Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

намо д̇асса бхаг̇авад̇о арахад̇о саммаасамб̣уд̣̇д̇хасса

Namo tassa bhagavato arahato sammāsambuddhassa

17. жад̇д̇аалийсанибаад̇о

17. Cattālīsanipāto

[521] 1. д̇зсагун̣аж̇аад̇агаван̣н̣анаа

[521] 1. Tesakuṇajātakavaṇṇanā

взссанд̇арам̣ д̇ам̣ бужчаамийд̇и ид̣̇ам̣ сад̇т̇аа ж̇зд̇аванз вихаранд̇о госаларан̃н̃о оваад̣̇авасзна гат̇зси. д̇ан̃хи рааж̇аанам̣ д̇хаммассаванад̇т̇ааяа ааг̇ад̇ам̣ сад̇т̇аа ааманд̇зд̇ваа ‘‘махаарааж̇а, ран̃н̃аа наама д̇хаммзна раж̇ж̇ам̣ гаарзд̇аб̣б̣ам̣, яасмин̃хи самаяз рааж̇аано ад̇хаммигаа хонд̇и, рааж̇аяуд̇д̇ааби д̇асмим̣ самаяз ад̇хаммигаа хонд̇ий’’д̇и жад̇угганибаад̇з (а. ни. 4.70) ааг̇ад̇асуд̇д̇анаязна овад̣̇ид̇ваа аг̇ад̇иг̇аманз аг̇ад̇иаг̇аманз жа аад̣̇ийнаван̃жа аанисам̣сан̃жа гат̇зд̇ваа ‘‘субинагуубамаа гаамаа’’д̇иаад̣̇инаа наязна гаамзсу аад̣̇ийнавам̣ вид̇т̇аарзд̇ваа, ‘‘махаарааж̇а, имзсан̃хи сад̇д̇аанам̣ –

Vessantaraṃtaṃ pucchāmīti idaṃ satthā jetavane viharanto kosalarañño ovādavasena kathesi. Tañhi rājānaṃ dhammassavanatthāya āgataṃ satthā āmantetvā ‘‘mahārāja, raññā nāma dhammena rajjaṃ kāretabbaṃ, yasmiñhi samaye rājāno adhammikā honti, rājayuttāpi tasmiṃ samaye adhammikā hontī’’ti catukkanipāte (a. ni. 4.70) āgatasuttanayena ovaditvā agatigamane agatiagamane ca ādīnavañca ānisaṃsañca kathetvā ‘‘supinakūpamā kāmā’’tiādinā nayena kāmesu ādīnavaṃ vitthāretvā, ‘‘mahārāja, imesañhi sattānaṃ –

‘мажжунаа сан̇г̇аро над̇т̇и, лан̃ж̇аг̇г̇аахо на виж̇ж̇ад̇и;

‘Maccunā saṅgaro natthi, lañjaggāho na vijjati;

яуд̣̇д̇хам̣ над̇т̇и ж̇аяо над̇т̇и, саб̣б̣з мажжубарааяан̣аа’.

Yuddhaṃ natthi jayo natthi, sabbe maccuparāyaṇā’.

д̇зсам̣ баралогам̣ г̇ажчанд̇аанам̣ табзд̇ваа ад̇д̇анаа гад̇ам̣ галяаан̣агаммам̣ ан̃н̃аа бад̇идтаа наама над̇т̇и. звам̣ ид̇д̇арабажжубадтаанам̣ авассам̣ бахаад̇аб̣б̣ам̣, на яасам̣ ниссааяа бамаад̣̇ам̣ гаад̇ум̣ ваддад̇и, аббамад̇д̇знзва худ̇ваа д̇хаммзна раж̇ж̇ам̣ гаарзд̇ум̣ ваддад̇и. бораан̣агарааж̇аано ануббаннзби б̣уд̣̇д̇хз бан̣д̣ид̇аанам̣ оваад̣̇з тад̇ваа д̇хаммзна раж̇ж̇ам̣ гаарзд̇ваа д̣̇званаг̇арам̣ буураяамаанаа г̇амим̣суу’’д̇и вад̇ваа д̇зна яаажид̇о ад̇ийд̇ам̣ аахари.

Tesaṃ paralokaṃ gacchantānaṃ ṭhapetvā attanā kataṃ kalyāṇakammaṃ aññā patiṭṭhā nāma natthi. Evaṃ ittarapaccupaṭṭhānaṃ avassaṃ pahātabbaṃ, na yasaṃ nissāya pamādaṃ kātuṃ vaṭṭati, appamatteneva hutvā dhammena rajjaṃ kāretuṃ vaṭṭati. Porāṇakarājāno anuppannepi buddhe paṇḍitānaṃ ovāde ṭhatvā dhammena rajjaṃ kāretvā devanagaraṃ pūrayamānā gamiṃsū’’ti vatvā tena yācito atītaṃ āhari.

ад̇ийд̇з б̣аараан̣асияам̣ б̣рахмад̣̇ад̇д̇о раж̇ж̇ам̣ гаарзнд̇о абуд̇д̇аго ахоси, бад̇т̇знд̇оби буд̇д̇ам̣ ваа д̇хийд̇арам̣ ваа на лабхи. со згад̣̇ивасам̣ маханд̇зна бариваарзна уяяаанам̣ г̇анд̇ваа д̣̇ивасабхааг̇ам̣ уяяаанз гийл̣ид̇ваа ман̇г̇аласааларугкамуулз саяанам̣ ад̇т̇араабзд̇ваа т̇огам̣ нид̣̇д̣̇ааяид̇ваа баб̣уд̣̇д̇хо сааларугкам̣ ологзд̇ваа д̇ад̇т̇а сагун̣агулаавагам̣ басси, саха д̣̇ассанзнзвасса синзхо уббаж̇ж̇и. со згам̣ бурисам̣ баггосаабзд̇ваа ‘‘имам̣ ругкам̣ абхирухид̇ваа зд̇асмим̣ гулаавагз гассажи ад̇т̇ид̇ам̣ ваа над̇т̇ид̇ам̣ ваа ж̇аанаахий’’д̇и ааха. со ‘‘саад̇ху, д̣̇зваа’’д̇и вад̇ваа абхирухид̇ваа д̇ад̇т̇а д̇ийн̣и ан̣д̣агаани д̣̇исваа ран̃н̃о аарожзси. рааж̇аа ‘‘д̇зна хи зд̇зсам̣ убари наасаваад̇ам̣ маа виссаж̇ж̇зсий’’д̇и вад̇ваа ‘‘жан̇годагз габбаасабижум̣ ад̇т̇арид̇ваа д̇ад̇т̇зва д̇аани ан̣д̣агаани табзд̇ваа сан̣игам̣ од̇араахий’’д̇и од̇аараабзд̇ваа жан̇годагам̣ хад̇т̇зна г̇ахзд̇ваа ‘‘гад̇арасагун̣ан̣д̣агаани наамзд̇ааний’’д̇и амажжз бужчи. д̇з ‘‘маяам̣ на ж̇аанаама, нзсаад̣̇аа ж̇ааниссанд̇ий’’д̇и вад̣̇им̣су. рааж̇аа нзсаад̣̇з баггосаабзд̇ваа бужчи. нзсаад̣̇аа, ‘‘махаарааж̇а, д̇зсу згам̣ улуугаан̣д̣ам̣, згам̣ саалигааан̣д̣ам̣, згам̣ сувагаан̣д̣а’’нд̇и гат̇аяим̣су. гим̣ бана згасмим̣ гулаавагз д̇ин̣н̣ам̣ сагун̣игаанам̣ ан̣д̣аани хонд̇ийд̇и. аама, д̣̇зва, барибант̇з асад̇и сунигкид̇д̇аани на нассанд̇ийд̇и. рааж̇аа д̇уссид̇ваа ‘‘имз мама буд̇д̇аа бхависсанд̇ий’’д̇и д̇аани д̇ийн̣и ан̣д̣аани д̇аяо амажжз бадижчаабзд̇ваа ‘‘имз маяхам̣ буд̇д̇аа бхависсанд̇и, д̇умхз саад̇хугам̣ бадиж̇аг̇г̇ид̇ваа ан̣д̣агосад̇о нигканд̇агаалз мамаарожзяяаат̇аа’’д̇и ааха. д̇з д̇аани саад̇хугам̣ рагким̣су.

Atīte bārāṇasiyaṃ brahmadatto rajjaṃ kārento aputtako ahosi, patthentopi puttaṃ vā dhītaraṃ vā na labhi. So ekadivasaṃ mahantena parivārena uyyānaṃ gantvā divasabhāgaṃ uyyāne kīḷitvā maṅgalasālarukkhamūle sayanaṃ attharāpetvā thokaṃ niddāyitvā pabuddho sālarukkhaṃ oloketvā tattha sakuṇakulāvakaṃ passi, saha dassanenevassa sineho uppajji. So ekaṃ purisaṃ pakkosāpetvā ‘‘imaṃ rukkhaṃ abhiruhitvā etasmiṃ kulāvake kassaci atthitaṃ vā natthitaṃ vā jānāhī’’ti āha. So ‘‘sādhu, devā’’ti vatvā abhiruhitvā tattha tīṇi aṇḍakāni disvā rañño ārocesi. Rājā ‘‘tena hi etesaṃ upari nāsavātaṃ mā vissajjesī’’ti vatvā ‘‘caṅkoṭake kappāsapicuṃ attharitvā tattheva tāni aṇḍakāni ṭhapetvā saṇikaṃ otarāhī’’ti otārāpetvā caṅkoṭakaṃ hatthena gahetvā ‘‘katarasakuṇaṇḍakāni nāmetānī’’ti amacce pucchi. Te ‘‘mayaṃ na jānāma, nesādā jānissantī’’ti vadiṃsu. Rājā nesāde pakkosāpetvā pucchi. Nesādā, ‘‘mahārāja, tesu ekaṃ ulūkaaṇḍaṃ, ekaṃ sālikāaṇḍaṃ, ekaṃ suvakaaṇḍa’’nti kathayiṃsu. Kiṃ pana ekasmiṃ kulāvake tiṇṇaṃ sakuṇikānaṃ aṇḍāni hontīti. Āma, deva, paripanthe asati sunikkhittāni na nassantīti. Rājā tussitvā ‘‘ime mama puttā bhavissantī’’ti tāni tīṇi aṇḍāni tayo amacce paṭicchāpetvā ‘‘ime mayhaṃ puttā bhavissanti, tumhe sādhukaṃ paṭijaggitvā aṇḍakosato nikkhantakāle mamāroceyyāthā’’ti āha. Te tāni sādhukaṃ rakkhiṃsu.

д̇зсу батамам̣ улуугаан̣д̣ам̣ бхиж̇ж̇и. амажжо згам̣ нзсаад̣̇ам̣ баггосаабзд̇ваа ‘‘д̇вам̣ ид̇т̇ибхаавам̣ ваа бурисабхаавам̣ ваа ж̇аанаахий’’д̇и вад̇ваа д̇зна д̇ам̣ виймам̣сид̇ваа ‘‘бурисо’’д̇и вуд̇д̇з рааж̇аанам̣ убасан̇гамид̇ваа ‘‘буд̇д̇о д̇з, д̣̇зва, ж̇аад̇о’’д̇и ааха. рааж̇аа д̇удто д̇асса б̣ахум̣ д̇ханам̣ д̣̇ад̇ваа ‘‘буд̇д̇агам̣ мз саад̇хугам̣ бадиж̇аг̇г̇а, ‘взссанд̇аро’д̇и жасса наамам̣ гарохий’’д̇и вад̇ваа уяяож̇зси. со д̇ат̇аа агааси. д̇ад̇о гад̇ибаахажжаязна саалигааан̣д̣ам̣ бхиж̇ж̇и. соби амажжо д̇ам̣ нзсаад̣̇зна виймам̣саабзд̇ваа ‘‘ид̇т̇ий’’д̇и суд̇ваа ран̃н̃о санд̇игам̣ г̇анд̇ваа ‘‘д̇хийд̇аа д̇з, д̣̇зва, ж̇аад̇аа’’д̇и ааха. рааж̇аа д̇удто д̇ассаби б̣ахум̣ д̇ханам̣ д̣̇ад̇ваа ‘‘д̇хийд̇арам̣ мз саад̇хугам̣ бадиж̇аг̇г̇а, ‘гун̣д̣алиний’д̇и жассаа наамам̣ гарохий’’д̇и вад̇ваа уяяож̇зси. соби д̇ат̇аа агааси. буна гад̇ибаахажжаязна сувагаан̣д̣ам̣ бхиж̇ж̇и. соби амажжо нзсаад̣̇зна д̇ам̣ виймам̣сид̇ваа ‘‘бурисо’’д̇и вуд̇д̇з ран̃н̃о санд̇игам̣ г̇анд̇ваа ‘‘буд̇д̇о д̇з, д̣̇зва, ж̇аад̇о’’д̇и ааха. рааж̇аа д̇удто д̇ассаби б̣ахум̣ д̇ханам̣ д̣̇ад̇ваа ‘‘буд̇д̇асса мз маханд̇зна бариваарзна ман̇г̇алам̣ гад̇ваа ‘ж̇амб̣уго’д̇исса наамам̣ гарохий’’д̇и вад̇ваа уяяож̇зси. соби д̇ат̇аа агааси. д̇з д̇аяоби сагун̣аа д̇ин̣н̣ам̣ амажжаанам̣ г̇зхзсу рааж̇агумаарабарихаарзнзва вад̣дханд̇и. рааж̇аа ‘‘мама буд̇д̇о, мама д̇хийд̇аа’’д̇и вохарад̇и. ат̇асса амажжаа ан̃н̃аман̃н̃ам̣ авахасанд̇и ‘‘бассат̇а, бхо, ран̃н̃о гирияам̣, д̇иражчаанаг̇ад̇зби ‘буд̇д̇о мз, д̇хийд̇аа мз’д̇и вад̣̇анд̇о вижарад̇ий’’д̇и.

