| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
д̇зжад̇д̇аалийсавад̇д̇ам̣
Tecattālīsavattaṃ
51. ‘‘аабад̇д̇ияаа ад̣̇ассанз угкзбанийяагаммагад̇зна, бхигкавз, бхигкунаа саммаа вад̇д̇ид̇аб̣б̣ам̣ . д̇ад̇рааяам̣ саммаавад̇д̇анаа – на убасамбаад̣̇зд̇аб̣б̣ам̣, на ниссаяо д̣̇аад̇аб̣б̣о, на сааман̣зро убадтаабзд̇аб̣б̣о, на бхигкуноваад̣̇агасаммуд̇и саад̣̇ид̇аб̣б̣аа, саммад̇знаби бхигкунияо на овад̣̇ид̇аб̣б̣аа. яааяа аабад̇д̇ияаа сан̇гхзна, аабад̇д̇ияаа ад̣̇ассанз, угкзбанийяагаммам̣ гад̇ам̣ ход̇и саа аабад̇д̇и на аабаж̇ж̇ид̇аб̣б̣аа, ан̃н̃аа ваа д̇аад̣̇исигаа, д̇ад̇о ваа баабидтад̇араа; гаммам̣ на г̇арахид̇аб̣б̣ам̣, гаммигаа на г̇арахид̇аб̣б̣аа . на багад̇ад̇д̇асса бхигкуно абхиваад̣̇анам̣, бажжудтаанам̣, ан̃ж̇алигаммам̣, саамийжигаммам̣, аасанаабхихааро, сзяяаабхихааро, баад̣̇од̣̇агам̣, баад̣̇абийтам̣ баад̣̇агат̇алигам̣, бад̇д̇ажийвараббадиг̇г̇ахан̣ам̣, нахаанз бидтибаригаммам̣ саад̣̇ид̇аб̣б̣ам̣. на багад̇ад̇д̇о бхигку сийлавибад̇д̇ияаа ануд̣̇д̇хам̣сзд̇аб̣б̣о, на аажааравибад̇д̇ияаа ануд̣̇д̇хам̣сзд̇аб̣б̣о, на д̣̇идтивибад̇д̇ияаа ануд̣̇д̇хам̣сзд̇аб̣б̣о, на ааж̇ийвавибад̇д̇ияаа ануд̣̇д̇хам̣сзд̇аб̣б̣о, на бхигку бхигкуухи бхзд̣̇зд̇аб̣б̣о 1, на г̇ихид̣̇д̇хаж̇о д̇хаарзд̇аб̣б̣о, на д̇ид̇т̇ияад̣̇д̇хаж̇о д̇хаарзд̇аб̣б̣о, на д̇ид̇т̇ияаа сзвид̇аб̣б̣аа; бхигкуу сзвид̇аб̣б̣аа, бхигкусигкааяа сигкид̇аб̣б̣ам̣ 2. на багад̇ад̇д̇зна бхигкунаа сад̣̇д̇хим̣ згажчаннз ааваасз вад̇т̇аб̣б̣ам̣, на згажчаннз анааваасз вад̇т̇аб̣б̣ам̣, на згажчаннз ааваасз ваа анааваасз ваа вад̇т̇аб̣б̣ам̣, багад̇ад̇д̇ам̣ бхигкум̣ д̣̇исваа аасанаа вудтаад̇аб̣б̣ам̣, на багад̇ад̇д̇о бхигку аасаад̣̇зд̇аб̣б̣о анд̇о ваа б̣ахи ваа. на багад̇ад̇д̇асса бхигкуно убосат̇о табзд̇аб̣б̣о, на бавааран̣аа табзд̇аб̣б̣аа, на саважанийяам̣ гаад̇аб̣б̣ам̣, на ануваад̣̇о бадтабзд̇аб̣б̣о, на огаасо гаарзд̇аб̣б̣о, на жод̣̇зд̇аб̣б̣о, на саарзд̇аб̣б̣о, на бхигкуухи самбаяож̇зд̇аб̣б̣а’’нд̇и.
