| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
10. д̇звиж̇ж̇асуд̇д̇аван̣н̣анаа
10. Tevijjasuttavaṇṇanā
99. д̣̇асамз д̇хаммзнаад̇и н̃ааязна, саммаабадибад̇д̇исан̇каад̇зна хзд̇унаа гааран̣зна. яааяа хи бадибад̣̇ааяа д̇звиж̇ж̇о ход̇и, саа бадибад̣̇аа ид̇ха д̇хаммод̇и взд̣̇ид̇аб̣б̣аа. гаа бана саа бадибад̣̇аад̇и? жаран̣асамбад̣̇аа жа виж̇ж̇аасамбад̣̇аа жа. д̇звиж̇ж̇анд̇и буб̣б̣зниваасаануссад̇ин̃аан̣аад̣̇ийхи д̇ийхи виж̇ж̇аахи саманнааг̇ад̇ам̣. б̣раахман̣анд̇и б̣аахид̇абаабаб̣раахман̣ам̣. бан̃н̃аабзмийд̇и ‘‘б̣раахман̣о’’д̇и ж̇аанаабзми бад̇идтабзми. наан̃н̃ам̣ лабид̇алаабанамад̇д̇знаад̇и ан̃н̃ам̣ ж̇аад̇имад̇д̇аб̣раахман̣ам̣ адтагаад̣̇ийхи лабид̇амад̇д̇авиббалабанамад̇д̇зна б̣раахман̣ам̣ на бан̃н̃аабзмийд̇и. ат̇а ваа лабид̇алаабанамад̇д̇знаад̇и манд̇аанам̣ аж̇жхзнааж̇жхаабанамад̇д̇зна. убхаяат̇ааби яам̣ бана б̣раахман̣аа саамавзд̣̇аад̣̇ивзд̣̇ад̇д̇аяааж̇жхзнзна д̇звиж̇ж̇ам̣ б̣раахман̣ам̣ вад̣̇анд̇и, д̇ам̣ бадигкибад̇и. бхаг̇авад̇аа хи ‘‘барамад̇т̇ад̇о ад̇звиж̇ж̇ам̣ б̣раахман̣ам̣язва жзд̇з бховаад̣̇ино авиж̇ж̇аанивуд̇аа ‘д̇звиж̇ж̇о б̣раахман̣о’д̇и вад̣̇анд̇и, звам̣ бана д̇звиж̇ж̇о б̣раахман̣о ход̇ий’’д̇и д̣̇ассанад̇т̇ам̣ д̇ат̇аа б̣уж̇жханагаанам̣ буг̇г̇алаанам̣ аж̇жхаасаязна аяам̣ д̣̇зсанаа аарад̣̇д̇хаа.
99. Dasame dhammenāti ñāyena, sammāpaṭipattisaṅkhātena hetunā kāraṇena. Yāya hi paṭipadāya tevijjo hoti, sā paṭipadā idha dhammoti veditabbā. Kā pana sā paṭipadāti? Caraṇasampadā ca vijjāsampadā ca. Tevijjanti pubbenivāsānussatiñāṇādīhi tīhi vijjāhi samannāgataṃ. Brāhmaṇanti bāhitapāpabrāhmaṇaṃ. Paññāpemīti ‘‘brāhmaṇo’’ti jānāpemi patiṭṭhapemi. Nāññaṃ lapitalāpanamattenāti aññaṃ jātimattabrāhmaṇaṃ aṭṭhakādīhi lapitamattavippalapanamattena brāhmaṇaṃ na paññāpemīti. Atha vā lapitalāpanamattenāti mantānaṃ ajjhenaajjhāpanamattena. Ubhayathāpi yaṃ pana brāhmaṇā sāmavedādivedattayaajjhenena tevijjaṃ brāhmaṇaṃ vadanti, taṃ paṭikkhipati. Bhagavatā hi ‘‘paramatthato atevijjaṃ brāhmaṇaṃyeva cete bhovādino avijjānivutā ‘tevijjo brāhmaṇo’ti vadanti, evaṃ pana tevijjo brāhmaṇo hotī’’ti dassanatthaṃ tathā bujjhanakānaṃ puggalānaṃ ajjhāsayena ayaṃ desanā āraddhā.
д̇ад̇т̇а яасмаа виж̇ж̇аасамбанно жаран̣асамбанноязва ход̇и жаран̣асамбад̣̇ааяа винаа виж̇ж̇аасамбад̇д̇ияаа абхаавад̇о, д̇асмаа жаран̣асамбад̣̇ам̣ анд̇ог̇ад̇хам̣ гад̇ваа виж̇ж̇аасийсзнзва б̣раахман̣ам̣ бан̃н̃аабзд̇угаамо ‘‘д̇хаммзнаахам̣, бхигкавз, д̇звиж̇ж̇ам̣ б̣раахман̣ам̣ бан̃н̃аабзмий’’д̇и д̣̇зсанам̣ самудтаабзд̇ваа ‘‘гат̇ан̃жаахам̣, бхигкавз, д̇хаммзна д̇звиж̇ж̇ам̣ б̣раахман̣ам̣ бан̃н̃аабзмий’’д̇и гат̇зд̇угамяад̇ааяа бужчам̣ гад̇ваа буг̇г̇алаад̇хидтаанааяа д̣̇зсанааяа виж̇ж̇ад̇д̇аяам̣ вибхаж̇анд̇о ‘‘ид̇ха, бхигкавз, бхигкуу’’д̇иаад̣̇имааха.
