| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
3. д̇злагаанид̇т̇зраг̇аат̇ааван̣н̣анаа
3. Telakānittheragāthāvaṇṇanā
жирарад̇д̇ам̣ вад̇аад̇аабийд̇иаад̣̇игаа ааяасмад̇о д̇злагаанид̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинид̇ваа имасмим̣ б̣уд̣̇д̇хуббаад̣̇з сад̇т̇у абхиж̇аад̇ид̇о бурзд̇арам̣язва саавад̇т̇ияам̣ ан̃н̃ад̇арасмим̣ б̣раахман̣агулз ниб̣б̣ад̇д̇ид̇ваа д̇злагаанийд̇и лад̣̇д̇ханаамо ваяаббад̇д̇о хзд̇усамбаннад̇ааяа гаамз ж̇иг̇ужчанд̇о гхарааваасам̣ бахааяа бариб̣б̣ааж̇агабаб̣б̣аж̇ж̇ам̣ баб̣б̣аж̇ид̇ваа виваддаж̇жхаасаяо ‘‘го со бааран̇г̇ад̇о логз’’д̇иаад̣̇инаа вимогкабариязсанам̣ жарамаано д̇з д̇з саман̣аб̣раахман̣з убасан̇гамид̇ваа бан̃хам̣ бужчад̇и, д̇з на самбааяанд̇и. со д̇зна анаараад̇хид̇ажид̇д̇о вижарад̇и. ат̇а амхаагам̣ бхаг̇авад̇и логз уббаж̇ж̇ид̇ваа бавад̇д̇ид̇аварад̇хаммажаггз логахид̇ам̣ гаронд̇з згад̣̇ивасам̣ сад̇т̇аарам̣ убасан̇гамид̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вибассанааяа гаммам̣ гаронд̇о нажирассзва арахад̇д̇з бад̇идтаад̇и. со згад̣̇ивасам̣ бхигкуухи сад̣̇д̇хим̣ нисинно ад̇д̇анаа ад̇хиг̇ад̇ависзсам̣ бажжавзгкид̇ваа д̇ад̣̇анусаарзна ад̇д̇ано бадибад̇д̇им̣ ануссарид̇ваа д̇ам̣ саб̣б̣ам̣ бхигкуунам̣ аажигканд̇о –
Cirarattaṃ vatātāpītiādikā āyasmato telakānittherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinitvā imasmiṃ buddhuppāde satthu abhijātito puretaraṃyeva sāvatthiyaṃ aññatarasmiṃ brāhmaṇakule nibbattitvā telakānīti laddhanāmo vayappatto hetusampannatāya kāme jigucchanto gharāvāsaṃ pahāya paribbājakapabbajjaṃ pabbajitvā vivaṭṭajjhāsayo ‘‘ko so pāraṅgato loke’’tiādinā vimokkhapariyesanaṃ caramāno te te samaṇabrāhmaṇe upasaṅkamitvā pañhaṃ pucchati, te na sampāyanti. So tena anārādhitacitto vicarati. Atha amhākaṃ bhagavati loke uppajjitvā pavattitavaradhammacakke lokahitaṃ karonte ekadivasaṃ satthāraṃ upasaṅkamitvā dhammaṃ sutvā paṭiladdhasaddho pabbajitvā vipassanāya kammaṃ karonto nacirasseva arahatte patiṭṭhāti. So ekadivasaṃ bhikkhūhi saddhiṃ nisinno attanā adhigatavisesaṃ paccavekkhitvā tadanusārena attano paṭipattiṃ anussaritvā taṃ sabbaṃ bhikkhūnaṃ ācikkhanto –
747.
747.
‘‘жирарад̇д̇ам̣ вад̇аад̇аабий, д̇хаммам̣ анувижинд̇аяам̣;
‘‘Cirarattaṃ vatātāpī, dhammaṃ anuvicintayaṃ;
самам̣ жид̇д̇асса наалад̇т̇ам̣, бужчам̣ саман̣аб̣раахман̣з.
Samaṃ cittassa nālatthaṃ, pucchaṃ samaṇabrāhmaṇe.
748.
748.
‘‘го со бааран̇г̇ад̇о логз, го бад̇д̇о амад̇ог̇ад̇хам̣;
‘‘Ko so pāraṅgato loke, ko patto amatogadhaṃ;
гасса д̇хаммам̣ бадижчаами, барамад̇т̇авиж̇аананам̣.
Kassa dhammaṃ paṭicchāmi, paramatthavijānanaṃ.
749.
749.
‘‘анд̇ован̇гаг̇ад̇о ааси, мажчова гхасамаамисам̣;
‘‘Antovaṅkagato āsi, macchova ghasamāmisaṃ;
б̣ад̣̇д̇хо махинд̣̇абаасзна, взбажид̇яасуро яат̇аа.
Baddho mahindapāsena, vepacityasuro yathā.
750.
750.
‘‘ан̃чаами нам̣ на мун̃жаами, асмаа согабарид̣̇д̣̇аваа;
‘‘Añchāmi naṃ na muñcāmi, asmā sokapariddavā;
го мз б̣анд̇хам̣ мун̃жам̣ логз, самб̣од̇хим̣ взд̣̇аяиссад̇и.
Ko me bandhaṃ muñcaṃ loke, sambodhiṃ vedayissati.
751.
751.
‘‘саман̣ам̣ б̣раахман̣ам̣ ваа гам̣, аад̣̇исанд̇ам̣ бабхан̇г̇унам̣;
‘‘Samaṇaṃ brāhmaṇaṃ vā kaṃ, ādisantaṃ pabhaṅgunaṃ;
гасса д̇хаммам̣ бадижчаами, ж̇араамажжубавааханам̣.
Kassa dhammaṃ paṭicchāmi, jarāmaccupavāhanaṃ.
752.
752.
‘‘вижигижчааган̇кааг̇ант̇ид̇ам̣, саарамбхаб̣аласан̃н̃уд̇ам̣;
‘‘Vicikicchākaṅkhāganthitaṃ, sārambhabalasaññutaṃ;
год̇хаббад̇д̇аманад̇т̇ад̣̇д̇хам̣, абхиж̇аббаббад̣̇ааран̣ам̣.
Kodhappattamanatthaddhaṃ, abhijappappadāraṇaṃ.
753.
753.
‘‘д̇ан̣хаад̇ханусамудтаанам̣, д̣̇вз жа баннарасааяуд̇ам̣;
‘‘Taṇhādhanusamuṭṭhānaṃ, dve ca pannarasāyutaṃ;
басса орасигам̣ б̣аал̣хам̣, бхзд̇ваана яад̣̇и д̇идтад̇и.
Passa orasikaṃ bāḷhaṃ, bhetvāna yadi tiṭṭhati.
754.
754.
‘‘ануд̣̇идтийнам̣ аббахаанам̣, сан̇габбабарад̇зж̇ид̇ам̣;
‘‘Anudiṭṭhīnaṃ appahānaṃ, saṅkappaparatejitaṃ;
д̇зна вид̣̇д̇хо бавзд̇хаами, бад̇д̇ам̣ва маалуд̇зрид̇ам̣.
Tena viddho pavedhāmi, pattaṃva māluteritaṃ.
755.
755.
