| Library / Tipiṭaka / ཏིཔིཊཀ • Tipiṭaka / མཛྫྷིམནིཀཱཡ • Majjhimanikāya |
༣. པརིབྦཱཛཀཝགྒོ
3. Paribbājakavaggo
༡. ཏེཝིཛྫཝཙྪསུཏྟཾ
1. Tevijjavacchasuttaṃ
༡༨༥. ཨེཝཾ མེ སུཏཾ – ཨེཀཾ སམཡཾ བྷགཝཱ ཝེསཱལིཡཾ ཝིཧརཏི མཧཱཝནེ ཀཱུཊཱགཱརསཱལཱཡཾ། ཏེན ཁོ པན སམཡེན ཝཙྪགོཏྟོ པརིབྦཱཛཀོ ཨེཀཔུཎྜརཱིཀེ པརིབྦཱཛཀཱརཱམེ པཊིཝསཏི། ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཝེསཱལིཾ པིཎྜཱཡ པཱཝིསི། ཨཐ ཁོ བྷགཝཏོ ཨེཏདཧོསི – ‘‘ཨཏིཔྤགོ ཁོ ཏཱཝ ཝེསཱལིཡཾ པིཎྜཱཡ ཙརིཏུཾ; ཡཾནཱུནཱཧཾ ཡེན ཨེཀཔུཎྜརཱིཀོ པརིབྦཱཛཀཱརཱམོ ཡེན ཝཙྪགོཏྟོ པརིབྦཱཛཀོ ཏེནུཔསངྐམེཡྻ’’ནྟི། ཨཐ ཁོ བྷགཝཱ ཡེན ཨེཀཔུཎྜརཱིཀོ པརིབྦཱཛཀཱརཱམོ ཡེན ཝཙྪགོཏྟོ པརིབྦཱཛཀོ ཏེནུཔསངྐམི། ཨདྡསཱ ཁོ ཝཙྪགོཏྟོ པརིབྦཱཛཀོ བྷགཝནྟཾ དཱུརཏོཝ ཨཱགཙྪནྟཾ། དིསྭཱན བྷགཝནྟཾ ཨེཏདཝོཙ – ‘‘ཨེཏུ ཁོ, བྷནྟེ, བྷགཝཱ། སྭཱགཏཾ 1, བྷནྟེ, བྷགཝཏོ། ཙིརསྶཾ ཁོ, བྷནྟེ, བྷགཝཱ ཨིམཾ པརིཡཱཡམཀཱསི ཡདིདཾ ཨིདྷཱགམནཱཡ། ནིསཱིདཏུ, བྷནྟེ, བྷགཝཱ ཨིདམཱསནཾ པཉྙཏྟ’’ནྟི། ནིསཱིདི བྷགཝཱ པཉྙཏྟེ ཨཱསནེ། ཝཙྪགོཏྟོཔི ཁོ པརིབྦཱཛཀོ ཨཉྙཏརཾ ནཱིཙཾ ཨཱསནཾ གཧེཏྭཱ ཨེཀམནྟཾ ནིསཱིདི། ཨེཀམནྟཾ ནིསིནྣོ ཁོ ཝཙྪགོཏྟོ པརིབྦཱཛཀོ བྷགཝནྟཾ ཨེཏདཝོཙ – ‘‘སུཏཾ མེཏཾ, བྷནྟེ – ‘སམཎོ གོཏམོ སབྦཉྙཱུ སབྦདསྶཱཝཱི, ཨཔརིསེ+སཾ ཉཱཎདསྶནཾ པཊིཛཱནཱཏི, ཙརཏོ ཙ མེ ཏིཊྛཏོ ཙ སུཏྟསྶ ཙ ཛཱགརསྶ ཙ སཏཏཾ སམིཏཾ ཉཱཎདསྶནཾ པཙྩུཔཊྛིཏ’ནྟི། ཡེ ཏེ, བྷནྟེ, ཨེཝམཱཧཾསུ – ‘སམཎོ གོཏམོ སབྦཉྙཱུ སབྦདསྶཱཝཱི, ཨཔརིསེསཾ ཉཱཎདསྶནཾ པཊིཛཱནཱཏི, ཙརཏོ ཙ མེ ཏིཊྛཏོ ཙ སུཏྟསྶ ཙ ཛཱགརསྶ ཙ སཏཏཾ སམིཏཾ ཉཱཎདསྶནཾ པཙྩུཔཊྛིཏ’ནྟི, ཀཙྩི ཏེ, བྷནྟེ, བྷགཝཏོ ཝུཏྟཝཱདིནོ, ན ཙ བྷགཝནྟཾ ཨབྷཱུཏེན ཨབྦྷཱཙིཀྑནྟི, དྷམྨསྶ ཙཱནུདྷམྨཾ བྱཱཀརོནྟི, ན ཙ ཀོཙི སཧདྷམྨིཀོ ཝཱདཱནུཝཱདོ གཱརཡ྄ཧཾ ཋཱནཾ ཨཱགཙྪཏཱི’’ཏི? ‘‘ཡེ ཏེ, ཝཙྪ, ཨེཝམཱཧཾསུ – ‘སམཎོ གོཏམོ སབྦཉྙཱུ སབྦདསྶཱཝཱི, ཨཔརིསེསཾ ཉཱཎདསྶནཾ པཊིཛཱནཱཏི, ཙརཏོ ཙ མེ ཏིཊྛཏོ ཙ སུཏྟསྶ ཙ ཛཱགརསྶ ཙ སཏཏཾ སམིཏཾ ཉཱཎདསྶནཾ པཙྩུཔཊྛིཏ’ནྟི, ན མེ ཏེ ཝུཏྟཝཱདིནོ, ཨབྦྷཱཙིཀྑནྟི ཙ པན མཾ ཨསཏཱ ཨབྷཱུཏེནཱ’’ཏི།