Tesu paṭhamaṃ ulūkaaṇḍaṃ bhijji. Amacco ekaṃ nesādaṃ pakkosāpetvā ‘‘tvaṃ itthibhāvaṃ vā purisabhāvaṃ vā jānāhī’’ti vatvā tena taṃ vīmaṃsitvā ‘‘puriso’’ti vutte rājānaṃ upasaṅkamitvā ‘‘putto te, deva, jāto’’ti āha. Rājā tuṭṭho tassa bahuṃ dhanaṃ datvā ‘‘puttakaṃ me sādhukaṃ paṭijagga, ‘vessantaro’ti cassa nāmaṃ karohī’’ti vatvā uyyojesi. So tathā akāsi. Tato katipāhaccayena sālikāaṇḍaṃ bhijji. Sopi amacco taṃ nesādena vīmaṃsāpetvā ‘‘itthī’’ti sutvā rañño santikaṃ gantvā ‘‘dhītā te, deva, jātā’’ti āha. Rājā tuṭṭho tassapi bahuṃ dhanaṃ datvā ‘‘dhītaraṃ me sādhukaṃ paṭijagga, ‘kuṇḍalinī’ti cassā nāmaṃ karohī’’ti vatvā uyyojesi. Sopi tathā akāsi. Puna katipāhaccayena suvakaaṇḍaṃ bhijji. Sopi amacco nesādena taṃ vīmaṃsitvā ‘‘puriso’’ti vutte rañño santikaṃ gantvā ‘‘putto te, deva, jāto’’ti āha. Rājā tuṭṭho tassapi bahuṃ dhanaṃ datvā ‘‘puttassa me mahantena parivārena maṅgalaṃ katvā ‘jambuko’tissa nāmaṃ karohī’’ti vatvā uyyojesi. Sopi tathā akāsi. Te tayopi sakuṇā tiṇṇaṃ amaccānaṃ gehesu rājakumāraparihāreneva vaḍḍhanti. Rājā ‘‘mama putto, mama dhītā’’ti voharati. Athassa amaccā aññamaññaṃ avahasanti ‘‘passatha, bho, rañño kiriyaṃ, tiracchānagatepi ‘putto me, dhītā me’ti vadanto vicaratī’’ti.

д̇ам̣ суд̇ваа рааж̇аа жинд̇зси – ‘‘имз амажжаа зд̇зсам̣ мама буд̇д̇аанам̣ бан̃н̃аасамбад̣̇ам̣ на ж̇аананд̇и, баагадам̣ нзсам̣ гариссаамий’’д̇и. ат̇згам̣ амажжам̣ взссанд̇арасса санд̇игам̣ бзсзси – ‘‘д̇умхаагам̣ бид̇аа бан̃хам̣ бужчид̇угаамо, гад̣̇аа гира ааг̇анд̇ваа бужчад̇уу’’д̇и. со амажжо г̇анд̇ваа взссанд̇арам̣ ванд̣̇ид̇ваа д̇ам̣ саасанам̣ аарожзси. д̇ам̣ суд̇ваа взссанд̇аро ад̇д̇ано бадиж̇аг̇г̇агам̣ амажжам̣ баггосид̇ваа ‘‘маяхам̣ гира бид̇аа мам̣ бан̃хам̣ бужчид̇угаамо, д̇асса ид̇хааг̇ад̇асса саггаарам̣ гаад̇ум̣ ваддад̇и, гад̣̇аа ааг̇ажчад̇уу’’д̇и бужчи. амажжо ‘‘ид̇о сад̇д̇амз д̣̇ивасз д̇ава бид̇аа ааг̇ажчад̇уу’’д̇и ааха. д̇ам̣ суд̇ваа взссанд̇аро ‘‘бид̇аа мз ид̇о сад̇д̇амз д̣̇ивасз ааг̇ажчад̇уу’’д̇и вад̇ваа уяяож̇зси. со ааг̇анд̇ваа ран̃н̃о аажигки. рааж̇аа сад̇д̇амз д̣̇ивасз наг̇арз бхзрим̣ жараабзд̇ваа буд̇д̇асса нивзсанам̣ аг̇амааси. взссанд̇аро ран̃н̃о маханд̇ам̣ саггаарам̣ гаарзси, анд̇амасо д̣̇аасагаммагаараанамби саггаарам̣ гаарзси. рааж̇аа взссанд̇арасагун̣асса г̇зхз бхун̃ж̇ид̇ваа маханд̇ам̣ яасам̣ анубхавид̇ваа сагам̣ нивзсанам̣ ааг̇анд̇ваа рааж̇ан̇г̇ан̣з маханд̇ам̣ ман̣д̣абам̣ гаараабзд̇ваа наг̇арз бхзрим̣ жараабзд̇ваа алан̇гад̇аман̣д̣абамаж̇жхз махааж̇анабаривааро нисийд̣̇ид̇ваа ‘‘взссанд̇арам̣ аанзд̇уу’’д̇и амажжасса санд̇игам̣ бзсзси. амажжо взссанд̇арам̣ суван̣н̣абийтз нисийд̣̇аабзд̇ваа аанзси. взссанд̇арасагун̣о бид̇у ан̇гз нисийд̣̇ид̇ваа бид̇араа саха гийл̣ид̇ваа г̇анд̇ваа д̇ад̇т̇зва суван̣н̣абийтз нисийд̣̇и. ат̇а нам̣ рааж̇аа махааж̇анамаж̇жхз рааж̇ад̇хаммам̣ бужчанд̇о батамам̣ г̇аат̇амааха –

Taṃ sutvā rājā cintesi – ‘‘ime amaccā etesaṃ mama puttānaṃ paññāsampadaṃ na jānanti, pākaṭaṃ nesaṃ karissāmī’’ti. Athekaṃ amaccaṃ vessantarassa santikaṃ pesesi – ‘‘tumhākaṃ pitā pañhaṃ pucchitukāmo, kadā kira āgantvā pucchatū’’ti. So amacco gantvā vessantaraṃ vanditvā taṃ sāsanaṃ ārocesi. Taṃ sutvā vessantaro attano paṭijaggakaṃ amaccaṃ pakkositvā ‘‘mayhaṃ kira pitā maṃ pañhaṃ pucchitukāmo, tassa idhāgatassa sakkāraṃ kātuṃ vaṭṭati, kadā āgacchatū’’ti pucchi. Amacco ‘‘ito sattame divase tava pitā āgacchatū’’ti āha. Taṃ sutvā vessantaro ‘‘pitā me ito sattame divase āgacchatū’’ti vatvā uyyojesi. So āgantvā rañño ācikkhi. Rājā sattame divase nagare bheriṃ carāpetvā puttassa nivesanaṃ agamāsi. Vessantaro rañño mahantaṃ sakkāraṃ kāresi, antamaso dāsakammakārānampi sakkāraṃ kāresi. Rājā vessantarasakuṇassa gehe bhuñjitvā mahantaṃ yasaṃ anubhavitvā sakaṃ nivesanaṃ āgantvā rājaṅgaṇe mahantaṃ maṇḍapaṃ kārāpetvā nagare bheriṃ carāpetvā alaṅkatamaṇḍapamajjhe mahājanaparivāro nisīditvā ‘‘vessantaraṃ ānetū’’ti amaccassa santikaṃ pesesi. Amacco vessantaraṃ suvaṇṇapīṭhe nisīdāpetvā ānesi. Vessantarasakuṇo pitu aṅke nisīditvā pitarā saha kīḷitvā gantvā tattheva suvaṇṇapīṭhe nisīdi. Atha naṃ rājā mahājanamajjhe rājadhammaṃ pucchanto paṭhamaṃ gāthamāha –

‘‘взссанд̇арам̣ д̇ам̣ бужчаами, сагун̣а бхад̣̇д̣̇амад̇т̇у д̇з;

‘‘Vessantaraṃ taṃ pucchāmi, sakuṇa bhaddamatthu te;

раж̇ж̇ам̣ гаарзд̇угаамзна, гим̣ су гижжам̣ гад̇ам̣ вара’’нд̇и.

Rajjaṃ kāretukāmena, kiṃ su kiccaṃ kataṃ vara’’nti.

д̇ад̇т̇а сагун̣аад̇и д̇ам̣ аалабад̇и. гим̣ сууд̇и гад̇арам̣ гижжам̣ гад̇ам̣ варам̣ уд̇д̇амам̣ ход̇и, гат̇зхи мз, д̇аад̇а, сагалам̣ рааж̇ад̇хамманд̇и звам̣ гира д̇ам̣ со бужчи.

Tattha sakuṇāti taṃ ālapati. Kiṃ sūti kataraṃ kiccaṃ kataṃ varaṃ uttamaṃ hoti, kathehi me, tāta, sakalaṃ rājadhammanti evaṃ kira taṃ so pucchi.

д̇ам̣ суд̇ваа взссанд̇аро бан̃хам̣ агат̇зд̇ваава рааж̇аанам̣ д̇аава бамаад̣̇зна жод̣̇знд̇о д̣̇уд̇ияам̣ г̇аат̇амааха –

Taṃ sutvā vessantaro pañhaṃ akathetvāva rājānaṃ tāva pamādena codento dutiyaṃ gāthamāha –

‘‘жирассам̣ вад̇а мам̣ д̇аад̇о, гам̣со б̣аараан̣асиг̇г̇ахо;

‘‘Cirassaṃ vata maṃ tāto, kaṃso bārāṇasiggaho;

бамад̇д̇о аббамад̇д̇ам̣ мам̣, бид̇аа буд̇д̇ам̣ ажод̣̇аяий’’д̇и.

Pamatto appamattaṃ maṃ, pitā puttaṃ acodayī’’ti.

д̇ад̇т̇а д̇аад̇од̇и бид̇аа. гам̣сод̇и ид̣̇ам̣ д̇асса наамам̣. б̣аараан̣асиг̇г̇аход̇и жад̇уухи сан̇г̇ахавад̇т̇уухи б̣аараан̣асим̣ сан̇г̇ахзд̇ваа вад̇д̇анд̇о. бамад̇д̇од̇и зваруубаанам̣ бан̣д̣ид̇аанам̣ санд̇игз васанд̇о бан̃хасса абужчанзна бамад̇д̇о. аббамад̇д̇ам̣ манд̇и сийлаад̣̇иг̇ун̣аяог̇зна мам̣ аббамад̇д̇ам̣. бид̇аад̇и босагабид̇аа. ажод̣̇аяийд̇и амажжзхи ‘‘д̇иражчаанаг̇ад̇з буд̇д̇з гад̇ваа вохарад̇ий’’д̇и авахасияамаано бамаад̣̇ам̣ аабаж̇ж̇ид̇ваа жирассам̣ аж̇ж̇а жод̣̇зси, бан̃хам̣ бужчийд̇и вад̣̇ад̇и.

Tattha tātoti pitā. Kaṃsoti idaṃ tassa nāmaṃ. Bārāṇasiggahoti catūhi saṅgahavatthūhi bārāṇasiṃ saṅgahetvā vattanto. Pamattoti evarūpānaṃ paṇḍitānaṃ santike vasanto pañhassa apucchanena pamatto. Appamattaṃ manti sīlādiguṇayogena maṃ appamattaṃ. Pitāti posakapitā. Acodayīti amaccehi ‘‘tiracchānagate putte katvā voharatī’’ti avahasiyamāno pamādaṃ āpajjitvā cirassaṃ ajja codesi, pañhaṃ pucchīti vadati.

звам̣ со имааяа г̇аат̇ааяа жод̣̇зд̇ваа ‘‘махаарааж̇а, ран̃н̃аа наама д̇ийсу д̇хаммзсу тад̇ваа д̇хаммзна раж̇ж̇ам̣ гаарзд̇аб̣б̣а’’нд̇и вад̇ваа рааж̇ад̇хаммам̣ гат̇знд̇о имаа г̇аат̇ааяо ааха –

Evaṃ so imāya gāthāya codetvā ‘‘mahārāja, raññā nāma tīsu dhammesu ṭhatvā dhammena rajjaṃ kāretabba’’nti vatvā rājadhammaṃ kathento imā gāthāyo āha –

‘‘батамзнзва вид̇ат̇ам̣, год̇хам̣ хаасам̣ ниваараяз;

‘‘Paṭhameneva vitathaṃ, kodhaṃ hāsaṃ nivāraye;

д̇ад̇о гижжаани гаарзяяа, д̇ам̣ вад̇ам̣ ааху кад̇д̇ияа.

Tato kiccāni kāreyya, taṃ vataṃ āhu khattiya.

‘‘яам̣ д̇вам̣ д̇аад̇а д̇абогаммам̣, буб̣б̣з гад̇амасам̣саяам̣;

‘‘Yaṃ tvaṃ tāta tapokammaṃ, pubbe katamasaṃsayaṃ;

рад̇д̇о д̣̇удто жа яам̣ гаяираа, на д̇ам̣ гаяираа д̇ад̇о буна.

Ratto duṭṭho ca yaṃ kayirā, na taṃ kayirā tato puna.

‘‘кад̇д̇ияасса бамад̇д̇асса, радтасмим̣ радтавад̣дхана;

‘‘Khattiyassa pamattassa, raṭṭhasmiṃ raṭṭhavaḍḍhana;

саб̣б̣з бхог̇аа винассанд̇и, ран̃н̃о д̇ам̣ вужжад̇з агхам̣.

Sabbe bhogā vinassanti, rañño taṃ vuccate aghaṃ.

‘‘сирий д̇аад̇а алагкий жа, бужчид̇аа зд̇ад̣̇аб̣равум̣;

‘‘Sirī tāta alakkhī ca, pucchitā etadabravuṃ;

удтаанавийрияз босз, рамаахам̣ анусууяагз.

Uṭṭhānavīriye pose, ramāhaṃ anusūyake.

‘‘усууяагз д̣̇ухад̣̇аяз, бурисз гаммад̣̇уссагз;

‘‘Usūyake duhadaye, purise kammadussake;

гаал̣аган̣н̣ий махаарааж̇а, рамад̇и жаггабхан̃ж̇аний.

Kāḷakaṇṇī mahārāja, ramati cakkabhañjanī.

‘‘со д̇вам̣ саб̣б̣з сухад̣̇аяо, саб̣б̣зсам̣ рагкид̇о бхава;

‘‘So tvaṃ sabbe suhadayo, sabbesaṃ rakkhito bhava;

алагким̣ нуд̣̇а махаарааж̇а, лагкяаа бхава нивзсанам̣.

Alakkhiṃ nuda mahārāja, lakkhyā bhava nivesanaṃ.

‘‘са лагкийд̇хид̇исамбанно, бурисо хи махаг̇г̇ад̇о;

‘‘Sa lakkhīdhitisampanno, puriso hi mahaggato;

амид̇д̇аанам̣ гаасибад̇и, муулам̣ аг̇г̇ан̃жа чинд̣̇ад̇и.

Amittānaṃ kāsipati, mūlaṃ aggañca chindati.

10.

‘‘саггоби хи бхууд̇абад̇и, удтаанз наббамаж̇ж̇ад̇и;

‘‘Sakkopi hi bhūtapati, uṭṭhāne nappamajjati;

са галяаан̣з д̇хид̇им̣ гад̇ваа, удтаанз гуруд̇з мано.

Sa kalyāṇe dhitiṃ katvā, uṭṭhāne kurute mano.

11.

‘‘г̇анд̇хаб̣б̣аа бид̇аро д̣̇зваа, сааж̇ийваа хонд̇и д̇аад̣̇ино;

‘‘Gandhabbā pitaro devā, sājīvā honti tādino;

удтаахад̇о аббамаж̇ж̇ад̇о, ануд̇идтанд̇и д̣̇звад̇аа.

Uṭṭhāhato appamajjato, anutiṭṭhanti devatā.

12.

‘‘со аббамад̇д̇о аггуд̣̇д̇хо, д̇аад̇а гижжаани гаараяа;

‘‘So appamatto akkuddho, tāta kiccāni kāraya;

вааяамассу жа гижжзсу, нааласо винд̣̇ад̇з сукам̣.