Tattha yasmā vijjāsampanno caraṇasampannoyeva hoti caraṇasampadāya vinā vijjāsampattiyā abhāvato, tasmā caraṇasampadaṃ antogadhaṃ katvā vijjāsīseneva brāhmaṇaṃ paññāpetukāmo ‘‘dhammenāhaṃ, bhikkhave, tevijjaṃ brāhmaṇaṃ paññāpemī’’ti desanaṃ samuṭṭhāpetvā ‘‘kathañcāhaṃ, bhikkhave, dhammena tevijjaṃ brāhmaṇaṃ paññāpemī’’ti kathetukamyatāya pucchaṃ katvā puggalādhiṭṭhānāya desanāya vijjattayaṃ vibhajanto ‘‘idha, bhikkhave, bhikkhū’’tiādimāha.
д̇ад̇т̇а анзгавихид̇анд̇и анзгавид̇хам̣, анзгзхи ваа багаарзхи бавад̇д̇ид̇ам̣, сам̣ван̣н̣ид̇анд̇и ад̇т̇о. буб̣б̣зниваасанд̇и самананд̇араад̇ийд̇абхавам̣ аад̣̇им̣ гад̇ваа д̇ад̇т̇а д̇ад̇т̇а нивуд̇т̇агканд̇хасанд̇аанам̣. нивуд̇т̇анд̇и аж̇жхаавуд̇т̇ам̣ анубхууд̇ам̣, ад̇д̇ано санд̇аанз уббаж̇ж̇ид̇ваа нируд̣̇д̇хам̣, нивуд̇т̇ад̇хаммам̣ ваа нивуд̇т̇ам̣, г̇ожараниваасзна нивуд̇т̇ам̣, ад̇д̇ано вин̃н̃аан̣зна вин̃н̃аад̇ам̣ баравин̃н̃аан̣авин̃н̃аад̇амби ваа чиннавадумагаануссаран̣аад̣̇ийсу. ануссарад̇ийд̇и ‘‘згамби ж̇аад̇им̣ д̣̇взби ж̇аад̇ияо’’д̇и звам̣ ж̇аад̇ибадибаадивасзна ануг̇анд̇ваа сарад̇и, ануд̣̇зва ваа сарад̇и, жид̇д̇з абхининнаамид̇з баригаммасамананд̇арам̣ сарад̇и.
Tattha anekavihitanti anekavidhaṃ, anekehi vā pakārehi pavattitaṃ, saṃvaṇṇitanti attho. Pubbenivāsanti samanantarātītabhavaṃ ādiṃ katvā tattha tattha nivutthakkhandhasantānaṃ. Nivutthanti ajjhāvutthaṃ anubhūtaṃ, attano santāne uppajjitvā niruddhaṃ, nivutthadhammaṃ vā nivutthaṃ, gocaranivāsena nivutthaṃ, attano viññāṇena viññātaṃ paraviññāṇaviññātampi vā chinnavaṭumakānussaraṇādīsu. Anussaratīti ‘‘ekampi jātiṃ dvepi jātiyo’’ti evaṃ jātipaṭipāṭivasena anugantvā sarati, anudeva vā sarati, citte abhininnāmite parikammasamanantaraṃ sarati.
сзяяат̇ид̣̇анд̇и аарад̣̇д̇хаббагаарад̣̇ассанад̇т̇з нибаад̇о. д̇знзва явааяам̣ буб̣б̣зниваасо аарад̣̇д̇хо ход̇и, д̇асса багаарам̣ д̣̇ассзнд̇о ‘‘згамби ж̇аад̇и’’нд̇иаад̣̇имааха. д̇ад̇т̇а згамби ж̇аад̇инд̇и згамби бадисанд̇химуулагам̣ жуд̇ибарияосаанам̣ згабхавабарияаабаннам̣ канд̇хасанд̇аанам̣. зса наяо д̣̇взби ж̇аад̇ияод̇иаад̣̇ийсу. анзгзби сам̣ваддагаббзд̇иаад̣̇ийсу бана барихааяамаано габбо сам̣ваддагаббо , вад̣дхамаано виваддагаббо. д̇ад̇т̇а сам̣ваддзна сам̣ваддадтааяий г̇ахид̇о ход̇и д̇аммуулагад̇д̇аа, виваддзна жа виваддадтааяий. зван̃хи сад̇и яаани д̇аани ‘‘жад̇д̇ааримаани, бхигкавз, габбасса асан̇кязяяаани. гад̇амаани жад̇д̇аари? сам̣ваддо, сам̣ваддадтааяий, виваддо, виваддадтааяий’’д̇и (а. ни. 4.156) вуд̇д̇аани жад̇д̇аари асан̇кязяяаани, д̇аани бариг̇г̇ахид̇аани хонд̇и.
Seyyathidanti āraddhappakāradassanatthe nipāto. Teneva yvāyaṃ pubbenivāso āraddho hoti, tassa pakāraṃ dassento ‘‘ekampi jāti’’ntiādimāha. Tattha ekampi jātinti ekampi paṭisandhimūlakaṃ cutipariyosānaṃ ekabhavapariyāpannaṃ khandhasantānaṃ. Esa nayo dvepi jātiyotiādīsu. Anekepi saṃvaṭṭakappetiādīsu pana parihāyamāno kappo saṃvaṭṭakappo , vaḍḍhamāno vivaṭṭakappo. Tattha saṃvaṭṭena saṃvaṭṭaṭṭhāyī gahito hoti tammūlakattā, vivaṭṭena ca vivaṭṭaṭṭhāyī. Evañhi sati yāni tāni ‘‘cattārimāni, bhikkhave, kappassa asaṅkhyeyyāni. Katamāni cattāri? Saṃvaṭṭo, saṃvaṭṭaṭṭhāyī, vivaṭṭo, vivaṭṭaṭṭhāyī’’ti (a. ni. 4.156) vuttāni cattāri asaṅkhyeyyāni, tāni pariggahitāni honti.