‘‘аж̇жхад̇д̇ам̣ мз самудтааяа, киббам̣ бажжад̇и маамагам̣;
‘‘Ajjhattaṃ me samuṭṭhāya, khippaṃ paccati māmakaṃ;
чапассааяад̇аний гааяо, яад̇т̇а сарад̇и саб̣б̣ад̣̇аа.
Chaphassāyatanī kāyo, yattha sarati sabbadā.
756.
756.
‘‘д̇ам̣ на бассаами д̇згижчам̣, яо мзд̇ам̣ салламуд̣̇д̇харз;
‘‘Taṃ na passāmi tekicchaṃ, yo metaṃ sallamuddhare;
наанаараж̇ж̇зна сад̇т̇зна, наан̃н̃зна вижигижчид̇ам̣.
Nānārajjena satthena, nāññena vicikicchitaṃ.
757.
757.
‘‘го мз асад̇т̇о аван̣о, салламаб̣бханд̇арабассаяам̣;
‘‘Ko me asattho avaṇo, sallamabbhantarapassayaṃ;
ахим̣сам̣ саб̣б̣аг̇ад̇д̇аани, саллам̣ мз уд̣̇д̇хариссад̇и.
Ahiṃsaṃ sabbagattāni, sallaṃ me uddharissati.
758.
758.
‘‘д̇хаммаббад̇и хи со сздто, висад̣̇осаббаваахаго;
‘‘Dhammappati hi so seṭṭho, visadosappavāhako;
г̇амбхийрз бад̇ид̇асса мз, т̇алам̣ баан̣ин̃жа д̣̇ассаяз.
Gambhīre patitassa me, thalaṃ pāṇiñca dassaye.
759.
759.
‘‘рахад̣̇зхамасми ог̇аал̣хо, ахаарияараж̇амад̇д̇игз;
‘‘Rahadehamasmi ogāḷho, ahāriyarajamattike;
мааяааусууяасаарамбха, т̇инамид̣̇д̇хамабад̇т̇адз.
Māyāusūyasārambha, thinamiddhamapatthaṭe.
760.
760.
‘‘уд̣̇д̇хажжамзгхат̇анид̇ам̣, сам̣яож̇анавалаахагам̣;
‘‘Uddhaccameghathanitaṃ, saṃyojanavalāhakaṃ;
ваахаа ваханд̇и гуд̣̇д̣̇идтим̣, сан̇габбаа рааг̇аниссид̇аа.
Vāhā vahanti kuddiṭṭhiṃ, saṅkappā rāganissitā.
761.
761.
‘‘саванд̇и саб̣б̣ад̇хи сод̇аа, лад̇аа уб̣бхиж̇ж̇а д̇идтад̇и;
‘‘Savanti sabbadhi sotā, latā ubbhijja tiṭṭhati;
д̇з сод̇з го ниваарзяяа, д̇ам̣ лад̇ам̣ го хи чзжчад̇и.
Te sote ko nivāreyya, taṃ lataṃ ko hi checchati.
762.
762.
‘‘взлам̣ гарот̇а бхад̣̇д̣̇анд̇з, сод̇аанам̣ саннивааран̣ам̣;
‘‘Velaṃ karotha bhaddante, sotānaṃ sannivāraṇaṃ;
маа д̇з маномаяо сод̇аа, ругкам̣ва сахасаа лувз.
Mā te manomayo sotā, rukkhaṃva sahasā luve.
763.
763.
‘‘звам̣ мз бхаяаж̇аад̇асса, абаараа баарамзсад̇о;
‘‘Evaṃ me bhayajātassa, apārā pāramesato;
д̇аан̣о бан̃н̃аавуд̇хо сад̇т̇аа, исисан̇гханисзвид̇о.
Tāṇo paññāvudho satthā, isisaṅghanisevito.
764.
764.
‘‘собаанам̣ суг̇ад̇ам̣ суд̣̇д̇хам̣, д̇хаммасаарамаяам̣ д̣̇ал̣хам̣;
‘‘Sopānaṃ sugataṃ suddhaṃ, dhammasāramayaṃ daḷhaṃ;
баад̣̇ааси вуяхамаанасса, маа бхааяийд̇и жа маб̣рави.
Pādāsi vuyhamānassa, mā bhāyīti ca mabravi.
765.
765.
‘‘сад̇ибадтаанабаасаад̣̇ам̣, ааруяха бажжавзгкисам̣;
‘‘Satipaṭṭhānapāsādaṃ, āruyha paccavekkhisaṃ;
яам̣ д̇ам̣ буб̣б̣з аман̃н̃иссам̣, саггааяаабхирад̇ам̣ баж̇ам̣.
Yaṃ taṃ pubbe amaññissaṃ, sakkāyābhirataṃ pajaṃ.
766.
766.
‘‘яад̣̇аа жа маг̇г̇амад̣̇д̣̇агким̣, наавааяа абхирууханам̣;
‘‘Yadā ca maggamaddakkhiṃ, nāvāya abhirūhanaṃ;
анад̇хидтааяа ад̇д̇аанам̣, д̇ид̇т̇амад̣̇д̣̇агкимуд̇д̇амам̣.
Anadhiṭṭhāya attānaṃ, titthamaddakkhimuttamaṃ.
767.
767.
‘‘саллам̣ ад̇д̇асамудтаанам̣, бхаванзд̇д̇иббабхаавид̇ам̣;
‘‘Sallaṃ attasamuṭṭhānaṃ, bhavanettippabhāvitaṃ;
зд̇зсам̣ аббавад̇д̇ааяа, д̣̇зсзси маг̇г̇амуд̇д̇амам̣.
Etesaṃ appavattāya, desesi maggamuttamaṃ.
768.
768.
‘‘д̣̇ийгхарад̇д̇аанусаяид̇ам̣ , жирарад̇д̇амад̇хидтид̇ам̣;
‘‘Dīgharattānusayitaṃ , cirarattamadhiṭṭhitaṃ;
б̣уд̣̇д̇хо мзбаануд̣̇ий г̇ант̇ам̣, висад̣̇осаббаваахано’’д̇и. – имаа г̇аат̇аа абхааси;
Buddho mepānudī ganthaṃ, visadosappavāhano’’ti. – imā gāthā abhāsi;
д̇ад̇т̇а жирарад̇д̇ам̣ вад̇аад̇и жирагаалам̣ вад̇а. аад̇аабийд̇и вийрияаваа вимогкад̇хаммабариязсанз аарад̣̇д̇хавийрияо. д̇хаммам̣ анувижинд̇аяанд̇и ‘‘гийд̣̇исо ну ко вимогкад̇хаммо, гат̇ам̣ ваа ад̇хиг̇анд̇аб̣б̣о’’д̇и вимуд̇д̇ид̇хаммам̣ анувижинанд̇о г̇авзсанд̇о. самам̣ жид̇д̇асса наалад̇т̇ам̣, бужчам̣ саман̣аб̣раахман̣зд̇и д̇з д̇з наанаад̇ид̇т̇ияз саман̣аб̣раахман̣з вимуд̇д̇ид̇хаммам̣ бужчанд̇о багад̇ияаа анубасанд̇асабхаавасса жид̇д̇асса самам̣ вуубасамабхууд̇ам̣ ваддад̣̇угкависсаран̣ам̣ арияад̇хаммам̣ наалад̇т̇ам̣ наад̇хиг̇ажчанд̇и ад̇т̇о.
