| Library / Tipiṭaka / திபிடக • Tipiṭaka / பஞ்சபகரண-அனுடீகா • Pañcapakaraṇa-anuṭīkā |
13. தேரஸமனயோ அஸங்க³ஹிதேனஸம்பயுத்தவிப்பயுத்தபத³வண்ணனா
13. Terasamanayo asaṅgahitenasampayuttavippayuttapadavaṇṇanā
448. யேஹீதி ரூபக்க²ந்த⁴த⁴ம்மாயதனாதீ³ஹி. தீஹிபி க²ந்தா⁴யதனாதி³ஸங்க³ஹேஹி. புன யேஹீதி அரூபப⁴வாதீ³ஹி. ஓளாரிகாயதனானேவ ஹொந்தி ஆயதனதா⁴துஸங்க³ஹேஹிபி அஸங்க³ஹிதத்தா. தேதி சதுவோகாரப⁴வாத³யோ. வுத்தாவஸேஸாதி ரூபக்க²ந்த⁴த⁴ம்மாயதனாதீ³ஹி அவஸிட்டா². ஸதிபி அஸங்கா³ஹகத்தே தேஹி அஸங்க³ஹிதானங் ஸம்பயோகோ³ ந ஸம்ப⁴வதீதி வேத³னாக்க²ந்தா⁴த³யோ இத⁴ தேரஸமனயே விஸ்ஸஜ்ஜனங் ந ருஹந்தி நாரோஹந்தி. தேனாஹ அட்ட²கதா²யங் ‘‘வேத³னாக்க²ந்தே⁴ன ஹி க²ந்தா⁴தி³வஸேன ரூபாரூபத⁴ம்மா அஸங்க³ஹிதா ஹொந்தி, தேஸஞ்ச ஸம்பயோகோ³ நாம நத்தீ²’’தி (தா⁴து॰ 448) அஸங்கா³ஹகா ஏவ ந ஹொந்தி அவிகலபஞ்சக்க²ந்தா⁴தி³ஸமுதா³யபா⁴வதோ.
448. Yehīti rūpakkhandhadhammāyatanādīhi. Tīhipi khandhāyatanādisaṅgahehi. Puna yehīti arūpabhavādīhi. Oḷārikāyatanāneva honti āyatanadhātusaṅgahehipi asaṅgahitattā. Teti catuvokārabhavādayo. Vuttāvasesāti rūpakkhandhadhammāyatanādīhi avasiṭṭhā. Satipi asaṅgāhakatte tehi asaṅgahitānaṃ sampayogo na sambhavatīti vedanākkhandhādayo idha terasamanaye vissajjanaṃ na ruhanti nārohanti. Tenāha aṭṭhakathāyaṃ ‘‘vedanākkhandhena hi khandhādivasena rūpārūpadhammā asaṅgahitā honti, tesañca sampayogo nāma natthī’’ti (dhātu. 448) asaṅgāhakā eva na honti avikalapañcakkhandhādisamudāyabhāvato.
தேதி ‘‘து³க்க²ஸச்சாதீ³’’தி ஆதி³-ஸத்³தே³ன வுத்தத⁴ம்மா. அஸப்³ப³…பே॰… ஸியுங் அவிதக்காவிசாராதி³த⁴ம்மா விய. ந தேஸங் விப்பயோகோ³ நத்தி² தப்³பி³னிமுத்தஸ்ஸ சித்துப்பாத³ஸ்ஸ ஸம்ப⁴வதோ. வேத³னாக்க²ந்தே⁴ன அஸங்க³ஹிதானங் அனாரம்மணமிஸ்ஸகத்தா ந ‘‘விப்பயோக³ஸ்ஸ அத்தி²தாயா’’தி வுத்தங். ததா² சாஹ ‘‘ரூபாரூபத⁴ம்மா அஸங்க³ஹிதா’’தி. உப⁴யாபா⁴வதோதி ஸம்பயோக³விப்பயோகா³பா⁴வதோ. அனாரம்மணஸஹிதஸப்³ப³விஞ்ஞாணதங்தா⁴துஸம்பயுத்ததது³ப⁴யத⁴ம்மா அசேதஸிகசேதஸிகலோகியபதா³தீ³னங் வஸேன வேதி³தப்³பா³.
Teti ‘‘dukkhasaccādī’’ti ādi-saddena vuttadhammā. Asabba…pe… siyuṃ avitakkāvicārādidhammā viya. Na tesaṃ vippayogo natthi tabbinimuttassa cittuppādassa sambhavato. Vedanākkhandhena asaṅgahitānaṃ anārammaṇamissakattā na ‘‘vippayogassa atthitāyā’’ti vuttaṃ. Tathā cāha ‘‘rūpārūpadhammā asaṅgahitā’’ti. Ubhayābhāvatoti sampayogavippayogābhāvato. Anārammaṇasahitasabbaviññāṇataṃdhātusampayuttatadubhayadhammā acetasikacetasikalokiyapadādīnaṃ vasena veditabbā.
தேரஸமனயஅஸங்க³ஹிதேனஸம்பயுத்தவிப்பயுத்தபத³வண்ணனா நிட்டி²தா.
Terasamanayaasaṅgahitenasampayuttavippayuttapadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / தா⁴துகதா²பாளி • Dhātukathāpāḷi / 13. அஸங்க³ஹிதேனஸம்பயுத்தவிப்பயுத்தபத³னித்³தே³ஸோ • 13. Asaṅgahitenasampayuttavippayuttapadaniddeso
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 13. தேரஸமனயோ அஸங்க³ஹிதேனஸம்பயுத்தவிப்பயுத்தபத³வண்ணனா • 13. Terasamanayo asaṅgahitenasampayuttavippayuttapadavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 13. தேரஸமனயோ அஸங்க³ஹிதேனஸம்பயுத்தவிப்பயுத்தபத³வண்ணனா • 13. Terasamanayo asaṅgahitenasampayuttavippayuttapadavaṇṇanā