д̇ад̇т̇а д̇аяо сам̣ваддаа – д̇зж̇осам̣ваддо, аабосам̣ваддо, вааяосам̣ваддод̇и. д̇иссо сам̣ваддасиймаа – аабхассараа, субхагин̣хаа, взхабпалаад̇и. яад̣̇аа габбо д̇зж̇зна сам̣ваддад̇и, аабхассарад̇о хздтаа аг̇г̇инаа д̣аяхад̇и. яад̣̇аа уд̣̇агзна сам̣ваддад̇и, субхагин̣хад̇о хздтаа уд̣̇агзна вилийяад̇и. яад̣̇аа ваад̇зна сам̣ваддад̇и, взхабпалад̇о хздтаа ваад̇зна вид̣̇д̇хам̣сияад̇и. вид̇т̇аарад̇о бана годисад̇асахассажаггаваал̣ам̣ згад̇о винассад̇и. ид̇и зваруубо аяам̣ буб̣б̣зниваасам̣ ануссаранд̇о бхигку анзгзби сам̣ваддагаббз анзгзби виваддагаббз анзгзби сам̣ваддавиваддагаббз ануссарад̇и. гат̇ам̣? амуд̇раасинд̇иаад̣̇инаа наязна.
Tattha tayo saṃvaṭṭā – tejosaṃvaṭṭo, āposaṃvaṭṭo, vāyosaṃvaṭṭoti. Tisso saṃvaṭṭasīmā – ābhassarā, subhakiṇhā, vehapphalāti. Yadā kappo tejena saṃvaṭṭati, ābhassarato heṭṭhā agginā ḍayhati. Yadā udakena saṃvaṭṭati, subhakiṇhato heṭṭhā udakena vilīyati. Yadā vātena saṃvaṭṭati, vehapphalato heṭṭhā vātena viddhaṃsiyati. Vitthārato pana koṭisatasahassacakkavāḷaṃ ekato vinassati. Iti evarūpo ayaṃ pubbenivāsaṃ anussaranto bhikkhu anekepi saṃvaṭṭakappe anekepi vivaṭṭakappe anekepi saṃvaṭṭavivaṭṭakappe anussarati. Kathaṃ? Amutrāsintiādinā nayena.
д̇ад̇т̇а амуд̇раасинд̇и амумхи сам̣ваддагаббз амумхи бхавз ваа яонияаа ваа г̇ад̇ияаа ваа вин̃н̃аан̣адтид̇ияаа ваа сад̇д̇ааваасз ваа сад̇д̇анигааяз ваа ахамахосим̣. звам̣наамод̇и д̇иссо ваа пуссо ваа. звам̣г̇од̇д̇од̇и г̇од̇амо ваа гассабо ваа. звам̣ван̣н̣од̇и од̣̇аад̇о ваа саамо ваа. звамаахаарод̇и саалимам̣сод̣̇анаахааро ваа бавад̇д̇апалабхож̇ано ваа. звам̣сукад̣̇угкаббадисам̣взд̣̇ийд̇и анзгаббагаараанам̣ гааяигажзд̇асигаанам̣ саамисанираамисаад̣̇иббабхзд̣̇аанам̣ ваа сукад̣̇угкаанам̣ бадисам̣взд̣̇ий. звамааяубарияанд̇од̇и звам̣ вассасад̇абаримаан̣ааяубарияанд̇о ваа жад̇ураасийд̇игаббасад̇асахассабаримаан̣ааяубарияанд̇о ваа. со д̇ад̇о жуд̇о амуд̇ра уд̣̇абаад̣̇инд̇и сохам̣ д̇ад̇о бхавад̇о яонид̇о г̇ад̇ид̇о вин̃н̃аан̣адтид̇ид̇о сад̇д̇ааваасад̇о сад̇д̇анигааяад̇о ваа жуд̇о буна амугасмим̣ наама бхавз яонияаа г̇ад̇ияаа вин̃н̃аан̣адтид̇ияаа сад̇д̇ааваасз сад̇д̇анигааяз ваа уд̣̇абаад̣̇им̣. д̇ад̇раабаасинд̇и ат̇а д̇ад̇раби бхавз яонияаа г̇ад̇ияаа вин̃н̃аан̣адтид̇ияаа сад̇д̇ааваасз сад̇д̇анигааяз ваа буна ахосим̣. звам̣наамод̇иаад̣̇и вуд̇д̇анаяамзва.
Tattha amutrāsinti amumhi saṃvaṭṭakappe amumhi bhave vā yoniyā vā gatiyā vā viññāṇaṭṭhitiyā vā sattāvāse vā sattanikāye vā ahamahosiṃ. Evaṃnāmoti tisso vā phusso vā. Evaṃgottoti gotamo vā kassapo vā. Evaṃvaṇṇoti odāto vā sāmo vā. Evamāhāroti sālimaṃsodanāhāro vā pavattaphalabhojano vā. Evaṃsukhadukkhappaṭisaṃvedīti anekappakārānaṃ kāyikacetasikānaṃ sāmisanirāmisādippabhedānaṃ vā sukhadukkhānaṃ paṭisaṃvedī. Evamāyupariyantoti evaṃ vassasataparimāṇāyupariyanto vā caturāsītikappasatasahassaparimāṇāyupariyanto vā. So tato cuto amutra udapādinti sohaṃ tato bhavato yonito gatito viññāṇaṭṭhitito sattāvāsato sattanikāyato vā cuto puna amukasmiṃ nāma bhave yoniyā gatiyā viññāṇaṭṭhitiyā sattāvāse sattanikāye vā udapādiṃ. Tatrāpāsinti atha tatrapi bhave yoniyā gatiyā viññāṇaṭṭhitiyā sattāvāse sattanikāye vā puna ahosiṃ. Evaṃnāmotiādi vuttanayameva.
