| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
д̇збхуумагагусалаван̣н̣анаа
Tebhūmakakusalavaṇṇanā
269. имз д̇аава чанд̣̇аад̇хибад̇зяяз бан̃жа наяаад̇и чанд̣̇аад̇хибад̇зяяанаяз анд̇з буриманаяаанам̣ д̇ам̣наяаабхимукаббавад̇д̇им̣ санд̇хааяа вуд̇д̇ам̣, аяам̣ бана багааро на баал̣иануг̇ад̇о. на хи баал̣ияам̣ суд̣̇д̇хиганаяаад̣̇аяо вад̇ваа вийрияаад̇хибад̇зяяаад̣̇инаяаа вуд̇д̇аад̇и. махаабагаран̣з сад̇д̇ахи махааваарзхи ануломаад̣̇инаяавижид̇д̇зхи хийнад̇д̇иго вибхад̇д̇о. д̇ад̇т̇а жа маж̇жхимад̇хаммзгад̣̇зсабхууд̇аа имз вийсад̇и логияамахаанаяаад̇и гад̇ваа ‘‘д̇ад̇т̇а вибхад̇д̇аа’’д̇и вуд̇д̇ам̣, на зд̇зна гамзна имзсам̣ наяаанам̣ д̇ад̇т̇а ааг̇ад̇ад̇д̇аа.
269. Imetāva chandādhipateyye pañca nayāti chandādhipateyyanaye ante purimanayānaṃ taṃnayābhimukhappavattiṃ sandhāya vuttaṃ, ayaṃ pana pakāro na pāḷianugato. Na hi pāḷiyaṃ suddhikanayādayo vatvā vīriyādhipateyyādinayā vuttāti. Mahāpakaraṇe sattahi mahāvārehi anulomādinayavicittehi hīnattiko vibhatto. Tattha ca majjhimadhammekadesabhūtā ime vīsati lokiyamahānayāti katvā ‘‘tattha vibhattā’’ti vuttaṃ, na etena kamena imesaṃ nayānaṃ tattha āgatattā.
звамзд̇зсам̣ вибхад̇д̇адтаанам̣ д̣̇ассзд̇ваа ид̣̇аани зд̇асмим̣ д̇збхуумагагусалагат̇аавасаанадтаанз адтаарасагаммад̣̇ваарад̣̇ассанад̇т̇ам̣ ‘‘имасмим̣ бана таанз’’д̇иаад̣̇имааха. ат̇а ваа хийнабан̣ийд̇зхи винивад̇д̇зд̇ваа маж̇жхимараасианд̇ог̇ад̇хабхаавам̣ д̣̇ассзнд̇зна зд̇зсам̣ д̇збхуумагагусаланаяаанам̣ хийнад̇д̇игз вибхааг̇о гад̇о. ‘‘имасмим̣ бана таанз’’д̇иаад̣̇игасса яат̇аавуд̇д̇ова самб̣анд̇хо. хийнад̇д̇игз маж̇жхимараасимхи яз савибаагаа вадданиссид̇знзва д̣̇аанаад̣̇ивасзна бавад̇д̇ид̇аа, д̇з хийнаад̇и гаад̇аб̣б̣аа. яз вивадданиссид̇зна д̣̇аанаад̣̇ивасзна бавад̇д̇ид̇аа, д̇з бан̣ийд̇аад̇и гаад̇аб̣б̣аа. авибаагаа маж̇жхимаад̇и гаад̇аб̣б̣аа. авибаагад̇д̇аа жа д̇зсу маж̇жхимараасим̣ табзд̇ваа ид̇арз д̣̇вз зганд̇авадданиссид̇аа нава, виваддубаниссаяабхууд̇аа жа наваад̇и адтаараса гаммад̣̇ваараани, гаммаани жа д̇аани д̇асса д̇асса паласса гааран̣абхаавзна д̣̇ваараани жаад̇и гаммад̣̇ваараани. д̇ад̇т̇а д̇ад̇т̇а ваа жид̇д̇аани гаммад̣̇ваараанийд̇и ааха. д̇ам̣д̇ам̣д̣̇ваараани ваа гааяаад̣̇ийни. адтаараса кад̇д̇ияаа жа абхаб̣б̣аа