| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
13. д̇зрасаманаяо асан̇г̇ахид̇знасамбаяуд̇д̇авиббаяуд̇д̇абад̣̇аван̣н̣анаа
13. Terasamanayo asaṅgahitenasampayuttavippayuttapadavaṇṇanā
448. язхийд̇и руубагканд̇хад̇хаммааяад̇анаад̣̇ийхи. д̇ийхиби канд̇хааяад̇анаад̣̇исан̇г̇ахзхи. буна язхийд̇и аруубабхаваад̣̇ийхи. ол̣ааригааяад̇анаанзва хонд̇и ааяад̇анад̇хаад̇усан̇г̇ахзхиби асан̇г̇ахид̇ад̇д̇аа. д̇зд̇и жад̇увогаарабхаваад̣̇аяо. вуд̇д̇аавасзсаад̇и руубагканд̇хад̇хаммааяад̇анаад̣̇ийхи авасидтаа. сад̇иби асан̇г̇аахагад̇д̇з д̇зхи асан̇г̇ахид̇аанам̣ самбаяог̇о на самбхавад̇ийд̇и взд̣̇анаагканд̇хаад̣̇аяо ид̇ха д̇зрасаманаяз виссаж̇ж̇анам̣ на руханд̇и наароханд̇и. д̇знааха адтагат̇ааяам̣ ‘‘взд̣̇анаагканд̇хзна хи канд̇хаад̣̇ивасзна руубааруубад̇хаммаа асан̇г̇ахид̇аа хонд̇и, д̇зсан̃жа самбаяог̇о наама над̇т̇ий’’д̇и (д̇хаад̇у. 448) асан̇г̇аахагаа зва на хонд̇и авигалабан̃жагканд̇хаад̣̇исамуд̣̇ааяабхаавад̇о.
448. Yehīti rūpakkhandhadhammāyatanādīhi. Tīhipi khandhāyatanādisaṅgahehi. Puna yehīti arūpabhavādīhi. Oḷārikāyatanāneva honti āyatanadhātusaṅgahehipi asaṅgahitattā. Teti catuvokārabhavādayo. Vuttāvasesāti rūpakkhandhadhammāyatanādīhi avasiṭṭhā. Satipi asaṅgāhakatte tehi asaṅgahitānaṃ sampayogo na sambhavatīti vedanākkhandhādayo idha terasamanaye vissajjanaṃ na ruhanti nārohanti. Tenāha aṭṭhakathāyaṃ ‘‘vedanākkhandhena hi khandhādivasena rūpārūpadhammā asaṅgahitā honti, tesañca sampayogo nāma natthī’’ti (dhātu. 448) asaṅgāhakā eva na honti avikalapañcakkhandhādisamudāyabhāvato.
д̇зд̇и ‘‘д̣̇угкасажжаад̣̇ий’’д̇и аад̣̇и-сад̣̇д̣̇зна вуд̇д̇ад̇хаммаа. асаб̣б̣а…бз… сияум̣ авид̇аггаавижаараад̣̇ид̇хаммаа вияа. на д̇зсам̣ виббаяог̇о над̇т̇и д̇аб̣б̣инимуд̇д̇асса жид̇д̇уббаад̣̇асса самбхавад̇о. взд̣̇анаагканд̇хзна асан̇г̇ахид̇аанам̣ анаарамман̣амиссагад̇д̇аа на ‘‘виббаяог̇асса ад̇т̇ид̇ааяаа’’д̇и вуд̇д̇ам̣. д̇ат̇аа жааха ‘‘руубааруубад̇хаммаа асан̇г̇ахид̇аа’’д̇и. убхаяаабхаавад̇од̇и самбаяог̇авиббаяог̇аабхаавад̇о. анаарамман̣асахид̇асаб̣б̣авин̃н̃аан̣ад̇ам̣д̇хаад̇усамбаяуд̇д̇ад̇ад̣̇убхаяад̇хаммаа ажзд̇асигажзд̇асигалогияабад̣̇аад̣̇ийнам̣ васзна взд̣̇ид̇аб̣б̣аа.
Teti ‘‘dukkhasaccādī’’ti ādi-saddena vuttadhammā. Asabba…pe… siyuṃ avitakkāvicārādidhammā viya. Na tesaṃ vippayogo natthi tabbinimuttassa cittuppādassa sambhavato. Vedanākkhandhena asaṅgahitānaṃ anārammaṇamissakattā na ‘‘vippayogassa atthitāyā’’ti vuttaṃ. Tathā cāha ‘‘rūpārūpadhammā asaṅgahitā’’ti. Ubhayābhāvatoti sampayogavippayogābhāvato. Anārammaṇasahitasabbaviññāṇataṃdhātusampayuttatadubhayadhammā acetasikacetasikalokiyapadādīnaṃ vasena veditabbā.
д̇зрасаманаяаасан̇г̇ахид̇знасамбаяуд̇д̇авиббаяуд̇д̇абад̣̇аван̣н̣анаа нидтид̇аа.
Terasamanayaasaṅgahitenasampayuttavippayuttapadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 13. асан̇г̇ахид̇знасамбаяуд̇д̇авиббаяуд̇д̇абад̣̇анид̣̇д̣̇зсо • 13. Asaṅgahitenasampayuttavippayuttapadaniddeso
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 13. д̇зрасаманаяо асан̇г̇ахид̇знасамбаяуд̇д̇авиббаяуд̇д̇абад̣̇аван̣н̣анаа • 13. Terasamanayo asaṅgahitenasampayuttavippayuttapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 13. д̇зрасаманаяо асан̇г̇ахид̇знасамбаяуд̇д̇авиббаяуд̇д̇абад̣̇аван̣н̣анаа • 13. Terasamanayo asaṅgahitenasampayuttavippayuttapadavaṇṇanā