ат̇а ваа яасмаа ‘‘амуд̇рааси’’нд̇и ид̣̇ам̣ анубуб̣б̣зна аароханд̇асса ад̇д̇ано абхинийхаараануруубам̣ яат̇ааб̣алам̣ саран̣ам̣, ‘‘со д̇ад̇о жуд̇о’’д̇и бадинивад̇д̇анд̇асса бажжавзгкан̣ам̣, д̇асмаа ‘‘ид̇хуубабанно’’д̇и имиссаа ид̇хуубабад̇д̇ияаа ананд̇арам̣ ‘‘амуд̇ра уд̣̇абаад̣̇и’’нд̇и вуд̇д̇ам̣. д̇ад̇раабаасинд̇и д̇ад̇раби бхавз…бз… сад̇д̇анигааяз ваа аасим̣. звам̣наамод̇и д̣̇ад̇д̇о ваа мид̇д̇о ваа, звам̣г̇од̇д̇од̇и ваасздто ваа гассабо ваа. звам̣ван̣н̣од̇и гаал̣о ваа од̣̇аад̇о ваа. звамаахаарод̇и суд̇хаахааро ваа саалиод̣̇анаад̣̇иаахааро ваа. звам̣сукад̣̇угкаббадисам̣взд̣̇ийд̇и д̣̇иб̣б̣асукаббадисам̣взд̣̇ий ваа маанусасукад̣̇угкаббадисам̣взд̣̇ий ваа. звамааяубарияанд̇од̇и звам̣ д̇ам̣д̇ам̣барамааяубарияанд̇о. со д̇ад̇о жуд̇од̇и сохам̣ д̇ад̇о бхаваад̣̇ид̇о жуд̇о. ид̇хуубабаннод̇и ид̇ха имасмим̣ жаримабхавз мануссо худ̇ваа убабанно ниб̣б̣ад̇д̇о.
Atha vā yasmā ‘‘amutrāsi’’nti idaṃ anupubbena ārohantassa attano abhinīhārānurūpaṃ yathābalaṃ saraṇaṃ, ‘‘so tato cuto’’ti paṭinivattantassa paccavekkhaṇaṃ, tasmā ‘‘idhūpapanno’’ti imissā idhūpapattiyā anantaraṃ ‘‘amutra udapādi’’nti vuttaṃ. Tatrāpāsinti tatrapi bhave…pe… sattanikāye vā āsiṃ. Evaṃnāmoti datto vā mitto vā, evaṃgottoti vāseṭṭho vā kassapo vā. Evaṃvaṇṇoti kāḷo vā odāto vā. Evamāhāroti sudhāhāro vā sāliodanādiāhāro vā. Evaṃsukhadukkhappaṭisaṃvedīti dibbasukhappaṭisaṃvedī vā mānusasukhadukkhappaṭisaṃvedī vā. Evamāyupariyantoti evaṃ taṃtaṃparamāyupariyanto. So tato cutoti sohaṃ tato bhavādito cuto. Idhūpapannoti idha imasmiṃ carimabhave manusso hutvā upapanno nibbatto.
ид̇ийд̇и звам̣. саагаарам̣ сауд̣̇д̣̇зсанд̇и наамаг̇од̇д̇аад̣̇ивасзна сауд̣̇д̣̇зсам̣, ван̣н̣аад̣̇ивасзна саагаарам̣. наамаг̇од̇д̇зна хи сад̇д̇аа ‘‘д̇иссо г̇од̇амо’’д̇и уд̣̇д̣̇исийяанд̇и, ван̣н̣аад̣̇ийхи ‘‘саамо од̣̇аад̇о’’д̇и наанад̇д̇ад̇о бан̃н̃ааяанд̇и. д̇асмаа наамаг̇од̇д̇ам̣ уд̣̇д̣̇зсо, ид̇арз аагаараа. аяамасса батамаа виж̇ж̇аа ад̇хиг̇ад̇аад̇и аяам̣ иминаа бхигкунаа батамам̣ ад̇хиг̇амавасзна батамаа, вид̣̇ид̇агаран̣адтзна виж̇ж̇аа ад̇хиг̇ад̇аа сажчигад̇аа ход̇и. гим̣ банааяам̣ вид̣̇ид̇ам̣ гарод̇и? буб̣б̣зниваасам̣. авиж̇ж̇аад̇и д̇ассзва буб̣б̣зниваасасса авид̣̇ид̇агаран̣адтзна д̇асса бадижчаад̣̇агамохо вужжад̇и. д̇амод̇и свзва мохо бадижчаад̣̇агадтзна д̇амод̇и вужжад̇и. аалогод̇и саа зва виж̇ж̇аа обхаасагаран̣адтзна аалого. зд̇т̇а жа виж̇ж̇аа ад̇хиг̇ад̇аад̇и аяам̣ ад̇т̇о, сзсам̣ басам̣сааважанам̣. яож̇анаа банзд̇т̇а – аяам̣ ко д̇зна бхигкунаа виж̇ж̇аа ад̇хиг̇ад̇аа, д̇асса ад̇хиг̇ад̇авиж̇ж̇асса авиж̇ж̇аа вихад̇аа, винадтаад̇и ад̇т̇о. гасмаа? яасмаа виж̇ж̇аа уббаннаад̇и. сзсабад̣̇ад̣̇ваязби зсзва наяо.
