| Library / Tipiṭaka / ཏིཔིཊཀ • Tipiṭaka / དྷམྨསངྒཎཱི-ཨནུཊཱིཀཱ • Dhammasaṅgaṇī-anuṭīkā |
ཏེབྷཱུམཀཀུསལཝཎྞནཱ
Tebhūmakakusalavaṇṇanā
༢༦༩. སཏྟཧི མཧཱཝཱརེཧཱིཏི པཊིཙྩསཧཛཱཏཔཙྩཡནིསྶཡསཾསཊྛསམྤཡུཏྟཔཉྷཱཝཱརེཧི ཨནུལོམཔཙྩནཱིཡཨནུལོམཔཙྩནཱིཡཔཙྩནཱིཡཱནུལོམཱདིནཡཱ ཨནུལོམཱདིནཡཱ། བྷཱརདྭཱཛགོཏམཱདཡོ ཨཊྛཙཏྟཱལཱིས ལོཀེ གོཏྟཱནི མཱུལབྷཱུཏཱནི, ཏཐཱ ཀཊྛཀལཱཔཱདཡོ ཨཊྛཙཏྟཱལཱིསེཝ ཙརཎཱནཱིཏི ཨཱཧ ‘‘ཨཊྛཙཏྟཱལཱིས’’ནྟིཨཱདི། ཏཏྠ ཏེསནྟི བྷབྦཱབྷབྦཱནཾ། དྭཱརསཱིསེན དྭཱརཝནྟཱནི གཡ྄ཧནྟཱིཏི ཨདྷིཔྤཱཡེནཱཧ ‘‘ཏཾཏཾདྭཱརཱནི ཝཱ ཀཱཡཱདཱིནཱི’’ཏི། ཨཙིཏྟཱིཀཱརེན ཝཱ ཀཏཾ ཧཱིནཾ, ཨཛ྄ཛྷུཔེཀྑནེན ཀཏཾ མཛ྄ཛྷིམཾ, སཀྐཙྩཀཏཾ པཎཱིཏཾ། ཨཱམིསཀིཉྫཀྑཱདིཧེཏུ ཝཱ ཀཏཾ ཧཱིནཾ, པུཉྙཕལཀཱམཏཱཡ ཀཏཾ མཛ྄ཛྷིམཾ, ཀཏྟབྦམིཙྩེཝ ཨརིཡབྷཱཝེ ཋིཏེན ཀཏཾ པཎཱིཏཾ། བྷཝསམྤཏྟིལོབྷེན ཝཱ པཝཏྟིཏཾ ཧཱིནཾ, ཨལོབྷཛ྄ཛྷཱསཡེན པཝཏྟིཏཾ མཛ྄ཛྷིམཾ, པརཧིཏཱཡ པཝཏྟིཏཾ པཎཱིཏཾ། པརིཏྟཀཏཾ ཝཱ ཧཱིནཾ, མཏྟསོ ཀཏཾ མཛ྄ཛྷིམཾ, ཨདྷིམཏྟསོ ཀཏཾ པཎཱིཏཾ། མཧགྒཏེསུ པན པཊིལདྡྷམཏྟཾ ཧཱིནཾ, ནཱཏིསུབྷཱཝིཏཾ མཛ྄ཛྷིམཾ, སུབྷཱཝིཏཾ ཝསིཔྤཏྟཾ པཎཱིཏཾ། ཨིམེསུཔི ཨེཀེཀསྶ ཧཱིནཱདིཀསྶ ཨཱཡཱུཧནནཱནཏྟཱདིཝསེན ཧཱིནཱདིབྷེདོ ལབྦྷཏིཡེཝཱཏི དཊྛབྦཾ། སམྤཡུཏྟདྷམྨཱནཾ ཝསེནཱཏི ཡོ ཙིཏྟཔྤབྷཱཝིཏོ ཙིཏྟསམྤཡུཏྟཱནཾ ཙིཏྟཱདྷིཔཏེཡྻབྷཱཝོ, སོ ཏཾནིམིཏྟེ ཙིཏྟེ ཨུཔཙརིཏོཏི ཨེཝཾ ཝཱ ཨེཏྠ ཨཏྠོ།
269. Sattahimahāvārehīti paṭiccasahajātapaccayanissayasaṃsaṭṭhasampayuttapañhāvārehi anulomapaccanīyaanulomapaccanīyapaccanīyānulomādinayā anulomādinayā. Bhāradvājagotamādayo aṭṭhacattālīsa loke gottāni mūlabhūtāni, tathā kaṭṭhakalāpādayo aṭṭhacattālīseva caraṇānīti āha ‘‘aṭṭhacattālīsa’’ntiādi. Tattha tesanti bhabbābhabbānaṃ. Dvārasīsena dvāravantāni gayhantīti adhippāyenāha ‘‘taṃtaṃdvārāni vā kāyādīnī’’ti. Acittīkārena vā kataṃ hīnaṃ, ajjhupekkhanena kataṃ majjhimaṃ, sakkaccakataṃ paṇītaṃ. Āmisakiñjakkhādihetu vā kataṃ hīnaṃ, puññaphalakāmatāya kataṃ majjhimaṃ, kattabbamicceva ariyabhāve ṭhitena kataṃ paṇītaṃ. Bhavasampattilobhena vā pavattitaṃ hīnaṃ, alobhajjhāsayena pavattitaṃ majjhimaṃ, parahitāya pavattitaṃ paṇītaṃ. Parittakataṃ vā hīnaṃ, mattaso kataṃ majjhimaṃ, adhimattaso kataṃ paṇītaṃ. Mahaggatesu pana paṭiladdhamattaṃ hīnaṃ, nātisubhāvitaṃ majjhimaṃ, subhāvitaṃ vasippattaṃ paṇītaṃ. Imesupi ekekassa hīnādikassa āyūhananānattādivasena hīnādibhedo labbhatiyevāti daṭṭhabbaṃ. Sampayuttadhammānaṃ vasenāti yo cittappabhāvito cittasampayuttānaṃ cittādhipateyyabhāvo, so taṃnimitte citte upacaritoti evaṃ vā ettha attho.
ཏེབྷཱུམཀཀུསལཝཎྞནཱ ནིཊྛིཏཱ།
Tebhūmakakusalavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / དྷམྨསངྒཎཱིཔཱལི༹ • Dhammasaṅgaṇīpāḷi / ཏེབྷཱུམཀཀུསལཾ • Tebhūmakakusalaṃ
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / དྷམྨསངྒཎི-ཨཊྛཀཐཱ • Dhammasaṅgaṇi-aṭṭhakathā / ཏེབྷཱུམཀཀུསལཝཎྞནཱ • Tebhūmakakusalavaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / དྷམྨསངྒཎཱི-མཱུལཊཱིཀཱ • Dhammasaṅgaṇī-mūlaṭīkā / ཏེབྷཱུམཀཀུསལཝཎྞནཱ • Tebhūmakakusalavaṇṇanā