51. ‘‘Āpattiyā adassane ukkhepanīyakammakatena, bhikkhave, bhikkhunā sammā vattitabbaṃ . Tatrāyaṃ sammāvattanā – na upasampādetabbaṃ, na nissayo dātabbo, na sāmaṇero upaṭṭhāpetabbo, na bhikkhunovādakasammuti sāditabbā, sammatenapi bhikkhuniyo na ovaditabbā. Yāya āpattiyā saṅghena, āpattiyā adassane, ukkhepanīyakammaṃ kataṃ hoti sā āpatti na āpajjitabbā, aññā vā tādisikā, tato vā pāpiṭṭhatarā; kammaṃ na garahitabbaṃ, kammikā na garahitabbā . Na pakatattassa bhikkhuno abhivādanaṃ, paccuṭṭhānaṃ, añjalikammaṃ, sāmīcikammaṃ, āsanābhihāro, seyyābhihāro, pādodakaṃ, pādapīṭhaṃ pādakathalikaṃ, pattacīvarappaṭiggahaṇaṃ, nahāne piṭṭhiparikammaṃ sāditabbaṃ. Na pakatatto bhikkhu sīlavipattiyā anuddhaṃsetabbo, na ācāravipattiyā anuddhaṃsetabbo, na diṭṭhivipattiyā anuddhaṃsetabbo, na ājīvavipattiyā anuddhaṃsetabbo, na bhikkhu bhikkhūhi bhedetabbo 3, na gihiddhajo dhāretabbo, na titthiyaddhajo dhāretabbo, na titthiyā sevitabbā; bhikkhū sevitabbā, bhikkhusikkhāya sikkhitabbaṃ 4. Na pakatattena bhikkhunā saddhiṃ ekacchanne āvāse vatthabbaṃ, na ekacchanne anāvāse vatthabbaṃ, na ekacchanne āvāse vā anāvāse vā vatthabbaṃ, pakatattaṃ bhikkhuṃ disvā āsanā vuṭṭhātabbaṃ, na pakatatto bhikkhu āsādetabbo anto vā bahi vā. Na pakatattassa bhikkhuno uposatho ṭhapetabbo, na pavāraṇā ṭhapetabbā, na savacanīyaṃ kātabbaṃ, na anuvādo paṭṭhapetabbo, na okāso kāretabbo, na codetabbo, na sāretabbo, na bhikkhūhi sampayojetabba’’nti.
аабад̇д̇ияаа ад̣̇ассанз угкзбанийяагаммз
Āpattiyā adassane ukkhepanīyakamme
д̇зжад̇д̇аалийсавад̇д̇ам̣ нидтид̇ам̣.
Tecattālīsavattaṃ niṭṭhitaṃ.
52. ат̇а ко сан̇гхо чаннасса бхигкуно, аабад̇д̇ияаа ад̣̇ассанз, угкзбанийяагаммам̣ агааси – асамбхог̇ам̣ сан̇гхзна. со сан̇гхзна, аабад̇д̇ияаа ад̣̇ассанз, угкзбанийяагаммагад̇о д̇амхаа ааваасаа ан̃н̃ам̣ ааваасам̣ аг̇амааси. д̇ад̇т̇а бхигкуу нзва абхиваад̣̇зсум̣, на бажжудтзсум̣, на ан̃ж̇алигаммам̣ на саамийжигаммам̣ агам̣су, на саггарим̣су, на г̇ару гарим̣су 5, на маанзсум̣, на бууж̇зсум̣. со бхигкуухи асаггарияамаано аг̇аругарияамаано амаанияамаано абууж̇ияамаано асаггаарабагад̇о д̇амхааби ааваасаа ан̃н̃ам̣ ааваасам̣ аг̇амааси. д̇ад̇т̇аби бхигкуу нзва абхиваад̣̇зсум̣, на бажжудтзсум̣, на ан̃ж̇алигаммам̣ на саамийжигаммам̣ агам̣су, на саггарим̣су, на г̇арум̣ гарим̣су, на маанзсум̣, на бууж̇зсум̣. со бхигкуухи асаггарияамаано аг̇аругарияамаано амаанияамаано абууж̇ияамаано асаггаарабагад̇о д̇амхааби ааваасаа ан̃н̃ам̣ ааваасам̣ аг̇амааси. д̇ад̇т̇аби