| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
д̇зжад̇д̇аалийсавад̇д̇ам̣
Tecattālīsavattaṃ
70. ‘‘баабигааяа д̣̇идтияаа аббадиниссаг̇г̇з угкзбанийяагаммагад̇зна, бхигкавз, бхигкунаа саммаа вад̇д̇ид̇аб̣б̣ам̣. д̇ад̇рааяам̣ саммаавад̇д̇анаа – на убасамбаад̣̇зд̇аб̣б̣ам̣, на ниссаяо д̣̇аад̇аб̣б̣о, на сааман̣зро убадтаабзд̇аб̣б̣о, на бхигкуноваад̣̇агасаммуд̇и саад̣̇ид̇аб̣б̣аа, саммад̇знаби бхигкунияо на овад̣̇ид̇аб̣б̣аа. яааяа аабад̇д̇ияаа сан̇гхзна, баабигааяа д̣̇идтияаа аббадиниссаг̇г̇з, угкзбанийяагаммам̣ гад̇ам̣ ход̇и саа аабад̇д̇и на аабаж̇ж̇ид̇аб̣б̣аа, ан̃н̃аа ваа д̇аад̣̇исигаа, д̇ад̇о ваа баабидтад̇араа; гаммам̣ на г̇арахид̇аб̣б̣ам̣, гаммигаа на г̇арахид̇аб̣б̣аа…бз… на багад̇ад̇д̇асса бхигкуно убосат̇о табзд̇аб̣б̣о, на бавааран̣аа табзд̇аб̣б̣аа, на саважанийяам̣ гаад̇аб̣б̣ам̣, на ануваад̣̇о бадтабзд̇аб̣б̣о, на огаасо гаарзд̇аб̣б̣о, на жод̣̇зд̇аб̣б̣о, на саарзд̇аб̣б̣о, на бхигкуухи самбаяож̇зд̇аб̣б̣а’’нд̇и.
70. ‘‘Pāpikāya diṭṭhiyā appaṭinissagge ukkhepanīyakammakatena, bhikkhave, bhikkhunā sammā vattitabbaṃ. Tatrāyaṃ sammāvattanā – na upasampādetabbaṃ, na nissayo dātabbo, na sāmaṇero upaṭṭhāpetabbo, na bhikkhunovādakasammuti sāditabbā, sammatenapi bhikkhuniyo na ovaditabbā. Yāya āpattiyā saṅghena, pāpikāya diṭṭhiyā appaṭinissagge, ukkhepanīyakammaṃ kataṃ hoti sā āpatti na āpajjitabbā, aññā vā tādisikā, tato vā pāpiṭṭhatarā; kammaṃ na garahitabbaṃ, kammikā na garahitabbā…pe… na pakatattassa bhikkhuno uposatho ṭhapetabbo, na pavāraṇā ṭhapetabbā, na savacanīyaṃ kātabbaṃ, na anuvādo paṭṭhapetabbo, na okāso kāretabbo, na codetabbo, na sāretabbo, na bhikkhūhi sampayojetabba’’nti.
баабигааяа д̣̇идтияаа аббадиниссаг̇г̇з угкзбанийяагаммз
Pāpikāya diṭṭhiyā appaṭinissagge ukkhepanīyakamme
д̇зжад̇д̇аалийсавад̇д̇ам̣ нидтид̇ам̣.
Tecattālīsavattaṃ niṭṭhitaṃ.
71. ат̇а ко сан̇гхо аридтасса бхигкуно г̇ад̣̇д̇хаб̣аад̇хибуб̣б̣асса, баабигааяа д̣̇идтияаа аббадиниссаг̇г̇з, угкзбанийяагаммам̣ агааси – асамбхог̇ам̣ сан̇гхзна. со сан̇гхзна, баабигааяа д̣̇идтияаа аббадиниссаг̇г̇з, угкзбанийяагаммагад̇о виб̣бхами. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аридто бхигку г̇ад̣̇д̇хаб̣аад̇хибуб̣б̣о сан̇гхзна , баабигааяа д̣̇идтияаа аббадиниссаг̇г̇з, угкзбанийяагаммагад̇о виб̣бхамиссад̇ий’’д̇и? ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣.
71. Atha kho saṅgho ariṭṭhassa bhikkhuno gaddhabādhipubbassa, pāpikāya diṭṭhiyā appaṭinissagge, ukkhepanīyakammaṃ akāsi – asambhogaṃ saṅghena. So saṅghena, pāpikāya diṭṭhiyā appaṭinissagge, ukkhepanīyakammakato vibbhami. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma ariṭṭho bhikkhu gaddhabādhipubbo saṅghena , pāpikāya diṭṭhiyā appaṭinissagge, ukkhepanīyakammakato vibbhamissatī’’ti? Atha kho te bhikkhū bhagavato etamatthaṃ ārocesuṃ.
ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа бхигкуу бадибужчи – ‘‘сажжам̣ гира, бхигкавз, аридто бхигку г̇ад̣̇д̇хаб̣аад̇хибуб̣б̣о сан̇гхзна, баабигааяа д̣̇идтияаа аббадиниссаг̇г̇з, угкзбанийяагаммагад̇о виб̣бхамад̇ий’’д̇и 1? ‘‘сажжам̣ бхаг̇аваа’’д̇и. виг̇арахи б̣уд̣̇д̇хо бхаг̇аваа – ‘‘ананужчавигам̣…бз… гат̇ан̃хи наама со, бхигкавз, могхабурисо сан̇гхзна, баабигааяа д̣̇идтияаа аббадиниссаг̇г̇з, угкзбанийяагаммагад̇о виб̣бхамиссад̇и? нзд̇ам̣, бхигкавз, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘д̇зна хи, бхигкавз, сан̇гхо, баабигааяа д̣̇идтияаа аббадиниссаг̇г̇з, угкзбанийяагаммам̣ бадиббассамбхзд̇у.
Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, ariṭṭho bhikkhu gaddhabādhipubbo saṅghena, pāpikāya diṭṭhiyā appaṭinissagge, ukkhepanīyakammakato vibbhamatī’’ti 2? ‘‘Saccaṃ bhagavā’’ti. Vigarahi buddho bhagavā – ‘‘ananucchavikaṃ…pe… kathañhi nāma so, bhikkhave, moghapuriso saṅghena, pāpikāya diṭṭhiyā appaṭinissagge, ukkhepanīyakammakato vibbhamissati? Netaṃ, bhikkhave, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘tena hi, bhikkhave, saṅgho, pāpikāya diṭṭhiyā appaṭinissagge, ukkhepanīyakammaṃ paṭippassambhetu.
Footnotes:
