| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[96] 6. д̇злабад̇д̇аж̇аад̇агаван̣н̣анаа
[96] 6. Telapattajātakavaṇṇanā
самад̇ид̇д̇игам̣ анавасзсаганд̇и ид̣̇ам̣ сад̇т̇аа сумбхарадтз сзд̣̇агам̣ наама ниг̇амам̣ убаниссааяа ан̃н̃ад̇арасмим̣ ванасан̣д̣з вихаранд̇о ж̇анабад̣̇агаляаан̣исуд̇д̇ам̣ аараб̣бха гат̇зси. д̇ад̇ра хи бхаг̇аваа –
Samatittikaṃ anavasesakanti idaṃ satthā sumbharaṭṭhe sedakaṃ nāma nigamaṃ upanissāya aññatarasmiṃ vanasaṇḍe viharanto janapadakalyāṇisuttaṃ ārabbha kathesi. Tatra hi bhagavā –
‘‘сзяяат̇ааби, бхигкавз, ‘ж̇анабад̣̇агаляаан̣ий ж̇анабад̣̇агаляаан̣ий’д̇и ко, бхигкавз, махааж̇анагааяо саннибад̇зяяа, саа ко банасса ж̇анабад̣̇агаляаан̣ий барамабаасаавиний нажжз, барамабаасаавиний г̇ийд̇з. ‘ж̇анабад̣̇агаляаан̣ий нажжад̇и г̇ааяад̇ий’д̇и ко, бхигкавз, бхияяосомад̇д̇ааяа махааж̇анагааяо саннибад̇зяяа. ат̇а бурисо ааг̇ажчзяяа ж̇ийвид̇угаамо амарид̇угаамо сукагаамо д̣̇угкабадигууло. д̇амзнам̣ звам̣ вад̣̇зяяа ‘‘аяам̣ д̇з, амбхо буриса, самад̇ид̇д̇иго д̇злабад̇д̇о анд̇арзна жа махааж̇анагааяасса анд̇арзна жа ж̇анабад̣̇агаляаан̣ияаа барихарид̇аб̣б̣о, бурисо жа д̇ам̣ угкид̇д̇аасиго бидтид̇о бидтид̇о ануб̣анд̇хиссад̇и ‘яад̇т̇зва нам̣ т̇огамби чад̣д̣зссаси, д̇ад̇т̇зва д̇з сийсам̣ баад̇зссаамий’’’д̇и. ‘‘д̇ам̣ гим̣ ман̃н̃ат̇а, бхигкавз, аби ну со бурисо амум̣ д̇злабад̇д̇ам̣ аманасигарид̇ваа б̣ахид̣̇д̇хаа бамаад̣̇ам̣ аахарзяяаа’’д̇и? ‘‘но хзд̇ам̣, бханд̇з’’. убамаа ко мяааяам̣, бхигкавз, гад̇аа ад̇т̇асса вин̃н̃аабанааяа. аяамзвзд̇т̇а ад̇т̇о – ‘самад̇ид̇д̇иго д̇злабад̇д̇о’д̇и ко, бхигкавз, гааяаг̇ад̇ааязд̇ам̣ сад̇ияаа ад̇хиважанам̣. д̇асмаад̇иха , бхигкавз, звам̣ сигкид̇аб̣б̣ам̣ ‘гааяаг̇ад̇аа но сад̇и бхаавид̇аа бхависсад̇и сусамаарад̣̇д̇хаа’д̇и зван̃хи во, бхигкавз, сигкид̇аб̣б̣а’’нд̇и (сам̣. ни. 5.386) –
‘‘Seyyathāpi, bhikkhave, ‘janapadakalyāṇī janapadakalyāṇī’ti kho, bhikkhave, mahājanakāyo sannipateyya, sā kho panassa janapadakalyāṇī paramapāsāvinī nacce, paramapāsāvinī gīte. ‘Janapadakalyāṇī naccati gāyatī’ti kho, bhikkhave, bhiyyosomattāya mahājanakāyo sannipateyya. Atha puriso āgaccheyya jīvitukāmo amaritukāmo sukhakāmo dukkhapaṭikūlo. Tamenaṃ evaṃ vadeyya ‘‘ayaṃ te, ambho purisa, samatittiko telapatto antarena ca mahājanakāyassa antarena ca janapadakalyāṇiyā pariharitabbo, puriso ca taṃ ukkhittāsiko piṭṭhito piṭṭhito anubandhissati ‘yattheva naṃ thokampi chaḍḍessasi, tattheva te sīsaṃ pātessāmī’’’ti. ‘‘Taṃ kiṃ maññatha, bhikkhave, api nu so puriso amuṃ telapattaṃ amanasikaritvā bahiddhā pamādaṃ āhareyyā’’ti? ‘‘No hetaṃ, bhante’’. Upamā kho myāyaṃ, bhikkhave, katā atthassa viññāpanāya. Ayamevettha attho – ‘samatittiko telapatto’ti kho, bhikkhave, kāyagatāyetaṃ satiyā adhivacanaṃ. Tasmātiha , bhikkhave, evaṃ sikkhitabbaṃ ‘kāyagatā no sati bhāvitā bhavissati susamāraddhā’ti evañhi vo, bhikkhave, sikkhitabba’’nti (saṃ. ni. 5.386) –
ид̣̇ам̣ ж̇анабад̣̇агаляаан̣исуд̇д̇ам̣ саад̇т̇ам̣ саб̣яан̃ж̇анам̣ гат̇зси.
Idaṃ janapadakalyāṇisuttaṃ sātthaṃ sabyañjanaṃ kathesi.
д̇ад̇рааяам̣ сан̇кзбад̇т̇о – ж̇анабад̣̇агаляаан̣ийд̇и ж̇анабад̣̇амхи галяаан̣ий уд̇д̇амаа часарийрад̣̇осарахид̇аа бан̃жагаляаан̣асаманнааг̇ад̇аа. саа хи яасмаа наад̇ид̣̇ийгхаа, наад̇ирассаа, наад̇игисаа, наад̇ит̇уулаа, наад̇игаал̣аа, наажжод̣̇аад̇аа, ад̇игганд̇аа маанусагаван̣н̣ам̣, абад̇д̇аа д̣̇иб̣б̣аван̣н̣ам̣, д̇асмаа часарийрад̣̇осарахид̇аа. чавигаляаан̣ам̣, мам̣сагаляаан̣ам̣, нхааругаляаан̣ам̣, адтигаляаан̣ам̣, ваяогаляаан̣анд̇и имзхи бана бан̃жахи галяаан̣зхи саманнааг̇ад̇ад̇д̇аа бан̃жагаляаан̣асаманнааг̇ад̇аа наама. д̇ассаа хи ааг̇анд̇угобхаасагижжам̣ наама над̇т̇и, ад̇д̇ано сарийробхаасзнзва д̣̇ваад̣̇асахад̇т̇з таанз аалогам̣ гарод̇и, бияан̇г̇усаамаа ваа ход̇и суван̣н̣асаамаа ваа. аяамассаа чавигаляаан̣ад̇аа. жад̇д̇ааро банассаа хад̇т̇абаад̣̇аа мукабарияосаанан̃жа лаакаарасабаригаммагад̇ам̣ вияа рад̇д̇абаваал̣арад̇д̇агамб̣аласад̣̇исам̣ ход̇и. аяамассаа мам̣сагаляаан̣ад̇аа. вийсад̇и накабад̇д̇аани мам̣сад̇о амуд̇д̇адтаанз лаакаарасабуурид̇аани вияа, муд̇д̇адтаанз кийрад̇хаараасад̣̇исаани. аяамассаа нхааругаляаан̣ад̇аа. д̣̇вад̇д̇им̣са д̣̇анд̇аа супусид̇аа суд̇ход̇аваж̇ирабанд̇и вияа кааяанд̇и. аяамассаа адтигаляаан̣ад̇аа. вийсад̇ивассасад̇игааби бана самаанаа сол̣асавассуд̣̇д̣̇зсигаа вияа ход̇и ниб̣б̣алибалид̇аа. аяамассаа ваяогаляаан̣ад̇аа.
Tatrāyaṃ saṅkhepattho – janapadakalyāṇīti janapadamhi kalyāṇī uttamā chasarīradosarahitā pañcakalyāṇasamannāgatā. Sā hi yasmā nātidīghā, nātirassā, nātikisā, nātithūlā, nātikāḷā, nāccodātā, atikkantā mānusakavaṇṇaṃ, apattā dibbavaṇṇaṃ, tasmā chasarīradosarahitā. Chavikalyāṇaṃ, maṃsakalyāṇaṃ, nhārukalyāṇaṃ, aṭṭhikalyāṇaṃ, vayokalyāṇanti imehi pana pañcahi kalyāṇehi samannāgatattā pañcakalyāṇasamannāgatā nāma. Tassā hi āgantukobhāsakiccaṃ nāma natthi, attano sarīrobhāseneva dvādasahatthe ṭhāne ālokaṃ karoti, piyaṅgusāmā vā hoti suvaṇṇasāmā vā. Ayamassā chavikalyāṇatā. Cattāro panassā hatthapādā mukhapariyosānañca lākhārasaparikammakataṃ viya rattapavāḷarattakambalasadisaṃ hoti. Ayamassā maṃsakalyāṇatā. Vīsati nakhapattāni maṃsato amuttaṭṭhāne lākhārasapūritāni viya, muttaṭṭhāne khīradhārāsadisāni. Ayamassā nhārukalyāṇatā. Dvattiṃsa dantā suphusitā sudhotavajirapanti viya khāyanti. Ayamassā aṭṭhikalyāṇatā. Vīsativassasatikāpi pana samānā soḷasavassuddesikā viya hoti nibbalipalitā. Ayamassā vayokalyāṇatā.
барамабаасаавинийд̇и зд̇т̇а бана басаванам̣ басаво, бавад̇д̇ийд̇и ад̇т̇о. басаво зва баасааво, барамо баасааво барамабаасааво, со ассаа ад̇т̇ийд̇и барамабаасаавиний. нажжз жа г̇ийд̇з жа уд̇д̇амаббавад̇д̇и сздтагирияаа. уд̇д̇амамзва нажжам̣ нажжад̇и, г̇ийд̇ан̃жа г̇ааяад̇ийд̇и вуд̇д̇ам̣ ход̇и.
Paramapāsāvinīti ettha pana pasavanaṃ pasavo, pavattīti attho. Pasavo eva pāsāvo, paramo pāsāvo paramapāsāvo, so assā atthīti paramapāsāvinī. Nacce ca gīte ca uttamappavatti seṭṭhakiriyā. Uttamameva naccaṃ naccati, gītañca gāyatīti vuttaṃ hoti.
ат̇а бурисо ааг̇ажчзяяаад̇и на ад̇д̇ано ружияаа ааг̇ажчзяяа, аяам̣ банзд̇т̇а ад̇хиббааяо – ат̇звам̣ махааж̇анамаж̇жхз ж̇анабад̣̇агаляаан̣ияаа нажжамаанааяа ‘‘саад̇ху саад̇хуу’’д̇и саад̇хугаарзсу ан̇г̇улиподанзсу жзлугкзбзсу жа бавад̇д̇амаанзсу д̇ам̣ бавад̇д̇им̣ суд̇ваа рааж̇аа б̣анд̇ханааг̇аарад̇о згам̣ жорабурисам̣ баггосаабзд̇ваа ниг̇ал̣аани чинд̣̇ид̇ваа самад̇ид̇д̇игам̣ субарибун̣н̣ам̣ д̇злабад̇д̇ам̣ д̇асса хад̇т̇з д̣̇ад̇ваа убхохи хад̇т̇зхи д̣̇ал̣хам̣ г̇аахаабзд̇ваа згам̣ асихад̇т̇ам̣ бурисам̣ аан̣аабзси ‘‘зд̇ам̣ г̇ахзд̇ваа ж̇анабад̣̇агаляаан̣ияаа самаж̇ж̇адтаанам̣ г̇ажча. яад̇т̇зва жзса бамаад̣̇ам̣ ааг̇амма згамби д̇злаб̣инд̣̇ум̣ чад̣д̣зд̇и, д̇ад̇т̇звасса сийсам̣ чинд̣̇аа’’д̇и. со бурисо асим̣ угкибид̇ваа д̇ам̣ д̇аж̇ж̇знд̇о д̇ад̇т̇а нзси. со маран̣абхаяад̇аж̇ж̇ид̇о ж̇ийвид̇угаамад̇ааяа бамаад̣̇авасзна д̇ам̣ аманасигарид̇ваа сагимби агкийни уммийлзд̇ваа д̇ам̣ ж̇анабад̣̇агаляаан̣им̣ на ологзси. звам̣ бхууд̇абуб̣б̣амзвзд̇ам̣ вад̇т̇у, суд̇д̇з бана баригаббавасзнзд̇ам̣ вуд̇д̇анд̇и взд̣̇ид̇аб̣б̣ам̣.
Atha puriso āgaccheyyāti na attano ruciyā āgaccheyya, ayaṃ panettha adhippāyo – athevaṃ mahājanamajjhe janapadakalyāṇiyā naccamānāya ‘‘sādhu sādhū’’ti sādhukāresu aṅguliphoṭanesu celukkhepesu ca pavattamānesu taṃ pavattiṃ sutvā rājā bandhanāgārato ekaṃ corapurisaṃ pakkosāpetvā nigaḷāni chinditvā samatittikaṃ suparipuṇṇaṃ telapattaṃ tassa hatthe datvā ubhohi hatthehi daḷhaṃ gāhāpetvā ekaṃ asihatthaṃ purisaṃ āṇāpesi ‘‘etaṃ gahetvā janapadakalyāṇiyā samajjaṭṭhānaṃ gaccha. Yattheva cesa pamādaṃ āgamma ekampi telabinduṃ chaḍḍeti, tatthevassa sīsaṃ chindā’’ti. So puriso asiṃ ukkhipitvā taṃ tajjento tattha nesi. So maraṇabhayatajjito jīvitukāmatāya pamādavasena taṃ amanasikaritvā sakimpi akkhīni ummīletvā taṃ janapadakalyāṇiṃ na olokesi. Evaṃ bhūtapubbamevetaṃ vatthu, sutte pana parikappavasenetaṃ vuttanti veditabbaṃ.
убамаа ко мяааяанд̇и зд̇т̇а бана д̇злабад̇д̇асса д̇аава гааяаг̇ад̇аасад̇ияаа обаммасам̣санд̣̇анам̣ гад̇амзва. зд̇т̇а бана рааж̇аа вияа гаммам̣ д̣̇адтаб̣б̣ам̣, аси вияа гилзсаа, угкид̇д̇аасигабурисо вияа мааро, д̇злабад̇д̇ахад̇т̇о бурисо вияа гааяаг̇ад̇аасад̇ибхааваго вибассагаяог̇ааважаро. ид̇и бхаг̇аваа ‘‘гааяаг̇ад̇аасад̇им̣ бхаавзд̇угаамзна бхигкунаа д̇злабад̇д̇ахад̇т̇зна д̇зна бурисзна вияа сад̇им̣ ависсаж̇ж̇зд̇ваа аббамад̇д̇зна гааяаг̇ад̇аасад̇и бхаавзд̇аб̣б̣аа’’д̇и имам̣ суд̇д̇ам̣ аахарид̇ваа д̣̇ассзси.
Upamākho myāyanti ettha pana telapattassa tāva kāyagatāsatiyā opammasaṃsandanaṃ katameva. Ettha pana rājā viya kammaṃ daṭṭhabbaṃ, asi viya kilesā, ukkhittāsikapuriso viya māro, telapattahattho puriso viya kāyagatāsatibhāvako vipassakayogāvacaro. Iti bhagavā ‘‘kāyagatāsatiṃ bhāvetukāmena bhikkhunā telapattahatthena tena purisena viya satiṃ avissajjetvā appamattena kāyagatāsati bhāvetabbā’’ti imaṃ suttaṃ āharitvā dassesi.
бхигкуу имам̣ суд̇д̇ан̃жа ад̇т̇ан̃жа суд̇ваа звамаахам̣су – ‘‘д̣̇уггарам̣, бханд̇з, д̇зна бурисзна гад̇ам̣ д̇ат̇ааруубим̣ ж̇анабад̣̇агаляаан̣им̣ анологзд̇ваа д̇злабад̇д̇ам̣ аад̣̇ааяа г̇ажчанд̇знаа’’д̇и. сад̇т̇аа ‘‘на, бхигкавз, д̇зна д̣̇уггарам̣ гад̇ам̣, сугарамзвзд̇ам̣. гасмаа? угкид̇д̇аасигзна бурисзна санд̇аж̇ж̇зд̇ваа нийяамаанад̇ааяа. яам̣ бана буб̣б̣з бан̣д̣ид̇аа аббамаад̣̇зна сад̇им̣ ависсаж̇ж̇зд̇ваа абхисан̇кад̇ам̣ д̣̇иб̣б̣аруубамби инд̣̇рияаани бхинд̣̇ид̇ваа анологзд̇ваава г̇анд̇ваа раж̇ж̇ам̣ баабун̣им̣су, зд̇ам̣ д̣̇уггара’’нд̇и вад̇ваа ад̇ийд̇ам̣ аахари.
Bhikkhū imaṃ suttañca atthañca sutvā evamāhaṃsu – ‘‘dukkaraṃ, bhante, tena purisena kataṃ tathārūpiṃ janapadakalyāṇiṃ anoloketvā telapattaṃ ādāya gacchantenā’’ti. Satthā ‘‘na, bhikkhave, tena dukkaraṃ kataṃ, sukaramevetaṃ. Kasmā? Ukkhittāsikena purisena santajjetvā nīyamānatāya. Yaṃ pana pubbe paṇḍitā appamādena satiṃ avissajjetvā abhisaṅkhataṃ dibbarūpampi indriyāni bhinditvā anoloketvāva gantvā rajjaṃ pāpuṇiṃsu, etaṃ dukkara’’nti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса ран̃н̃о буд̇д̇асад̇асса саб̣б̣аганидто худ̇ваа ниб̣б̣ад̇д̇и, со анубуб̣б̣зна вин̃н̃уд̇ам̣ баабун̣и. д̇ад̣̇аа жа ран̃н̃о г̇зхз бажжзгаб̣уд̣̇д̇хаа бхун̃ж̇анд̇и, б̣од̇хисад̇д̇о д̇зсам̣ взяяааважжам̣ гарод̇и. со згад̣̇ивасам̣ жинд̇зси ‘‘мама б̣ахуу бхаад̇аро, лажчаами ну ко ахам̣ имасмим̣ наг̇арз гуласанд̇агам̣ раж̇ж̇ам̣, уд̣̇ааху но’’д̇и? ат̇асса зд̇ад̣̇ахоси ‘‘бажжзгаб̣уд̣̇д̇хз бужчид̇ваа ж̇ааниссаамий’’д̇и. со д̣̇уд̇ияад̣̇ивасз бажжзгаб̣уд̣̇д̇хзсу ааг̇ад̇зсу д̇хамагаран̣ам̣ аад̣̇ааяа баанийяам̣ бариссаавзд̇ваа баад̣̇з д̇ховид̇ваа д̇злзна магкзд̇ваа д̇зсам̣ анд̇аракаж̇ж̇агам̣ каад̣̇ид̇ваа нисиннагаалз ванд̣̇ид̇ваа згаманд̇ам̣ нисинно д̇амад̇т̇ам̣ бужчи. ат̇а нам̣ д̇з авожум̣ – гумаара, на д̇вам̣ имасмим̣ наг̇арз раж̇ж̇ам̣ лабхиссаси, ид̇о бана вийсаяож̇анасад̇амад̇т̇агз г̇анд̇хаарарадтз д̇аггасилаанаг̇арам̣ наама ад̇т̇и, д̇ад̇т̇а г̇анд̇ум̣ саггонд̇о ид̇о сад̇д̇амз д̣̇ивасз раж̇ж̇ам̣ лажчаси. анд̇араамаг̇г̇з бана махаавад̇д̇аниадавияам̣ барибант̇о ад̇т̇и, д̇ам̣ адавим̣ барихарид̇ваа г̇ажчанд̇асса яож̇анасад̇иго маг̇г̇о ход̇и, уж̇угам̣ г̇ажчанд̇асса бан̃н̃ааса яож̇анаани хонд̇и. со хи амануссаганд̇ааро наама. д̇ад̇т̇а яагкинияо анд̇араамаг̇г̇з г̇аамз жа саалааяо жа маабзд̇ваа убари суван̣н̣ад̇аарагавижид̇д̇авид̇аанам̣ махаарахасзяяам̣ бан̃н̃аабзд̇ваа наанаавирааг̇абадасаан̣ияо баригкибид̇ваа д̣̇иб̣б̣аалан̇гаарзхи ад̇д̇абхаавам̣ ман̣д̣зд̇ваа саалаасу нисийд̣̇ид̇ваа ааг̇ажчанд̇з бурисз мад̇хураахи ваажаахи сан̇г̇ан̣хид̇ваа ‘‘гиланд̇аруубаа вияа бан̃н̃ааяат̇а, ид̇хааг̇анд̇ваа нисийд̣̇ид̇ваа баанийяам̣ бивид̇ваа г̇ажчат̇аа’’д̇и баггосид̇ваа ааг̇ад̇ааг̇ад̇аанам̣ аасанаани д̣̇ад̇ваа ад̇д̇ано руубалийлаавилаасзхи балобхзд̇ваа гилзсавасигз гад̇ваа ад̇д̇анаа сад̣̇д̇хим̣ аж̇жхаажаарз гад̇з д̇ад̇т̇зва нз лохид̇зна баг̇гхаранд̇зна каад̣̇ид̇ваа ж̇ийвид̇агкаяам̣ баабзнд̇и. руубаг̇ожарам̣ сад̇д̇ам̣ руубзнзва г̇ан̣ханд̇и, сад̣̇д̣̇аг̇ожарам̣ мад̇хурзна г̇ийд̇аваад̣̇ид̇асад̣̇д̣̇зна, г̇анд̇хаг̇ожарам̣ д̣̇иб̣б̣аг̇анд̇хзхи, расаг̇ожарам̣ д̣̇иб̣б̣зна наанаг̇г̇арасабхож̇анзна, подтаб̣б̣аг̇ожарам̣ убхад̇олохид̇агуубад̇хаанзхи д̣̇иб̣б̣асаяанзхи г̇ан̣ханд̇и. сажз инд̣̇рияаани бхинд̣̇ид̇ваа д̇аа анологзд̇ваа сад̇им̣ бажжубадтаабзд̇ваа г̇амиссаси, сад̇д̇амз д̣̇ивасз д̇ад̇т̇а раж̇ж̇ам̣ лажчасийд̇и.
Atīte bārāṇasiyaṃ brahmadatte rajjaṃ kārente bodhisatto tassa rañño puttasatassa sabbakaniṭṭho hutvā nibbatti, so anupubbena viññutaṃ pāpuṇi. Tadā ca rañño gehe paccekabuddhā bhuñjanti, bodhisatto tesaṃ veyyāvaccaṃ karoti. So ekadivasaṃ cintesi ‘‘mama bahū bhātaro, lacchāmi nu kho ahaṃ imasmiṃ nagare kulasantakaṃ rajjaṃ, udāhu no’’ti? Athassa etadahosi ‘‘paccekabuddhe pucchitvā jānissāmī’’ti. So dutiyadivase paccekabuddhesu āgatesu dhamakaraṇaṃ ādāya pānīyaṃ parissāvetvā pāde dhovitvā telena makkhetvā tesaṃ antarakhajjakaṃ khāditvā nisinnakāle vanditvā ekamantaṃ nisinno tamatthaṃ pucchi. Atha naṃ te avocuṃ – kumāra, na tvaṃ imasmiṃ nagare rajjaṃ labhissasi, ito pana vīsayojanasatamatthake gandhāraraṭṭhe takkasilānagaraṃ nāma atthi, tattha gantuṃ sakkonto ito sattame divase rajjaṃ lacchasi. Antarāmagge pana mahāvattaniaṭaviyaṃ paripantho atthi, taṃ aṭaviṃ pariharitvā gacchantassa yojanasatiko maggo hoti, ujukaṃ gacchantassa paññāsa yojanāni honti. So hi amanussakantāro nāma. Tattha yakkhiniyo antarāmagge gāme ca sālāyo ca māpetvā upari suvaṇṇatārakavicittavitānaṃ mahārahaseyyaṃ paññāpetvā nānāvirāgapaṭasāṇiyo parikkhipitvā dibbālaṅkārehi attabhāvaṃ maṇḍetvā sālāsu nisīditvā āgacchante purise madhurāhi vācāhi saṅgaṇhitvā ‘‘kilantarūpā viya paññāyatha, idhāgantvā nisīditvā pānīyaṃ pivitvā gacchathā’’ti pakkositvā āgatāgatānaṃ āsanāni datvā attano rūpalīlāvilāsehi palobhetvā kilesavasike katvā attanā saddhiṃ ajjhācāre kate tattheva ne lohitena paggharantena khāditvā jīvitakkhayaṃ pāpenti. Rūpagocaraṃ sattaṃ rūpeneva gaṇhanti, saddagocaraṃ madhurena gītavāditasaddena, gandhagocaraṃ dibbagandhehi, rasagocaraṃ dibbena nānaggarasabhojanena, phoṭṭhabbagocaraṃ ubhatolohitakūpadhānehi dibbasayanehi gaṇhanti. Sace indriyāni bhinditvā tā anoloketvā satiṃ paccupaṭṭhāpetvā gamissasi, sattame divase tattha rajjaṃ lacchasīti.
б̣од̇хисад̇д̇о ‘‘ход̇у, бханд̇з, д̇умхаагам̣ оваад̣̇ам̣ г̇ахзд̇ваа гим̣ д̇аа ологзссаамий’’д̇и бажжзгаб̣уд̣̇д̇хзхи барид̇д̇ам̣ гаараабзд̇ваа барид̇д̇аваалуган̃жзва барид̇д̇асуд̇д̇ан̃жа аад̣̇ааяа бажжзгаб̣уд̣̇д̇хз жа маад̇аабид̇аро жа ванд̣̇ид̇ваа нивзсанам̣ г̇анд̇ваа ад̇д̇ано бурисз ааха – ‘‘ахам̣ д̇аггасилааяам̣ раж̇ж̇ам̣ г̇ахзд̇ум̣ г̇ажчаами, д̇умхз ид̇хзва д̇идтат̇аа’’д̇и. ат̇а нам̣ бан̃жа ж̇анаа аахам̣су ‘‘маяамби ануг̇ажчаамаа’’д̇и. ‘‘на саггаа д̇умхзхи ануг̇анд̇ум̣, анд̇араамаг̇г̇з гира яагкинияо руубаад̣̇иг̇ожарз мануссз зван̃жзван̃жа руубаад̣̇ийхи балобхзд̇ваа г̇ан̣ханд̇и, махаа барибант̇о, ахам̣ бана ад̇д̇аанам̣ д̇аггзд̇ваа г̇ажчаамий’’д̇и. ‘‘гим̣ бана, д̣̇зва, маяам̣ д̇умхзхи сад̣̇д̇хим̣ г̇ажчанд̇аа ад̇д̇ано бияаани руубаад̣̇ийни ологзссаама, маяамби д̇ат̇зва г̇амиссаамаа’’д̇и. б̣од̇хисад̇д̇о ‘‘д̇зна хи аббамад̇д̇аа хот̇аа’’д̇и д̇з бан̃жа ж̇анз аад̣̇ааяа маг̇г̇ам̣ бадибаж̇ж̇и.
Bodhisatto ‘‘hotu, bhante, tumhākaṃ ovādaṃ gahetvā kiṃ tā olokessāmī’’ti paccekabuddhehi parittaṃ kārāpetvā parittavālukañceva parittasuttañca ādāya paccekabuddhe ca mātāpitaro ca vanditvā nivesanaṃ gantvā attano purise āha – ‘‘ahaṃ takkasilāyaṃ rajjaṃ gahetuṃ gacchāmi, tumhe idheva tiṭṭhathā’’ti. Atha naṃ pañca janā āhaṃsu ‘‘mayampi anugacchāmā’’ti. ‘‘Na sakkā tumhehi anugantuṃ, antarāmagge kira yakkhiniyo rūpādigocare manusse evañcevañca rūpādīhi palobhetvā gaṇhanti, mahā paripantho, ahaṃ pana attānaṃ takketvā gacchāmī’’ti. ‘‘Kiṃ pana, deva, mayaṃ tumhehi saddhiṃ gacchantā attano piyāni rūpādīni olokessāma, mayampi tatheva gamissāmā’’ti. Bodhisatto ‘‘tena hi appamattā hothā’’ti te pañca jane ādāya maggaṃ paṭipajji.
яагкинияо г̇аамаад̣̇ийни маабзд̇ваа нисийд̣̇им̣су. д̇зсу руубаг̇ожаро бурисо д̇аа яагкинияо ологзд̇ваа руубаарамман̣з бадиб̣ад̣̇д̇хажид̇д̇о т̇огам̣ охийяи. б̣од̇хисад̇д̇о ‘‘гим̣ бхо, т̇огам̣ охийяасий’’д̇и ааха. ‘‘д̣̇зва, баад̣̇аа мз руж̇ж̇анд̇и, т̇огам̣ саалааяам̣ нисийд̣̇ид̇ваа ааг̇ажчаамий’’д̇и. ‘‘амбхо, зд̇аа яагкинияо, маа ко бад̇т̇зсий’’д̇и. ‘‘яам̣ ход̇и, д̇ам̣ ход̇у, на саггоми, д̣̇зваа’’д̇и. ‘‘д̇зна хи бан̃н̃ааяиссасий’’д̇и ид̇арз жад̇д̇ааро аад̣̇ааяа аг̇амааси. соби руубаг̇ожараго д̇аасам̣ санд̇игам̣ аг̇амааси. д̇аа ад̇д̇анаа сад̣̇д̇хим̣ аж̇жхаажаарз гад̇з д̇ам̣ д̇ад̇т̇зва ж̇ийвид̇агкаяам̣ баабзд̇ваа бурад̇о г̇анд̇ваа ан̃н̃ам̣ саалам̣ маабзд̇ваа наанаад̇уурияаани г̇ахзд̇ваа г̇ааяамаанаа нисийд̣̇им̣су, д̇ад̇т̇а сад̣̇д̣̇аг̇ожараго охийяи. буриманаязнзва д̇амби каад̣̇ид̇ваа бурад̇о г̇анд̇ваа наанаббагаарз г̇анд̇хагаран̣д̣агз буурзд̇ваа аабан̣ам̣ басаарзд̇ваа нисийд̣̇им̣су, д̇ад̇т̇а г̇анд̇хаг̇ожараго охийяи. д̇амби каад̣̇ид̇ваа бурад̇о г̇анд̇ваа наанаг̇г̇арасаанам̣ д̣̇иб̣б̣абхож̇анаанам̣ бхааж̇анаани буурзд̇ваа од̣̇анигаабан̣ам̣ басаарзд̇ваа нисийд̣̇им̣су, д̇ад̇т̇а расаг̇ожараго охийяи. д̇амби каад̣̇ид̇ваа бурад̇о г̇анд̇ваа д̣̇иб̣б̣асаяанаани бан̃н̃аабзд̇ваа нисийд̣̇им̣су, д̇ад̇т̇а подтаб̣б̣аг̇ожараго охийяи. д̇амби каад̣̇им̣су, б̣од̇хисад̇д̇о згагова ахоси.
Yakkhiniyo gāmādīni māpetvā nisīdiṃsu. Tesu rūpagocaro puriso tā yakkhiniyo oloketvā rūpārammaṇe paṭibaddhacitto thokaṃ ohīyi. Bodhisatto ‘‘kiṃ bho, thokaṃ ohīyasī’’ti āha. ‘‘Deva, pādā me rujjanti, thokaṃ sālāyaṃ nisīditvā āgacchāmī’’ti. ‘‘Ambho, etā yakkhiniyo, mā kho patthesī’’ti. ‘‘Yaṃ hoti, taṃ hotu, na sakkomi, devā’’ti. ‘‘Tena hi paññāyissasī’’ti itare cattāro ādāya agamāsi. Sopi rūpagocarako tāsaṃ santikaṃ agamāsi. Tā attanā saddhiṃ ajjhācāre kate taṃ tattheva jīvitakkhayaṃ pāpetvā purato gantvā aññaṃ sālaṃ māpetvā nānātūriyāni gahetvā gāyamānā nisīdiṃsu, tattha saddagocarako ohīyi. Purimanayeneva tampi khāditvā purato gantvā nānappakāre gandhakaraṇḍake pūretvā āpaṇaṃ pasāretvā nisīdiṃsu, tattha gandhagocarako ohīyi. Tampi khāditvā purato gantvā nānaggarasānaṃ dibbabhojanānaṃ bhājanāni pūretvā odanikāpaṇaṃ pasāretvā nisīdiṃsu, tattha rasagocarako ohīyi. Tampi khāditvā purato gantvā dibbasayanāni paññāpetvā nisīdiṃsu, tattha phoṭṭhabbagocarako ohīyi. Tampi khādiṃsu, bodhisatto ekakova ahosi.
ат̇згаа яагкиний ‘‘ад̇икараманд̇о вад̇ааяам̣, ахам̣ д̇ам̣ каад̣̇ид̇ваава нивад̇д̇иссаамий’’д̇и б̣од̇хисад̇д̇асса бажчад̇о бажчад̇о аг̇амааси. адавияаа барабхааг̇з ванагаммигаад̣̇аяо яагкиним̣ д̣̇исваа ‘‘аяам̣ д̇з бурад̇о г̇ажчанд̇о бурисо гим̣ ход̇ий’’д̇и бужчим̣су. ‘‘гомаарасаамиго мз, аяяаа’’д̇и. ‘‘амбхо, аяам̣ звам̣ сугумаалаа бубпад̣̇аамасад̣̇исаа суван̣н̣аван̣н̣аа гумааригаа ад̇д̇ано гулам̣ чад̣д̣зд̇ваа бхаванд̇ам̣ д̇аггзд̇ваа нигканд̇аа, гасмаа зд̇ам̣ агиламзд̇ваа аад̣̇ааяа на г̇ажчасий’’д̇и? ‘‘нзсаа, аяяаа, маяхам̣ баж̇аабад̇и, яагкиний зсаа, зд̇ааяа мз бан̃жа мануссаа каад̣̇ид̇аа’’д̇и. ‘‘аяяаа, бурисаа наама гуд̣̇д̇хагаалз ад̇д̇ано баж̇аабад̇ияо яагкинияоби гаронд̇и бзд̇инияобий’’д̇и. саа г̇ажчамаанаа г̇аб̣бхиниван̣н̣ам̣ д̣̇ассзд̇ваа буна сагим̣ виж̇аад̇аван̣н̣ам̣ гад̇ваа буд̇д̇ам̣ ан̇гзна аад̣̇ааяа б̣од̇хисад̇д̇ам̣ ануб̣анд̇хи, д̣̇идтад̣̇идтаа буриманаязнзва бужчанд̇и. б̣од̇хисад̇д̇оби д̇ат̇зва вад̇ваа г̇ажчанд̇о д̇аггасилам̣ баабун̣и. саа буд̇д̇ам̣ анд̇арад̇хаабзд̇ваа згигаава ануб̣анд̇хи. б̣од̇хисад̇д̇о наг̇арад̣̇ваарам̣ г̇анд̇ваа згиссаа саалааяа нисийд̣̇и. саа б̣од̇хисад̇д̇асса д̇зж̇зна бависид̇ум̣ асаггонд̇ий д̣̇иб̣б̣аруубам̣ маабзд̇ваа саалаад̣̇ваарз адтааси.
Athekā yakkhinī ‘‘atikharamanto vatāyaṃ, ahaṃ taṃ khāditvāva nivattissāmī’’ti bodhisattassa pacchato pacchato agamāsi. Aṭaviyā parabhāge vanakammikādayo yakkhiniṃ disvā ‘‘ayaṃ te purato gacchanto puriso kiṃ hotī’’ti pucchiṃsu. ‘‘Komārasāmiko me, ayyā’’ti. ‘‘Ambho, ayaṃ evaṃ sukumālā pupphadāmasadisā suvaṇṇavaṇṇā kumārikā attano kulaṃ chaḍḍetvā bhavantaṃ takketvā nikkhantā, kasmā etaṃ akilametvā ādāya na gacchasī’’ti? ‘‘Nesā, ayyā, mayhaṃ pajāpati, yakkhinī esā, etāya me pañca manussā khāditā’’ti. ‘‘Ayyā, purisā nāma kuddhakāle attano pajāpatiyo yakkhiniyopi karonti petiniyopī’’ti. Sā gacchamānā gabbhinivaṇṇaṃ dassetvā puna sakiṃ vijātavaṇṇaṃ katvā puttaṃ aṅkena ādāya bodhisattaṃ anubandhi, diṭṭhadiṭṭhā purimanayeneva pucchanti. Bodhisattopi tatheva vatvā gacchanto takkasilaṃ pāpuṇi. Sā puttaṃ antaradhāpetvā ekikāva anubandhi. Bodhisatto nagaradvāraṃ gantvā ekissā sālāya nisīdi. Sā bodhisattassa tejena pavisituṃ asakkontī dibbarūpaṃ māpetvā sālādvāre aṭṭhāsi.
д̇асмим̣ самаяз д̇аггасиларааж̇аа уяяаанам̣ г̇ажчанд̇о д̇ам̣ д̣̇исваа бадиб̣ад̣̇д̇хажид̇д̇о худ̇ваа ‘‘г̇ажча, имиссаа сассаамигаассаамигабхаавам̣ ж̇аанаахий’’д̇и мануссам̣ бзсзси. со д̇ам̣ убасан̇гамид̇ваа ‘‘сассаамигаасий’’д̇и бужчи. ‘‘аама, аяяа, аяам̣ мз саалааяа нисинно саамиго’’д̇и. б̣од̇хисад̇д̇о ‘‘нзсаа маяхам̣ баж̇аабад̇и, яагкиний зсаа, зд̇ааяа мз бан̃жа мануссаа каад̣̇ид̇аа’’д̇и ааха. сааби ‘‘бурисаа наама аяяаа гуд̣̇д̇хагаалз яам̣ ижчанд̇и, д̇ам̣ вад̣̇анд̇ий’’д̇и ааха. со убхиннамби важанам̣ ран̃н̃о аарожзси. рааж̇аа ‘‘ассаамигабхан̣д̣ам̣ наама рааж̇асанд̇агам̣ ход̇ий’’д̇и яагкиним̣ баггосаабзд̇ваа згахад̇т̇ибидтз нисийд̣̇аабзд̇ваа наг̇арам̣ бад̣̇агкин̣ам̣ гад̇ваа баасаад̣̇ам̣ абхируяха д̇ам̣ аг̇г̇амахзсидтаанз табзси.
Tasmiṃ samaye takkasilarājā uyyānaṃ gacchanto taṃ disvā paṭibaddhacitto hutvā ‘‘gaccha, imissā sassāmikaassāmikabhāvaṃ jānāhī’’ti manussaṃ pesesi. So taṃ upasaṅkamitvā ‘‘sassāmikāsī’’ti pucchi. ‘‘Āma, ayya, ayaṃ me sālāya nisinno sāmiko’’ti. Bodhisatto ‘‘nesā mayhaṃ pajāpati, yakkhinī esā, etāya me pañca manussā khāditā’’ti āha. Sāpi ‘‘purisā nāma ayyā kuddhakāle yaṃ icchanti, taṃ vadantī’’ti āha. So ubhinnampi vacanaṃ rañño ārocesi. Rājā ‘‘assāmikabhaṇḍaṃ nāma rājasantakaṃ hotī’’ti yakkhiniṃ pakkosāpetvā ekahatthipiṭṭhe nisīdāpetvā nagaraṃ padakkhiṇaṃ katvā pāsādaṃ abhiruyha taṃ aggamahesiṭṭhāne ṭhapesi.
со нхаад̇авилид̇д̇о сааяамаасам̣ бхун̃ж̇ид̇ваа сирийсаяанам̣ абхирухи. сааби яагкиний ад̇д̇ано убагаббанагам̣ аахаарам̣ аахарид̇ваа алан̇гад̇абадияад̇д̇аа сирисаяанз ран̃н̃аа сад̣̇д̇хим̣ нибаж̇ж̇ид̇ваа ран̃н̃о рад̇ивасзна сукам̣ самаббид̇асса нибаннагаалз згзна бассзна баривад̇д̇ид̇ваа барод̣̇и. ат̇а нам̣ рааж̇аа ‘‘гим̣, бхад̣̇д̣̇з, род̣̇асий’’д̇и бужчи. ‘‘д̣̇зва, ахам̣ д̇умхзхи маг̇г̇з д̣̇исваа аанийд̇аа, д̇умхааган̃жа г̇зхз б̣ахуу ид̇т̇ияо, ахам̣ сабад̇д̇ийнам̣ анд̇арз васамаанаа гат̇ааяа уббаннааяа ‘го д̇уяхам̣ маад̇арам̣ ваа бид̇арам̣ ваа г̇од̇д̇ам̣ ваа ж̇аад̇им̣ ваа ж̇аанаад̇и, д̇вам̣ анд̇араамаг̇г̇з д̣̇исваа аанийд̇аа наамаа’д̇и сийсз г̇ахзд̇ваа ниббийл̣ияамаанаа вияа ман̇гу бхависсаами. сажз д̇умхз сагалараж̇ж̇з иссарияан̃жа аан̣ан̃жа маяхам̣ д̣̇ад̣̇зяяаат̇а, гожи маяхам̣ жид̇д̇ам̣ гобзд̇ваа гат̇зд̇ум̣ на сагкиссад̇ий’’д̇и . ‘‘бхад̣̇д̣̇з, маяхам̣ сагаларадтаваасино на гин̃жи хонд̇и, наахам̣ зд̇зсам̣ саамиго. яз бана рааж̇аан̣ам̣ гобзд̇ваа агад̇д̇аб̣б̣ам̣ гаронд̇и, д̇зсан̃н̃зваахам̣ саамиго. иминаа гааран̣зна на саггаа д̇уяхам̣ сагаларадтз ваа наг̇арз ваа иссарияан̃жа аан̣ан̃жа д̣̇аад̇у’’нд̇и. ‘‘д̇зна хи, д̣̇зва, сажз радтз ваа наг̇арз ваа аан̣ам̣ д̣̇аад̇ум̣ на саггот̇а, анд̇онивзсанз анд̇овал̣ан̃ж̇анагаанам̣ убари мама васам̣ вад̇д̇анад̇т̇ааяа аан̣ам̣ д̣̇зт̇аа’’д̇и. рааж̇аа д̣̇иб̣б̣аподтаб̣б̣зна б̣ад̣̇д̇хо д̇ассаа важанам̣ ад̇иггамид̇ум̣ асаггонд̇о ‘‘саад̇ху, бхад̣̇д̣̇з, анд̇овал̣ан̃ж̇анагзсу д̇уяхам̣ аан̣ам̣ д̣̇амми, д̇вам̣ зд̇з ад̇д̇ано васз вад̇д̇аабзхий’’д̇и ааха. саа ‘‘саад̇хуу’’д̇и самбадижчид̇ваа ран̃н̃о нид̣̇д̣̇ам̣ огганд̇агаалз яагканаг̇арам̣ г̇анд̇ваа яагкз баггосид̇ваа ад̇д̇анаа рааж̇аанам̣ ж̇ийвид̇агкаяам̣ баабзд̇ваа адтимад̇д̇ам̣ сзсзд̇ваа саб̣б̣ам̣ нхааружаммамам̣салохид̇ам̣ каад̣̇и, авасзсаа яагкаа махаад̣̇ваарад̇о бадтааяа анд̇онивзсанз гуггудагуггурз аад̣̇им̣ гад̇ваа саб̣б̣з каад̣̇ид̇ваа адтимад̇д̇асзсз агам̣су.
So nhātavilitto sāyamāsaṃ bhuñjitvā sirīsayanaṃ abhiruhi. Sāpi yakkhinī attano upakappanakaṃ āhāraṃ āharitvā alaṅkatapaṭiyattā sirisayane raññā saddhiṃ nipajjitvā rañño rativasena sukhaṃ samappitassa nipannakāle ekena passena parivattitvā parodi. Atha naṃ rājā ‘‘kiṃ, bhadde, rodasī’’ti pucchi. ‘‘Deva, ahaṃ tumhehi magge disvā ānītā, tumhākañca gehe bahū itthiyo, ahaṃ sapattīnaṃ antare vasamānā kathāya uppannāya ‘ko tuyhaṃ mātaraṃ vā pitaraṃ vā gottaṃ vā jātiṃ vā jānāti, tvaṃ antarāmagge disvā ānītā nāmā’ti sīse gahetvā nippīḷiyamānā viya maṅku bhavissāmi. Sace tumhe sakalarajje issariyañca āṇañca mayhaṃ dadeyyātha, koci mayhaṃ cittaṃ kopetvā kathetuṃ na sakkhissatī’’ti . ‘‘Bhadde, mayhaṃ sakalaraṭṭhavāsino na kiñci honti, nāhaṃ etesaṃ sāmiko. Ye pana rājāṇaṃ kopetvā akattabbaṃ karonti, tesaññevāhaṃ sāmiko. Iminā kāraṇena na sakkā tuyhaṃ sakalaraṭṭhe vā nagare vā issariyañca āṇañca dātu’’nti. ‘‘Tena hi, deva, sace raṭṭhe vā nagare vā āṇaṃ dātuṃ na sakkotha, antonivesane antovaḷañjanakānaṃ upari mama vasaṃ vattanatthāya āṇaṃ dethā’’ti. Rājā dibbaphoṭṭhabbena baddho tassā vacanaṃ atikkamituṃ asakkonto ‘‘sādhu, bhadde, antovaḷañjanakesu tuyhaṃ āṇaṃ dammi, tvaṃ ete attano vase vattāpehī’’ti āha. Sā ‘‘sādhū’’ti sampaṭicchitvā rañño niddaṃ okkantakāle yakkhanagaraṃ gantvā yakkhe pakkositvā attanā rājānaṃ jīvitakkhayaṃ pāpetvā aṭṭhimattaṃ sesetvā sabbaṃ nhārucammamaṃsalohitaṃ khādi, avasesā yakkhā mahādvārato paṭṭhāya antonivesane kukkuṭakukkure ādiṃ katvā sabbe khāditvā aṭṭhimattasese akaṃsu.
бунад̣̇ивасз д̣̇ваарам̣ яат̇аабихид̇амзва д̣̇исваа мануссаа парасуухи гаваадаани годдзд̇ваа анд̇о бависид̇ваа саб̣б̣ам̣ нивзсанам̣ адтигабаригин̣н̣ам̣ д̣̇исваа ‘‘сажжам̣ вад̇а со бурисо ааха ‘нааяам̣ маяхам̣ баж̇аабад̇и, яагкиний зсаа’д̇и. рааж̇аа бана гин̃жи аж̇аанид̇ваа д̇ам̣ г̇ахзд̇ваа ад̇д̇ано бхарияам̣ агааси, саа яагкз баггосид̇ваа саб̣б̣ам̣ ж̇анам̣ каад̣̇ид̇ваа г̇ад̇аа бхависсад̇ий’’д̇и аахам̣су. б̣од̇хисад̇д̇оби д̇ам̣ д̣̇ивасам̣ д̇ассааязва саалааяам̣ барид̇д̇аваалугам̣ сийсз гад̇ваа барид̇д̇асуд̇д̇ан̃жа баригкибид̇ваа каг̇г̇ам̣ г̇ахзд̇ваа тид̇агова арун̣ам̣ удтаабзси. мануссаа сагаларааж̇анивзсанам̣ сод̇хзд̇ваа харид̇уубалид̇д̇ам̣ гад̇ваа убари г̇анд̇хзхи вилимбид̇ваа бубпаани вигирид̇ваа бубпад̣̇аамаани осаарзд̇ваа д̇хуумам̣ д̣̇ад̇ваа навамаалаа б̣анд̇хид̇ваа самманд̇аяим̣су ‘‘амбхо, яо бурисо д̣̇иб̣б̣аруубам̣ маабзд̇ваа бажчад̇о ааг̇ажчанд̇им̣ яагкиним̣ инд̣̇рияаани бхинд̣̇ид̇ваа ологанамад̇д̇амби на агааси, со ад̇ивияа ул̣аарасад̇д̇о д̇хид̇имаа н̃аан̣асамбанно, д̇аад̣̇исз бурисз раж̇ж̇ам̣ анусаасанд̇з саб̣б̣арадтам̣ сукид̇ам̣ бхависсад̇и, д̇ам̣ рааж̇аанам̣ гаромаа’’д̇и. ат̇а саб̣б̣з амажжаа жа нааг̇араа жа згажчанд̣̇аа худ̇ваа б̣од̇хисад̇д̇ам̣ убасан̇гамид̇ваа ‘‘д̣̇зва, д̇умхз имам̣ раж̇ж̇ам̣ гаарзт̇аа’’д̇и наг̇арам̣ бавзсзд̇ваа рад̇анараасимхи табзд̇ваа абхисин̃жид̇ваа д̇аггасиларааж̇аанам̣ агам̣су. со жад̇д̇аари аг̇ад̇иг̇аманаани важ̇ж̇зд̇ваа д̣̇аса рааж̇ад̇хаммз агобзд̇ваа д̇хаммзна раж̇ж̇ам̣ гаарзнд̇о д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Punadivase dvāraṃ yathāpihitameva disvā manussā pharasūhi kavāṭāni koṭṭetvā anto pavisitvā sabbaṃ nivesanaṃ aṭṭhikaparikiṇṇaṃ disvā ‘‘saccaṃ vata so puriso āha ‘nāyaṃ mayhaṃ pajāpati, yakkhinī esā’ti. Rājā pana kiñci ajānitvā taṃ gahetvā attano bhariyaṃ akāsi, sā yakkhe pakkositvā sabbaṃ janaṃ khāditvā gatā bhavissatī’’ti āhaṃsu. Bodhisattopi taṃ divasaṃ tassāyeva sālāyaṃ parittavālukaṃ sīse katvā parittasuttañca parikkhipitvā khaggaṃ gahetvā ṭhitakova aruṇaṃ uṭṭhāpesi. Manussā sakalarājanivesanaṃ sodhetvā haritūpalittaṃ katvā upari gandhehi vilimpitvā pupphāni vikiritvā pupphadāmāni osāretvā dhūmaṃ datvā navamālā bandhitvā sammantayiṃsu ‘‘ambho, yo puriso dibbarūpaṃ māpetvā pacchato āgacchantiṃ yakkhiniṃ indriyāni bhinditvā olokanamattampi na akāsi, so ativiya uḷārasatto dhitimā ñāṇasampanno, tādise purise rajjaṃ anusāsante sabbaraṭṭhaṃ sukhitaṃ bhavissati, taṃ rājānaṃ karomā’’ti. Atha sabbe amaccā ca nāgarā ca ekacchandā hutvā bodhisattaṃ upasaṅkamitvā ‘‘deva, tumhe imaṃ rajjaṃ kārethā’’ti nagaraṃ pavesetvā ratanarāsimhi ṭhapetvā abhisiñcitvā takkasilarājānaṃ akaṃsu. So cattāri agatigamanāni vajjetvā dasa rājadhamme akopetvā dhammena rajjaṃ kārento dānādīni puññāni katvā yathākammaṃ gato.
сад̇т̇аа имам̣ ад̇ийд̇ам̣ аахарид̇ваа абхисамб̣уд̣̇д̇хо худ̇ваа имам̣ г̇аат̇амааха –
Satthā imaṃ atītaṃ āharitvā abhisambuddho hutvā imaṃ gāthamāha –
96.
96.
‘‘самад̇ид̇д̇игам̣ анавасзсагам̣, д̇злабад̇д̇ам̣ яат̇аа барихарзяяа;
‘‘Samatittikaṃ anavasesakaṃ, telapattaṃ yathā parihareyya;
звам̣ сажид̇д̇аманурагкз, бад̇т̇аяаано д̣̇исам̣ аг̇ад̇абуб̣б̣а’’нд̇и.
Evaṃ sacittamanurakkhe, patthayāno disaṃ agatapubba’’nti.
д̇ад̇т̇а самад̇ид̇д̇иганд̇и анд̇омукаваддилзкам̣ баабзд̇ваа самабхарид̇ам̣. анавасзсаганд̇и анавасин̃жанагам̣ абариссааванагам̣ гад̇ваа. д̇злабад̇д̇анд̇и багкид̇д̇ад̇илад̇злабад̇д̇ам̣. барихарзяяаад̇и харзяяа, аад̣̇ааяа г̇ажчзяяа. звам̣ сажид̇д̇аманурагкзд̇и д̇ам̣ д̇злабхарид̇ам̣ бад̇д̇ам̣ вияа ад̇д̇ано жид̇д̇ам̣ гааяаг̇ад̇аасад̇ияаа г̇ожарз жзва самбаяуд̇д̇асад̇ияаа жаад̇и убхиннам̣ анд̇арз багкибид̇ваа яат̇аа мухуд̇д̇амби б̣ахид̣̇д̇хаа г̇ожарз на вигкибад̇и, д̇ат̇аа бан̣д̣ид̇о яог̇ааважаро рагкзяяа г̇обзяяа. гим̣гааран̣аа? зд̇асса хи –
Tattha samatittikanti antomukhavaṭṭilekhaṃ pāpetvā samabharitaṃ. Anavasesakanti anavasiñcanakaṃ aparissāvanakaṃ katvā. Telapattanti pakkhittatilatelapattaṃ. Parihareyyāti hareyya, ādāya gaccheyya. Evaṃ sacittamanurakkheti taṃ telabharitaṃ pattaṃ viya attano cittaṃ kāyagatāsatiyā gocare ceva sampayuttasatiyā cāti ubhinnaṃ antare pakkhipitvā yathā muhuttampi bahiddhā gocare na vikkhipati, tathā paṇḍito yogāvacaro rakkheyya gopeyya. Kiṃkāraṇā? Etassa hi –
‘‘д̣̇унниг̇г̇ахасса лахуно, яад̇т̇агааманибаад̇ино;
‘‘Dunniggahassa lahuno, yatthakāmanipātino;
жид̇д̇асса д̣̇амат̇о саад̇ху, жид̇д̇ам̣ д̣̇анд̇ам̣ сукааваха’’нд̇и. (д̇ха. ба. 35);
Cittassa damatho sādhu, cittaṃ dantaṃ sukhāvaha’’nti. (dha. pa. 35);
д̇асмаа –
Tasmā –
‘‘суд̣̇уд̣̇д̣̇асам̣ сунибун̣ам̣, яад̇т̇агааманибаад̇инам̣;
‘‘Sududdasaṃ sunipuṇaṃ, yatthakāmanipātinaṃ;
жид̇д̇ам̣ рагкзт̇а мзд̇хаавий, жид̇д̇ам̣ г̇уд̇д̇ам̣ сукаавахам̣’’. (д̇ха. ба. 36);
Cittaṃ rakkhetha medhāvī, cittaṃ guttaṃ sukhāvahaṃ’’. (dha. pa. 36);
ид̣̇ан̃хи –
Idañhi –
‘‘д̣̇ууран̇г̇амам̣ згажарам̣, асарийрам̣ г̇ухаасаяам̣;
‘‘Dūraṅgamaṃ ekacaraṃ, asarīraṃ guhāsayaṃ;
яз жид̇д̇ам̣ сам̣яамзссанд̇и, могканд̇и маараб̣анд̇ханаа’’. (д̇ха. ба. 37);
Ye cittaṃ saṃyamessanti, mokkhanti mārabandhanā’’. (dha. pa. 37);
ид̇арасса бана –
Itarassa pana –
‘‘анавадтид̇ажид̇д̇асса, сад̣̇д̇хаммам̣ авиж̇аанад̇о;
‘‘Anavaṭṭhitacittassa, saddhammaṃ avijānato;
бариблавабасаад̣̇асса, бан̃н̃аа на барибуурад̇и’’. (д̇ха. ба. 38);
Pariplavapasādassa, paññā na paripūrati’’. (dha. pa. 38);
т̇ирагаммадтаанасахааяасса бана –
Thirakammaṭṭhānasahāyassa pana –
‘‘анавассуд̇ажид̇д̇асса , ананваахад̇ажзд̇асо;
‘‘Anavassutacittassa , ananvāhatacetaso;
бун̃н̃абаабабахийнасса, над̇т̇и ж̇ааг̇арад̇о бхаяам̣’’. (д̇ха. ба. 39);
Puññapāpapahīnassa, natthi jāgarato bhayaṃ’’. (dha. pa. 39);
д̇асмаа зд̇ам̣ –
Tasmā etaṃ –
‘‘панд̣̇анам̣ жабалам̣ жид̇д̇ам̣, д̣̇уурагкам̣ д̣̇унниваараяам̣;
‘‘Phandanaṃ capalaṃ cittaṃ, dūrakkhaṃ dunnivārayaṃ;
уж̇ум̣ гарод̇и мзд̇хаавий, усугаарова д̇зж̇анам̣’’. (д̇ха. ба. 33);
Ujuṃ karoti medhāvī, usukārova tejanaṃ’’. (dha. pa. 33);
звам̣ уж̇ум̣ гаронд̇о сажид̇д̇аманурагкз.
Evaṃ ujuṃ karonto sacittamanurakkhe.
бад̇т̇аяаано д̣̇исам̣ аг̇ад̇абуб̣б̣анд̇и имасмим̣ гааяаг̇ад̇аасад̇игаммадтаанз гаммам̣ аарабхид̇ваа анамад̇аг̇г̇з сам̣саарз аг̇ад̇абуб̣б̣ам̣ д̣̇исам̣ бад̇т̇знд̇о бихзнд̇о вуд̇д̇анаязна сагам̣ жид̇д̇ам̣ рагкзяяаад̇и ад̇т̇о. гаа банзсаа д̣̇исаа наама? –
Patthayānodisaṃ agatapubbanti imasmiṃ kāyagatāsatikammaṭṭhāne kammaṃ ārabhitvā anamatagge saṃsāre agatapubbaṃ disaṃ patthento pihento vuttanayena sakaṃ cittaṃ rakkheyyāti attho. Kā panesā disā nāma? –
‘‘маад̇аабид̇аа д̣̇исаа буб̣б̣аа, аажарияаа д̣̇агкин̣аа д̣̇исаа;
‘‘Mātāpitā disā pubbā, ācariyā dakkhiṇā disā;
буд̇д̇ад̣̇аараа д̣̇исаа бажчаа, мид̇д̇аамажжаа жа уд̇д̇араа.
Puttadārā disā pacchā, mittāmaccā ca uttarā.
‘‘д̣̇аасагаммагараа хздтаа, уд̣̇д̇хам̣ саман̣аб̣раахман̣аа;
‘‘Dāsakammakarā heṭṭhā, uddhaṃ samaṇabrāhmaṇā;
зд̇аа д̣̇исаа намассзяяа, аламад̇д̇о гулз г̇ихий’’д̇и. (д̣̇ий. ни. 3.273) –
Etā disā namasseyya, alamatto kule gihī’’ti. (dī. ni. 3.273) –
зд̇т̇а д̇аава буд̇д̇ад̣̇аараад̣̇аяо ‘‘д̣̇исаа’’д̇и вуд̇д̇аа.
Ettha tāva puttadārādayo ‘‘disā’’ti vuttā.
‘‘д̣̇исаа жад̇ассо вид̣̇исаа жад̇ассо, уд̣̇д̇хам̣ ад̇хо д̣̇аса д̣̇исаа имааяо;
‘‘Disā catasso vidisā catasso, uddhaṃ adho dasa disā imāyo;
гад̇амам̣ д̣̇исам̣ д̇идтад̇и нааг̇арааж̇аа, яамад̣̇д̣̇асаа субинз чаб̣б̣исаан̣а’’нд̇и. (ж̇аа. 1.16.104) –
Katamaṃ disaṃ tiṭṭhati nāgarājā, yamaddasā supine chabbisāṇa’’nti. (jā. 1.16.104) –
зд̇т̇а бурад̇т̇имаад̣̇ибхзд̣̇аа д̣̇исаава ‘‘д̣̇исаа’’д̇и вуд̇д̇аа.
Ettha puratthimādibhedā disāva ‘‘disā’’ti vuttā.
‘‘аг̇аарино аннад̣̇абаанавад̇т̇ад̣̇аа, авхааяигаа д̇амби д̣̇исам̣ вад̣̇анд̇и;
‘‘Agārino annadapānavatthadā, avhāyikā tampi disaṃ vadanti;
зсаа д̣̇исаа барамаа сзд̇агзд̇у, яам̣ бад̇ваа д̣̇угкий сукино бхаванд̇ий’’д̇и. (ж̇аа. 1.6.9) –
Esā disā paramā setaketu, yaṃ patvā dukkhī sukhino bhavantī’’ti. (jā. 1.6.9) –
зд̇т̇а бана ниб̣б̣аанам̣ ‘‘д̣̇исаа’’д̇и вуд̇д̇ам̣. ид̇хааби д̇ад̣̇зва ад̇хиббзд̇ам̣. д̇ан̃хи ‘‘каяам̣ вирааг̇а’’нд̇иаад̣̇ийхи д̣̇иссад̇и абад̣̇иссад̇и, д̇асмаа ‘‘д̣̇исаа’’д̇и вужжад̇и. анамад̇аг̇г̇з бана сам̣саарз гзнажи б̣аалабут̇уж̇ж̇анзна субинзнаби аг̇ад̇абуб̣б̣ад̇ааяа аг̇ад̇абуб̣б̣аа д̣̇исаа наамаад̇и вуд̇д̇ам̣. д̇ам̣ бад̇т̇аяанд̇зна гааяаг̇ад̇аасад̇ияаа яог̇о гаран̣ийяод̇и.
Ettha pana nibbānaṃ ‘‘disā’’ti vuttaṃ. Idhāpi tadeva adhippetaṃ. Tañhi ‘‘khayaṃ virāga’’ntiādīhi dissati apadissati, tasmā ‘‘disā’’ti vuccati. Anamatagge pana saṃsāre kenaci bālaputhujjanena supinenapi agatapubbatāya agatapubbā disā nāmāti vuttaṃ. Taṃ patthayantena kāyagatāsatiyā yogo karaṇīyoti.
звам̣ сад̇т̇аа ниб̣б̣аанзна д̣̇зсанааяа гуудам̣ г̇ахзд̇ваа ж̇аад̇агам̣ самод̇хаанзси – ‘‘д̇ад̣̇аа рааж̇абарисаа б̣уд̣̇д̇хабарисаа ахоси, раж̇ж̇аббад̇д̇агумааро бана ахамзва ахоси’’нд̇и.
Evaṃ satthā nibbānena desanāya kūṭaṃ gahetvā jātakaṃ samodhānesi – ‘‘tadā rājaparisā buddhaparisā ahosi, rajjappattakumāro pana ahameva ahosi’’nti.
д̇злабад̇д̇аж̇аад̇агаван̣н̣анаа чадтаа.
Telapattajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 96. д̇злабад̇д̇аж̇аад̇агам̣ • 96. Telapattajātakaṃ