Vāyamassu ca kiccesu, nālaso vindate sukhaṃ.

13.

‘‘д̇ад̇т̇зва д̇з вад̇д̇абад̣̇аа, зсаава анусаасаний;

‘‘Tattheva te vattapadā, esāva anusāsanī;

алам̣ мид̇д̇з сукаабзд̇ум̣, амид̇д̇аанам̣ д̣̇укааяа жаа’’д̇и.

Alaṃ mitte sukhāpetuṃ, amittānaṃ dukhāya cā’’ti.

д̇ад̇т̇а батамзнзва вид̇ат̇анд̇и, д̇аад̇а, рааж̇аа наама аад̣̇ид̇ова мусааваад̣̇ам̣ ниваараяз. мусааваад̣̇ино хи ран̃н̃о радтам̣ нирож̇ам̣ ход̇и, бат̇авияаа ож̇аа гаммагаран̣адтаанад̇о сад̇д̇арад̇анамад̇д̇ам̣ хздтаа бхассад̇и, д̇ад̇о аахаарз ваа д̇зламад̇хупаан̣ид̇аад̣̇ийсу ваа осад̇хзсу ож̇аа на ход̇и. нирож̇аахаарабхож̇анаа мануссаа б̣ахвааб̣аад̇хаа хонд̇и, радтз т̇алаж̇алабат̇зсу ааяо нуббаж̇ж̇ад̇и, д̇асмим̣ ануббаж̇ж̇анд̇з рааж̇аано д̣̇уг̇г̇ад̇аа хонд̇и. д̇з сзвагз сан̇г̇ан̣хид̇ум̣ на саггонд̇и, асан̇г̇ахид̇аа сзвагаа рааж̇аанам̣ г̇аружид̇д̇зна на ологзнд̇и. звам̣, д̇аад̇а, мусааваад̣̇о наамзса нирож̇о, на со ж̇ийвид̇ахзд̇уби гаад̇аб̣б̣о, сажжам̣ бана саад̣̇уд̇арам̣ расаананд̇и д̇ад̣̇зва бадиг̇г̇ахзд̇аб̣б̣ам̣. абижа мусааваад̣̇о наама г̇ун̣абарид̇хам̣саго вибад̇д̇ибарияосаано, д̣̇уд̇ияажид̇д̇аваарз авийжибарааяан̣ам̣ гарод̇и. имасмим̣ банад̇т̇з ‘‘д̇хаммо хавз хад̇о ханд̇ий’’д̇и жзд̇ияаж̇аад̇агам̣ (ж̇аа. 1.8.45 аад̣̇аяо) гат̇зд̇аб̣б̣ам̣.

Tattha paṭhameneva vitathanti, tāta, rājā nāma āditova musāvādaṃ nivāraye. Musāvādino hi rañño raṭṭhaṃ nirojaṃ hoti, pathaviyā ojā kammakaraṇaṭṭhānato sattaratanamattaṃ heṭṭhā bhassati, tato āhāre vā telamadhuphāṇitādīsu vā osadhesu ojā na hoti. Nirojāhārabhojanā manussā bahvābādhā honti, raṭṭhe thalajalapathesu āyo nuppajjati, tasmiṃ anuppajjante rājāno duggatā honti. Te sevake saṅgaṇhituṃ na sakkonti, asaṅgahitā sevakā rājānaṃ garucittena na olokenti. Evaṃ, tāta, musāvādo nāmesa nirojo, na so jīvitahetupi kātabbo, saccaṃ pana sādutaraṃ rasānanti tadeva paṭiggahetabbaṃ. Apica musāvādo nāma guṇaparidhaṃsako vipattipariyosāno, dutiyacittavāre avīciparāyaṇaṃ karoti. Imasmiṃ panatthe ‘‘dhammo have hato hantī’’ti cetiyajātakaṃ (jā. 1.8.45 ādayo) kathetabbaṃ.

год̇ханд̇и, д̇аад̇а, рааж̇аа наама батамамзва гуж̇жханалагкан̣ам̣ год̇хамби ниваарзяяа. д̇аад̇а, ан̃н̃зсан̃хи год̇хо киббам̣ мад̇т̇агам̣ на баабун̣аад̇и, рааж̇уунам̣ баабун̣аад̇и. рааж̇аано наама ваажаавуд̇хаа гуж̇жхид̇ваа ологид̇амад̇д̇знааби барам̣ винаасзнд̇и, д̇асмаа ран̃н̃аа ан̃н̃зхи мануссзхи ад̇ирзгад̇арам̣ ниггод̇хзна бхавид̇аб̣б̣ам̣, канд̇имзд̇д̇аануд̣̇д̣̇аяаасамбаннзна ад̇д̇ано бияабуд̇д̇ам̣ вияа логам̣ вологзнд̇зна бхавид̇аб̣б̣ам̣. д̇аад̇а, ад̇игод̇хано наама рааж̇аа уббаннам̣ яасам̣ рагкид̇ум̣ на саггод̇и. имасса банад̇т̇асса д̣̇ийбанад̇т̇ам̣ канд̇иваад̣̇иж̇аад̇ага- (ж̇аа. 1.4.49 аад̣̇аяо) жуул̣ад̇хаммабаалаж̇аад̇агаани (ж̇аа. 1.5.44 аад̣̇аяо) гат̇зд̇аб̣б̣аани. жуул̣ад̇хаммабаалаж̇аад̇агасмин̃хи махаабад̇аабано наама рааж̇аа буд̇д̇ам̣ гхаад̇зд̇ваа буд̇д̇асогзна хад̣̇аязна палид̇зна мад̇ааяа д̣̇звияаа саяамби д̣̇звим̣ анусожанд̇о хад̣̇аязна палид̇знзва мари. ат̇а д̇з д̇аяоби згааал̣ааханзва жхаабзсум̣. д̇асмаа ран̃н̃аа батамамзва мусааваад̣̇ам̣ важ̇ж̇зд̇ваа д̣̇уд̇ияам̣ год̇хо важ̇ж̇зд̇аб̣б̣о.

Kodhanti, tāta, rājā nāma paṭhamameva kujjhanalakkhaṇaṃ kodhampi nivāreyya. Tāta, aññesañhi kodho khippaṃ matthakaṃ na pāpuṇāti, rājūnaṃ pāpuṇāti. Rājāno nāma vācāvudhā kujjhitvā olokitamattenāpi paraṃ vināsenti, tasmā raññā aññehi manussehi atirekataraṃ nikkodhena bhavitabbaṃ, khantimettānuddayāsampannena attano piyaputtaṃ viya lokaṃ volokentena bhavitabbaṃ. Tāta, atikodhano nāma rājā uppannaṃ yasaṃ rakkhituṃ na sakkoti. Imassa panatthassa dīpanatthaṃ khantivādijātaka- (jā. 1.4.49 ādayo) cūḷadhammapālajātakāni (jā. 1.5.44 ādayo) kathetabbāni. Cūḷadhammapālajātakasmiñhi mahāpatāpano nāma rājā puttaṃ ghātetvā puttasokena hadayena phalitena matāya deviyā sayampi deviṃ anusocanto hadayena phaliteneva mari. Atha te tayopi ekaāḷāhaneva jhāpesuṃ. Tasmā raññā paṭhamameva musāvādaṃ vajjetvā dutiyaṃ kodho vajjetabbo.

хаасанд̇и хассам̣, аяамзва ваа баато. д̇зсу д̇зсу гижжзсу уббилаавид̇ажид̇д̇ад̇ааяа гзл̣исийлад̇ам̣ барихаасам̣ ниваарзяяа. д̇аад̇а, ран̃н̃аа наама гзл̣исийлзна на бхавид̇аб̣б̣ам̣, абарабад̇д̇иязна худ̇ваа саб̣б̣аани гижжаани ад̇д̇абажжагкзнзва гаад̇аб̣б̣аани. уббилаавид̇ажид̇д̇о хи рааж̇аа ад̇улзд̇ваа гаммаани гаронд̇о лад̣̇д̇хам̣ яасам̣ винаасзд̇и. имасмим̣ банад̇т̇з сарабхан̇г̇аж̇аад̇агз (ж̇аа. 2.17.50 аад̣̇аяо) бурохид̇асса важанам̣ г̇ахзд̇ваа д̣̇ан̣д̣агиран̃н̃о гисаважчз абараж̇жхид̇ваа саха радтзна ужчиж̇ж̇ид̇ваа гуггул̣анираяз ниб̣б̣ад̇д̇абхааво жа маад̇ан̇г̇аж̇аад̇агз (ж̇аа. 1.15.1 аад̣̇аяо) маж̇жхаран̃н̃о б̣раахман̣аанам̣ гат̇ам̣ г̇ахзд̇ваа маад̇ан̇г̇ад̇аабасз абараж̇жхид̇ваа саха радтзна ужчиж̇ж̇ид̇ваа нираяз ниб̣б̣ад̇д̇абхааво жа гхадабан̣д̣ид̇аж̇аад̇агз (ж̇аа. 1.10.165 аад̣̇аяо) д̣̇асабхаад̇игарааж̇ад̣̇аарагаанам̣ мохамуул̣хаанам̣ важанам̣ г̇ахзд̇ваа ган̣хад̣̇ийбааяанз абараж̇жхид̇ваа ваасуд̣̇звагуласса наасид̇абхааво жа гат̇зд̇аб̣б̣о.

Hāsanti hassaṃ, ayameva vā pāṭho. Tesu tesu kiccesu uppilāvitacittatāya keḷisīlataṃ parihāsaṃ nivāreyya. Tāta, raññā nāma keḷisīlena na bhavitabbaṃ, aparapattiyena hutvā sabbāni kiccāni attapaccakkheneva kātabbāni. Uppilāvitacitto hi rājā atuletvā kammāni karonto laddhaṃ yasaṃ vināseti. Imasmiṃ panatthe sarabhaṅgajātake (jā. 2.17.50 ādayo) purohitassa vacanaṃ gahetvā daṇḍakirañño kisavacche aparajjhitvā saha raṭṭhena ucchijjitvā kukkuḷaniraye nibbattabhāvo ca mātaṅgajātake (jā. 1.15.1 ādayo) majjharañño brāhmaṇānaṃ kathaṃ gahetvā mātaṅgatāpase aparajjhitvā saha raṭṭhena ucchijjitvā niraye nibbattabhāvo ca ghaṭapaṇḍitajātake (jā. 1.10.165 ādayo) dasabhātikarājadārakānaṃ mohamūḷhānaṃ vacanaṃ gahetvā kaṇhadīpāyane aparajjhitvā vāsudevakulassa nāsitabhāvo ca kathetabbo.

д̇ад̇о гижжаани гаарзяяаад̇и звам̣, д̇аад̇а, батамам̣ мусааваад̣̇ам̣ д̣̇уд̇ияам̣ год̇хам̣ д̇ад̇ияам̣ ад̇хаммахаасам̣ важ̇ж̇зд̇ваа д̇ад̇о бажчаа рааж̇аа радтаваасийнам̣ гад̇д̇аб̣б̣агижжаани гаарзяяа. д̇ам̣ вад̇ам̣ ааху кад̇д̇ияаад̇и, кад̇д̇ияамахаарааж̇а, яам̣ маяаа вуд̇д̇ам̣, зд̇ам̣ ран̃н̃о вад̇асамаад̣̇аананд̇и бораан̣агабан̣д̣ид̇аа гат̇аяим̣су.

Tato kiccāni kāreyyāti evaṃ, tāta, paṭhamaṃ musāvādaṃ dutiyaṃ kodhaṃ tatiyaṃ adhammahāsaṃ vajjetvā tato pacchā rājā raṭṭhavāsīnaṃ kattabbakiccāni kāreyya. Taṃ vataṃ āhu khattiyāti, khattiyamahārāja, yaṃ mayā vuttaṃ, etaṃ rañño vatasamādānanti porāṇakapaṇḍitā kathayiṃsu.

на д̇ам̣ гаяираад̇и яам̣ д̇аяаа рааг̇аад̣̇ивасзна бажчаа д̇аабагарам̣ гаммам̣ гад̇ам̣ ход̇и, д̇ад̇о буб̣б̣з гад̇ад̇о буна д̇аад̣̇исам̣ гаммам̣ на гаяираа, маа гарзяяааси, д̇аад̇аад̇и. вужжад̇зд̇и д̇ам̣ ран̃н̃о агханд̇и вужжад̇и, звам̣ бораан̣агабан̣д̣ид̇аа гат̇аяим̣су. сирийд̇и ид̣̇ам̣ взссанд̇арасагун̣о буб̣б̣з б̣аараан̣асияам̣ бавад̇д̇ид̇агааран̣ам̣ аахарид̇ваа д̣̇ассзнд̇о ааха. д̇ад̇т̇а аб̣равунд̇и сужибариваарасздтинаа бужчид̇аа гат̇аяим̣су. удтаанавийриязд̇и яо босо удтаанз вийрияз жа бад̇идтид̇о, на жа барзсам̣ самбад̇д̇им̣ д̣̇исваа усууяад̇и, д̇асмим̣ ахам̣ абхирамаамийд̇и ааха. звам̣ д̇аава д̇аад̇а сирий гат̇зси. усууяагзд̇и алагкий бана, д̇аад̇а, бужчид̇аа ахам̣ барасамбад̇д̇иусууяагз д̣̇ухад̣̇аяз д̣̇ужид̇д̇з галяаан̣агаммад̣̇уусагз яо галяаан̣агаммам̣ д̣̇уссанд̇о аббияааяанд̇о аддийяанд̇о на гарод̇и, д̇асмим̣ абхирамаамийд̇и ааха. звам̣ саа гаал̣аган̣н̣ий, махаарааж̇а, рамад̇и бад̇ируубад̣̇зсаваасаад̣̇ино гусалажаггасса бхан̃ж̇аний.

Na taṃ kayirāti yaṃ tayā rāgādivasena pacchā tāpakaraṃ kammaṃ kataṃ hoti, tato pubbe katato puna tādisaṃ kammaṃ na kayirā, mā kareyyāsi, tātāti. Vuccateti taṃ rañño aghanti vuccati, evaṃ porāṇakapaṇḍitā kathayiṃsu. Sirīti idaṃ vessantarasakuṇo pubbe bārāṇasiyaṃ pavattitakāraṇaṃ āharitvā dassento āha. Tattha abravunti suciparivāraseṭṭhinā pucchitā kathayiṃsu. Uṭṭhānavīriyeti yo poso uṭṭhāne vīriye ca patiṭṭhito, na ca paresaṃ sampattiṃ disvā usūyati, tasmiṃ ahaṃ abhiramāmīti āha. Evaṃ tāva tāta sirī kathesi. Usūyaketi alakkhī pana, tāta, pucchitā ahaṃ parasampattiusūyake duhadaye ducitte kalyāṇakammadūsake yo kalyāṇakammaṃ dussanto appiyāyanto aṭṭīyanto na karoti, tasmiṃ abhiramāmīti āha. Evaṃ sā kāḷakaṇṇī, mahārāja, ramati patirūpadesavāsādino kusalacakkassa bhañjanī.

