̣, д̇асса д̇ам̣ буримажид̇д̇ам̣ жид̇д̇аад̇хибад̇и наама ход̇и, д̇ад̇о ааг̇ад̇ад̇д̇аа ид̣̇ам̣ жид̇д̇аад̇хибад̇зяяам̣ наамаа’д̇и звам̣ ааг̇аманавасзнааби ад̇хибад̇им̣ наама ижчанд̇и. аяам̣ бана наяо нзва баал̣ияам̣ на адтагат̇ааяам̣ д̣̇иссад̇и. д̇асмаа вуд̇д̇анаязнзва ад̇хибад̇ибхааво взд̣̇ид̇аб̣б̣о. имзсу жа згуунавийсад̇ияаа махаанаязсу буримз суд̣̇д̇хиганаяз вуд̇д̇абаримаан̣аанзва жид̇д̇аани жа навагаа жа баатаваараа жа хонд̇и. д̇асмаа н̃аан̣асамбаяуд̇д̇зсу вуд̇д̇абаримаан̣ад̇о вийсад̇иг̇ун̣о жид̇д̇анавагаваарабхзд̣̇о взд̣̇ид̇аб̣б̣о, жад̇уусу н̃аан̣авиббаяуд̇д̇зсу сол̣асаг̇ун̣од̇и, аяам̣ д̇збхуумагагусалз багин̣н̣агагат̇аа наамаад̇и.
Imesu ca pana tebhūmakesu kusalesu kāmāvacarakusalaṃ tihetukampi duhetukampi hoti ñāṇasampayuttavippayuttavasena. Rūpāvacarārūpāvacaraṃ pana tihetukameva ñāṇasampayuttameva. Kāmāvacarampettha adhipatinā sahāpi uppajjati vināpi. Rūpāvacarārūpāvacaraṃ adhipatisampannameva hoti. Kāmāvacarakusale cettha ārammaṇādhipati sahajātādhipatīti dvepi adhipatayo labbhanti. Rūpāvacarārūpāvacaresu ārammaṇādhipati na labbhati, sahajātādhipatiyeva labbhati. Tattha cittassa cittādhipateyyabhāvo sampayuttadhammānaṃ vasena vutto. Dvinnaṃ pana cittānaṃ ekato abhāvena sampayuttacittassa cittādhipati nāma natthi. Tathā chandādīnaṃ chandādhipatiādayo. Keci pana ‘sace cittavato kusalaṃ hoti, mayhaṃ bhavissatīti evaṃ yaṃ cittaṃ dhuraṃ katvā jeṭṭhakaṃ katvā aparaṃ kusalacittaṃ āyūhitaṃ, tassa taṃ purimacittaṃ cittādhipati nāma hoti, tato āgatattā idaṃ cittādhipateyyaṃ nāmā’ti evaṃ āgamanavasenāpi adhipatiṃ nāma icchanti. Ayaṃ pana nayo neva pāḷiyaṃ na aṭṭhakathāyaṃ dissati. Tasmā vuttanayeneva adhipatibhāvo veditabbo. Imesu ca ekūnavīsatiyā mahānayesu purime suddhikanaye vuttaparimāṇāneva cittāni ca navakā ca pāṭhavārā ca honti. Tasmā ñāṇasampayuttesu vuttaparimāṇato vīsatiguṇo cittanavakavārabhedo veditabbo, catūsu ñāṇavippayuttesu soḷasaguṇoti, ayaṃ tebhūmakakusale pakiṇṇakakathā nāmāti.
д̇збхуумагагусалам̣.
Tebhūmakakusalaṃ.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̇збхуумагагусалам̣ • Tebhūmakakusalaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / д̇збхуумагагусалаван̣н̣анаа • Tebhūmakakusalavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / д̇збхуумагагусалаван̣н̣анаа • Tebhūmakakusalavaṇṇanā