Itīti evaṃ. Sākāraṃ sauddesanti nāmagottādivasena sauddesaṃ, vaṇṇādivasena sākāraṃ. Nāmagottena hi sattā ‘‘tisso gotamo’’ti uddisīyanti, vaṇṇādīhi ‘‘sāmo odāto’’ti nānattato paññāyanti. Tasmā nāmagottaṃ uddeso, itare ākārā. Ayamassa paṭhamā vijjā adhigatāti ayaṃ iminā bhikkhunā paṭhamaṃ adhigamavasena paṭhamā, viditakaraṇaṭṭhena vijjā adhigatā sacchikatā hoti. Kiṃ panāyaṃ viditaṃ karoti? Pubbenivāsaṃ. Avijjāti tasseva pubbenivāsassa aviditakaraṇaṭṭhena tassa paṭicchādakamoho vuccati. Tamoti sveva moho paṭicchādakaṭṭhena tamoti vuccati. Ālokoti sā eva vijjā obhāsakaraṇaṭṭhena āloko. Ettha ca vijjā adhigatāti ayaṃ attho, sesaṃ pasaṃsāvacanaṃ. Yojanā panettha – ayaṃ kho tena bhikkhunā vijjā adhigatā, tassa adhigatavijjassa avijjā vihatā, vinaṭṭhāti attho. Kasmā? Yasmā vijjā uppannāti. Sesapadadvayepi eseva nayo.
яат̇аа д̇анд̇и зд̇т̇а яат̇аад̇и обаммад̇т̇з, д̇анд̇и нибаад̇амад̇д̇ам̣. сад̇ияаа авиббаваасзна аббамад̇д̇асса. вийрияаад̇аабзна аад̇аабино. гааяз жа ж̇ийвид̇з жа анабзгкад̇ааяа бахид̇ад̇д̇асса бзсид̇ажид̇д̇ассаад̇и ад̇т̇о. ид̣̇ам̣ вуд̇д̇ам̣ ход̇и – яат̇аа аббамад̇д̇асса аад̇аабино бахид̇ад̇д̇асса вихарад̇о авиж̇ж̇аа вихан̃н̃зяяа, виж̇ж̇аа уббаж̇ж̇зяяа, д̇амо вихан̃н̃зяяа, аалого уббаж̇ж̇зяяа; звамзва д̇асса бхигкуно авиж̇ж̇аа вихад̇аа, виж̇ж̇аа уббаннаа , д̇амо вихад̇о, аалого уббанно, д̇асса бад̇хаанаануяог̇асса ануруубамзва палам̣ лабхид̇ваа вихарад̇ийд̇и.
Yathā tanti ettha yathāti opammatthe, tanti nipātamattaṃ. Satiyā avippavāsena appamattassa. Vīriyātāpena ātāpino. Kāye ca jīvite ca anapekkhatāya pahitattassa pesitacittassāti attho. Idaṃ vuttaṃ hoti – yathā appamattassa ātāpino pahitattassa viharato avijjā vihaññeyya, vijjā uppajjeyya, tamo vihaññeyya, āloko uppajjeyya; evameva tassa bhikkhuno avijjā vihatā, vijjā uppannā , tamo vihato, āloko uppanno, tassa padhānānuyogassa anurūpameva phalaṃ labhitvā viharatīti.
д̣̇иб̣б̣зна жагкунаад̇и зд̇т̇а яам̣ вад̇д̇аб̣б̣ам̣, д̇ам̣ хздтаа вуд̇д̇амзва. висуд̣̇д̇хзнаад̇и жуд̇уубабаад̇ад̣̇ассанзна д̣̇идтивисуд̣̇д̇хихзд̇убхаавад̇о висуд̣̇д̇хам̣. яо хи жуд̇имад̇д̇амзва бассад̇и на убабаад̇ам̣, со ужчзд̣̇ад̣̇идтим̣ г̇ан̣хаад̇и. яо убабаад̇амад̇д̇амзва бассад̇и на жуд̇им̣, со навасад̇д̇абаад̇убхаавад̣̇идтим̣ г̇ан̣хаад̇и. яо бана д̇ад̣̇убхаяам̣ бассад̇и, со яасмаа д̣̇увид̇хамби д̇ам̣ д̣̇идтиг̇ад̇ам̣ ад̇ивад̇д̇ад̇и, д̇асмаасса д̇ам̣ д̣̇ассанам̣ д̣̇идтивисуд̣̇д̇хихзд̇у ход̇и, д̇ад̣̇убхаяамбааяам̣ б̣уд̣̇д̇хабуд̇д̇о бассад̇и. д̇зна вуд̇д̇ам̣ ‘‘жуд̇уубабаад̇ад̣̇ассанзна д̣̇идтивисуд̣̇д̇хихзд̇убхаавад̇о висуд̣̇д̇ха’’нд̇и. згаад̣̇асаубаггилзсавирахад̇о ваа висуд̣̇д̇хам̣. яат̇ааха ‘‘вижигижчаа жид̇д̇асса убаггилзсод̇и – ид̇и вид̣̇ид̇ваа вижигижчам̣ жид̇д̇асса убаггилзсам̣ баж̇ахим̣, аманасигааро…бз… т̇инамид̣̇д̇хам̣, чамбхид̇ад̇д̇ам̣, уббиллам̣, д̣̇удтуллам̣, ажжаарад̣̇д̇хавийрияам̣, ад̇илийнавийрияам̣, абхиж̇аббаа, наанад̇д̇асан̃н̃аа, ад̇иниж̇жхааяид̇ад̇д̇ам̣ руубаанам̣ жид̇д̇асса убаггилзсо’’д̇и (ма. ни. 3.242) звам̣ вуд̇д̇зхи згаад̣̇асахи убаггилзсзхи анубаггилидтад̇д̇аа висуд̣̇д̇хам̣. мануссуубажаарам̣ ад̇иггамид̇ваа руубад̣̇ассанзна ад̇игганд̇амаанусагам̣, мам̣сажагкум̣ ваа ад̇игганд̇ад̇д̇аа ад̇игганд̇амаанусагам̣. д̇зна д̣̇иб̣б̣зна жагкунаа висуд̣̇д̇хзна ад̇игганд̇амаанусагзна. сад̇д̇з бассад̇ийд̇и мануссамам̣сажагкунаа вияа сад̇д̇з бассад̇и д̣̇агкад̇и аалогзд̇и.