Tattha cirarattaṃ vatāti cirakālaṃ vata. Ātāpīti vīriyavā vimokkhadhammapariyesane āraddhavīriyo. Dhammaṃ anuvicintayanti ‘‘kīdiso nu kho vimokkhadhammo, kathaṃ vā adhigantabbo’’ti vimuttidhammaṃ anuvicinanto gavesanto. Samaṃ cittassa nālatthaṃ, pucchaṃ samaṇabrāhmaṇeti te te nānātitthiye samaṇabrāhmaṇe vimuttidhammaṃ pucchanto pakatiyā anupasantasabhāvassa cittassa samaṃ vūpasamabhūtaṃ vaṭṭadukkhavissaraṇaṃ ariyadhammaṃ nālatthaṃ nādhigacchanti attho.
го со бааран̇г̇ад̇од̇иаад̣̇и бужчид̇аагаарад̣̇ассанам̣. д̇ад̇т̇а го со бааран̇г̇ад̇о логзд̇и имасмим̣ логз д̇ид̇т̇агаарабадин̃н̃зсу саман̣аб̣раахман̣зсу го ну ко со сам̣саарасса баарам̣ ниб̣б̣аанам̣ убаг̇ад̇о. го бад̇д̇о амад̇ог̇ад̇ханд̇и ниб̣б̣аанабад̇идтам̣ вимогкамаг̇г̇ам̣ го бад̇д̇о ад̇хиг̇ад̇од̇и ад̇т̇о. гасса д̇хаммам̣ бадижчаамийд̇и гасса саман̣асса ваа б̣раахман̣асса ваа оваад̣̇ад̇хаммам̣ бадиг̇г̇ан̣хаами бадибаж̇ж̇аами. барамад̇т̇авиж̇аанананд̇и барамад̇т̇асса виж̇аананам̣, авибарийд̇аббавад̇д̇инивад̇д̇ияо бавзд̣̇знд̇анд̇и ад̇т̇о.
Koso pāraṅgatotiādi pucchitākāradassanaṃ. Tattha ko so pāraṅgato loketi imasmiṃ loke titthakārapaṭiññesu samaṇabrāhmaṇesu ko nu kho so saṃsārassa pāraṃ nibbānaṃ upagato. Ko patto amatogadhanti nibbānapatiṭṭhaṃ vimokkhamaggaṃ ko patto adhigatoti attho. Kassa dhammaṃ paṭicchāmīti kassa samaṇassa vā brāhmaṇassa vā ovādadhammaṃ paṭiggaṇhāmi paṭipajjāmi. Paramatthavijānananti paramatthassa vijānanaṃ, aviparītappavattinivattiyo pavedentanti attho.
анд̇ован̇гаг̇ад̇о аасийд̇и ван̇гам̣ вужжад̇и д̣̇идтиг̇ад̇ам̣ манован̇габхаавад̇о, саб̣б̣зби ваа гилзсаа, анд̇од̇и бана хад̣̇аяаван̇гасса анд̇о, хад̣̇аяаб̣бханд̇араг̇ад̇агилзсаван̇го ваа ахосийд̇и ад̇т̇о. мажчова гхасамаамисанд̇и аамисам̣ гхасанд̇о каад̣̇анд̇о мажчо вияа, г̇илаб̣ал̣исо мажчо вияаад̇и ад̇хиббааяо. б̣ад̣̇д̇хо махинд̣̇абаасзна, взбажид̇яасуро яат̇аад̇и махинд̣̇асса саггасса баасзна б̣ад̣̇д̇хо яат̇аа взбажид̇д̇и асуринд̣̇о асзривихаарий махаад̣̇угкаббад̇д̇о, звамахам̣ буб̣б̣з гилзсабаасзна б̣ад̣̇д̇хо аасим̣, асзривихаарий махаад̣̇угкаббад̇д̇од̇и ад̇хиббааяо.
Antovaṅkagato āsīti vaṅkaṃ vuccati diṭṭhigataṃ manovaṅkabhāvato, sabbepi vā kilesā, antoti pana hadayavaṅkassa anto, hadayabbhantaragatakilesavaṅko vā ahosīti attho. Macchova ghasamāmisanti āmisaṃ ghasanto khādanto maccho viya, gilabaḷiso maccho viyāti adhippāyo. Baddho mahindapāsena, vepacityasuro yathāti mahindassa sakkassa pāsena baddho yathā vepacitti asurindo aserivihārī mahādukkhappatto, evamahaṃ pubbe kilesapāsena baddho āsiṃ, aserivihārī mahādukkhappattoti adhippāyo.
ан̃чаамийд̇и аагад̣дхаами. нанд̇и гилзсабаасам̣. на мун̃жаамийд̇и на можзми. асмаа согабарид̣̇д̣̇аваад̇и имасмаа согабарид̣̇зваваддад̇о. ид̣̇ам̣ вуд̇д̇ам̣ ход̇и – яат̇аабаасзна б̣ад̣̇д̇хо миг̇о суугаро ваа можанубааяам̣ аж̇аананд̇о барибпанд̣̇амаано д̇ам̣ аавин̃чанд̇о б̣анд̇ханам̣ д̣̇ал̣хам̣ гарод̇и, звам̣ ахам̣ буб̣б̣з гилзсабаасзна бадимугго можанубааяам̣ аж̇аананд̇о гааяасан̃жзд̇анаад̣̇ивасзна барибпанд̣̇амаано д̇ам̣ на можзсим̣, ан̃н̃ад̣̇ад̇т̇у д̇ам̣ д̣̇ал̣хам̣ гаронд̇о согаад̣̇инаа барам̣ гилзсам̣ зва баабун̣инд̇и. го мз б̣анд̇хам̣ мун̃жам̣ логз, самб̣од̇хим̣ взд̣̇аяиссад̇ийд̇и имасмим̣ логз зд̇ам̣ гилзсаб̣анд̇ханзна б̣анд̇хам̣ мун̃жанд̇о самб̣уж̇жхад̇и зд̇знаад̇и ‘‘самб̣од̇хий’’д̇и лад̣̇д̇ханаамам̣ вимогкамаг̇г̇ам̣ го мз взд̣̇аяиссад̇и аажигкиссад̇ийд̇и ад̇т̇о. ‘‘б̣анд̇хамун̃жа’’нд̇иби батанд̇и, б̣анд̇хаа, б̣анд̇хасса ваа можагам̣ самб̣од̇хинд̇и яож̇анаа.