185. Evaṃ me sutaṃ – ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Tena kho pana samayena vacchagotto paribbājako ekapuṇḍarīke paribbājakārāme paṭivasati. Atha kho bhagavā pubbaṇhasamayaṃ nivāsetvā pattacīvaramādāya vesāliṃ piṇḍāya pāvisi. Atha kho bhagavato etadahosi – ‘‘atippago kho tāva vesāliyaṃ piṇḍāya carituṃ; yaṃnūnāhaṃ yena ekapuṇḍarīko paribbājakārāmo yena vacchagotto paribbājako tenupasaṅkameyya’’nti. Atha kho bhagavā yena ekapuṇḍarīko paribbājakārāmo yena vacchagotto paribbājako tenupasaṅkami. Addasā kho vacchagotto paribbājako bhagavantaṃ dūratova āgacchantaṃ. Disvāna bhagavantaṃ etadavoca – ‘‘etu kho, bhante, bhagavā. Svāgataṃ 2, bhante, bhagavato. Cirassaṃ kho, bhante, bhagavā imaṃ pariyāyamakāsi yadidaṃ idhāgamanāya. Nisīdatu, bhante, bhagavā idamāsanaṃ paññatta’’nti. Nisīdi bhagavā paññatte āsane. Vacchagottopi kho paribbājako aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinno kho vacchagotto paribbājako bhagavantaṃ etadavoca – ‘‘sutaṃ metaṃ, bhante – ‘samaṇo gotamo sabbaññū sabbadassāvī, aparise+saṃ ñāṇadassanaṃ paṭijānāti, carato ca me tiṭṭhato ca suttassa ca jāgarassa ca satataṃ samitaṃ ñāṇadassanaṃ paccupaṭṭhita’nti. Ye te, bhante, evamāhaṃsu – ‘samaṇo gotamo sabbaññū sabbadassāvī, aparisesaṃ ñāṇadassanaṃ paṭijānāti, carato ca me tiṭṭhato ca suttassa ca jāgarassa ca satataṃ samitaṃ ñāṇadassanaṃ paccupaṭṭhita’nti, kacci te, bhante, bhagavato vuttavādino, na ca bhagavantaṃ abhūtena abbhācikkhanti, dhammassa cānudhammaṃ byākaronti, na ca koci sahadhammiko vādānuvādo gārayhaṃ ṭhānaṃ āgacchatī’’ti? ‘‘Ye te, vaccha, evamāhaṃsu – ‘samaṇo gotamo sabbaññū sabbadassāvī, aparisesaṃ ñāṇadassanaṃ paṭijānāti, carato ca me tiṭṭhato ca suttassa ca jāgarassa ca satataṃ samitaṃ ñāṇadassanaṃ paccupaṭṭhita’nti, na me te vuttavādino, abbhācikkhanti ca pana maṃ asatā abhūtenā’’ti.
༡༨༦. ‘‘ཀཐཾ བྱཱཀརམཱནཱ པན མཡཾ, བྷནྟེ, ཝུཏྟཝཱདིནོ ཙེཝ བྷགཝཏོ ཨསྶཱམ, ན ཙ བྷགཝནྟཾ ཨབྷཱུཏེན ཨབྦྷཱཙིཀྑེཡྻཱམ, དྷམྨསྶ ཙཱནུདྷམྨཾ བྱཱཀརེཡྻཱམ, ན ཙ ཀོཙི སཧདྷམྨིཀོ ཝཱདཱནུཝཱདོ གཱརཡ྄ཧཾ ཋཱནཾ ཨཱགཙྪེཡྻཱ’’ཏི?