Dibbenacakkhunāti ettha yaṃ vattabbaṃ, taṃ heṭṭhā vuttameva. Visuddhenāti cutūpapātadassanena diṭṭhivisuddhihetubhāvato visuddhaṃ. Yo hi cutimattameva passati na upapātaṃ, so ucchedadiṭṭhiṃ gaṇhāti. Yo upapātamattameva passati na cutiṃ, so navasattapātubhāvadiṭṭhiṃ gaṇhāti. Yo pana tadubhayaṃ passati, so yasmā duvidhampi taṃ diṭṭhigataṃ ativattati, tasmāssa taṃ dassanaṃ diṭṭhivisuddhihetu hoti, tadubhayampāyaṃ buddhaputto passati. Tena vuttaṃ ‘‘cutūpapātadassanena diṭṭhivisuddhihetubhāvato visuddha’’nti. Ekādasaupakkilesavirahato vā visuddhaṃ. Yathāha ‘‘vicikicchā cittassa upakkilesoti – iti viditvā vicikicchaṃ cittassa upakkilesaṃ pajahiṃ, amanasikāro…pe… thinamiddhaṃ, chambhitattaṃ, uppillaṃ, duṭṭhullaṃ, accāraddhavīriyaṃ, atilīnavīriyaṃ, abhijappā, nānattasaññā, atinijjhāyitattaṃ rūpānaṃ cittassa upakkileso’’ti (ma. ni. 3.242) evaṃ vuttehi ekādasahi upakkilesehi anupakkiliṭṭhattā visuddhaṃ. Manussūpacāraṃ atikkamitvā rūpadassanena atikkantamānusakaṃ, maṃsacakkhuṃ vā atikkantattā atikkantamānusakaṃ. Tena dibbena cakkhunā visuddhena atikkantamānusakena. Satte passatīti manussamaṃsacakkhunā viya satte passati dakkhati āloketi.
жавамаанз убабаж̇ж̇амаанзд̇и зд̇т̇а жуд̇игкан̣з убабад̇д̇игкан̣з ваа д̣̇иб̣б̣ажагкунааби д̣̇адтум̣ на саггаа. яз бана аасаннажуд̇игаа ид̣̇аани жависсанд̇и, д̇з жавамаанаа. яз жа г̇ахид̇абадисанд̇хигаа самбад̇иниб̣б̣ад̇д̇аа ваа, д̇з убабаж̇ж̇амаанаад̇и ад̇хиббзд̇аа. д̇з зваруубз жавамаанз убабаж̇ж̇амаанз жа бассад̇ийд̇и д̣̇ассзд̇и. хийнзд̇и моханиссанд̣̇аяуд̇д̇ад̇д̇аа хийнаанам̣ ж̇аад̇игулабхог̇аад̣̇ийнам̣ васзна хийл̣ид̇з барибхууд̇з. бан̣ийд̇зд̇и амоханиссанд̣̇аяуд̇д̇ад̇д̇аа д̇аб̣б̣ибарийд̇з. суван̣н̣зд̇и ад̣̇осаниссанд̣̇аяуд̇д̇ад̇д̇аа идтаганд̇аманаабаван̣н̣аяуд̇д̇з. д̣̇уб̣б̣ан̣н̣зд̇и д̣̇осаниссанд̣̇аяуд̇д̇ад̇д̇аа анидтааганд̇ааманаабаван̣н̣аяуд̇д̇з. абхируубз вируубзд̇иби ад̇т̇о. суг̇ад̇зд̇и суг̇ад̇иг̇ад̇з, алобханиссанд̣̇аяуд̇д̇ад̇д̇аа ваа ад̣дхз махад̣̇д̇ханз. д̣̇уг̇г̇ад̇зд̇и д̣̇уг̇г̇ад̇иг̇ад̇з, лобханиссанд̣̇аяуд̇д̇ад̇д̇аа ваа д̣̇алид̣̇д̣̇з аббаннабаанабхож̇анз. яат̇аагаммуубаг̇зд̇и яам̣ яам̣ гаммам̣ убажид̇ам̣, д̇зна д̇зна убаг̇ад̇з . д̇ад̇т̇а буримзхи ‘‘жавамаанз’’д̇иаад̣̇ийхи д̣̇иб̣б̣ажагкугижжам̣ вуд̇д̇ам̣, иминаа бана бад̣̇зна яат̇аагаммуубаг̇ан̃аан̣агижжам̣.
