| Library / Tipiṭaka / д̇ибидага • Tipiṭaka / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā |
13. д̇зрасамасигкаабад̣̇аван̣н̣анаа
13. Terasamasikkhāpadavaṇṇanā
1226. д̇зрасамз – баригкзбам̣ ад̇иггаамзнд̇ияаад̇и згзна баад̣̇зна ад̇игганд̇з д̣̇уггадам̣, д̣̇уд̇иязна баажид̇д̇ияам̣. убажаарзби зсзва наяо.
1226. Terasame – parikkhepaṃ atikkāmentiyāti ekena pādena atikkante dukkaṭaṃ, dutiyena pācittiyaṃ. Upacārepi eseva nayo.
1227. ажчиннажийваригааяаад̇иаад̣̇ийсу сан̇гажжигажийварамзва жийваранд̇и взд̣̇ид̇аб̣б̣ам̣. аабад̣̇аасууд̇и махаг̇гхам̣ ход̇и сан̇гажжигам̣, баарубид̇ваа г̇ажчанд̇ияаава убад̣̇д̣̇аво уббаж̇ж̇ад̇и, зваруубаасу аабад̣̇аасу анаабад̇д̇и. сзсам̣ уд̇д̇аанамзва. зл̣агаломасамудтаанам̣ – гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, д̇ижид̇д̇ам̣, д̇ивзд̣̇ананд̇и.
1227.Acchinnacīvarikāyātiādīsu saṅkaccikacīvarameva cīvaranti veditabbaṃ. Āpadāsūti mahagghaṃ hoti saṅkaccikaṃ, pārupitvā gacchantiyāva upaddavo uppajjati, evarūpāsu āpadāsu anāpatti. Sesaṃ uttānameva. Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
д̇зрасамасигкаабад̣̇ам̣.
Terasamasikkhāpadaṃ.
чад̇д̇убааханаваг̇г̇о навамо.
Chattupāhanavaggo navamo.
уд̣̇д̣̇идтаа ко аяяааяо часадтисад̇ам̣ баажид̇д̇ияаа д̇хаммаад̇и зд̇т̇а саб̣б̣аанзва бхигкунийнам̣ куд̣̇д̣̇агзсу чаннавуд̇и, бхигкуунам̣ д̣̇взнавуд̇ийд̇и адтаасийд̇исад̇ам̣ сигкаабад̣̇аани, д̇ад̇о сагалам̣ бхигкунийваг̇г̇ам̣, барамбарабхож̇анам̣, анад̇ирид̇д̇абхож̇анам̣, анад̇ирид̇д̇зна абхихадтум̣ бавааран̣ам̣, бан̣ийд̇абхож̇анавин̃н̃ад̇д̇и, ажзлагасигкаабад̣̇ам̣, д̣̇удтуллабадижчаад̣̇анам̣, уунавийсад̇ивассубасамбаад̣̇анам̣, маад̇уг̇аамзна сад̣̇д̇хим̣ сам̣вид̇хааяа ад̣̇д̇хаанаг̇аманам̣, рааж̇анд̇збураббавзсанам̣, санд̇ам̣ бхигкум̣ анаабужчаа вигаалз г̇аамаббавзсанам̣, нисийд̣̇анам̣ вассигасаадиганд̇и имаани д̣̇ваавийсад̇и сигкаабад̣̇аани абанзд̇ваа сзсаани сад̇ан̃жа часадти жа сигкаабад̣̇аани баад̇имогкуд̣̇д̣̇зсамаг̇г̇зна уд̣̇д̣̇идтаани хонд̇ийд̇и взд̣̇ид̇аб̣б̣аани. д̇знааха – ‘‘уд̣̇д̣̇идтаа ко аяяааяо часадтисад̇ам̣ баажид̇д̇ияаа д̇хаммаа…бз… звамзд̇ам̣ д̇хаараяаамий’’д̇и.