хийнахийнад̇д̇аяаад̣̇аяо нава, бхаб̣б̣аа жа бан̣ийд̇абан̣ийд̇ад̇д̇аяаад̣̇аяо наваад̇и гаммаануруубзнзва взд̣̇ид̇аб̣б̣аа. звам̣ б̣раахман̣аад̣̇аяо д̣̇зваа жа яож̇зд̇аб̣б̣аа. адтажад̇д̇аалийса г̇од̇д̇ажаран̣аани д̇зсан̃н̃зва кад̇д̇ияаад̣̇ийнам̣ бхзд̣̇аа. ‘‘гаамааважарам̣ гусалам̣ жид̇д̇ам̣ уббаннам̣ ход̇и…бз… жид̇д̇аад̇хибад̇зяяа’’нд̇и (д̇ха. са. 269-270) звам̣ вуд̇д̇о жид̇д̇асса жид̇д̇аад̇хибад̇зяяабхааво, жид̇д̇ажзд̇асигасамуд̣̇ааяз самаяававад̇т̇аабаго жид̇д̇асад̣̇д̣̇о бавад̇д̇од̇и ‘‘самбаяуд̇д̇ад̇хаммаанам̣ васзна вуд̇д̇о’’д̇и ааха.
Evametesaṃ vibhattaṭṭhānaṃ dassetvā idāni etasmiṃ tebhūmakakusalakathāvasānaṭṭhāne aṭṭhārasakammadvāradassanatthaṃ ‘‘imasmiṃ pana ṭhāne’’tiādimāha. Atha vā hīnapaṇītehi vinivattetvā majjhimarāsiantogadhabhāvaṃ dassentena etesaṃ tebhūmakakusalanayānaṃ hīnattike vibhāgo kato. ‘‘Imasmiṃ pana ṭhāne’’tiādikassa yathāvuttova sambandho. Hīnattike majjhimarāsimhi ye savipākā vaṭṭanissiteneva dānādivasena pavattitā, te hīnāti kātabbā. Ye vivaṭṭanissitena dānādivasena pavattitā, te paṇītāti kātabbā. Avipākā majjhimāti kātabbā. Avipākattā ca tesu majjhimarāsiṃ ṭhapetvā itare dve ekantavaṭṭanissitā nava, vivaṭṭupanissayabhūtā ca navāti aṭṭhārasa kammadvārāni, kammāni ca tāni tassa tassa phalassa kāraṇabhāvena dvārāni cāti kammadvārāni. Tattha tattha vā cittāni kammadvārānīti āha. Taṃtaṃdvārāni vā kāyādīni. Aṭṭhārasa khattiyā ca abhabbā hīnahīnattayādayo nava, bhabbā ca paṇītapaṇītattayādayo navāti kammānurūpeneva veditabbā. Evaṃ brāhmaṇādayo devā ca yojetabbā. Aṭṭhacattālīsa gottacaraṇāni tesaññeva khattiyādīnaṃ bhedā. ‘‘Kāmāvacaraṃ kusalaṃ cittaṃ uppannaṃ hoti…pe… cittādhipateyya’’nti (dha. sa. 269-270) evaṃ vutto cittassa cittādhipateyyabhāvo, cittacetasikasamudāye samayavavatthāpako cittasaddo pavattoti ‘‘sampayuttadhammānaṃ vasena vutto’’ti āha.
д̇збхуумагагусалаван̣н̣анаа нидтид̇аа.
Tebhūmakakusalavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̇збхуумагагусалам̣ • Tebhūmakakusalaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / д̇збхуумагагусалаван̣н̣анаа • Tebhūmakakusalavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / д̇збхуумагагусалаван̣н̣анаа • Tebhūmakakusalavaṇṇanā