Añchāmīti ākaḍḍhāmi. Nanti kilesapāsaṃ. Na muñcāmīti na mocemi. Asmā sokapariddavāti imasmā sokaparidevavaṭṭato. Idaṃ vuttaṃ hoti – yathāpāsena baddho migo sūkaro vā mocanupāyaṃ ajānanto paripphandamāno taṃ āviñchanto bandhanaṃ daḷhaṃ karoti, evaṃ ahaṃ pubbe kilesapāsena paṭimukko mocanupāyaṃ ajānanto kāyasañcetanādivasena paripphandamāno taṃ na mocesiṃ, aññadatthu taṃ daḷhaṃ karonto sokādinā paraṃ kilesaṃ eva pāpuṇinti. Ko me bandhaṃ muñcaṃ loke, sambodhiṃ vedayissatīti imasmiṃ loke etaṃ kilesabandhanena bandhaṃ muñcanto sambujjhati etenāti ‘‘sambodhī’’ti laddhanāmaṃ vimokkhamaggaṃ ko me vedayissati ācikkhissatīti attho. ‘‘Bandhamuñca’’ntipi paṭhanti, bandhā, bandhassa vā mocakaṃ sambodhinti yojanā.
аад̣̇исанд̇анд̇и д̣̇зсзнд̇ам̣. бабхан̇г̇унанд̇и бабхан̃ж̇анам̣ гилзсаанам̣ вид̣̇д̇хам̣санам̣ , бабхан̇г̇унам̣ ваа д̇хаммаббавад̇д̇им̣ аад̣̇исанд̇ам̣ гат̇знд̇ам̣ ж̇арааяа мажжуно жа бавааханам̣ гасса д̇хаммам̣ бадижчаами. ‘‘бадибаж̇ж̇аамий’’д̇и ваа баато, со звад̇т̇о. вижигижчааган̇кааг̇ант̇ид̇анд̇и ‘‘ахосим̣ ну ко ахамад̇ийд̇амад̣̇д̇хаана’’нд̇иаад̣̇инаяаббавад̇д̇ааяа (ма. ни. 1.18; сам̣. ни. 2.20) вижигижчааяа аасаббанабарисаббанаагааравуд̇д̇ияаа ган̇кааяа жа г̇ант̇ид̇ам̣. саарамбхаб̣аласан̃н̃уд̇анд̇и гаран̣уд̇д̇арияагаран̣алагкан̣зна б̣алаббад̇д̇зна саарамбхзна яуд̇д̇ам̣. год̇хаббад̇д̇аманад̇т̇ад̣̇д̇ханд̇и саб̣б̣ад̇т̇а год̇хзна яуд̇д̇аманасаа т̇ад̣̇д̇хабхаавам̣ г̇ад̇ам̣ абхиж̇аббаббад̣̇ааран̣ам̣. ижчид̇аалаабхаад̣̇ивасзна хи д̇ан̣хаа сад̇д̇аанам̣ жид̇д̇ам̣ бад̣̇аалзнд̇ий вияа бавад̇д̇ад̇и. д̣̇уурз тид̇ассааби виж̇жханубааяад̇ааяа д̇ан̣хаава д̇хану самубад̇идтад̇и уббаж̇ж̇ад̇и зд̇асмаад̇и д̇ан̣хаад̇ханусамудтаанам̣, д̣̇идтисаллам̣. д̇ам̣ бана яасмаа вийсад̇ивад̇т̇угаа саггааяад̣̇идти, д̣̇асавад̇т̇угаа мижчаад̣̇идтийд̇и д̇им̣саббабхзд̣̇ам̣, д̇асмаа вуд̇д̇ам̣ ‘‘д̣̇вз жа баннарасааяуд̇а’’нд̇и, д̣̇вигкад̇д̇ум̣ баннарасабхзд̣̇аванд̇анд̇и ад̇т̇о. басса орасигам̣ б̣аал̣хам̣, бхзд̇ваана яад̣̇и д̇идтад̇ийд̇и яам̣ урасамб̣анд̇ханийяад̇ааяа орасигам̣ б̣аал̣хам̣ б̣алавад̇арам̣ бхзд̇ваана хад̣̇аяам̣ винивиж̇жхид̇ваа д̇асмим̣язва хад̣̇аяз д̇идтад̇и, д̇ам̣ бассаад̇и ад̇д̇аанамзва аалабад̇и.
Ādisantanti desentaṃ. Pabhaṅgunanti pabhañjanaṃ kilesānaṃ viddhaṃsanaṃ , pabhaṅgunaṃ vā dhammappavattiṃ ādisantaṃ kathentaṃ jarāya maccuno ca pavāhanaṃ kassa dhammaṃ paṭicchāmi. ‘‘Paṭipajjāmī’’ti vā pāṭho, so evattho. Vicikicchākaṅkhāganthitanti ‘‘ahosiṃ nu kho ahamatītamaddhāna’’ntiādinayappavattāya (ma. ni. 1.18; saṃ. ni. 2.20) vicikicchāya āsappanaparisappanākāravuttiyā kaṅkhāya ca ganthitaṃ. Sārambhabalasaññutanti karaṇuttariyakaraṇalakkhaṇena balappattena sārambhena yuttaṃ. Kodhappattamanatthaddhanti sabbattha kodhena yuttamanasā thaddhabhāvaṃ gataṃ abhijappappadāraṇaṃ. Icchitālābhādivasena hi taṇhā sattānaṃ cittaṃ padālentī viya pavattati. Dūre ṭhitassāpi vijjhanupāyatāya taṇhāva dhanu samupatiṭṭhati uppajjati etasmāti taṇhādhanusamuṭṭhānaṃ, diṭṭhisallaṃ. Taṃ pana yasmā vīsativatthukā sakkāyadiṭṭhi, dasavatthukā micchādiṭṭhīti tiṃsappabhedaṃ, tasmā vuttaṃ ‘‘dve ca pannarasāyuta’’nti, dvikkhattuṃ pannarasabhedavantanti attho. Passa orasikaṃ bāḷhaṃ, bhetvāna yadi tiṭṭhatīti yaṃ urasambandhanīyatāya orasikaṃ bāḷhaṃ balavataraṃ bhetvāna hadayaṃ vinivijjhitvā tasmiṃyeva hadaye tiṭṭhati, taṃ passāti attānameva ālapati.
ануд̣̇идтийнам̣ аббахаананд̇и ануд̣̇идтибхууд̇аанам̣ сзсад̣̇идтийнам̣ аббахаанагааран̣ам̣. яаава хи саггааяад̣̇идти санд̇аанад̇о на виг̇ажчад̇и, д̇аава сассад̇ад̣̇идтиаад̣̇ийнам̣ аббахаанамзваад̇и. сан̇габбабарад̇зж̇ид̇анд̇и сан̇габбзна мижчаавид̇аггзна барз бараж̇анз ниссаяалагкан̣ам̣ бад̇ибад̇ид̇з д̇зж̇ид̇ам̣ уссаахид̇ам̣. д̇зна вид̣̇д̇хо бавзд̇хаамийд̇и д̇зна д̣̇идтисаллзна яат̇аа хад̣̇аяам̣ аахажжа д̇идтад̇и, звам̣ вид̣̇д̇хо бавзд̇хаами сан̇габбаами сассад̇ужчзд̣̇аад̣̇ивасзна ид̇о жид̇о жа бариваддаами. бад̇д̇ам̣ва маалуд̇зрид̇анд̇и маалуд̇зна вааяунаа зрид̇ам̣ ван̣дад̇о муд̇д̇ам̣ д̣̇умабад̇д̇ам̣ вияа.
Anudiṭṭhīnaṃ appahānanti anudiṭṭhibhūtānaṃ sesadiṭṭhīnaṃ appahānakāraṇaṃ. Yāva hi sakkāyadiṭṭhi santānato na vigacchati, tāva sassatadiṭṭhiādīnaṃ appahānamevāti. Saṅkappaparatejitanti saṅkappena micchāvitakkena pare parajane nissayalakkhaṇaṃ patipatite tejitaṃ ussāhitaṃ. Tena viddho pavedhāmīti tena diṭṭhisallena yathā hadayaṃ āhacca tiṭṭhati, evaṃ viddho pavedhāmi saṅkappāmi sassatucchedādivasena ito cito ca parivaṭṭāmi. Pattaṃvamāluteritanti mālutena vāyunā eritaṃ vaṇṭato muttaṃ dumapattaṃ viya.
аж̇жхад̇д̇ам̣ мз самудтааяаад̇и яат̇аа логз саллам̣ наама б̣аахирад̇о удтааяа аж̇жхад̇д̇ам̣ ниммат̇зд̇ваа б̣аад̇хад̇и, на звамид̣̇ам̣. ид̣̇ам̣ бана аж̇жхад̇д̇ам̣ мз мама ад̇д̇абхаавз самудтааяа со ад̇д̇абхаавасан̃н̃ид̇о чапассааяад̇анагааяо яат̇аа киббам̣ сийгхам̣ бажжад̇и, д̣аяхад̇и. яат̇аа гим̣? аг̇г̇и вияа саниссаяад̣аахаго д̇ам̣язва маамагам̣ мама санд̇агам̣ ад̇д̇абхаавам̣ д̣аханд̇о яад̇т̇а уббанно, д̇ад̇т̇зва сарад̇и бавад̇д̇ад̇и.
Ajjhattaṃ me samuṭṭhāyāti yathā loke sallaṃ nāma bāhirato uṭṭhāya ajjhattaṃ nimmathetvā bādhati, na evamidaṃ. Idaṃ pana ajjhattaṃ me mama attabhāve samuṭṭhāya so attabhāvasaññito chaphassāyatanakāyo yathā khippaṃ sīghaṃ paccati, ḍayhati. Yathā kiṃ? Aggi viya sanissayaḍāhako taṃyeva māmakaṃ mama santakaṃ attabhāvaṃ ḍahanto yattha uppanno, tattheva sarati pavattati.
д̇ам̣ на бассаами д̇згижчанд̇и д̇аад̣̇исааяа д̇игижчааяа нияуд̇д̇ад̇ааяа д̇згижчам̣ саллагад̇д̇ам̣ бхисаггам̣ д̇ам̣ на бассаами. яо мзд̇ам̣ салламуд̣̇д̇харзд̇и яо бхисагго зд̇ам̣ д̣̇идтисаллам̣ гилзсасаллан̃жа уд̣̇д̇харзяяа, уд̣̇д̇харанд̇о жа наанаараж̇ж̇зна раж̇ж̇усад̣̇исасан̇каад̇ааяа зсанисалаагааяа бавзсзд̇ваана сад̇т̇зна ганд̇ид̇ваа наан̃н̃зна манд̇ааг̇ад̣̇аббаяог̇зна вижигижчид̇ам̣ саллам̣ д̇игижчид̇ум̣ саггаад̇и аахарид̇ваа яож̇зд̇аб̣б̣ам̣. вижигижчид̇анд̇и, жа нид̣̇ассанамад̇д̇амзд̇ам̣. саб̣б̣ассаби гилзсасалласса васзна ад̇т̇о взд̣̇ид̇аб̣б̣о.
Taṃ na passāmi tekicchanti tādisāya tikicchāya niyuttatāya tekicchaṃ sallakattaṃ bhisakkaṃ taṃ na passāmi. Yo metaṃ sallamuddhareti yo bhisakko etaṃ diṭṭhisallaṃ kilesasallañca uddhareyya, uddharanto ca nānārajjena rajjusadisasaṅkhātāya esanisalākāya pavesetvāna satthena kantitvā nāññena mantāgadappayogena vicikicchitaṃ sallaṃ tikicchituṃ sakkāti āharitvā yojetabbaṃ. Vicikicchitanti, ca nidassanamattametaṃ. Sabbassapi kilesasallassa vasena attho veditabbo.
асад̇т̇од̇и сад̇т̇арахид̇о. аван̣од̇и ван̣зна винаа. аб̣бханд̇арабассаяанд̇и аб̣бханд̇арасан̇каад̇ам̣ хад̣̇аяам̣ ниссааяа тид̇ам̣. ахим̣санд̇и абийл̣знд̇о. ‘‘ахим̣саа’’д̇и жа баато, ахим̣сааяа абийл̣анзнаад̇и ад̇т̇о. аяан̃хзд̇т̇а сан̇кзбад̇т̇о – го ну ко гин̃жи сад̇т̇ам̣ аг̇г̇ахзд̇ваа ван̣ан̃жа агаронд̇о д̇ад̇о зва саб̣б̣аг̇ад̇д̇аани аб̣аад̇хзнд̇о мама хад̣̇аяаб̣бханд̇араг̇ад̇ам̣ бийл̣ааж̇ананад̇о анд̇о д̇уд̣̇анад̇о анд̇о руд̣̇д̇ханад̇о жа барамад̇т̇знзва саллабхууд̇ам̣ гилзсасаллам̣ уд̣̇д̇хариссад̇ийд̇и.
Asatthoti sattharahito. Avaṇoti vaṇena vinā. Abbhantarapassayanti abbhantarasaṅkhātaṃ hadayaṃ nissāya ṭhitaṃ. Ahiṃsanti apīḷento. ‘‘Ahiṃsā’’ti ca pāṭho, ahiṃsāya apīḷanenāti attho. Ayañhettha saṅkhepattho – ko nu kho kiñci satthaṃ aggahetvā vaṇañca akaronto tato eva sabbagattāni abādhento mama hadayabbhantaragataṃ pīḷājananato anto tudanato anto ruddhanato ca paramattheneva sallabhūtaṃ kilesasallaṃ uddharissatīti.
звам̣ д̣̇асахи г̇аат̇аахи буб̣б̣з ад̇д̇анаа жинд̇ид̇аагаарам̣ д̣̇ассзд̇ваа бунаби д̇ам̣ багааранд̇арзна д̣̇ассзд̇ум̣ ‘‘д̇хаммаббад̇и хи со сздто’’д̇иаад̣̇имааха. д̇ад̇т̇а д̇хаммаббад̇ийд̇и д̇хамманимид̇д̇ам̣ д̇хаммахзд̇у. хийд̇и нибаад̇амад̇д̇ам̣. со сздтод̇и со буг̇г̇ало уд̇д̇амо. висад̣̇осаббаваахагод̇и яо маяхам̣ рааг̇аад̣̇игилзсасса баваахаго ужчиннаго. г̇амбхийрз бад̇ид̇асса мз, т̇алам̣ баан̣ин̃жа д̣̇ассаязд̇и го ну ко ад̇иг̇амбхийрз сам̣саарамахогхз бад̇ид̇асса маяхам̣ ‘‘маа бхааяий’’д̇и ассаасзнд̇о ниб̣б̣аанат̇алам̣ д̇ам̣самбаабагам̣ арияамаг̇г̇ахад̇т̇ан̃жа д̣̇ассзяяа.
Evaṃ dasahi gāthāhi pubbe attanā cintitākāraṃ dassetvā punapi taṃ pakārantarena dassetuṃ ‘‘dhammappati hi so seṭṭho’’tiādimāha. Tattha dhammappatīti dhammanimittaṃ dhammahetu. Hīti nipātamattaṃ. So seṭṭhoti so puggalo uttamo. Visadosappavāhakoti yo mayhaṃ rāgādikilesassa pavāhako ucchinnako. Gambhīre patitassa me, thalaṃ pāṇiñca dassayeti ko nu kho atigambhīre saṃsāramahoghe patitassa mayhaṃ ‘‘mā bhāyī’’ti assāsento nibbānathalaṃ taṃsampāpakaṃ ariyamaggahatthañca dasseyya.
рахад̣̇зхамасми ог̇аал̣ход̇и махад̇и сам̣саарарахад̣̇з ахамасми сасийсам̣ нимуж̇ж̇анавасзна од̇ин̣н̣о анубавидто. ахаарияараж̇амад̇д̇игзд̇и абанзд̇ум̣ асаггун̣зяяо рааг̇аад̣̇ираж̇о мад̇д̇игаа гад̣̇д̣̇амо зд̇ассаад̇и ахаарияараж̇амад̇д̇иго, рахад̣̇о. д̇асмим̣ рахад̣̇асмим̣. ‘‘ахаарияараж̇аманд̇игз’’д̇и ваа баато, анд̇игз тид̇арааг̇аад̣̇ийсу д̣̇уннийхаран̣ийяарааг̇аад̣̇ираж̇зд̇и ад̇т̇о. санд̇ад̣̇осабадижчаад̣̇аналагкан̣аа мааяаа, барасамбад̇д̇иасаханалагкан̣аа усууяаа, гаран̣уд̇д̇арияагаран̣алагкан̣о саарамбхо, жид̇д̇ааласияалагкан̣ам̣ т̇инам̣, гааяааласияалагкан̣ам̣ мид̣̇д̇ханд̇и имз баабад̇хаммаа бад̇т̇адаа яам̣ рахад̣̇ам̣, д̇асмим̣ мааяааусууяасаарамбхат̇инамид̣̇д̇хамабад̇т̇адз, магааро жзд̇т̇а бад̣̇асанд̇хигаро вуд̇д̇о. яат̇аавуд̇д̇зхи имзхи баабад̇хаммзхи бад̇т̇адзд̇и ад̇т̇о.
Rahadehamasmiogāḷhoti mahati saṃsārarahade ahamasmi sasīsaṃ nimujjanavasena otiṇṇo anupaviṭṭho. Ahāriyarajamattiketi apanetuṃ asakkuṇeyyo rāgādirajo mattikā kaddamo etassāti ahāriyarajamattiko, rahado. Tasmiṃ rahadasmiṃ. ‘‘Ahāriyarajamantike’’ti vā pāṭho, antike ṭhitarāgādīsu dunnīharaṇīyarāgādirajeti attho. Santadosapaṭicchādanalakkhaṇā māyā, parasampattiasahanalakkhaṇā usūyā, karaṇuttariyakaraṇalakkhaṇo sārambho, cittālasiyalakkhaṇaṃ thinaṃ, kāyālasiyalakkhaṇaṃ middhanti ime pāpadhammā patthaṭā yaṃ rahadaṃ, tasmiṃ māyāusūyasārambhathinamiddhamapatthaṭe, makāro cettha padasandhikaro vutto. Yathāvuttehi imehi pāpadhammehi patthaṭeti attho.
уд̣̇д̇хажжамзгхат̇анид̇ам̣, сам̣яож̇анавалаахаганд̇и важанавибаллаасзна вуд̇д̇ам̣, бханд̇асабхаавам̣ уд̣̇д̇хажжам̣ мзгхат̇анид̇ам̣ мзгхаг̇аж̇ж̇ид̇ам̣ зд̇зсанд̇и уд̣̇д̇хажжамзгхат̇анид̇аа. д̣̇асавид̇хаа сам̣яож̇анаа зва валаахагаа зд̇зсанд̇и сам̣яож̇анавалаахагаа. ваахаа махаауд̣̇агаваахасад̣̇исаа рааг̇аниссид̇аа мижчаасан̇габбаа асубхаад̣̇ийсу тид̇аа гуд̣̇д̣̇идтим̣ мам̣ ваханд̇и абааяасамуд̣̇д̣̇амзва уд̣̇д̣̇исса гад̣дханд̇ийд̇и ад̇т̇о.
Uddhaccameghathanitaṃ, saṃyojanavalāhakanti vacanavipallāsena vuttaṃ, bhantasabhāvaṃ uddhaccaṃ meghathanitaṃ meghagajjitaṃ etesanti uddhaccameghathanitā. Dasavidhā saṃyojanā eva valāhakā etesanti saṃyojanavalāhakā. Vāhā mahāudakavāhasadisā rāganissitā micchāsaṅkappā asubhādīsu ṭhitā kuddiṭṭhiṃ maṃ vahanti apāyasamuddameva uddissa kaḍḍhantīti attho.
саванд̇и саб̣б̣ад̇хи сод̇аад̇и д̇ан̣хаасод̇о, д̣̇идтисод̇о, маанасод̇о, авиж̇ж̇аасод̇о, гилзсасод̇од̇и имз бан̃жабисод̇аа жагкуд̣̇ваараад̣̇ийнам̣ васзна саб̣б̣зсу руубаад̣̇ийсу аарамман̣зсу саванад̇о ‘‘руубад̇ан̣хаа…бз… д̇хаммад̇ан̣хаа’’д̇иаад̣̇инаа (вибха. 204, 232) саб̣б̣абхааг̇зхи ваа саванад̇о саб̣б̣ад̇хи саванд̇и. лад̇аад̇и баливзтанадтзна сам̣сиб̣б̣анадтзна лад̇аа вияаад̇и лад̇аа, д̇ан̣хаа. уб̣бхиж̇ж̇а д̇идтад̇ийд̇и чахи д̣̇ваарзхи уб̣бхиж̇ж̇ид̇ваа руубаад̣̇ийсу аарамман̣зсу д̇идтад̇и. д̇з сод̇зд̇и д̇ан̣хаад̣̇игз сод̇з мама санд̇аанз санд̣̇анд̇з маг̇г̇асзд̇уб̣анд̇ханзна го бурисависзсо ниваарзяяа, д̇ам̣ лад̇анд̇и д̇ан̣хаалад̇ам̣, маг̇г̇асад̇т̇зна го чзжчад̇и чинд̣̇иссад̇и.
Savanti sabbadhi sotāti taṇhāsoto, diṭṭhisoto, mānasoto, avijjāsoto, kilesasototi ime pañcapisotā cakkhudvārādīnaṃ vasena sabbesu rūpādīsu ārammaṇesu savanato ‘‘rūpataṇhā…pe… dhammataṇhā’’tiādinā (vibha. 204, 232) sabbabhāgehi vā savanato sabbadhi savanti. Latāti paliveṭhanaṭṭhena saṃsibbanaṭṭhena latā viyāti latā, taṇhā. Ubbhijja tiṭṭhatīti chahi dvārehi ubbhijjitvā rūpādīsu ārammaṇesu tiṭṭhati. Te soteti taṇhādike sote mama santāne sandante maggasetubandhanena ko purisaviseso nivāreyya, taṃ latanti taṇhālataṃ, maggasatthena ko checchati chindissati.