сухад̣̇аяод̇и сунд̣̇аражид̇д̇о хид̇ажид̇д̇аго. нуд̣̇аад̇и нийхара. нивзсананд̇и лагкияаа бана нивзсанам̣ бхава бад̇идтаа хохи. са лагкийд̇хид̇исамбаннод̇и, махаарааж̇а, гаасибад̇и со бурисо бан̃н̃ааяа жзва вийриязна жа самбанно. махаг̇г̇ад̇од̇и махаж̇жхаасаяо жораанам̣ бажжаяабхууд̇з г̇ан̣ханд̇о амид̇д̇аанам̣ муулам̣ жорз г̇ан̣ханд̇о амид̇д̇аанам̣ аг̇г̇ам̣ чинд̣̇ад̇ийд̇и вад̣̇ад̇и. саггод̇и инд̣̇о. бхууд̇абад̇ийд̇и рааж̇аанам̣ аалабад̇и. удтаанзд̇и удтаанавийрияз. наббамаж̇ж̇ад̇ийд̇и на бамаж̇ж̇ад̇и, саб̣б̣агижжаани гарод̇и. са галяаан̣зд̇и со д̣̇зварааж̇аа удтаанавийрияз манам̣ гаронд̇о баабагаммам̣ агад̇ваа галяаан̣з бун̃н̃агаммасмин̃н̃зва д̇хид̇им̣ гад̇ваа аббамад̇д̇о удтаанз манам̣ гарод̇и, д̇асса бана галяаан̣агаммз вийрияагаран̣абхаавад̣̇ассанад̇т̇ам̣ сарабхан̇г̇аж̇аад̇агз д̣̇вийсу д̣̇звалогзсу д̣̇звад̇аахи сад̣̇д̇хим̣ габидтаараамам̣ ааг̇анд̇ваа бан̃хам̣ бужчид̇ваа д̇хаммасса суд̇абхааво, махааган̣хаж̇аад̇агз (ж̇аа. 1.12.61 аад̣̇аяо) ад̇д̇ано аанубхаавзна ж̇анам̣ д̇аасзд̇ваа осагганд̇асса саасанасса бавад̇д̇ид̇абхааво жаад̇и звамаад̣̇ийни вад̇т̇ууни гат̇зд̇аб̣б̣аани.

Suhadayoti sundaracitto hitacittako. Nudāti nīhara. Nivesananti lakkhiyā pana nivesanaṃ bhava patiṭṭhā hohi. Sa lakkhīdhitisampannoti, mahārāja, kāsipati so puriso paññāya ceva vīriyena ca sampanno. Mahaggatoti mahajjhāsayo corānaṃ paccayabhūte gaṇhanto amittānaṃ mūlaṃ core gaṇhanto amittānaṃ aggaṃ chindatīti vadati. Sakkoti indo. Bhūtapatīti rājānaṃ ālapati. Uṭṭhāneti uṭṭhānavīriye. Nappamajjatīti na pamajjati, sabbakiccāni karoti. Sa kalyāṇeti so devarājā uṭṭhānavīriye manaṃ karonto pāpakammaṃ akatvā kalyāṇe puññakammasmiññeva dhitiṃ katvā appamatto uṭṭhāne manaṃ karoti, tassa pana kalyāṇakamme vīriyakaraṇabhāvadassanatthaṃ sarabhaṅgajātake dvīsu devalokesu devatāhi saddhiṃ kapiṭṭhārāmaṃ āgantvā pañhaṃ pucchitvā dhammassa sutabhāvo, mahākaṇhajātake (jā. 1.12.61 ādayo) attano ānubhāvena janaṃ tāsetvā osakkantassa sāsanassa pavattitabhāvo cāti evamādīni vatthūni kathetabbāni.

г̇анд̇хаб̣б̣аад̇и жаад̇умахаарааж̇игаанам̣ хздтаа жад̇уяонигаа д̣̇зваа, жад̇уяонигад̇д̇ааязва гира д̇з г̇анд̇хаб̣б̣аа наама ж̇аад̇аа. бид̇арод̇и б̣рахмаано. д̣̇зваад̇и убабад̇д̇ид̣̇звавасзна ча гаамааважарад̣̇зваа. д̇аад̣̇инод̇и д̇ат̇аавид̇хасса гусалаабхирад̇асса ран̃н̃о. сааж̇ийваа хонд̇ийд̇и самаанаж̇ийвигаа убаж̇ийвид̇аб̣б̣аа. д̇аад̣̇исаа хи рааж̇аано д̣̇аанаад̣̇ийни бун̃н̃аани гаронд̇аа д̣̇звад̇аанам̣ бад̇д̇им̣ д̣̇знд̇и, д̇аа д̇ам̣ бад̇д̇им̣ анумод̣̇ид̇ваа самбадижчид̇ваа д̣̇иб̣б̣аяасзна вад̣дханд̇и. ануд̇идтанд̇ийд̇и д̇аад̣̇исасса ран̃н̃о вийрияам̣ гаронд̇асса аббамаад̣̇ам̣ аабаж̇ж̇анд̇асса д̣̇звад̇аа ануд̇идтанд̇и ануг̇ажчанд̇и, д̇хаммигам̣ рагкам̣ сам̣вид̣̇аханд̇ийд̇и ад̇т̇о.

Gandhabbāti cātumahārājikānaṃ heṭṭhā catuyonikā devā, catuyonikattāyeva kira te gandhabbā nāma jātā. Pitaroti brahmāno. Devāti upapattidevavasena cha kāmāvacaradevā. Tādinoti tathāvidhassa kusalābhiratassa rañño. Sājīvā hontīti samānajīvikā upajīvitabbā. Tādisā hi rājāno dānādīni puññāni karontā devatānaṃ pattiṃ denti, tā taṃ pattiṃ anumoditvā sampaṭicchitvā dibbayasena vaḍḍhanti. Anutiṭṭhantīti tādisassa rañño vīriyaṃ karontassa appamādaṃ āpajjantassa devatā anutiṭṭhanti anugacchanti, dhammikaṃ rakkhaṃ saṃvidahantīti attho.

сод̇и со д̇вам̣. вааяамассууд̇и д̇аани радтагижжаани гаронд̇о д̇уланавасзна д̇ийран̣авасзна бажжагкагаммавасзна д̇зсу д̇зсу гижжзсу вийрияам̣ гарассу. д̇ад̇т̇зва д̇з вад̇д̇абад̣̇аад̇и, д̇аад̇а, яам̣ мам̣ д̇вам̣ гим̣су гижжам̣ гад̇ам̣ варанд̇и бужчи, д̇ад̇т̇а д̇ава бан̃хзязва зд̇з маяаа ‘‘батамзнзва вид̇ат̇а’’нд̇иаад̣̇аяо вуд̇д̇аа, зд̇з вад̇д̇абад̣̇аа вад̇д̇агодтаасаа, звам̣ д̇ад̇т̇а вад̇д̇ассу. зсаад̇и яаа д̇з маяаа гат̇ид̇аа, зсаава д̇ава анусаасаний. аланд̇и звам̣ вад̇д̇амаано хи рааж̇аа ад̇д̇ано мид̇д̇з сукаабзд̇ум̣, амид̇д̇аанан̃жа д̣̇угкааяа алам̣ барияад̇д̇о самад̇т̇од̇и.

Soti so tvaṃ. Vāyamassūti tāni raṭṭhakiccāni karonto tulanavasena tīraṇavasena paccakkhakammavasena tesu tesu kiccesu vīriyaṃ karassu. Tattheva te vattapadāti, tāta, yaṃ maṃ tvaṃ kiṃsu kiccaṃ kataṃ varanti pucchi, tattha tava pañheyeva ete mayā ‘‘paṭhameneva vitatha’’ntiādayo vuttā, ete vattapadā vattakoṭṭhāsā, evaṃ tattha vattassu. Esāti yā te mayā kathitā, esāva tava anusāsanī. Alanti evaṃ vattamāno hi rājā attano mitte sukhāpetuṃ, amittānañca dukkhāya alaṃ pariyatto samatthoti.

звам̣ взссанд̇арасагун̣зна згааяа г̇аат̇ааяа ран̃н̃о бамаад̣̇ам̣ жод̣̇зд̇ваа згаад̣̇асахи г̇аат̇аахи д̇хаммз гат̇ид̇з ‘‘б̣уд̣̇д̇халийл̣ааяа бан̃хо гат̇ид̇о’’д̇и махааж̇ано ажчарияаб̣бхуд̇ажид̇д̇аж̇аад̇о саад̇хугаарасад̇аани бавад̇д̇зси. рааж̇аа соманассаббад̇д̇о амажжз ааманд̇зд̇ваа бужчи – ‘‘бхонд̇о! амажжаа мама буд̇д̇зна взссанд̇арзна звам̣ гат̇знд̇зна гзна гад̇д̇аб̣б̣ам̣ гижжам̣ гад̇а’’нд̇и. махаасзнаг̇уд̇д̇зна, д̣̇зваад̇и. ‘‘д̇зна хисса махаасзнаг̇уд̇д̇адтаанам̣ д̣̇аммий’’д̇и взссанд̇арам̣ таананд̇арз табзси. со д̇ад̇о бадтааяа махаасзнаг̇уд̇д̇адтаанз тид̇о бид̇у гаммам̣ агаасийд̇и.

Evaṃ vessantarasakuṇena ekāya gāthāya rañño pamādaṃ codetvā ekādasahi gāthāhi dhamme kathite ‘‘buddhalīḷāya pañho kathito’’ti mahājano acchariyabbhutacittajāto sādhukārasatāni pavattesi. Rājā somanassappatto amacce āmantetvā pucchi – ‘‘bhonto! Amaccā mama puttena vessantarena evaṃ kathentena kena kattabbaṃ kiccaṃ kata’’nti. Mahāsenaguttena, devāti. ‘‘Tena hissa mahāsenaguttaṭṭhānaṃ dammī’’ti vessantaraṃ ṭhānantare ṭhapesi. So tato paṭṭhāya mahāsenaguttaṭṭhāne ṭhito pitu kammaṃ akāsīti.

взссанд̇арабан̃хо нидтид̇о.

Vessantarapañho niṭṭhito.

буна рааж̇аа гад̇ибаахажжаязна буриманаязнзва гун̣д̣алинияаа санд̇игам̣ д̣̇ууд̇ам̣ бзсзд̇ваа сад̇д̇амз д̣̇ивасз д̇ад̇т̇а г̇анд̇ваа бажжааг̇анд̇ваа д̇ад̇т̇зва ман̣д̣абамаж̇жхз нисийд̣̇ид̇ваа гун̣д̣алиним̣ аахараабзд̇ваа суван̣н̣абийтз нисиннам̣ рааж̇ад̇хаммам̣ бужчанд̇о г̇аат̇амааха –

Puna rājā katipāhaccayena purimanayeneva kuṇḍaliniyā santikaṃ dūtaṃ pesetvā sattame divase tattha gantvā paccāgantvā tattheva maṇḍapamajjhe nisīditvā kuṇḍaliniṃ āharāpetvā suvaṇṇapīṭhe nisinnaṃ rājadhammaṃ pucchanto gāthamāha –

14.

‘‘сагкиси д̇вам̣ гун̣д̣алини, ман̃н̃аси кад̇д̇аб̣анд̇хуни;

‘‘Sakkhisi tvaṃ kuṇḍalini, maññasi khattabandhuni;

раж̇ж̇ам̣ гаарзд̇угаамзна, гим̣ су гижжам̣ гад̇ам̣ вара’’нд̇и.

Rajjaṃ kāretukāmena, kiṃ su kiccaṃ kataṃ vara’’nti.

д̇ад̇т̇а сагкисийд̇и маяаа будтабан̃хам̣ гат̇зд̇ум̣ сагкиссасийд̇и бужчад̇и. гун̣д̣алинийд̇и д̇ассаа салин̇г̇ад̇о ааг̇ад̇анаамзнаалабад̇и. д̇ассаа гира д̣̇вийсу ган̣н̣абидтзсу гун̣д̣аласан̣таанаа д̣̇вз лзкаа ахзсум̣, д̇знассаа ‘‘гун̣д̣алиний’’д̇и наамам̣ гаарзси. ман̃н̃асийд̇и ж̇ааниссаси маяаа будтабан̃хасса ад̇т̇анд̇и. кад̇д̇аб̣анд̇хунийд̇и кад̇д̇асса махаасзнаг̇уд̇д̇асса бхаг̇инибхаавзна нам̣ звам̣ аалабад̇и. гасмаа банзса взссанд̇арасагун̣ам̣ звам̣ абужчид̇ваа имамзва бужчад̇ийд̇и? ид̇т̇ибхаавзна. ид̇т̇ияо хи барид̇д̇абан̃н̃аа, д̇асмаа ‘‘сажз саггод̇и, бужчиссаами, но жз, на бужчиссаамий’’д̇и виймам̣санавасзна звам̣ бужчид̇ваа д̇ан̃н̃зва бан̃хам̣ бужчи.

Tattha sakkhisīti mayā puṭṭhapañhaṃ kathetuṃ sakkhissasīti pucchati. Kuṇḍalinīti tassā saliṅgato āgatanāmenālapati. Tassā kira dvīsu kaṇṇapiṭṭhesu kuṇḍalasaṇṭhānā dve lekhā ahesuṃ, tenassā ‘‘kuṇḍalinī’’ti nāmaṃ kāresi. Maññasīti jānissasi mayā puṭṭhapañhassa atthanti. Khattabandhunīti khattassa mahāsenaguttassa bhaginibhāvena naṃ evaṃ ālapati. Kasmā panesa vessantarasakuṇaṃ evaṃ apucchitvā imameva pucchatīti? Itthibhāvena. Itthiyo hi parittapaññā, tasmā ‘‘sace sakkoti, pucchissāmi, no ce, na pucchissāmī’’ti vīmaṃsanavasena evaṃ pucchitvā taññeva pañhaṃ pucchi.

саа звам̣ ран̃н̃аа рааж̇ад̇хаммз бужчид̇з, ‘‘д̇аад̇а, д̇вам̣ мам̣ ‘ид̇т̇игаа наама гим̣ гат̇зссад̇ий’д̇и виймам̣саси ман̃н̃з, сагалам̣ д̇з рааж̇ад̇хаммам̣ д̣̇вийсуязва бад̣̇зсу багкибид̇ваа гат̇зссаамий’’д̇и вад̇ваа ааха –

Sā evaṃ raññā rājadhamme pucchite, ‘‘tāta, tvaṃ maṃ ‘itthikā nāma kiṃ kathessatī’ti vīmaṃsasi maññe, sakalaṃ te rājadhammaṃ dvīsuyeva padesu pakkhipitvā kathessāmī’’ti vatvā āha –

15.

