| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๑๓. เตรสมนโย อสงฺคหิเตนสมฺปยุตฺตวิปฺปยุตฺตปทวณฺณนา
13. Terasamanayo asaṅgahitenasampayuttavippayuttapadavaṇṇanā
๔๔๘. อิทานิ อสงฺคหิเตนสมฺปยุตฺตวิปฺปยุตฺตปทํ ภาเชตุํ รูปกฺขเนฺธนาติอาทิ อารทฺธํฯ ตตฺถ เย ปญฺจเม อสงฺคหิเตนอสงฺคหิตปทนิเทฺทเส รูปกฺขเนฺธน สทิสปญฺหา ธมฺมา, เย จ อรูปภเวน สทิสา, เตเยว อุทฺธฎาฯ เสสา ปน น รุหนฺตีติ น อุทฺธฎาฯ เวทนากฺขเนฺธน หิ ขนฺธาทิวเสน ปน รูปารูปธมฺมา อสงฺคหิตา โหนฺติฯ เตสญฺจ สมฺปโยโค นาม นตฺถิฯ ตสฺมา ยานิ ปทานิ รุหนฺติ, ตาเนว สทิสวิสฺสชฺชเนหิ สทฺธิํ สโมธาเนตฺวา อุทฺธฎานิฯ ตตฺถ เย ธมฺมา ปุจฺฉาย อุทฺธฎธเมฺมหิ ขนฺธาทิวเสน อสงฺคหิตา, เต เยหิ สมฺปยุตฺตา จ วิปฺปยุตฺตา จ, เตสํ วเสน ขนฺธาทิวิภาโค เวทิตโพฺพฯ
448. Idāni asaṅgahitenasampayuttavippayuttapadaṃ bhājetuṃ rūpakkhandhenātiādi āraddhaṃ. Tattha ye pañcame asaṅgahitenaasaṅgahitapadaniddese rūpakkhandhena sadisapañhā dhammā, ye ca arūpabhavena sadisā, teyeva uddhaṭā. Sesā pana na ruhantīti na uddhaṭā. Vedanākkhandhena hi khandhādivasena pana rūpārūpadhammā asaṅgahitā honti. Tesañca sampayogo nāma natthi. Tasmā yāni padāni ruhanti, tāneva sadisavissajjanehi saddhiṃ samodhānetvā uddhaṭāni. Tattha ye dhammā pucchāya uddhaṭadhammehi khandhādivasena asaṅgahitā, te yehi sampayuttā ca vippayuttā ca, tesaṃ vasena khandhādivibhāgo veditabbo.
ตตฺรายํ นโย – รูปกฺขเนฺธน ตาว วิญฺญาณเมว ตีหิ สงฺคเหหิ อสงฺคหิตํฯ ตํ เวทนาทีหิ ตีหิ ขเนฺธหิ, ธมฺมายตนธมฺมธาตูสุ จ เวทนาทีเหว สมฺปยุตฺตํฯ เอเกน รูปกฺขเนฺธน, ทสหิ รูปายตนรูปธาตูหิ, ธมฺมายตนธมฺมธาตูสุ จ รูปนิพฺพานธเมฺมหิ วิปฺปยุตฺตํฯ ตํ สนฺธาย เต ธมฺมา ตีหิ ขเนฺธหีติอาทิ วุตฺตํฯ อิมินา นเยน สพฺพตฺถ อโตฺถ เวทิตโพฺพติฯ
Tatrāyaṃ nayo – rūpakkhandhena tāva viññāṇameva tīhi saṅgahehi asaṅgahitaṃ. Taṃ vedanādīhi tīhi khandhehi, dhammāyatanadhammadhātūsu ca vedanādīheva sampayuttaṃ. Ekena rūpakkhandhena, dasahi rūpāyatanarūpadhātūhi, dhammāyatanadhammadhātūsu ca rūpanibbānadhammehi vippayuttaṃ. Taṃ sandhāya te dhammā tīhi khandhehītiādi vuttaṃ. Iminā nayena sabbattha attho veditabboti.
อสงฺคหิเตนสมฺปยุตฺตวิปฺปยุตฺตปทวณฺณนาฯ
Asaṅgahitenasampayuttavippayuttapadavaṇṇanā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / ธาตุกถาปาฬิ • Dhātukathāpāḷi / ๑๓. อสงฺคหิเตนสมฺปยุตฺตวิปฺปยุตฺตปทนิเทฺทโส • 13. Asaṅgahitenasampayuttavippayuttapadaniddeso
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๑๓. เตรสมนโย อสงฺคหิเตนสมฺปยุตฺตวิปฺปยุตฺตปทวณฺณนา • 13. Terasamanayo asaṅgahitenasampayuttavippayuttapadavaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๑๓. เตรสมนโย อสงฺคหิเตนสมฺปยุตฺตวิปฺปยุตฺตปทวณฺณนา • 13. Terasamanayo asaṅgahitenasampayuttavippayuttapadavaṇṇanā