взлам̣ гарот̇аад̇и д̇зсам̣ сод̇аанам̣ взлам̣ сзд̇ум̣ гарот̇а саннивааран̣ам̣. бхад̣̇д̣̇анд̇зд̇и аалабанаагаарад̣̇ассанам̣. маа д̇з маномаяо сод̇од̇и уд̣̇агасод̇о ол̣аариго, д̇асса б̣ааламахааж̇анзнаби сзд̇ум̣ гад̇ваа нивааран̣ам̣ саггаа. аяам̣ бана маномаяо сод̇о сукумо д̣̇уннивааран̣о. со яат̇аа уд̣̇агасод̇о вад̣дханд̇о гуулз тид̇ам̣ ругкам̣ баад̇зд̇ваава наасзд̇и, звам̣ д̇умхз абааяад̇ийрз тид̇з д̇ад̇т̇а сахасаа баад̇зд̇ваа абааяасамуд̣̇д̣̇ам̣ баабзнд̇о маа лувз маа винаасзяяа маа анаяаб̣яасанам̣ баабзяяаад̇и ад̇т̇о.
Velaṃ karothāti tesaṃ sotānaṃ velaṃ setuṃ karotha sannivāraṇaṃ. Bhaddanteti ālapanākāradassanaṃ. Mā te manomayo sototi udakasoto oḷāriko, tassa bālamahājanenapi setuṃ katvā nivāraṇaṃ sakkā. Ayaṃ pana manomayo soto sukhumo dunnivāraṇo. So yathā udakasoto vaḍḍhanto kūle ṭhitaṃ rukkhaṃ pātetvāva nāseti, evaṃ tumhe apāyatīre ṭhite tattha sahasā pātetvā apāyasamuddaṃ pāpento mā luve mā vināseyya mā anayabyasanaṃ pāpeyyāti attho.
звам̣ аяам̣ т̇зро буримад̇д̇абхаавз баримад̣̇д̣̇ид̇асан̇каарад̇д̇аа н̃аан̣абарибаагам̣ г̇ад̇ад̇д̇аа бавад̇д̇ид̣̇угкам̣ убад̇хаарзнд̇о яат̇аа вижигижчаад̣̇игз сам̣гилзсад̇хаммз бариг̇г̇ан̣хи, д̇амаагаарам̣ д̣̇ассзд̇ваа ид̣̇аани ж̇аад̇асам̣взг̇о гим̣гусалаг̇авзсий сад̇т̇у санд̇игам̣ г̇ад̇о яам̣ висзсам̣ ад̇химужжи, д̇ам̣ д̣̇ассзнд̇о ‘‘звам̣ мз бхаяаж̇аад̇ассаа’’д̇иаад̣̇имааха. д̇ад̇т̇а звам̣ мз бхаяаж̇аад̇ассаад̇и звам̣ вуд̇д̇аббагаарзна сам̣саарз ж̇аад̇абхаяасса абаараа оримад̇ийрад̇о саббадибхаяад̇о сам̣саараваддад̇о ‘‘гат̇ам̣ ну ко мун̃жзяяа’’нд̇и баарам̣ ниб̣б̣аанам̣, зсад̇о г̇авзсад̇о, д̇аан̣о сад̣̇звагасса логасса д̇аан̣абхууд̇о гилзсасамужчзд̣̇аний бан̃н̃аа аавуд̇хо зд̇ассаад̇и бан̃н̃аавуд̇хо. д̣̇идтад̇хаммигаад̣̇иад̇т̇зна сад̇д̇аанам̣ яат̇аарахам̣ анусаасанад̇о сад̇т̇аа, исисан̇гхзна аг̇г̇асаавагаад̣̇иарияабуг̇г̇аласамуухзна нисзвид̇о баяирубаасид̇о исисан̇гханисзвид̇о, собаананд̇и д̣̇зсанаан̃аан̣зна судту гад̇ад̇д̇аа абхисан̇кад̇ад̇д̇аа сугад̇ам̣, убаггилзсавирахид̇ад̇о суд̣̇д̇хам̣, сад̣̇д̇хаабан̃н̃аад̣̇исаарабхууд̇ам̣ д̇хаммасаарамаяам̣ бадибагкзхи ажаланийяад̇о д̣̇ал̣хам̣, вибассанаасан̇каад̇ам̣ собаанам̣ махогхзна вуяхамаанасса маяхам̣ сад̇т̇аа баад̣̇ааси, д̣̇ад̣̇анд̇о жа ‘‘иминаа д̇з сод̇т̇и бхависсад̇ий’’д̇и самассаасзнд̇о маа бхааяийд̇и жа аб̣рави, гат̇зси.
Evaṃ ayaṃ thero purimattabhāve parimadditasaṅkhārattā ñāṇaparipākaṃ gatattā pavattidukkhaṃ upadhārento yathā vicikicchādike saṃkilesadhamme pariggaṇhi, tamākāraṃ dassetvā idāni jātasaṃvego kiṃkusalagavesī satthu santikaṃ gato yaṃ visesaṃ adhimucci, taṃ dassento ‘‘evaṃ me bhayajātassā’’tiādimāha. Tattha evaṃ me bhayajātassāti evaṃ vuttappakārena saṃsāre jātabhayassa apārā orimatīrato sappaṭibhayato saṃsāravaṭṭato ‘‘kathaṃ nu kho muñceyya’’nti pāraṃ nibbānaṃ, esato gavesato, tāṇo sadevakassa lokassa tāṇabhūto kilesasamucchedanī paññā āvudho etassāti paññāvudho. Diṭṭhadhammikādiatthena sattānaṃ yathārahaṃ anusāsanato satthā, isisaṅghena aggasāvakādiariyapuggalasamūhena nisevito payirupāsito isisaṅghanisevito, sopānanti desanāñāṇena suṭṭhu katattā abhisaṅkhatattā sukataṃ, upakkilesavirahitato suddhaṃ, saddhāpaññādisārabhūtaṃ dhammasāramayaṃ paṭipakkhehi acalanīyato daḷhaṃ, vipassanāsaṅkhātaṃ sopānaṃ mahoghena vuyhamānassa mayhaṃ satthā pādāsi, dadanto ca ‘‘iminā te sotthi bhavissatī’’ti samassāsento mā bhāyīti ca abravi, kathesi.