‘‘д̣̇взва д̇аад̇а бад̣̇агаани, яад̇т̇а саб̣б̣ам̣ бад̇идтид̇ам̣;

‘‘Dveva tāta padakāni, yattha sabbaṃ patiṭṭhitaṃ;

алад̣̇д̇хасса жа яо лаабхо, лад̣̇д̇хасса жаанурагкан̣аа.

Aladdhassa ca yo lābho, laddhassa cānurakkhaṇā.

16.

‘‘амажжз д̇аад̇а ж̇аанаахи, д̇хийрз ад̇т̇асса говид̣̇з;

‘‘Amacce tāta jānāhi, dhīre atthassa kovide;

анагкаагид̇авз д̇аад̇а, асон̣д̣з авинаасагз.

Anakkhākitave tāta, asoṇḍe avināsake.

17.

‘‘яо жа д̇ам̣ д̇аад̇а рагкзяяа, д̇ханам̣ яан̃жзва д̇з сияаа;

‘‘Yo ca taṃ tāta rakkheyya, dhanaṃ yañceva te siyā;

сууд̇ова рат̇ам̣ сан̇г̇ан̣хз, со д̇з гижжаани гаараяз.

Sūtova rathaṃ saṅgaṇhe, so te kiccāni kāraye.

18.

‘‘сусан̇г̇ахид̇анд̇аж̇ано, саяам̣ вид̇д̇ам̣ авзгкияа;

‘‘Susaṅgahitantajano, sayaṃ vittaṃ avekkhiya;

нид̇хин̃жа ин̣ад̣̇аанан̃жа, на гарз барабад̇д̇ияаа.

Nidhiñca iṇadānañca, na kare parapattiyā.

19.

‘‘саяам̣ ааяам̣ ваяам̣ ж̇ан̃н̃аа, саяам̣ ж̇ан̃н̃аа гад̇аагад̇ам̣;

‘‘Sayaṃ āyaṃ vayaṃ jaññā, sayaṃ jaññā katākataṃ;

ниг̇г̇ан̣хз ниг̇г̇ахаарахам̣, баг̇г̇ан̣хз баг̇г̇ахаарахам̣.

Niggaṇhe niggahārahaṃ, paggaṇhe paggahārahaṃ.

20.

‘‘саяам̣ ж̇аанабад̣̇ам̣ ад̇т̇ам̣, анусааса рат̇зсабха;

‘‘Sayaṃ jānapadaṃ atthaṃ, anusāsa rathesabha;

маа д̇з ад̇хаммигаа яуд̇д̇аа, д̇ханам̣ радтан̃жа наасаяум̣.

Mā te adhammikā yuttā, dhanaṃ raṭṭhañca nāsayuṃ.

21.

‘‘маа жа взг̇зна гижжаани, гароси гаараязси ваа;

‘‘Mā ca vegena kiccāni, karosi kārayesi vā;

взг̇асаа хи гад̇ам̣ гаммам̣, манд̣̇о бажчаануд̇аббад̇и.

Vegasā hi kataṃ kammaṃ, mando pacchānutappati.

22.

‘‘маа д̇з ад̇хисарз мун̃жа, суб̣аал̣хамад̇хигобид̇ам̣;

‘‘Mā te adhisare muñca, subāḷhamadhikopitaṃ;

год̇хасаа хи б̣ахуу пийд̇аа, гулаа агулад̇ам̣ г̇ад̇аа.

Kodhasā hi bahū phītā, kulā akulataṃ gatā.

23.

‘‘‘маа д̇аад̇а иссаромхий’д̇и, анад̇т̇ааяа бад̇аараяи;

‘‘‘Mā tāta issaromhī’ti, anatthāya patārayi;

ид̇т̇ийнам̣ бурисаанан̃жа, маа д̇з ааси д̣̇укуд̣̇раяо.

Itthīnaṃ purisānañca, mā te āsi dukhudrayo.

24.

‘‘абзд̇аломахам̣сасса, ран̃н̃о гаамаанусаарино;

‘‘Apetalomahaṃsassa, rañño kāmānusārino;

саб̣б̣з бхог̇аа винассанд̇и, ран̃н̃о д̇ам̣ вужжад̇з агхам̣.

Sabbe bhogā vinassanti, rañño taṃ vuccate aghaṃ.

25.

‘‘д̇ад̇т̇зва д̇з вад̇д̇абад̣̇аа, зсаава анусаасаний;

‘‘Tattheva te vattapadā, esāva anusāsanī;

д̣̇агкассуд̣̇аани бун̃н̃агаро, асон̣д̣о авинаасаго;

Dakkhassudāni puññakaro, asoṇḍo avināsako;

сийлаваассу махаарааж̇а, д̣̇уссийло винибаад̇иго’’д̇и.

Sīlavāssu mahārāja, dussīlo vinipātiko’’ti.

д̇ад̇т̇а бад̣̇агаанийд̇и гааран̣абад̣̇аани. яад̇т̇аад̇и язсу д̣̇вийсу бад̣̇зсу саб̣б̣ам̣ ад̇т̇аж̇аад̇ам̣ хид̇асукам̣ бад̇идтид̇ам̣. алад̣̇д̇хассаад̇и яо жа буб̣б̣з алад̣̇д̇хасса лаабхасса лаабхо, яаа жа лад̣̇д̇хасса анурагкан̣аа. д̇аад̇а, ануббаннасса хи лаабхасса уббаад̣̇анам̣ наама на бхааро, уббаннасса бана анурагкан̣амзва бхааро. згажжо хи яасам̣ уббаад̣̇зд̇вааби яасз бамад̇д̇о бамаад̣̇ам̣ уббаад̣̇зд̇ваа баан̣аад̇ибаад̇аад̣̇ийни гарод̇и, махаажоро худ̇ваа радтам̣ вилумбамаано жарад̇и. ат̇а нам̣ рааж̇аано г̇аахаабзд̇ваа махаавинаасам̣ баабзнд̇и. ат̇а ваа уббаннаруубаад̣̇ийсу гаамаг̇ун̣зсу бамад̇д̇о аяонисо д̇ханам̣ наасзнд̇о саб̣б̣асаабад̇зяяз кийн̣з габан̣о худ̇ваа жийрагавасано габааламаад̣̇ааяа жарад̇и. баб̣б̣аж̇ид̇о ваа бана г̇ант̇ад̇хураад̣̇ивасзна лаабхасаггаарам̣ ниб̣б̣ад̇д̇зд̇ваа бамад̇д̇о хийнааяаавад̇д̇ад̇и. абаро батамажхаанаад̣̇ийни ниб̣б̣ад̇д̇зд̇вааби мудтассад̇ид̇ааяа д̇ат̇ааруубз аарамман̣з б̣аж̇жхид̇ваа жхаанаа барихааяад̇и. звам̣ уббаннасса яасасса ваа жхаанаад̣̇илаабхасса ваа рагкан̣амзва д̣̇уггарам̣. д̇ад̣̇ад̇т̇ад̣̇ийбанад̇т̇ам̣ бана д̣̇звад̣̇ад̇д̇асса вад̇т̇у жа, муд̣̇улагкан̣а- (ж̇аа. 1.1.66) ломасагассаба- (ж̇аа. 1.9.60 аад̣̇аяо) харид̇ажаж̇аад̇ага- (ж̇аа. 1.9.40 аад̣̇аяо) сан̇габбаж̇аад̇агаад̣̇ийни (ж̇аа. 1.3.1 аад̣̇аяо) жа гат̇зд̇аб̣б̣аани. зго бана лаабхасаггаарам̣ уббаад̣̇зд̇ваа аббамаад̣̇з тад̇ваа галяаан̣агаммам̣ гарод̇и, д̇асса со яасо суггабагкз жанд̣̇о вияа вад̣дхад̇и, д̇асмаа д̇вам̣, махаарааж̇а, аббамад̇д̇о баяог̇асамбад̇д̇ияаа тад̇ваа д̇хаммзна раж̇ж̇ам̣ гаарзнд̇о д̇ава уббаннам̣ яасам̣ анурагкаахийд̇и.

Tattha padakānīti kāraṇapadāni. Yatthāti yesu dvīsu padesu sabbaṃ atthajātaṃ hitasukhaṃ patiṭṭhitaṃ. Aladdhassāti yo ca pubbe aladdhassa lābhassa lābho, yā ca laddhassa anurakkhaṇā. Tāta, anuppannassa hi lābhassa uppādanaṃ nāma na bhāro, uppannassa pana anurakkhaṇameva bhāro. Ekacco hi yasaṃ uppādetvāpi yase pamatto pamādaṃ uppādetvā pāṇātipātādīni karoti, mahācoro hutvā raṭṭhaṃ vilumpamāno carati. Atha naṃ rājāno gāhāpetvā mahāvināsaṃ pāpenti. Atha vā uppannarūpādīsu kāmaguṇesu pamatto ayoniso dhanaṃ nāsento sabbasāpateyye khīṇe kapaṇo hutvā cīrakavasano kapālamādāya carati. Pabbajito vā pana ganthadhurādivasena lābhasakkāraṃ nibbattetvā pamatto hīnāyāvattati. Aparo paṭhamajhānādīni nibbattetvāpi muṭṭhassatitāya tathārūpe ārammaṇe bajjhitvā jhānā parihāyati. Evaṃ uppannassa yasassa vā jhānādilābhassa vā rakkhaṇameva dukkaraṃ. Tadatthadīpanatthaṃ pana devadattassa vatthu ca, mudulakkhaṇa- (jā. 1.1.66) lomasakassapa- (jā. 1.9.60 ādayo) haritacajātaka- (jā. 1.9.40 ādayo) saṅkappajātakādīni (jā. 1.3.1 ādayo) ca kathetabbāni. Eko pana lābhasakkāraṃ uppādetvā appamāde ṭhatvā kalyāṇakammaṃ karoti, tassa so yaso sukkapakkhe cando viya vaḍḍhati, tasmā tvaṃ, mahārāja, appamatto payogasampattiyā ṭhatvā dhammena rajjaṃ kārento tava uppannaṃ yasaṃ anurakkhāhīti.

ж̇аанаахийд̇и бхан̣д̣ааг̇ааригагаммаад̣̇ийнам̣ гаран̣ад̇т̇ам̣ убад̇хаарзхи. анагкаагид̇авзд̇и анагкз агид̇авз аж̇уд̇агарз жзва агзраадигз жа . асон̣д̣зд̇и буувасурааг̇анд̇хамаалаасон̣д̣абхааварахид̇з. авинаасагзд̇и д̇ава санд̇агаанам̣ д̇ханад̇хан̃н̃аад̣̇ийнам̣ авинаасагз. яод̇и яо амажжо. яан̃жзваад̇и яан̃жа д̇з гхарз д̇ханам̣ сияаа, д̇ам̣ рагкзяяа. сууд̇оваад̇и рат̇асаарат̇и вияа. яат̇аа саарат̇и висамамаг̇г̇анивааран̣ад̇т̇ам̣ ассз сан̇г̇ан̣ханд̇о рат̇ам̣ сан̇г̇ан̣хзяяа, звам̣ яо саха бхог̇зхи д̇ам̣ рагкид̇ум̣ саггод̇и, со д̇з амажжо наама д̇аад̣̇исам̣ сан̇г̇ахзд̇ваа бхан̣д̣ааг̇ааригаад̣̇игижжаани гаараяз.

Jānāhīti bhaṇḍāgārikakammādīnaṃ karaṇatthaṃ upadhārehi. Anakkhākitaveti anakkhe akitave ajutakare ceva akerāṭike ca . Asoṇḍeti pūvasurāgandhamālāsoṇḍabhāvarahite. Avināsaketi tava santakānaṃ dhanadhaññādīnaṃ avināsake. Yoti yo amacco. Yañcevāti yañca te ghare dhanaṃ siyā, taṃ rakkheyya. Sūtovāti rathasārathi viya. Yathā sārathi visamamagganivāraṇatthaṃ asse saṅgaṇhanto rathaṃ saṅgaṇheyya, evaṃ yo saha bhogehi taṃ rakkhituṃ sakkoti, so te amacco nāma tādisaṃ saṅgahetvā bhaṇḍāgārikādikiccāni kāraye.

сусан̇г̇ахид̇анд̇аж̇анод̇и, д̇аад̇а, яасса хи ран̃н̃о ад̇д̇ано анд̇ож̇ано ад̇д̇ано валан̃ж̇анагабариж̇ано жа д̣̇аанаад̣̇ийхи асан̇г̇ахид̇о ход̇и, д̇асса анд̇онивзсанз суван̣н̣ахиран̃н̃аад̣̇ийни д̇зсам̣ асан̇г̇ахид̇амануссаанам̣ васзна нассанд̇и, анд̇ож̇анаа б̣ахи г̇ажчанд̇и, д̇асмаа д̇вам̣ судтусан̇г̇ахид̇аанд̇ож̇ано худ̇ваа ‘‘зд̇д̇агам̣ наама мз вид̇д̇а’’нд̇и саяам̣ ад̇д̇ано д̇ханам̣ авзгкид̇ваа ‘‘асугадтаанз наама нид̇хим̣ нид̇хзма, асугасса ин̣ам̣ д̣̇змаа’’д̇и ид̣̇ам̣ убхаяамби на гарз барабад̇д̇ияаа, барабад̇д̇ияааби д̇вам̣ маа гари, саб̣б̣ам̣ ад̇д̇абажжагкамзва гарзяяаасийд̇и вад̣̇ад̇и.

Susaṅgahitantajanoti, tāta, yassa hi rañño attano antojano attano valañjanakaparijano ca dānādīhi asaṅgahito hoti, tassa antonivesane suvaṇṇahiraññādīni tesaṃ asaṅgahitamanussānaṃ vasena nassanti, antojanā bahi gacchanti, tasmā tvaṃ suṭṭhusaṅgahitaantojano hutvā ‘‘ettakaṃ nāma me vitta’’nti sayaṃ attano dhanaṃ avekkhitvā ‘‘asukaṭṭhāne nāma nidhiṃ nidhema, asukassa iṇaṃ demā’’ti idaṃ ubhayampi na kare parapattiyā, parapattiyāpi tvaṃ mā kari, sabbaṃ attapaccakkhameva kareyyāsīti vadati.