Cavamāne upapajjamāneti ettha cutikkhaṇe upapattikkhaṇe vā dibbacakkhunāpi daṭṭhuṃ na sakkā. Ye pana āsannacutikā idāni cavissanti, te cavamānā. Ye ca gahitapaṭisandhikā sampatinibbattā vā, te upapajjamānāti adhippetā. Te evarūpe cavamāne upapajjamāne ca passatīti dasseti. Hīneti mohanissandayuttattā hīnānaṃ jātikulabhogādīnaṃ vasena hīḷite paribhūte. Paṇīteti amohanissandayuttattā tabbiparīte. Suvaṇṇeti adosanissandayuttattā iṭṭhakantamanāpavaṇṇayutte. Dubbaṇṇeti dosanissandayuttattā aniṭṭhaakantāmanāpavaṇṇayutte. Abhirūpe virūpetipi attho. Sugateti sugatigate, alobhanissandayuttattā vā aḍḍhe mahaddhane. Duggateti duggatigate, lobhanissandayuttattā vā dalidde appannapānabhojane. Yathākammūpageti yaṃ yaṃ kammaṃ upacitaṃ, tena tena upagate . Tattha purimehi ‘‘cavamāne’’tiādīhi dibbacakkhukiccaṃ vuttaṃ, iminā pana padena yathākammūpagañāṇakiccaṃ.
д̇асса жа н̃аан̣асса аяам̣ уббад̇д̇иггамо – ид̇ха бхигку хздтаа нираяаабхимукам̣ аалогам̣ вад̣дхзд̇ваа нзраяигз сад̇д̇з бассад̇и маханд̇ам̣ д̣̇угкам̣ анубхавамаанз, ид̣̇ам̣ д̣̇ассанам̣ д̣̇иб̣б̣ажагкун̃аан̣агижжамзва. со жа звам̣ манаси гарод̇и ‘‘гим̣ ну ко гаммам̣ гад̇ваа имз сад̇д̇аа зд̇ам̣ д̣̇угкам̣ анубхаванд̇ий’’д̇и, ат̇асса ‘‘ид̣̇ам̣ наама гад̇ваа’’д̇и д̇ам̣гаммаарамман̣ам̣ н̃аан̣ам̣ уббаж̇ж̇ад̇и. д̇ат̇аа убари д̣̇звалогаабхимукам̣ аалогам̣ вад̣дхзд̇ваа нанд̣̇анаванамиссагаванапаарусагаванаад̣̇ийсу сад̇д̇з бассад̇и д̣̇иб̣б̣асамбад̇д̇им̣ анубхавамаанз, ид̣̇амби д̣̇ассанам̣ д̣̇иб̣б̣ажагкун̃аан̣агижжамзва. со звам̣ манаси гарод̇и ‘‘гим̣ ну ко гаммам̣ гад̇ваа имз сад̇д̇аа зд̇ам̣ самбад̇д̇им̣ анубхаванд̇ий’’д̇и? ат̇асса ‘‘ид̣̇ам̣ наама гад̇ваа’’д̇и д̇ам̣гаммаарамман̣ам̣ н̃аан̣ам̣ уббаж̇ж̇ад̇и, ид̣̇ам̣ яат̇аагаммуубаг̇ан̃аан̣ам̣ наама. имасса висум̣ баригаммам̣ наама над̇т̇и. яат̇аа жимасса, звам̣ анааг̇ад̇ам̣сан̃аан̣ассаби. д̣̇иб̣б̣ажагкубаад̣̇агаанзва хи имаани д̣̇иб̣б̣ажагкунаа сахзва иж̇жханд̇и. гааяад̣̇ужжарид̇знаад̇иаад̣̇ийсу яам̣ вад̇д̇аб̣б̣ам̣, д̇ам̣ хздтаа вуд̇д̇анаяамзва. ид̇ха виж̇ж̇аад̇и д̣̇иб̣б̣ажагкун̃аан̣авиж̇ж̇аа. авиж̇ж̇аад̇и сад̇д̇аанам̣ жуд̇ибадисанд̇хижчаад̣̇игаа авиж̇ж̇аа. сзсам̣ вуд̇д̇анаяамзва.
Tassa ca ñāṇassa ayaṃ uppattikkamo – idha bhikkhu heṭṭhā nirayābhimukhaṃ ālokaṃ vaḍḍhetvā nerayike satte passati mahantaṃ dukkhaṃ anubhavamāne, idaṃ dassanaṃ dibbacakkhuñāṇakiccameva. So ca evaṃ manasi karoti ‘‘kiṃ nu kho kammaṃ katvā ime sattā etaṃ dukkhaṃ anubhavantī’’ti, athassa ‘‘idaṃ nāma katvā’’ti taṃkammārammaṇaṃ ñāṇaṃ uppajjati. Tathā upari devalokābhimukhaṃ ālokaṃ vaḍḍhetvā nandanavanamissakavanaphārusakavanādīsu satte passati dibbasampattiṃ anubhavamāne, idampi dassanaṃ dibbacakkhuñāṇakiccameva. So evaṃ manasi karoti ‘‘kiṃ nu kho kammaṃ katvā ime sattā etaṃ sampattiṃ anubhavantī’’ti? Athassa ‘‘idaṃ nāma katvā’’ti taṃkammārammaṇaṃ ñāṇaṃ uppajjati, idaṃ yathākammūpagañāṇaṃ nāma. Imassa visuṃ parikammaṃ nāma natthi. Yathā cimassa, evaṃ anāgataṃsañāṇassapi. Dibbacakkhupādakāneva hi imāni dibbacakkhunā saheva ijjhanti. Kāyaduccaritenātiādīsu yaṃ vattabbaṃ, taṃ heṭṭhā vuttanayameva. Idha vijjāti dibbacakkhuñāṇavijjā. Avijjāti sattānaṃ cutipaṭisandhicchādikā avijjā. Sesaṃ vuttanayameva.