сад̇ибадтаанабаасаад̣̇анд̇и д̇зна вибассанаасобаанзна гааяаанубассанаад̣̇инаа лад̣̇д̇хаб̣б̣ажад̇уб̣б̣ид̇хасааман̃н̃апалависзсзна жад̇убхуумисамбаннам̣ сад̇ибадтаанабаасаад̣̇ам̣ аарухид̇ваа бажжавзгкисам̣ жад̇усажжад̇хаммам̣ маг̇г̇ан̃аан̣зна бад̇иавзгким̣ бадивиж̇жхим̣. яам̣ д̇ам̣ буб̣б̣з аман̃н̃иссам̣, саггааяаабхирад̇ам̣ баж̇анд̇и звам̣ бадивид̣̇д̇хасажжо яам̣ саггааяз ‘‘ахам̣ мамаа’’д̇и абхирад̇ам̣ баж̇ам̣ д̇ид̇т̇ияаж̇анам̣ д̇зна баригаббид̇аад̇д̇аанан̃жа буб̣б̣з саарад̇о аман̃н̃иссам̣. яад̣̇аа жа маг̇г̇амад̣̇д̣̇агким̣, наавааяа абхируухананд̇и арияамаг̇г̇анаавааяа абхирухануубааяабхууд̇ам̣ яад̣̇аа вибассанаамаг̇г̇ам̣ яаат̇аавад̇о ад̣̇д̣̇агким̣. д̇ад̇о бадтааяа д̇ам̣ д̇ид̇т̇ияаж̇анам̣ ад̇д̇аанан̃жа анад̇хидтааяа жид̇д̇з адтабзд̇ваа аг̇г̇ахзд̇ваа д̇ид̇т̇ам̣ ниб̣б̣аанасан̇каад̇асса амад̇амахаабаарасса д̇ид̇т̇абхууд̇ам̣ арияамаг̇г̇ад̣̇ассанам̣ саб̣б̣зхи маг̇г̇зхи саб̣б̣зхи гусалад̇хаммзхи уггадтам̣ ад̣̇д̣̇агким̣, яаат̇аавад̇о абассинд̇и ад̇т̇о.
Satipaṭṭhānapāsādanti tena vipassanāsopānena kāyānupassanādinā laddhabbacatubbidhasāmaññaphalavisesena catubhūmisampannaṃ satipaṭṭhānapāsādaṃ āruhitvā paccavekkhisaṃ catusaccadhammaṃ maggañāṇena patiavekkhiṃ paṭivijjhiṃ. Yaṃ taṃ pubbe amaññissaṃ, sakkāyābhirataṃ pajanti evaṃ paṭividdhasacco yaṃ sakkāye ‘‘ahaṃ mamā’’ti abhirataṃ pajaṃ titthiyajanaṃ tena parikappitaattānañca pubbe sārato amaññissaṃ. Yadā ca maggamaddakkhiṃ, nāvāya abhirūhananti ariyamagganāvāya abhiruhanūpāyabhūtaṃ yadā vipassanāmaggaṃ yāthāvato addakkhiṃ. Tato paṭṭhāya taṃ titthiyajanaṃ attānañca anadhiṭṭhāya citte aṭṭhapetvā aggahetvā titthaṃ nibbānasaṅkhātassa amatamahāpārassa titthabhūtaṃ ariyamaggadassanaṃ sabbehi maggehi sabbehi kusaladhammehi ukkaṭṭhaṃ addakkhiṃ, yāthāvato apassinti attho.
звам̣ ад̇д̇ано ануд̇д̇арам̣ маг̇г̇аад̇хиг̇амам̣ багаасзд̇ваа ид̣̇аани д̇асса д̣̇зсагам̣ саммаасамб̣уд̣̇д̇хам̣ т̇омзнд̇о ‘‘саллам̣ ад̇д̇асамудтаана’’нд̇иаад̣̇имааха. д̇ад̇т̇а салланд̇и д̣̇идтимаанаад̣̇игилзсасаллам̣. ад̇д̇асамудтаананд̇и ‘‘аха’’нд̇и маанадтаанад̇ааяа ‘‘ад̇д̇аа’’д̇и жа лад̣̇д̇ханаамз ад̇д̇абхаавз самбхууд̇ам̣. бхаванзд̇д̇иббабхаавид̇анд̇и бхавад̇ан̣хаасамудтид̇ам̣ бхавад̇ан̣хаасанниссаяам̣. саа хи д̣̇идтимаанаад̣̇ийнам̣ самбхаво. зд̇зсам̣ аббавад̇д̇ааяаад̇и яат̇аавуд̇д̇аанам̣ баабад̇хаммаанам̣ аббавад̇д̇ияаа ануббаад̣̇ааяа. д̣̇зсзси маг̇г̇амуд̇д̇аманд̇и уд̇д̇амам̣ сздтам̣ арияам̣ адтан̇г̇игам̣ маг̇г̇ам̣, д̇ад̣̇убааяан̃жа вибассанаамаг̇г̇ам̣ гат̇зси.
Evaṃ attano anuttaraṃ maggādhigamaṃ pakāsetvā idāni tassa desakaṃ sammāsambuddhaṃ thomento ‘‘sallaṃ attasamuṭṭhāna’’ntiādimāha. Tattha sallanti diṭṭhimānādikilesasallaṃ. Attasamuṭṭhānanti ‘‘aha’’nti mānaṭṭhānatāya ‘‘attā’’ti ca laddhanāme attabhāve sambhūtaṃ. Bhavanettippabhāvitanti bhavataṇhāsamuṭṭhitaṃ bhavataṇhāsannissayaṃ. Sā hi diṭṭhimānādīnaṃ sambhavo. Etesaṃ appavattāyāti yathāvuttānaṃ pāpadhammānaṃ appavattiyā anuppādāya. Desesi maggamuttamanti uttamaṃ seṭṭhaṃ ariyaṃ aṭṭhaṅgikaṃ maggaṃ, tadupāyañca vipassanāmaggaṃ kathesi.
д̣̇ийгхарад̇д̇аанусаяид̇анд̇и анамад̇аг̇г̇з сам̣саарз жирагаалам̣ санд̇аанз ану ану саяид̇ам̣ гааран̣алаабхзна уббаж̇ж̇анаарахабхаавзна т̇аамаг̇ад̇ам̣, д̇ад̇о жа жирарад̇д̇ам̣ ад̇хидтид̇ам̣ санд̇аанам̣ аж̇жхааруяха тид̇ам̣. г̇ант̇анд̇и абхиж̇жхаагааяаг̇ант̇аад̣̇им̣ мама санд̇аанз г̇ант̇абхууд̇ам̣ гилзсависад̣̇осам̣ баваахано б̣уд̣̇д̇хо бхаг̇аваа ад̇д̇ано д̣̇зсанаанубхаавзна абаануд̣̇ий бариж̇ахаабзси, г̇ант̇зсу хи анавасзсад̇о бахийнзсу аббахийно наама гилзсо над̇т̇ийд̇и.
Dīgharattānusayitanti anamatagge saṃsāre cirakālaṃ santāne anu anu sayitaṃ kāraṇalābhena uppajjanārahabhāvena thāmagataṃ, tato ca cirarattaṃ adhiṭṭhitaṃ santānaṃ ajjhāruyha ṭhitaṃ. Ganthanti abhijjhākāyaganthādiṃ mama santāne ganthabhūtaṃ kilesavisadosaṃ pavāhano buddho bhagavā attano desanānubhāvena apānudī parijahāpesi, ganthesu hi anavasesato pahīnesu appahīno nāma kileso natthīti.
д̇злагаанид̇т̇зраг̇аат̇ааван̣н̣анаа нидтид̇аа.
Telakānittheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 3. д̇злагаанид̇т̇зраг̇аат̇аа • 3. Telakānittheragāthā
