| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
д̇збхуумагагусалаван̣н̣анаа
Tebhūmakakusalavaṇṇanā
269. сад̇д̇ахи махааваарзхийд̇и бадижжасахаж̇аад̇абажжаяаниссаяасам̣садтасамбаяуд̇д̇абан̃хааваарзхи ануломабажжанийяаануломабажжанийяабажжанийяаануломаад̣̇инаяаа ануломаад̣̇инаяаа. бхаарад̣̇вааж̇аг̇од̇амаад̣̇аяо адтажад̇д̇аалийса логз г̇од̇д̇аани муулабхууд̇аани, д̇ат̇аа гадтагалаабаад̣̇аяо адтажад̇д̇аалийсзва жаран̣аанийд̇и ааха ‘‘адтажад̇д̇аалийса’’нд̇иаад̣̇и. д̇ад̇т̇а д̇зсанд̇и бхаб̣б̣аабхаб̣б̣аанам̣. д̣̇ваарасийсзна д̣̇ваараванд̇аани г̇аяханд̇ийд̇и ад̇хиббааязнааха ‘‘д̇ам̣д̇ам̣д̣̇ваараани ваа гааяаад̣̇ийний’’д̇и. ажид̇д̇ийгаарзна ваа гад̇ам̣ хийнам̣, аж̇жхубзгканзна гад̇ам̣ маж̇жхимам̣, саггажжагад̇ам̣ бан̣ийд̇ам̣. аамисагин̃ж̇агкаад̣̇ихзд̇у ваа гад̇ам̣ хийнам̣, бун̃н̃апалагаамад̇ааяа гад̇ам̣ маж̇жхимам̣, гад̇д̇аб̣б̣амижжзва арияабхаавз тид̇зна гад̇ам̣ бан̣ийд̇ам̣. бхавасамбад̇д̇илобхзна ваа бавад̇д̇ид̇ам̣ хийнам̣, алобхаж̇жхаасаязна бавад̇д̇ид̇ам̣ маж̇жхимам̣, барахид̇ааяа бавад̇д̇ид̇ам̣ бан̣ийд̇ам̣. барид̇д̇агад̇ам̣ ваа хийнам̣, мад̇д̇асо гад̇ам̣ маж̇жхимам̣, ад̇химад̇д̇асо гад̇ам̣ бан̣ийд̇ам̣. махаг̇г̇ад̇зсу бана бадилад̣̇д̇хамад̇д̇ам̣ хийнам̣, наад̇исубхаавид̇ам̣ маж̇жхимам̣, субхаавид̇ам̣ васиббад̇д̇ам̣ бан̣ийд̇ам̣. имзсуби згзгасса хийнаад̣̇игасса ааяуухананаанад̇д̇аад̣̇ивасзна хийнаад̣̇ибхзд̣̇о лаб̣бхад̇иязваад̇и д̣̇адтаб̣б̣ам̣. самбаяуд̇д̇ад̇хаммаанам̣ васзнаад̇и яо жид̇д̇аббабхаавид̇о жид̇д̇асамбаяуд̇д̇аанам̣ жид̇д̇аад̇хибад̇зяяабхааво, со д̇ам̣нимид̇д̇з жид̇д̇з убажарид̇од̇и звам̣ ваа зд̇т̇а ад̇т̇о.
269. Sattahimahāvārehīti paṭiccasahajātapaccayanissayasaṃsaṭṭhasampayuttapañhāvārehi anulomapaccanīyaanulomapaccanīyapaccanīyānulomādinayā anulomādinayā. Bhāradvājagotamādayo aṭṭhacattālīsa loke gottāni mūlabhūtāni, tathā kaṭṭhakalāpādayo aṭṭhacattālīseva caraṇānīti āha ‘‘aṭṭhacattālīsa’’ntiādi. Tattha tesanti bhabbābhabbānaṃ. Dvārasīsena dvāravantāni gayhantīti adhippāyenāha ‘‘taṃtaṃdvārāni vā kāyādīnī’’ti. Acittīkārena vā kataṃ hīnaṃ, ajjhupekkhanena kataṃ majjhimaṃ, sakkaccakataṃ paṇītaṃ. Āmisakiñjakkhādihetu vā kataṃ hīnaṃ, puññaphalakāmatāya kataṃ majjhimaṃ, kattabbamicceva ariyabhāve ṭhitena kataṃ paṇītaṃ. Bhavasampattilobhena vā pavattitaṃ hīnaṃ, alobhajjhāsayena pavattitaṃ majjhimaṃ, parahitāya pavattitaṃ paṇītaṃ. Parittakataṃ vā hīnaṃ, mattaso kataṃ majjhimaṃ, adhimattaso kataṃ paṇītaṃ. Mahaggatesu pana paṭiladdhamattaṃ hīnaṃ, nātisubhāvitaṃ majjhimaṃ, subhāvitaṃ vasippattaṃ paṇītaṃ. Imesupi ekekassa hīnādikassa āyūhananānattādivasena hīnādibhedo labbhatiyevāti daṭṭhabbaṃ. Sampayuttadhammānaṃ vasenāti yo cittappabhāvito cittasampayuttānaṃ cittādhipateyyabhāvo, so taṃnimitte citte upacaritoti evaṃ vā ettha attho.
д̇збхуумагагусалаван̣н̣анаа нидтид̇аа.
Tebhūmakakusalavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̇збхуумагагусалам̣ • Tebhūmakakusalaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / д̇збхуумагагусалаван̣н̣анаа • Tebhūmakakusalavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / д̇збхуумагагусалаван̣н̣анаа • Tebhūmakakusalavaṇṇanā
