| Library / Tipiṭaka / തിപിടക • Tipiṭaka / പഞ്ചപകരണ-അനുടീകാ • Pañcapakaraṇa-anuṭīkā |
൧൩. തേരസമനയോ അസങ്ഗഹിതേനസമ്പയുത്തവിപ്പയുത്തപദവണ്ണനാ
13. Terasamanayo asaṅgahitenasampayuttavippayuttapadavaṇṇanā
൪൪൮. യേഹീതി രൂപക്ഖന്ധധമ്മായതനാദീഹി. തീഹിപി ഖന്ധായതനാദിസങ്ഗഹേഹി. പുന യേഹീതി അരൂപഭവാദീഹി. ഓളാരികായതനാനേവ ഹോന്തി ആയതനധാതുസങ്ഗഹേഹിപി അസങ്ഗഹിതത്താ. തേതി ചതുവോകാരഭവാദയോ. വുത്താവസേസാതി രൂപക്ഖന്ധധമ്മായതനാദീഹി അവസിട്ഠാ. സതിപി അസങ്ഗാഹകത്തേ തേഹി അസങ്ഗഹിതാനം സമ്പയോഗോ ന സമ്ഭവതീതി വേദനാക്ഖന്ധാദയോ ഇധ തേരസമനയേ വിസ്സജ്ജനം ന രുഹന്തി നാരോഹന്തി. തേനാഹ അട്ഠകഥായം ‘‘വേദനാക്ഖന്ധേന ഹി ഖന്ധാദിവസേന രൂപാരൂപധമ്മാ അസങ്ഗഹിതാ ഹോന്തി, തേസഞ്ച സമ്പയോഗോ നാമ നത്ഥീ’’തി (ധാതു॰ ൪൪൮) അസങ്ഗാഹകാ ഏവ ന ഹോന്തി അവികലപഞ്ചക്ഖന്ധാദിസമുദായഭാവതോ.
448. Yehīti rūpakkhandhadhammāyatanādīhi. Tīhipi khandhāyatanādisaṅgahehi. Puna yehīti arūpabhavādīhi. Oḷārikāyatanāneva honti āyatanadhātusaṅgahehipi asaṅgahitattā. Teti catuvokārabhavādayo. Vuttāvasesāti rūpakkhandhadhammāyatanādīhi avasiṭṭhā. Satipi asaṅgāhakatte tehi asaṅgahitānaṃ sampayogo na sambhavatīti vedanākkhandhādayo idha terasamanaye vissajjanaṃ na ruhanti nārohanti. Tenāha aṭṭhakathāyaṃ ‘‘vedanākkhandhena hi khandhādivasena rūpārūpadhammā asaṅgahitā honti, tesañca sampayogo nāma natthī’’ti (dhātu. 448) asaṅgāhakā eva na honti avikalapañcakkhandhādisamudāyabhāvato.
തേതി ‘‘ദുക്ഖസച്ചാദീ’’തി ആദി-സദ്ദേന വുത്തധമ്മാ. അസബ്ബ…പേ॰… സിയും അവിതക്കാവിചാരാദിധമ്മാ വിയ. ന തേസം വിപ്പയോഗോ നത്ഥി തബ്ബിനിമുത്തസ്സ ചിത്തുപ്പാദസ്സ സമ്ഭവതോ. വേദനാക്ഖന്ധേന അസങ്ഗഹിതാനം അനാരമ്മണമിസ്സകത്താ ന ‘‘വിപ്പയോഗസ്സ അത്ഥിതായാ’’തി വുത്തം. തഥാ ചാഹ ‘‘രൂപാരൂപധമ്മാ അസങ്ഗഹിതാ’’തി. ഉഭയാഭാവതോതി സമ്പയോഗവിപ്പയോഗാഭാവതോ. അനാരമ്മണസഹിതസബ്ബവിഞ്ഞാണതംധാതുസമ്പയുത്തതദുഭയധമ്മാ അചേതസികചേതസികലോകിയപദാദീനം വസേന വേദിതബ്ബാ.
Teti ‘‘dukkhasaccādī’’ti ādi-saddena vuttadhammā. Asabba…pe… siyuṃ avitakkāvicārādidhammā viya. Na tesaṃ vippayogo natthi tabbinimuttassa cittuppādassa sambhavato. Vedanākkhandhena asaṅgahitānaṃ anārammaṇamissakattā na ‘‘vippayogassa atthitāyā’’ti vuttaṃ. Tathā cāha ‘‘rūpārūpadhammā asaṅgahitā’’ti. Ubhayābhāvatoti sampayogavippayogābhāvato. Anārammaṇasahitasabbaviññāṇataṃdhātusampayuttatadubhayadhammā acetasikacetasikalokiyapadādīnaṃ vasena veditabbā.
തേരസമനയഅസങ്ഗഹിതേനസമ്പയുത്തവിപ്പയുത്തപദവണ്ണനാ നിട്ഠിതാ.
Terasamanayaasaṅgahitenasampayuttavippayuttapadavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / ധാതുകഥാപാളി • Dhātukathāpāḷi / ൧൩. അസങ്ഗഹിതേനസമ്പയുത്തവിപ്പയുത്തപദനിദ്ദേസോ • 13. Asaṅgahitenasampayuttavippayuttapadaniddeso
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൧൩. തേരസമനയോ അസങ്ഗഹിതേനസമ്പയുത്തവിപ്പയുത്തപദവണ്ണനാ • 13. Terasamanayo asaṅgahitenasampayuttavippayuttapadavaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൧൩. തേരസമനയോ അസങ്ഗഹിതേനസമ്പയുത്തവിപ്പയുത്തപദവണ്ണനാ • 13. Terasamanayo asaṅgahitenasampayuttavippayuttapadavaṇṇanā