ааяам̣ ваяанд̇и д̇ад̇о уббаж̇ж̇анагам̣ ааяан̃жа д̇зсам̣ д̇зсам̣ д̣̇аад̇аб̣б̣ам̣ ваяан̃жа саяамзва ж̇аанзяяаасийд̇и. гад̇аагад̇анд̇и сан̇г̇аамз ваа навагаммз ваа ан̃н̃зсу ваа гижжзсу ‘‘иминаа ид̣̇ам̣ наама маяхам̣ гад̇ам̣, иминаа на гад̇а’’нд̇и зд̇амби саяамзва ж̇аанзяяааси, маа барабад̇д̇ияо хохи. ниг̇г̇ан̣хзд̇и, д̇аад̇а, рааж̇аа наама санд̇хижчзд̣̇аад̣̇игаарагам̣ ниг̇г̇ахаарахам̣ аанзд̇ваа д̣̇ассид̇ам̣ убабаригкид̇ваа сод̇хзд̇ваа бораан̣агарааж̇уухи табид̇ад̣̇ан̣д̣ам̣ ологзд̇ваа д̣̇осаануруубам̣ ниг̇г̇ан̣хзяяа. баг̇г̇ан̣хзд̇и яо бана баг̇г̇ахаарахо ход̇и, абхиннасса ваа бараб̣аласса бхзд̣̇зд̇аа, бхиннасса ваа сагаб̣аласса аараад̇хаго, алад̣̇д̇хасса ваа раж̇ж̇асса аахараго, лад̣̇д̇хасса ваа т̇ааварагаараго, язна ваа бана ж̇ийвид̇ам̣ д̣̇иннам̣ ход̇и, зваруубам̣ баг̇г̇ахаарахам̣ баг̇г̇ахзд̇ваа маханд̇ам̣ саггаарасаммаанам̣ гарзяяа. звам̣ хисса гижжзсу ан̃н̃зби урам̣ д̣̇ад̇ваа гад̇д̇аб̣б̣ам̣ гариссанд̇и.

Āyaṃ vayanti tato uppajjanakaṃ āyañca tesaṃ tesaṃ dātabbaṃ vayañca sayameva jāneyyāsīti. Katākatanti saṅgāme vā navakamme vā aññesu vā kiccesu ‘‘iminā idaṃ nāma mayhaṃ kataṃ, iminā na kata’’nti etampi sayameva jāneyyāsi, mā parapattiyo hohi. Niggaṇheti, tāta, rājā nāma sandhicchedādikārakaṃ niggahārahaṃ ānetvā dassitaṃ upaparikkhitvā sodhetvā porāṇakarājūhi ṭhapitadaṇḍaṃ oloketvā dosānurūpaṃ niggaṇheyya. Paggaṇheti yo pana paggahāraho hoti, abhinnassa vā parabalassa bhedetā, bhinnassa vā sakabalassa ārādhako, aladdhassa vā rajjassa āharako, laddhassa vā thāvarakārako, yena vā pana jīvitaṃ dinnaṃ hoti, evarūpaṃ paggahārahaṃ paggahetvā mahantaṃ sakkārasammānaṃ kareyya. Evaṃ hissa kiccesu aññepi uraṃ datvā kattabbaṃ karissanti.

ж̇аанабад̣̇анд̇и ж̇анабад̣̇аваасийнам̣ ад̇т̇ам̣ саяам̣ ад̇д̇абажжагкзнзва анусааса. ад̇хаммигаа яуд̇д̇аад̇и ад̇хаммигаа д̇ад̇т̇а д̇ад̇т̇а нияуд̇д̇аа ааяуд̇д̇агаа лан̃ж̇ам̣ г̇ахзд̇ваа винижчаяам̣ бхинд̣̇анд̇аа д̇ава д̇ханан̃жа радтан̃жа маа наасаяум̣. иминаа гааран̣зна аббамад̇д̇о худ̇ваа саяамзва анусааса. взг̇знаад̇и сахасаа ад̇улзд̇ваа ад̇ийрзд̇ваа. взг̇асаад̇и ад̇улзд̇ваа ад̇ийрзд̇ваа чанд̣̇аад̣̇ивасзна сахасаа гад̇ам̣ гамман̃хи на саад̇ху на сунд̣̇арам̣. гим̣гааран̣аа? д̇аад̣̇исан̃хи гад̇ваа манд̣̇о бажчаа виббадисааравасзна ид̇ха логз абааяад̣̇угкам̣ анубхаванд̇о баралогз жа ануд̇аббад̇и. аяам̣ банзд̇т̇а ад̇т̇о ‘‘исийнаманд̇арам̣ гад̇ваа, бхарурааж̇аад̇и мз суд̇а’’нд̇и бхаруж̇аад̇агзна (ж̇аа. 1.2.125-126) д̣̇ийбзд̇аб̣б̣о .

Jānapadanti janapadavāsīnaṃ atthaṃ sayaṃ attapaccakkheneva anusāsa. Adhammikā yuttāti adhammikā tattha tattha niyuttā āyuttakā lañjaṃ gahetvā vinicchayaṃ bhindantā tava dhanañca raṭṭhañca mā nāsayuṃ. Iminā kāraṇena appamatto hutvā sayameva anusāsa. Vegenāti sahasā atuletvā atīretvā. Vegasāti atuletvā atīretvā chandādivasena sahasā kataṃ kammañhi na sādhu na sundaraṃ. Kiṃkāraṇā? Tādisañhi katvā mando pacchā vippaṭisāravasena idha loke apāyadukkhaṃ anubhavanto paraloke ca anutappati. Ayaṃ panettha attho ‘‘isīnamantaraṃ katvā, bharurājāti me suta’’nti bharujātakena (jā. 1.2.125-126) dīpetabbo .

маа д̇з ад̇хисарз мун̃жа, суб̣аал̣хамад̇хигобид̇анд̇и, д̇аад̇а, д̇ава хад̣̇аяам̣ гусалам̣ ад̇хисарид̇ваа ад̇иггамид̇ваа бавад̇д̇з барзсам̣ агусалагаммз судту б̣аал̣хам̣ ад̇хигобид̇ам̣ гуж̇жхаабид̇ам̣ худ̇ваа маа мун̃жа, маа бад̇идтааяад̇ууд̇и ад̇т̇о. ид̣̇ам̣ вуд̇д̇ам̣ ход̇и – д̇аад̇а, яад̣̇аа д̇з винижчаяз тид̇асса иминаа бурисо ваа хад̇о санд̇хи ваа чиннод̇и жорам̣ д̣̇ассзнд̇и, д̇ад̣̇аа д̇з барзсам̣ важанзхи судту гобид̇амби хад̣̇аяам̣ год̇хавасзна маа мун̃жа, абариг̇г̇ахзд̇ваа маа д̣̇ан̣д̣ам̣ бан̣зхи. гим̣гааран̣аа? ажорамби хи ‘‘жоро’’д̇и г̇ахзд̇ваа аанзнд̇и, д̇асмаа агуж̇жхид̇ваа убхиннам̣ ад̇д̇абажжад̇т̇игаанам̣ гат̇ам̣ суд̇ваа судту сод̇хзд̇ваа ад̇д̇абажжагкзна д̇асса жорабхаавам̣ н̃ад̇ваа бавзн̣ияаа табид̇ад̣̇ан̣д̣авасзна гад̇д̇аб̣б̣ам̣ гарохи. ран̃н̃аа хи уббаннзби год̇хз хад̣̇аяам̣ сийд̇алам̣ агад̇ваа гаммам̣ на гаад̇аб̣б̣ам̣. яад̣̇аа банасса хад̣̇аяам̣ ниб̣б̣уд̇ам̣ ход̇и муд̣̇угам̣, д̇ад̣̇аа винижчаяагаммам̣ гаад̇аб̣б̣ам̣. парусз хи жид̇д̇з баггут̇ид̇з уд̣̇агз муканимид̇д̇ам̣ вияа гааран̣ам̣ на бан̃н̃ааяад̇и. год̇хасаа хийд̇и, д̇аад̇а, год̇хзна хи б̣ахууни пийд̇аани рааж̇агулаани агулабхаавам̣ г̇ад̇аани махаавинаасамзва бад̇д̇аанийд̇и. имасса банад̇т̇асса д̣̇ийбанад̇т̇ам̣ канд̇иваад̣̇иж̇аад̇ага- (ж̇аа. 1.4.49 аад̣̇аяо) наал̣игзрарааж̇авад̇т̇усахассаб̣аахуаж̇ж̇унавад̇т̇уаад̣̇ийни гат̇зд̇аб̣б̣аани.

Mā te adhisare muñca, subāḷhamadhikopitanti, tāta, tava hadayaṃ kusalaṃ adhisaritvā atikkamitvā pavatte paresaṃ akusalakamme suṭṭhu bāḷhaṃ adhikopitaṃ kujjhāpitaṃ hutvā mā muñca, mā patiṭṭhāyatūti attho. Idaṃ vuttaṃ hoti – tāta, yadā te vinicchaye ṭhitassa iminā puriso vā hato sandhi vā chinnoti coraṃ dassenti, tadā te paresaṃ vacanehi suṭṭhu kopitampi hadayaṃ kodhavasena mā muñca, apariggahetvā mā daṇḍaṃ paṇehi. Kiṃkāraṇā? Acorampi hi ‘‘coro’’ti gahetvā ānenti, tasmā akujjhitvā ubhinnaṃ attapaccatthikānaṃ kathaṃ sutvā suṭṭhu sodhetvā attapaccakkhena tassa corabhāvaṃ ñatvā paveṇiyā ṭhapitadaṇḍavasena kattabbaṃ karohi. Raññā hi uppannepi kodhe hadayaṃ sītalaṃ akatvā kammaṃ na kātabbaṃ. Yadā panassa hadayaṃ nibbutaṃ hoti mudukaṃ, tadā vinicchayakammaṃ kātabbaṃ. Pharuse hi citte pakkuthite udake mukhanimittaṃ viya kāraṇaṃ na paññāyati. Kodhasā hīti, tāta, kodhena hi bahūni phītāni rājakulāni akulabhāvaṃ gatāni mahāvināsameva pattānīti. Imassa panatthassa dīpanatthaṃ khantivādijātaka- (jā. 1.4.49 ādayo) nāḷikerarājavatthusahassabāhuajjunavatthuādīni kathetabbāni.

маа, д̇аад̇а, иссаромхийд̇и, анад̇т̇ааяа бад̇аараяийд̇и, д̇аад̇а, ‘‘ахам̣ бат̇ависсаро’’д̇и маа махааж̇анам̣ гааяад̣̇ужжарид̇аад̣̇ианад̇т̇ааяа бад̇аараяи маа од̇аараяи, яат̇аа д̇ам̣ анад̇т̇ам̣ самаад̣̇ааяа вад̇д̇ад̇и, маа звамагаасийд̇и ад̇т̇о. маа д̇з аасийд̇и, д̇аад̇а, д̇ава виж̇ид̇з мануссаж̇аад̇игаанам̣ ваа д̇иражчаанаж̇аад̇игаанам̣ ваа ид̇т̇ибурисаанам̣ д̣̇укуд̣̇раяо д̣̇угкуббад̇д̇и маа ааси. яат̇аа хи ад̇хаммигарааж̇уунам̣ виж̇ид̇з мануссаа гааяад̣̇ужжарид̇аад̣̇ийни гад̇ваа нираяз уббаж̇ж̇анд̇и, д̇ава радтаваасийнам̣ д̇ам̣ д̣̇угкам̣ яат̇аа на ход̇и, д̇ат̇аа гарохийд̇и ад̇т̇о.

Mā, tāta, issaromhīti, anatthāya patārayīti, tāta, ‘‘ahaṃ pathavissaro’’ti mā mahājanaṃ kāyaduccaritādianatthāya patārayi mā otārayi, yathā taṃ anatthaṃ samādāya vattati, mā evamakāsīti attho. Mā te āsīti, tāta, tava vijite manussajātikānaṃ vā tiracchānajātikānaṃ vā itthipurisānaṃ dukhudrayo dukkhuppatti mā āsi. Yathā hi adhammikarājūnaṃ vijite manussā kāyaduccaritādīni katvā niraye uppajjanti, tava raṭṭhavāsīnaṃ taṃ dukkhaṃ yathā na hoti, tathā karohīti attho.

абзд̇аломахам̣сассаад̇и ад̇д̇аануваад̣̇аад̣̇ибхаязхи ниб̣бхаяасса. иминаа имам̣ д̣̇ассзд̇и – д̇аад̇а, яо рааж̇аа гисмин̃жи аасан̇гам̣ агад̇ваа ад̇д̇ано гаамамзва ануссарад̇и, чанд̣̇авасзна яам̣ яам̣ ижчад̇и, д̇ам̣ д̇ам̣ гарод̇и, виссадтаяадти вияа анд̇хо ниран̇гусо вияа жа жан̣д̣ахад̇т̇ий ход̇и, д̇асса саб̣б̣з бхог̇аа винассанд̇и, д̇асса д̇ам̣ бхог̇аб̣яасанам̣ агхам̣ д̣̇угканд̇и вужжад̇и.

Apetalomahaṃsassāti attānuvādādibhayehi nibbhayassa. Iminā imaṃ dasseti – tāta, yo rājā kismiñci āsaṅkaṃ akatvā attano kāmameva anussarati, chandavasena yaṃ yaṃ icchati, taṃ taṃ karoti, vissaṭṭhayaṭṭhi viya andho niraṅkuso viya ca caṇḍahatthī hoti, tassa sabbe bhogā vinassanti, tassa taṃ bhogabyasanaṃ aghaṃ dukkhanti vuccati.

д̇ад̇т̇зва д̇з вад̇д̇абад̣̇аад̇и буриманаязнзва яож̇зд̇аб̣б̣ам̣. д̣̇агкассуд̣̇аанийд̇и, д̇аад̇а, д̇вам̣ имам̣ анусаасаним̣ суд̇ваа ид̣̇аани д̣̇агко аналасо бун̃н̃аанам̣ гаран̣зна бун̃н̃агаро сураад̣̇ибарихаран̣зна. асон̣д̣о д̣̇идтад̇хаммигасамбарааяигасса ад̇т̇асса авинаасанзна авинаасаго бхавзяяаасийд̇и. сийлаваассууд̇и сийлаваа аажаарасамбанно бхава, д̣̇асасу рааж̇ад̇хаммзсу бад̇идтааяа раж̇ж̇ам̣ гаарзхи. д̣̇уссийло винибаад̇игод̇и д̣̇уссийло хи, махаарааж̇а, ад̇д̇аанам̣ нираяз винибаад̇знд̇о винибаад̇иго наама ход̇ийд̇и.

Tattheva te vattapadāti purimanayeneva yojetabbaṃ. Dakkhassudānīti, tāta, tvaṃ imaṃ anusāsaniṃ sutvā idāni dakkho analaso puññānaṃ karaṇena puññakaro surādipariharaṇena. Asoṇḍo diṭṭhadhammikasamparāyikassa atthassa avināsanena avināsako bhaveyyāsīti. Sīlavāssūti sīlavā ācārasampanno bhava, dasasu rājadhammesu patiṭṭhāya rajjaṃ kārehi. Dussīlo vinipātikoti dussīlo hi, mahārāja, attānaṃ niraye vinipātento vinipātiko nāma hotīti.

