| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੩. ਤੇਜਙ੍ਗਪਞ੍ਹੋ
3. Tejaṅgapañho
੩. ‘‘ਭਨ੍ਤੇ ਨਾਗਸੇਨ, ‘ਤੇਜਸ੍ਸ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਤੇਜੋ ਤਿਣਕਟ੍ਠਸਾਖਾਪਲਾਸਂ ਡਹਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਯੇ ਤੇ ਅਬ੍ਭਨ੍ਤਰਾ વਾ ਬਾਹਿਰਾ વਾ ਕਿਲੇਸਾ ਇਟ੍ਠਾਨਿਟ੍ਠਾਰਮ੍ਮਣਾਨੁਭવਨਾ, ਸਬ੍ਬੇ ਤੇ ਞਾਣਗ੍ਗਿਨਾ ਡਹਿਤਬ੍ਬਾ। ਇਦਂ, ਮਹਾਰਾਜ, ਤੇਜਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
3. ‘‘Bhante nāgasena, ‘tejassa pañca aṅgāni gahetabbānī’ti yaṃ vadesi, katamāni tāni pañca aṅgāni gahetabbānī’’ti? ‘‘Yathā, mahārāja, tejo tiṇakaṭṭhasākhāpalāsaṃ ḍahati, evameva kho, mahārāja, yoginā yogāvacarena ye te abbhantarā vā bāhirā vā kilesā iṭṭhāniṭṭhārammaṇānubhavanā, sabbe te ñāṇagginā ḍahitabbā. Idaṃ, mahārāja, tejassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਤੇਜੋ ਨਿਦ੍ਦਯੋ ਅਕਾਰੁਣਿਕੋ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਸਬ੍ਬਕਿਲੇਸੇਸੁ ਕਾਰੁਞ੍ਞਾਨੁਦ੍ਦਯਾ ਨ ਕਾਤਬ੍ਬਾ। ਇਦਂ, ਮਹਾਰਾਜ, ਤੇਜਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, tejo niddayo akāruṇiko, evameva kho, mahārāja, yoginā yogāvacarena sabbakilesesu kāruññānuddayā na kātabbā. Idaṃ, mahārāja, tejassa dutiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਤੇਜੋ ਸੀਤਂ ਪਟਿਹਨਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ વੀਰਿਯਸਨ੍ਤਾਪਤੇਜਂ ਅਭਿਜਨੇਤ੍વਾ ਕਿਲੇਸਾ ਪਟਿਹਨ੍ਤਬ੍ਬਾ। ਇਦਂ, ਮਹਾਰਾਜ, ਤੇਜਸ੍ਸ ਤਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, tejo sītaṃ paṭihanati, evameva kho, mahārāja, yoginā yogāvacarena vīriyasantāpatejaṃ abhijanetvā kilesā paṭihantabbā. Idaṃ, mahārāja, tejassa tatiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਤੇਜੋ ਅਨੁਨਯਪ੍ਪਟਿਘવਿਪ੍ਪਮੁਤ੍ਤੋ ਉਣ੍ਹਮਭਿਜਨੇਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਅਨੁਨਯਪ੍ਪਟਿਘવਿਪ੍ਪਮੁਤ੍ਤੇਨ ਤੇਜੋਸਮੇਨ ਚੇਤਸਾ વਿਹਰਿਤਬ੍ਬਂ। ਇਦਂ, ਮਹਾਰਾਜ, ਤੇਜਸ੍ਸ ਚਤੁਤ੍ਥਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, tejo anunayappaṭighavippamutto uṇhamabhijaneti, evameva kho, mahārāja, yoginā yogāvacarena anunayappaṭighavippamuttena tejosamena cetasā viharitabbaṃ. Idaṃ, mahārāja, tejassa catutthaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਤੇਜੋ ਅਨ੍ਧਕਾਰਂ વਿਧਮਿਤ੍વਾ 1 ਆਲੋਕਂ ਦਸ੍ਸਯਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਅવਿਜ੍ਜਨ੍ਧਕਾਰਂ વਿਧਮਿਤ੍વਾ ਞਾਣਾਲੋਕਂ ਦਸ੍ਸਯਿਤਬ੍ਬਂ। ਇਦਂ, ਮਹਾਰਾਜ, ਤੇਜਸ੍ਸ ਪਞ੍ਚਮਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਦੇવਾਤਿਦੇવੇਨ ਸਕਂ ਪੁਤ੍ਤਂ ਰਾਹੁਲਂ ਓવਦਨ੍ਤੇਨ –
‘‘Puna caparaṃ, mahārāja, tejo andhakāraṃ vidhamitvā 2 ālokaṃ dassayati, evameva kho, mahārāja, yoginā yogāvacarena avijjandhakāraṃ vidhamitvā ñāṇālokaṃ dassayitabbaṃ. Idaṃ, mahārāja, tejassa pañcamaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena sakaṃ puttaṃ rāhulaṃ ovadantena –
‘ਤੇਜੋਸਮਂ 3, ਰਾਹੁਲ, ਭਾવਨਂ ਭਾવੇਹਿ, ਤੇਜੋਸਮਂ ਹਿ ਤੇ, ਰਾਹੁਲ, ਭਾવਨਂ ਭਾવਯਤੋ ਉਪ੍ਪਨ੍ਨਾ? ਮਨਾਪਾਮਨਾਪਾ ਫਸ੍ਸਾ ਚਿਤ੍ਤਂ ਨ ਪਰਿਯਾਦਾਯ ਠਸ੍ਸਨ੍ਤੀ’’’ਤਿ।
‘Tejosamaṃ 4, rāhula, bhāvanaṃ bhāvehi, tejosamaṃ hi te, rāhula, bhāvanaṃ bhāvayato uppannā? Manāpāmanāpā phassā cittaṃ na pariyādāya ṭhassantī’’’ti.
ਤੇਜਙ੍ਗਪਞ੍ਹੋ ਤਤਿਯੋ।
Tejaṅgapañho tatiyo.
Footnotes:
