| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
১৩. তেরসমনযো অসঙ্গহিতেনসম্পযুত্তৰিপ্পযুত্তপদৰণ্ণনা
13. Terasamanayo asaṅgahitenasampayuttavippayuttapadavaṇṇanā
৪৪৮. ইদানি অসঙ্গহিতেনসম্পযুত্তৰিপ্পযুত্তপদং ভাজেতুং রূপক্খন্ধেনাতিআদি আরদ্ধং। তত্থ যে পঞ্চমে অসঙ্গহিতেনঅসঙ্গহিতপদনিদ্দেসে রূপক্খন্ধেন সদিসপঞ্হা ধম্মা, যে চ অরূপভৰেন সদিসা, তেযেৰ উদ্ধটা। সেসা পন ন রুহন্তীতি ন উদ্ধটা। ৰেদনাক্খন্ধেন হি খন্ধাদিৰসেন পন রূপারূপধম্মা অসঙ্গহিতা হোন্তি। তেসঞ্চ সম্পযোগো নাম নত্থি। তস্মা যানি পদানি রুহন্তি, তানেৰ সদিসৰিস্সজ্জনেহি সদ্ধিং সমোধানেত্ৰা উদ্ধটানি। তত্থ যে ধম্মা পুচ্ছায উদ্ধটধম্মেহি খন্ধাদিৰসেন অসঙ্গহিতা, তে যেহি সম্পযুত্তা চ ৰিপ্পযুত্তা চ, তেসং ৰসেন খন্ধাদিৰিভাগো ৰেদিতব্বো।
448. Idāni asaṅgahitenasampayuttavippayuttapadaṃ bhājetuṃ rūpakkhandhenātiādi āraddhaṃ. Tattha ye pañcame asaṅgahitenaasaṅgahitapadaniddese rūpakkhandhena sadisapañhā dhammā, ye ca arūpabhavena sadisā, teyeva uddhaṭā. Sesā pana na ruhantīti na uddhaṭā. Vedanākkhandhena hi khandhādivasena pana rūpārūpadhammā asaṅgahitā honti. Tesañca sampayogo nāma natthi. Tasmā yāni padāni ruhanti, tāneva sadisavissajjanehi saddhiṃ samodhānetvā uddhaṭāni. Tattha ye dhammā pucchāya uddhaṭadhammehi khandhādivasena asaṅgahitā, te yehi sampayuttā ca vippayuttā ca, tesaṃ vasena khandhādivibhāgo veditabbo.
তত্রাযং নযো – রূপক্খন্ধেন তাৰ ৰিঞ্ঞাণমেৰ তীহি সঙ্গহেহি অসঙ্গহিতং। তং ৰেদনাদীহি তীহি খন্ধেহি, ধম্মাযতনধম্মধাতূসু চ ৰেদনাদীহেৰ সম্পযুত্তং। একেন রূপক্খন্ধেন, দসহি রূপাযতনরূপধাতূহি, ধম্মাযতনধম্মধাতূসু চ রূপনিব্বানধম্মেহি ৰিপ্পযুত্তং। তং সন্ধায তে ধম্মা তীহি খন্ধেহীতিআদি ৰুত্তং। ইমিনা নযেন সব্বত্থ অত্থো ৰেদিতব্বোতি।
Tatrāyaṃ nayo – rūpakkhandhena tāva viññāṇameva tīhi saṅgahehi asaṅgahitaṃ. Taṃ vedanādīhi tīhi khandhehi, dhammāyatanadhammadhātūsu ca vedanādīheva sampayuttaṃ. Ekena rūpakkhandhena, dasahi rūpāyatanarūpadhātūhi, dhammāyatanadhammadhātūsu ca rūpanibbānadhammehi vippayuttaṃ. Taṃ sandhāya te dhammā tīhi khandhehītiādi vuttaṃ. Iminā nayena sabbattha attho veditabboti.
অসঙ্গহিতেনসম্পযুত্তৰিপ্পযুত্তপদৰণ্ণনা।
Asaṅgahitenasampayuttavippayuttapadavaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / ধাতুকথাপাল়ি • Dhātukathāpāḷi / ১৩. অসঙ্গহিতেনসম্পযুত্তৰিপ্পযুত্তপদনিদ্দেসো • 13. Asaṅgahitenasampayuttavippayuttapadaniddeso
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১৩. তেরসমনযো অসঙ্গহিতেনসম্পযুত্তৰিপ্পযুত্তপদৰণ্ণনা • 13. Terasamanayo asaṅgahitenasampayuttavippayuttapadavaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ১৩. তেরসমনযো অসঙ্গহিতেনসম্পযুত্তৰিপ্পযুত্তপদৰণ্ণনা • 13. Terasamanayo asaṅgahitenasampayuttavippayuttapadavaṇṇanā