звам̣ гун̣д̣алинийби згаад̣̇асахи г̇аат̇аахи д̇хаммам̣ д̣̇зсзси. рааж̇аа д̇удто амажжз ааманд̇зд̇ваа бужчи – ‘‘бхонд̇о! амажжаа мама д̇хийд̇ааяа гун̣д̣алинияаа звам̣ гат̇аяамаанааяа гзна гад̇д̇аб̣б̣ам̣ гижжам̣ гад̇а’’нд̇и. бхан̣д̣ааг̇ааригзна, д̣̇зваад̇и. ‘‘д̇зна хиссаа бхан̣д̣ааг̇ааригадтаанам̣ д̣̇аммий’’д̇и гун̣д̣алиним̣ таананд̇арз табзси. саа д̇ад̇о бадтааяа бхан̣д̣ааг̇ааригадтаанз тад̇ваа бид̇у гаммам̣ агаасийд̇и.

Evaṃ kuṇḍalinīpi ekādasahi gāthāhi dhammaṃ desesi. Rājā tuṭṭho amacce āmantetvā pucchi – ‘‘bhonto! Amaccā mama dhītāya kuṇḍaliniyā evaṃ kathayamānāya kena kattabbaṃ kiccaṃ kata’’nti. Bhaṇḍāgārikena, devāti. ‘‘Tena hissā bhaṇḍāgārikaṭṭhānaṃ dammī’’ti kuṇḍaliniṃ ṭhānantare ṭhapesi. Sā tato paṭṭhāya bhaṇḍāgārikaṭṭhāne ṭhatvā pitu kammaṃ akāsīti.

гун̣д̣алинибан̃хо нидтид̇о.

Kuṇḍalinipañho niṭṭhito.

буна рааж̇аа гад̇ибаахажжаязна буриманаязнзва ж̇амб̣угабан̣д̣ид̇асса санд̇игам̣ д̣̇ууд̇ам̣ бзсзд̇ваа сад̇д̇амз д̣̇ивасз д̇ад̇т̇а г̇анд̇ваа самбад̇д̇им̣ анубхавид̇ваа бажжааг̇ад̇о д̇ад̇т̇зва ман̣д̣абамаж̇жхз нисийд̣̇и. амажжо ж̇амб̣угабан̣д̣ид̇ам̣ ган̃жанабхад̣̇д̣̇абийтз нисийд̣̇аабзд̇ваа бийтам̣ сийсзнаад̣̇ааяа ааг̇ажчи. бан̣д̣ид̇о бид̇у ан̇гз нисийд̣̇ид̇ваа гийл̣ид̇ваа г̇анд̇ваа ган̃жанабийтзязва нисийд̣̇и. ат̇а нам̣ рааж̇аа бан̃хам̣ бужчанд̇о г̇аат̇амааха –

Puna rājā katipāhaccayena purimanayeneva jambukapaṇḍitassa santikaṃ dūtaṃ pesetvā sattame divase tattha gantvā sampattiṃ anubhavitvā paccāgato tattheva maṇḍapamajjhe nisīdi. Amacco jambukapaṇḍitaṃ kañcanabhaddapīṭhe nisīdāpetvā pīṭhaṃ sīsenādāya āgacchi. Paṇḍito pitu aṅke nisīditvā kīḷitvā gantvā kañcanapīṭheyeva nisīdi. Atha naṃ rājā pañhaṃ pucchanto gāthamāha –

26.

‘‘абужчимха госияаг̇од̇д̇ам̣, гун̣д̣алиним̣ д̇ат̇зва жа;

‘‘Apucchimha kosiyagottaṃ, kuṇḍaliniṃ tatheva ca;

д̇вам̣ д̣̇аани вад̣̇зхи ж̇амб̣уга, б̣алаанам̣ б̣аламуд̇д̇ама’’нд̇и.

Tvaṃ dāni vadehi jambuka, balānaṃ balamuttama’’nti.

д̇ассад̇т̇о – д̇аад̇а, ж̇амб̣уга, ахам̣ д̇ава бхаад̇арам̣ госияаг̇од̇д̇ам̣ взссанд̇арам̣ бхаг̇инин̃жа д̇з гун̣д̣алиним̣ рааж̇ад̇хаммам̣ абужчим̣, д̇з ад̇д̇ано б̣алзна гат̇зсум̣, яат̇аа бана д̇з бужчим̣, д̇ат̇зва ид̣̇аани, буд̇д̇а ж̇амб̣уга, д̇ам̣ бужчаами, д̇вам̣ мз рааж̇ад̇хамман̃жа б̣алаанам̣ уд̇д̇амам̣ б̣алан̃жа гат̇зхийд̇и.

Tassattho – tāta, jambuka, ahaṃ tava bhātaraṃ kosiyagottaṃ vessantaraṃ bhaginiñca te kuṇḍaliniṃ rājadhammaṃ apucchiṃ, te attano balena kathesuṃ, yathā pana te pucchiṃ, tatheva idāni, putta jambuka, taṃ pucchāmi, tvaṃ me rājadhammañca balānaṃ uttamaṃ balañca kathehīti.

звам̣ рааж̇аа махаасад̇д̇ам̣ бан̃хам̣ бужчанд̇о ан̃н̃зсам̣ бужчид̇анияаамзна абужчид̇ваа висзсзд̇ваа бужчи. ат̇асса бан̣д̣ид̇о ‘‘д̇зна хи, махаарааж̇а, охид̇асод̇о сун̣аахи, саб̣б̣ам̣ д̇з гат̇зссаамий’’д̇и басаарид̇ахад̇т̇з сахассад̇т̇авигам̣ табзнд̇о вияа д̇хаммад̣̇зсанам̣ аарабхи –

Evaṃ rājā mahāsattaṃ pañhaṃ pucchanto aññesaṃ pucchitaniyāmena apucchitvā visesetvā pucchi. Athassa paṇḍito ‘‘tena hi, mahārāja, ohitasoto suṇāhi, sabbaṃ te kathessāmī’’ti pasāritahatthe sahassatthavikaṃ ṭhapento viya dhammadesanaṃ ārabhi –

27.

‘‘б̣алам̣ бан̃жавид̇хам̣ логз, бурисасмим̣ махаг̇г̇ад̇з;

‘‘Balaṃ pañcavidhaṃ loke, purisasmiṃ mahaggate;

д̇ад̇т̇а б̣аахуб̣алам̣ наама, жаримам̣ вужжад̇з б̣алам̣.

Tattha bāhubalaṃ nāma, carimaṃ vuccate balaṃ.

28.

‘‘бхог̇аб̣алан̃жа д̣̇ийгхааву, д̣̇уд̇ияам̣ вужжад̇з б̣алам̣;

‘‘Bhogabalañca dīghāvu, dutiyaṃ vuccate balaṃ;

амажжаб̣алан̃жа д̣̇ийгхааву, д̇ад̇ияам̣ вужжад̇з б̣алам̣.

Amaccabalañca dīghāvu, tatiyaṃ vuccate balaṃ.

29.

‘‘абхиж̇ажжаб̣алан̃жзва, д̇ам̣ жад̇уд̇т̇ам̣ асам̣саяам̣;

‘‘Abhijaccabalañceva, taṃ catutthaṃ asaṃsayaṃ;

яаани жзд̇аани саб̣б̣аани, ад̇хиг̇ан̣хаад̇и бан̣д̣ид̇о.

Yāni cetāni sabbāni, adhigaṇhāti paṇḍito.

30.

‘‘д̇ам̣ б̣алаанам̣ б̣алам̣ сздтам̣, аг̇г̇ам̣ бан̃н̃ааб̣алам̣ б̣алам̣;

‘‘Taṃ balānaṃ balaṃ seṭṭhaṃ, aggaṃ paññābalaṃ balaṃ;

бан̃н̃ааб̣алзнубад̇т̇ад̣̇д̇хо, ад̇т̇ам̣ винд̣̇ад̇и бан̣д̣ид̇о.

Paññābalenupatthaddho, atthaṃ vindati paṇḍito.

31.

‘‘аби жз лабхад̇и манд̣̇о, пийд̇ам̣ д̇харан̣имуд̇д̇амам̣;

‘‘Api ce labhati mando, phītaṃ dharaṇimuttamaṃ;

агаамасса басаяхам̣ ваа, ан̃н̃о д̇ам̣ бадибаж̇ж̇ад̇и.

Akāmassa pasayhaṃ vā, añño taṃ paṭipajjati.

32.

‘‘абхиж̇аад̇оби жз ход̇и, раж̇ж̇ам̣ лад̣̇д̇хаана кад̇д̇ияо;

‘‘Abhijātopi ce hoti, rajjaṃ laddhāna khattiyo;

д̣̇уббан̃н̃о хи гаасибад̇и, саб̣б̣знаби на ж̇ийвад̇и.

Duppañño hi kāsipati, sabbenapi na jīvati.

33.

‘‘бан̃н̃аава суд̇ам̣ винижчиний, бан̃н̃аа гид̇д̇исилогавад̣дханий;

‘‘Paññāva sutaṃ vinicchinī, paññā kittisilokavaḍḍhanī;

бан̃н̃аасахид̇о наро ид̇ха, аби д̣̇угкз сукаани винд̣̇ад̇и.

Paññāsahito naro idha, api dukkhe sukhāni vindati.

34.

‘‘бан̃н̃ан̃жа ко асуссуусам̣, на гожи ад̇хиг̇ажчад̇и;

‘‘Paññañca kho asussūsaṃ, na koci adhigacchati;

б̣ахуссуд̇ам̣ анааг̇амма, д̇хаммадтам̣ авиниб̣бхуж̇ам̣.

Bahussutaṃ anāgamma, dhammaṭṭhaṃ avinibbhujaṃ.

35.

‘‘яо жа д̇хаммавибхан̇г̇ан̃н̃уу, гаалудтааяий ад̇анд̣̇ид̇о;

‘‘Yo ca dhammavibhaṅgaññū, kāluṭṭhāyī atandito;

анудтахад̇и гаалзна, гаммапалам̣ д̇ассиж̇жхад̇и.

Anuṭṭhahati kālena, kammaphalaṃ tassijjhati.

36.

‘‘анааяад̇анасийласса, анааяад̇анасзвино;

‘‘Anāyatanasīlassa, anāyatanasevino;

на ниб̣б̣инд̣̇ияагаарисса, саммад̣̇ад̇т̇о вибажжад̇и.

Na nibbindiyakārissa, sammadattho vipaccati.

37.

‘‘аж̇жхад̇д̇ан̃жа баяуд̇д̇асса, д̇ат̇ааяад̇анасзвино;

‘‘Ajjhattañca payuttassa, tathāyatanasevino;

аниб̣б̣инд̣̇ияагаарисса, саммад̣̇ад̇т̇о вибажжад̇и.

Anibbindiyakārissa, sammadattho vipaccati.

38.

‘‘яог̇аббаяог̇асан̇каад̇ам̣, самбхад̇ассаанурагкан̣ам̣;

‘‘Yogappayogasaṅkhātaṃ, sambhatassānurakkhaṇaṃ;

д̇аани д̇вам̣ д̇аад̇а сзвассу, маа агаммааяа ранд̇хаяи;

Tāni tvaṃ tāta sevassu, mā akammāya randhayi;

агаммунаа хи д̣̇уммзд̇хо, нал̣ааг̇аарам̣ва сийд̣̇ад̇ий’’д̇и.

Akammunā hi dummedho, naḷāgāraṃva sīdatī’’ti.

д̇ад̇т̇а махаг̇г̇ад̇зд̇и, махаарааж̇а, имасмим̣ сад̇д̇алогз махаж̇жхаасаяз бурисз бан̃жавид̇хам̣ б̣алам̣ ход̇и. б̣аахуб̣аланд̇и гааяаб̣алам̣. жариманд̇и д̇ам̣ ад̇имаханд̇амби самаанам̣ лаамагамзва. гим̣гааран̣аа? анд̇хаб̣аалабхаавзна. сажз хи гааяаб̣алам̣ маханд̇ам̣ наама бхавзяяа, вааран̣аб̣алад̇о ладугигааяа б̣алам̣ куд̣̇д̣̇агам̣ бхавзяяа, вааран̣аб̣алам̣ бана анд̇хаб̣аалабхаавзна маран̣асса бажжаяам̣ ж̇аад̇ам̣, ладугигаа ад̇д̇ано н̃аан̣агусалад̇ааяа вааран̣ам̣ ж̇ийвид̇агкаяам̣ баабзси. имасмим̣ банад̇т̇з ‘‘на хзва саб̣б̣ад̇т̇а б̣алзна гижжам̣, б̣алан̃хи б̣ааласса вад̇хааяа ход̇ий’’д̇и суд̇д̇ам̣ (ж̇аа. 1.5.42) аахарид̇аб̣б̣ам̣.

Tattha mahaggateti, mahārāja, imasmiṃ sattaloke mahajjhāsaye purise pañcavidhaṃ balaṃ hoti. Bāhubalanti kāyabalaṃ. Carimanti taṃ atimahantampi samānaṃ lāmakameva. Kiṃkāraṇā? Andhabālabhāvena. Sace hi kāyabalaṃ mahantaṃ nāma bhaveyya, vāraṇabalato laṭukikāya balaṃ khuddakaṃ bhaveyya, vāraṇabalaṃ pana andhabālabhāvena maraṇassa paccayaṃ jātaṃ, laṭukikā attano ñāṇakusalatāya vāraṇaṃ jīvitakkhayaṃ pāpesi. Imasmiṃ panatthe ‘‘na heva sabbattha balena kiccaṃ, balañhi bālassa vadhāya hotī’’ti suttaṃ (jā. 1.5.42) āharitabbaṃ.

бхог̇аб̣аланд̇и убад̇т̇амбханавасзна саб̣б̣ам̣ хиран̃н̃асуван̣н̣аад̣̇и убабхог̇аж̇аад̇ам̣ бхог̇аб̣алам̣ наама, д̇ам̣ гааяаб̣алад̇о маханд̇ад̇арам̣. амажжаб̣аланд̇и абхзж̇ж̇аманд̇асса суурасса сухад̣̇аяасса амажжаман̣д̣аласса ад̇т̇ид̇аа, д̇ам̣ б̣алам̣ сан̇г̇аамасуурад̇ааяа буримзхи б̣алзхи маханд̇ад̇арам̣. абхиж̇ажжаб̣аланд̇и д̇ийн̣и гулаани ад̇иггамид̇ваа кад̇д̇ияагулавасзна ж̇аад̇исамбад̇д̇и , д̇ам̣ ид̇арзхи б̣алзхи маханд̇ад̇арам̣. ж̇аад̇исамбаннаа зва хи суж̇жханд̇и, на ид̇арзд̇и. яаани жзд̇аанийд̇и яаани жа зд̇аани жад̇д̇аариби б̣алаани бан̣д̣ид̇о бан̃н̃аанубхаавзна ад̇хиг̇ан̣хаад̇и абхибхавад̇и, д̇ам̣ саб̣б̣аб̣алаанам̣ бан̃н̃ааб̣алам̣ сздтанд̇и жа аг̇г̇анд̇и жа вужжад̇и. гим̣гааран̣аа? д̇зна хи б̣алзна убад̇т̇ад̣̇д̇хо бан̣д̣ид̇о ад̇т̇ам̣ винд̣̇ад̇и, вуд̣дхим̣ баабун̣аад̇и . д̇ад̣̇ад̇т̇аж̇од̇анад̇т̇ам̣ ‘‘бун̣н̣ам̣ над̣̇им̣ язна жа бзяяамаахуу’’д̇и бун̣н̣анад̣̇ийж̇аад̇аган̃жа (ж̇аа. 1.2.127 аад̣̇аяо) сирийгаал̣аган̣н̣ибан̃хам̣ бан̃жабан̣д̣ид̇абан̃хан̃жа сад̇д̇убхасд̇аж̇аад̇ага- (ж̇аа. 1.7.46 аад̣̇аяо) самбхаваж̇аад̇ага- (ж̇аа. 1.16.138 аад̣̇аяо) сарабхан̇г̇аж̇аад̇агаад̣̇ийни (ж̇аа. 2.17.50 аад̣̇аяо) жа гат̇зд̇аб̣б̣аани.