д̇ад̇ияаваарз виж̇ж̇аад̇и арахад̇д̇амаг̇г̇ан̃аан̣авиж̇ж̇аа. авиж̇ж̇аад̇и жад̇усажжаббадижчаад̣̇игаа авиж̇ж̇аа. сзсам̣ хздтаа вуд̇д̇анаяад̇д̇аа сувин̃н̃зяяамзва. звам̣ код̇иаад̣̇и ниг̇аманам̣.
Tatiyavāre vijjāti arahattamaggañāṇavijjā. Avijjāti catusaccappaṭicchādikā avijjā. Sesaṃ heṭṭhā vuttanayattā suviññeyyameva. Evaṃ khotiādi nigamanaṃ.
г̇аат̇аасу аяам̣ сан̇кзбад̇т̇о – яо яат̇аавуд̇д̇ам̣ буб̣б̣зниваасам̣ авзд̇и аваг̇ажчад̇и, вуд̇д̇анаязна баагадам̣ гад̇ваа ж̇аанаад̇и. ‘‘яовзд̣̇ий’’д̇иби баато, яо авзд̣̇и вид̣̇ид̇ам̣ гад̇ваа тид̇од̇и ад̇т̇о. чаб̣б̣ийсад̇ид̣̇звалогасан̇каад̇ам̣ саг̇г̇ам̣ жад̇уб̣б̣ид̇хам̣ абааяан̃жа вуд̇д̇анаязнзва д̣̇иб̣б̣ажагкунаа бассад̇и. ат̇од̇и д̇ад̇о барам̣ ж̇аад̇игкаяасан̇каад̇ам̣ арахад̇д̇ам̣ ниб̣б̣аанамзва ваа бад̇д̇о ад̇хиг̇ад̇о. д̇ад̇о зва абхин̃н̃аа абхивисидтааяа маг̇г̇абан̃н̃ааяа ж̇аанид̇аб̣б̣ам̣ жад̇усажжад̇хаммам̣ ж̇аанид̇ваа гижжавосаанзна восид̇о нидтаанаббад̇д̇о. монзяяад̇хаммасаманнааг̇амзна муни, кийн̣аасаво яасмаа зд̇аахи яат̇аавуд̇д̇аахи д̇ийхи виж̇ж̇аахи саманнааг̇ад̇ад̇д̇аа д̇ад̇о д̇ад̇ияавиж̇ж̇ааяа саб̣б̣ат̇аа б̣аахид̇абаабад̇д̇аа жа д̇звиж̇ж̇о б̣раахман̣о наама ход̇и. д̇асмаа д̇амзва ахам̣ д̇звиж̇ж̇ам̣ б̣раахман̣ам̣ вад̣̇аами, ан̃н̃ам̣ бана лабид̇алаабанам̣ яаж̇уаад̣̇иманд̇абад̣̇аанам̣ аж̇жхаабанабарам̣ д̇звиж̇ж̇ам̣ б̣раахман̣ам̣ на вад̣̇аами, д̇звиж̇ж̇од̇и д̇ам̣ на гат̇змийд̇и.
Gāthāsu ayaṃ saṅkhepattho – yo yathāvuttaṃ pubbenivāsaṃ aveti avagacchati, vuttanayena pākaṭaṃ katvā jānāti. ‘‘Yovedī’’tipi pāṭho, yo avedi viditaṃ katvā ṭhitoti attho. Chabbīsatidevalokasaṅkhātaṃ saggaṃ catubbidhaṃ apāyañca vuttanayeneva dibbacakkhunā passati. Athoti tato paraṃ jātikkhayasaṅkhātaṃ arahattaṃ nibbānameva vā patto adhigato. Tato eva abhiññā abhivisiṭṭhāya maggapaññāya jānitabbaṃ catusaccadhammaṃ jānitvā kiccavosānena vosito niṭṭhānappatto. Moneyyadhammasamannāgamena muni, khīṇāsavo yasmā etāhi yathāvuttāhi tīhi vijjāhi samannāgatattā tato tatiyavijjāya sabbathā bāhitapāpattā ca tevijjo brāhmaṇo nāma hoti. Tasmā tameva ahaṃ tevijjaṃ brāhmaṇaṃ vadāmi, aññaṃ pana lapitalāpanaṃ yajuādimantapadānaṃ ajjhāpanaparaṃ tevijjaṃ brāhmaṇaṃ na vadāmi, tevijjoti taṃ na kathemīti.
ид̇и имасмим̣ ваг̇г̇з д̣̇уд̇ияасуд̇д̇з ваддам̣ гат̇ид̇ам̣, бан̃жамаадтамад̣̇асамасуд̇д̇зсу виваддам̣ гат̇ид̇ам̣, ид̇арзсу ваддавиваддам̣ гат̇ид̇анд̇и взд̣̇ид̇аб̣б̣ам̣.
Iti imasmiṃ vagge dutiyasutte vaṭṭaṃ kathitaṃ, pañcamaaṭṭhamadasamasuttesu vivaṭṭaṃ kathitaṃ, itaresu vaṭṭavivaṭṭaṃ kathitanti veditabbaṃ.
д̣̇асамасуд̇д̇аван̣н̣анаа нидтид̇аа.
Dasamasuttavaṇṇanā niṭṭhitā.
бан̃жамаваг̇г̇аван̣н̣анаа нидтид̇аа.
Pañcamavaggavaṇṇanā niṭṭhitā.
барамад̇т̇ад̣̇ийбанияаа куд̣̇д̣̇аганигааяа-адтагат̇ааяа
Paramatthadīpaniyā khuddakanikāya-aṭṭhakathāya
ид̇ивуд̇д̇агасса д̇иганибаад̇аван̣н̣анаа нидтид̇аа.
Itivuttakassa tikanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 10. д̇звиж̇ж̇асуд̇д̇ам̣ • 10. Tevijjasuttaṃ