бхигкуу нзва абхиваад̣̇зсум̣, на бажжудтзсум̣, на ан̃ж̇алигаммам̣ на саамийжигаммам̣ агам̣су, на саггарим̣су, на г̇арум̣ гарим̣су, на маанзсум̣, на бууж̇зсум̣. со бхигкуухи асаггарияамаано аг̇аругарияамаано амаанияамаано абууж̇ияамаано асаггаарабагад̇о бунад̣̇зва госамб̣им̣ бажжааг̇ан̃чи. со саммаа вад̇д̇ад̇и, ломам̣ баад̇зд̇и, нзд̇т̇аарам̣ вад̇д̇ад̇и, бхигкуу убасан̇гамид̇ваа звам̣ вад̣̇зд̇и – ‘‘ахам̣, аавусо, сан̇гхзна, аабад̇д̇ияаа ад̣̇ассанз, угкзбанийяагаммагад̇о саммаа вад̇д̇аами, ломам̣ баад̇зми, нзд̇т̇аарам̣ вад̇д̇аами. гат̇ам̣ ну ко маяаа бадибаж̇ж̇ид̇аб̣б̣а’’нд̇и? бхигкуу бхаг̇авад̇о зд̇амад̇т̇ам̣ аарожзсум̣…бз…. ‘‘д̇зна хи, бхигкавз, сан̇гхо чаннасса бхигкуно, аабад̇д̇ияаа ад̣̇ассанз, угкзбанийяагаммам̣ бадиббассамбхзд̇у.
52. Atha kho saṅgho channassa bhikkhuno, āpattiyā adassane, ukkhepanīyakammaṃ akāsi – asambhogaṃ saṅghena. So saṅghena, āpattiyā adassane, ukkhepanīyakammakato tamhā āvāsā aññaṃ āvāsaṃ agamāsi. Tattha bhikkhū neva abhivādesuṃ, na paccuṭṭhesuṃ, na añjalikammaṃ na sāmīcikammaṃ akaṃsu, na sakkariṃsu, na garu kariṃsu 6, na mānesuṃ, na pūjesuṃ. So bhikkhūhi asakkariyamāno agarukariyamāno amāniyamāno apūjiyamāno asakkārapakato tamhāpi āvāsā aññaṃ āvāsaṃ agamāsi. Tatthapi bhikkhū neva abhivādesuṃ, na paccuṭṭhesuṃ, na añjalikammaṃ na sāmīcikammaṃ akaṃsu, na sakkariṃsu, na garuṃ kariṃsu, na mānesuṃ, na pūjesuṃ. So bhikkhūhi asakkariyamāno agarukariyamāno amāniyamāno apūjiyamāno asakkārapakato tamhāpi āvāsā aññaṃ āvāsaṃ agamāsi. Tatthapi bhikkhū neva abhivādesuṃ, na paccuṭṭhesuṃ, na añjalikammaṃ na sāmīcikammaṃ akaṃsu, na sakkariṃsu, na garuṃ kariṃsu, na mānesuṃ, na pūjesuṃ. So bhikkhūhi asakkariyamāno agarukariyamāno amāniyamāno apūjiyamāno asakkārapakato punadeva kosambiṃ paccāgañchi. So sammā vattati, lomaṃ pāteti, netthāraṃ vattati, bhikkhū upasaṅkamitvā evaṃ vadeti – ‘‘ahaṃ, āvuso, saṅghena, āpattiyā adassane, ukkhepanīyakammakato sammā vattāmi, lomaṃ pātemi, netthāraṃ vattāmi. Kathaṃ nu kho mayā paṭipajjitabba’’nti? Bhikkhū bhagavato etamatthaṃ ārocesuṃ…pe…. ‘‘Tena hi, bhikkhave, saṅgho channassa bhikkhuno, āpattiyā adassane, ukkhepanīyakammaṃ paṭippassambhetu.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / аабад̇д̇ияаа ад̣̇ассанз угкзбанийяагаммагат̇аа • Āpattiyā adassane ukkhepanīyakammakathā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. аабад̇д̇ияаа ад̣̇ассанз угкзбанийяагаммагат̇аа • 5. Āpattiyā adassane ukkhepanīyakammakathā