Bhogabalanti upatthambhanavasena sabbaṃ hiraññasuvaṇṇādi upabhogajātaṃ bhogabalaṃ nāma, taṃ kāyabalato mahantataraṃ. Amaccabalanti abhejjamantassa sūrassa suhadayassa amaccamaṇḍalassa atthitā, taṃ balaṃ saṅgāmasūratāya purimehi balehi mahantataraṃ. Abhijaccabalanti tīṇi kulāni atikkamitvā khattiyakulavasena jātisampatti , taṃ itarehi balehi mahantataraṃ. Jātisampannā eva hi sujjhanti, na itareti. Yāni cetānīti yāni ca etāni cattāripi balāni paṇḍito paññānubhāvena adhigaṇhāti abhibhavati, taṃ sabbabalānaṃ paññābalaṃ seṭṭhanti ca agganti ca vuccati. Kiṃkāraṇā? Tena hi balena upatthaddho paṇḍito atthaṃ vindati, vuḍḍhiṃ pāpuṇāti . Tadatthajotanatthaṃ ‘‘puṇṇaṃ nadiṃ yena ca peyyamāhū’’ti puṇṇanadījātakañca (jā. 1.2.127 ādayo) sirīkāḷakaṇṇipañhaṃ pañcapaṇḍitapañhañca sattubhastajātaka- (jā. 1.7.46 ādayo) sambhavajātaka- (jā. 1.16.138 ādayo) sarabhaṅgajātakādīni (jā. 2.17.50 ādayo) ca kathetabbāni.

манд̣̇од̇и манд̣̇абан̃н̃о б̣аало. пийд̇анд̇и, д̇аад̇а, манд̣̇абан̃н̃о буг̇г̇ало сад̇д̇арад̇анабун̣н̣ам̣ жзби уд̇д̇амам̣ д̇харан̣им̣ лабхад̇и, д̇асса анижчамаанассзва басаяхагаарам̣ ваа бана гад̇ваа ан̃н̃о бан̃н̃аасамбанно д̇ам̣ бадибаж̇ж̇ад̇и. манд̣̇о хи лад̣̇д̇хам̣ яасам̣ рагкид̇ум̣ гуласанд̇агам̣ ваа бана бавзн̣иааг̇ад̇амби раж̇ж̇ам̣ ад̇хиг̇анд̇ум̣ на саггод̇и. д̇ад̣̇ад̇т̇аж̇од̇анад̇т̇ам̣ ‘‘ад̣̇д̇хаа баад̣̇ан̃ж̇алий саб̣б̣з, бан̃н̃ааяа ад̇ирожад̇ий’’д̇и баад̣̇ан̃ж̇алийж̇аад̇агам̣ (ж̇аа. 1.2.194-195) гат̇зд̇аб̣б̣ам̣. лад̣̇д̇хаанаад̇и ж̇аад̇исамбад̇д̇им̣ ниссааяа гуласанд̇агам̣ раж̇ж̇ам̣ лабхид̇вааби. саб̣б̣знабийд̇и д̇зна сагалзнаби раж̇ж̇зна на ж̇ийвад̇и, анубааяагусалад̇ааяа д̣̇уг̇г̇ад̇ова ход̇ийд̇и.

Mandoti mandapañño bālo. Phītanti, tāta, mandapañño puggalo sattaratanapuṇṇaṃ cepi uttamaṃ dharaṇiṃ labhati, tassa anicchamānasseva pasayhakāraṃ vā pana katvā añño paññāsampanno taṃ paṭipajjati. Mando hi laddhaṃ yasaṃ rakkhituṃ kulasantakaṃ vā pana paveṇiāgatampi rajjaṃ adhigantuṃ na sakkoti. Tadatthajotanatthaṃ ‘‘addhā pādañjalī sabbe, paññāya atirocatī’’ti pādañjalījātakaṃ (jā. 1.2.194-195) kathetabbaṃ. Laddhānāti jātisampattiṃ nissāya kulasantakaṃ rajjaṃ labhitvāpi. Sabbenapīti tena sakalenapi rajjena na jīvati, anupāyakusalatāya duggatova hotīti.

звам̣ махаасад̇д̇о зд̇д̇агзна таанзна абан̣д̣ид̇асса аг̇ун̣ам̣ гат̇зд̇ваа ид̣̇аани бан̃н̃ам̣ басам̣санд̇о ‘‘бан̃н̃аа’’д̇иаад̣̇имааха. д̇ад̇т̇а суд̇анд̇и суд̇абарияад̇д̇и. д̇ан̃хи бан̃н̃аава винижчинад̇и. гид̇д̇исилогавад̣дханийд̇и гид̇д̇игхосасса жа лаабхасаггаарасса жа вад̣дханий. д̣̇угкз сукаани винд̣̇ад̇ийд̇и д̣̇угкз уббаннзби ниб̣бхаяо худ̇ваа убааяагусалад̇ааяа сукам̣ бадилабхад̇и. д̇ад̣̇ад̇т̇ад̣̇ийбанад̇т̇ам̣ –

Evaṃ mahāsatto ettakena ṭhānena apaṇḍitassa aguṇaṃ kathetvā idāni paññaṃ pasaṃsanto ‘‘paññā’’tiādimāha. Tattha sutanti sutapariyatti. Tañhi paññāva vinicchinati. Kittisilokavaḍḍhanīti kittighosassa ca lābhasakkārassa ca vaḍḍhanī. Dukkhe sukhāni vindatīti dukkhe uppannepi nibbhayo hutvā upāyakusalatāya sukhaṃ paṭilabhati. Tadatthadīpanatthaṃ –

‘‘яассзд̇з жад̇уро д̇хаммаа, ваанаринд̣̇а яат̇аа д̇ава’’. (ж̇аа. 1.1.57);

‘‘Yassete caturo dhammā, vānarinda yathā tava’’. (jā. 1.1.57);

аламзд̇зхи амб̣зхи, ж̇амб̣уухи банасзхи жаа’’д̇и. (ж̇аа. 1.2.115) –

Alametehi ambehi, jambūhi panasehi cā’’ti. (jā. 1.2.115) –

аад̣̇ийни ж̇аад̇агаани гат̇зд̇аб̣б̣аани.

Ādīni jātakāni kathetabbāni.

асуссуусанд̇и бан̣д̣ид̇абуг̇г̇алз абаяирубаасанд̇о ассун̣анд̇о. д̇хаммадтанд̇и сабхаавагааран̣з тид̇ам̣ б̣ахуссуд̇ам̣ анааг̇амма д̇ам̣ асад̣̇д̣̇аханд̇о. авиниб̣бхуж̇анд̇и ад̇т̇аанад̇т̇ам̣ гааран̣аагааран̣ам̣ аног̇ааханд̇о ад̇ийрзнд̇о на гожи бан̃н̃ам̣ ад̇хиг̇ажчад̇и, д̇аад̇аад̇и.

Asussūsanti paṇḍitapuggale apayirupāsanto assuṇanto. Dhammaṭṭhanti sabhāvakāraṇe ṭhitaṃ bahussutaṃ anāgamma taṃ asaddahanto. Avinibbhujanti atthānatthaṃ kāraṇākāraṇaṃ anogāhanto atīrento na koci paññaṃ adhigacchati, tātāti.

д̇хаммавибхан̇г̇ан̃н̃ууд̇и д̣̇асагусалагаммабат̇авибхан̇г̇агусало. гаалудтааяийд̇и вийрияам̣ гаад̇ум̣ яуд̇д̇агаалз вийрияасса гаараго. анудтахад̇ийд̇и д̇асмим̣ д̇асмим̣ гаалз д̇ам̣ д̇ам̣ гижжам̣ гарод̇и. д̇ассаад̇и д̇асса буг̇г̇аласса гаммапалам̣ самиж̇жхад̇и нибпаж̇ж̇ад̇и. анааяад̇анасийлассаад̇и анааяад̇анам̣ вужжад̇и лаабхаяасасукаанам̣ анаагаро д̣̇уссийляагаммам̣, д̇ам̣сийласса д̇зна д̣̇уссийляагаммзна саманнааг̇ад̇асса, анааяад̇анабхууд̇амзва д̣̇уссийлабуг̇г̇алам̣ сзванд̇асса, гусаласса гаммасса гаран̣агаалз ниб̣б̣инд̣̇ияагаарисса ниб̣б̣инд̣̇ид̇ваа угган̣тид̇ваа гаронд̇асса зваруубасса, д̇аад̇а, буг̇г̇аласса гаммаанам̣ ад̇т̇о саммаа на вибажжад̇и на самбаж̇ж̇ад̇и, д̇ийн̣и гулаг̇г̇аани жа ча гаамасаг̇г̇аани жа на убанзд̇ийд̇и ад̇т̇о. аж̇жхад̇д̇ан̃жаад̇и ад̇д̇ано нияагаж̇жхад̇д̇ам̣ анижжабхааванаад̣̇ивасзна баяуд̇д̇асса. д̇ат̇ааяад̇анасзвинод̇и д̇ат̇зва сийлаванд̇з буг̇г̇алз сзвамаанасса. вибажжад̇ийд̇и самбаж̇ж̇ад̇и маханд̇ам̣ яасам̣ д̣̇зд̇и.

Dhammavibhaṅgaññūti dasakusalakammapathavibhaṅgakusalo. Kāluṭṭhāyīti vīriyaṃ kātuṃ yuttakāle vīriyassa kārako. Anuṭṭhahatīti tasmiṃ tasmiṃ kāle taṃ taṃ kiccaṃ karoti. Tassāti tassa puggalassa kammaphalaṃ samijjhati nipphajjati. Anāyatanasīlassāti anāyatanaṃ vuccati lābhayasasukhānaṃ anākaro dussīlyakammaṃ, taṃsīlassa tena dussīlyakammena samannāgatassa, anāyatanabhūtameva dussīlapuggalaṃ sevantassa, kusalassa kammassa karaṇakāle nibbindiyakārissa nibbinditvā ukkaṇṭhitvā karontassa evarūpassa, tāta, puggalassa kammānaṃ attho sammā na vipaccati na sampajjati, tīṇi kulaggāni ca cha kāmasaggāni ca na upanetīti attho. Ajjhattañcāti attano niyakajjhattaṃ aniccabhāvanādivasena payuttassa. Tathāyatanasevinoti tatheva sīlavante puggale sevamānassa. Vipaccatīti sampajjati mahantaṃ yasaṃ deti.

яог̇аббаяог̇асан̇каад̇анд̇и яог̇з яун̃ж̇ид̇аб̣б̣аяуд̇д̇агз гааран̣з баяог̇агодтаасабхууд̇ам̣ бан̃н̃ам̣. самбхад̇ассаад̇и раасигад̇асса д̇ханасса анурагкан̣ам̣. д̇аани д̇ванд̇и зд̇аани жа д̣̇вз буримаани жа маяаа вуд̇д̇агааран̣аани саб̣б̣аани, д̇аад̇а, д̇вам̣ сзвассу, маяаа вуд̇д̇ам̣ оваад̣̇ам̣ хад̣̇аяз гад̇ваа ад̇д̇ано гхарз д̇ханам̣ рагка. маа агаммааяа ранд̇хаяийд̇и аяуд̇д̇зна агааран̣зна маа ранд̇хаяи, д̇ам̣ д̇ханам̣ маа жхаабаяи маа наасаяи. гим̣гааран̣аа? агаммунаа хийд̇и аяуд̇д̇агаммагаран̣зна д̣̇уммзд̇хо буг̇г̇ало сагам̣ д̇ханам̣ наасзд̇ваа бажчаа д̣̇уг̇г̇ад̇о. нал̣ааг̇аарам̣ва сийд̣̇ад̇ийд̇и яат̇аа нал̣ааг̇аарам̣ муулад̇о бадтааяа ж̇ийрамаанам̣ аббад̇идтам̣ бад̇ад̇и, звам̣ агааран̣зна д̇ханам̣ наасзд̇ваа абааязсу ниб̣б̣ад̇д̇ад̇ийд̇и.

Yogappayogasaṅkhātanti yoge yuñjitabbayuttake kāraṇe payogakoṭṭhāsabhūtaṃ paññaṃ. Sambhatassāti rāsikatassa dhanassa anurakkhaṇaṃ. Tāni tvanti etāni ca dve purimāni ca mayā vuttakāraṇāni sabbāni, tāta, tvaṃ sevassu, mayā vuttaṃ ovādaṃ hadaye katvā attano ghare dhanaṃ rakkha. Mā akammāya randhayīti ayuttena akāraṇena mā randhayi, taṃ dhanaṃ mā jhāpayi mā nāsayi. Kiṃkāraṇā? Akammunā hīti ayuttakammakaraṇena dummedho puggalo sakaṃ dhanaṃ nāsetvā pacchā duggato. Naḷāgāraṃva sīdatīti yathā naḷāgāraṃ mūlato paṭṭhāya jīramānaṃ appatiṭṭhaṃ patati, evaṃ akāraṇena dhanaṃ nāsetvā apāyesu nibbattatīti.

звамби б̣од̇хисад̇д̇о зд̇д̇агзна таанзна бан̃жа б̣алаани ван̣н̣зд̇ваа бан̃н̃ааб̣алам̣ угкибид̇ваа жанд̣̇аман̣д̣алам̣ нийхаранд̇о вияа гат̇зд̇ваа ид̣̇аани д̣̇асахи г̇аат̇аахи ран̃н̃о оваад̣̇ам̣ д̣̇знд̇о ааха –

Evampi bodhisatto ettakena ṭhānena pañca balāni vaṇṇetvā paññābalaṃ ukkhipitvā candamaṇḍalaṃ nīharanto viya kathetvā idāni dasahi gāthāhi rañño ovādaṃ dento āha –

39.

‘‘д̇хаммам̣ жара махаарааж̇а, маад̇аабид̇уусу кад̇д̇ияа;

‘‘Dhammaṃ cara mahārāja, mātāpitūsu khattiya;