| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
13. තෙරසමසික්‌ඛාපදං
13. Terasamasikkhāpadaṃ
1226. තෙරසමෙ උපචාරෙපීති අපරික්‌ඛිත්‌තස්‌ස ගාමස්‌ස පරික්‌ඛෙපාරහට්‌ඨානසඞ්‌ඛාතෙ උපචාරෙපි.
1226. Terasame upacārepīti aparikkhittassa gāmassa parikkhepārahaṭṭhānasaṅkhāte upacārepi.
1227. ‘‘අච්‌ඡින්‌නචීවරිකායා’’ති සාමඤ්‌ඤතො වුත්‌තෙපි විසෙසොයෙවාධිප්‌පෙතොති ආහ ‘‘සඞ්‌කච්‌චිකචීවරමෙවා’’ති. සමන්‌තතො පුරිසානං දස්‌සනං කන්‌තීයති ඡින්‌දීයති එත්‌ථාති සඞ්‌කච්‌චි, අධක්‌ඛකඋබ්‌භනාභිට්‌ඨානං, සඞ්‌කච්‌චෙ නිවසිතබ්‌බන්‌ති සංකච්‌චිකං, තමෙව චීවරන්‌ති සඞ්‌කච්‌චිකචීවරන්‌ති. තෙරසමං.
1227. ‘‘Acchinnacīvarikāyā’’ti sāmaññato vuttepi visesoyevādhippetoti āha ‘‘saṅkaccikacīvaramevā’’ti. Samantato purisānaṃ dassanaṃ kantīyati chindīyati etthāti saṅkacci, adhakkhakaubbhanābhiṭṭhānaṃ, saṅkacce nivasitabbanti saṃkaccikaṃ, tameva cīvaranti saṅkaccikacīvaranti. Terasamaṃ.
ඡත්‌තුපාහනවග්‌ගො නවමො.
Chattupāhanavaggo navamo.
සබ්‌බානෙව සික්‌ඛාපදානීති සම්‌බන්‌ධො. තතොති තෙහි අට්‌ඨාසීතිසතසික්‌ඛාපදෙහි, අපනෙත්‌වාති සම්‌බන්‌ධො.
Sabbāneva sikkhāpadānīti sambandho. Tatoti tehi aṭṭhāsītisatasikkhāpadehi, apanetvāti sambandho.
තත්‍රාති තෙසු ඛුද්‌දකෙසු. එත්‌ථාති දසසු සික්‌ඛාපදෙසූති.
Tatrāti tesu khuddakesu. Etthāti dasasu sikkhāpadesūti.
භික්‌ඛුනිවිභඞ්‌ගෙ ඛුද්‌දකවණ්‌ණනාය
Bhikkhunivibhaṅge khuddakavaṇṇanāya
යොජනා සමත්‌තා.
Yojanā samattā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga / 13. තෙරසමසික්‌ඛාපදං • 13. Terasamasikkhāpadaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā / 13. තෙරසමසික්‌ඛාපදවණ්‌ණනා • 13. Terasamasikkhāpadavaṇṇanā