Uddiṭṭhā kho ayyāyo chasaṭṭhisataṃ pācittiyā dhammāti ettha sabbāneva bhikkhunīnaṃ khuddakesu channavuti, bhikkhūnaṃ dvenavutīti aṭṭhāsītisataṃ sikkhāpadāni, tato sakalaṃ bhikkhunīvaggaṃ, paramparabhojanaṃ, anatirittabhojanaṃ, anatirittena abhihaṭṭhuṃ pavāraṇaṃ, paṇītabhojanaviññatti, acelakasikkhāpadaṃ, duṭṭhullapaṭicchādanaṃ, ūnavīsativassupasampādanaṃ, mātugāmena saddhiṃ saṃvidhāya addhānagamanaṃ, rājantepurappavesanaṃ, santaṃ bhikkhuṃ anāpucchā vikāle gāmappavesanaṃ, nisīdanaṃ vassikasāṭikanti imāni dvāvīsati sikkhāpadāni apanetvā sesāni satañca chasaṭṭhi ca sikkhāpadāni pātimokkhuddesamaggena uddiṭṭhāni hontīti veditabbāni. Tenāha – ‘‘uddiṭṭhā kho ayyāyo chasaṭṭhisataṃ pācittiyā dhammā…pe… evametaṃ dhārayāmī’’ti.
д̇ад̇рааяам̣ сан̇кзбад̇о самудтаанавинижчаяо – г̇ираг̇г̇асамаж̇ж̇ам̣, жид̇д̇ааг̇аарасигкаабад̣̇ам̣, сан̇гхаан̣и, ид̇т̇аалан̇гааро, г̇анд̇хаван̣н̣аго, ваасид̇агабин̃н̃ааго, бхигкунийаад̣̇ийхи уммад̣̇д̣̇анабаримад̣̇д̣̇анаанийд̇и имаани д̣̇аса сигкаабад̣̇аани ажид̇д̇агаани логаваж̇ж̇аани. аяам̣ банзд̇т̇а ад̇хиббааяо – винааби жид̇д̇зна аабаж̇ж̇ид̇аб̣б̣ад̇д̇аа ажид̇д̇агаани, жид̇д̇з бана сад̇и агусалзнзва аабаж̇ж̇ид̇аб̣б̣ад̇д̇аа логаваж̇ж̇аани. авасзсаани ажид̇д̇агаани, бан̣н̣ад̇д̇иваж̇ж̇аанзва. жорийвудтаабанам̣, г̇ааманд̇арам̣, аараамасигкаабад̣̇ам̣ г̇аб̣бхиниваг̇г̇з аад̣̇ид̇о бадтааяа сад̇д̇а, гумаарибхууд̇аваг̇г̇з аад̣̇ид̇о бадтааяа бан̃жа, бурисасам̣садтам̣ баариваасияачанд̣̇ад̣̇аанам̣, анувассавудтаабанам̣, зганд̇аригавудтаабананд̇и имаани згуунавийсад̇и сигкаабад̣̇аани сажид̇д̇агаани бан̣н̣ад̇д̇иваж̇ж̇аани, авасзсаани сажид̇д̇агаани логаваж̇ж̇аанзваад̇и.
Tatrāyaṃ saṅkhepato samuṭṭhānavinicchayo – giraggasamajjaṃ, cittāgārasikkhāpadaṃ, saṅghāṇi, itthālaṅkāro, gandhavaṇṇako, vāsitakapiññāko, bhikkhunīādīhi ummaddanaparimaddanānīti imāni dasa sikkhāpadāni acittakāni lokavajjāni. Ayaṃ panettha adhippāyo – vināpi cittena āpajjitabbattā acittakāni, citte pana sati akusaleneva āpajjitabbattā lokavajjāni. Avasesāni acittakāni, paṇṇattivajjāneva. Corīvuṭṭhāpanaṃ, gāmantaraṃ, ārāmasikkhāpadaṃ gabbhinivagge ādito paṭṭhāya satta, kumāribhūtavagge ādito paṭṭhāya pañca, purisasaṃsaṭṭhaṃ pārivāsiyachandadānaṃ, anuvassavuṭṭhāpanaṃ, ekantarikavuṭṭhāpananti imāni ekūnavīsati sikkhāpadāni sacittakāni paṇṇattivajjāni, avasesāni sacittakāni lokavajjānevāti.
саманд̇абаасаад̣̇игааяа винаяасам̣ван̣н̣анааяа бхигкунийвибхан̇г̇з
Samantapāsādikāya vinayasaṃvaṇṇanāya bhikkhunīvibhaṅge
куд̣̇д̣̇агаван̣н̣анаа нидтид̇аа.
Khuddakavaṇṇanā niṭṭhitā.
баажид̇д̇ияаган̣д̣ам̣ нидтид̇ам̣.
Pācittiyakaṇḍaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 13. д̇зрасамасигкаабад̣̇ам̣ • 13. Terasamasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 13. д̇зрасамасигкаабад̣̇ам̣ • 13. Terasamasikkhāpadaṃ