186. ‘‘Kathaṃ byākaramānā pana mayaṃ, bhante, vuttavādino ceva bhagavato assāma, na ca bhagavantaṃ abhūtena abbhācikkheyyāma, dhammassa cānudhammaṃ byākareyyāma, na ca koci sahadhammiko vādānuvādo gārayhaṃ ṭhānaṃ āgaccheyyā’’ti?
‘‘‘ཏེཝིཛྫོ སམཎོ གོཏམོ’ཏི ཁོ, ཝཙྪ, བྱཱཀརམཱནོ ཝུཏྟཝཱདཱི ཙེཝ མེ ཨསྶ, ན ཙ མཾ ཨབྷཱུཏེན ཨབྦྷཱཙིཀྑེཡྻ, དྷམྨསྶ ཙཱནུདྷམྨཾ བྱཱཀརེཡྻ, ན ཙ ཀོཙི སཧདྷམྨིཀོ ཝཱདཱནུཝཱདོ གཱརཡ྄ཧཾ ཋཱནཾ ཨཱགཙྪེཡྻ། ཨཧཉྷི, ཝཙྪ, ཡཱཝདེཝ ཨཱཀངྑཱམི ཨནེཀཝིཧིཏཾ པུབྦེནིཝཱསཾ ཨནུསྶརཱམི, སེཡྻཐིདཾ – ཨེཀམྤི ཛཱཏིཾ དྭེཔི ཛཱཏིཡོ…པེ॰… ཨིཏི སཱཀཱརཾ སཨུདྡེསཾ ཨནེཀཝིཧིཏཾ པུབྦེནིཝཱསཾ ཨནུསྶརཱམི། ཨཧཉྷི, ཝཙྪ, ཡཱཝདེཝ ཨཱཀངྑཱམི དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶཱམི ཙཝམཱནེ ཨུཔཔཛྫམཱནེ ཧཱིནེ པཎཱིཏེ སུཝཎྞེ དུབྦཎྞེ སུགཏེ དུགྒཏེ…པེ॰… ཡཐཱཀམྨཱུཔགེ སཏྟེ པཛཱནཱམི། ཨཧཉྷི, ཝཙྪ, ཨཱསཝཱནཾ ཁཡཱ ཨནཱསཝཾ ཙེཏོཝིམུཏྟིཾ པཉྙཱཝིམུཏྟིཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརཱམི།
‘‘‘Tevijjo samaṇo gotamo’ti kho, vaccha, byākaramāno vuttavādī ceva me assa, na ca maṃ abhūtena abbhācikkheyya, dhammassa cānudhammaṃ byākareyya, na ca koci sahadhammiko vādānuvādo gārayhaṃ ṭhānaṃ āgaccheyya. Ahañhi, vaccha, yāvadeva ākaṅkhāmi anekavihitaṃ pubbenivāsaṃ anussarāmi, seyyathidaṃ – ekampi jātiṃ dvepi jātiyo…pe… iti sākāraṃ sauddesaṃ anekavihitaṃ pubbenivāsaṃ anussarāmi. Ahañhi, vaccha, yāvadeva ākaṅkhāmi dibbena cakkhunā visuddhena atikkantamānusakena satte passāmi cavamāne upapajjamāne hīne paṇīte suvaṇṇe dubbaṇṇe sugate duggate…pe… yathākammūpage satte pajānāmi. Ahañhi, vaccha, āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharāmi.
‘‘‘ཏེཝིཛྫོ སམཎོ གོཏམོ’ཏི ཁོ, ཝཙྪ, བྱཱཀརམཱནོ ཝུཏྟཝཱདཱི ཙེཝ མེ ཨསྶ, ན ཙ མཾ ཨབྷཱུཏེན ཨབྦྷཱཙིཀྑེཡྻ, དྷམྨསྶ ཙཱནུདྷམྨཾ བྱཱཀརེཡྻ, ན ཙ ཀོཙི སཧདྷམྨིཀོ ཝཱདཱནུཝཱདོ གཱརཡ྄ཧཾ ཋཱནཾ ཨཱགཙྪེཡྻཱ’’ཏི།
‘‘‘Tevijjo samaṇo gotamo’ti kho, vaccha, byākaramāno vuttavādī ceva me assa, na ca maṃ abhūtena abbhācikkheyya, dhammassa cānudhammaṃ byākareyya, na ca koci sahadhammiko vādānuvādo gārayhaṃ ṭhānaṃ āgaccheyyā’’ti.
ཨེཝཾ ཝུཏྟེ, ཝཙྪགོཏྟོ པརིབྦཱཛཀོ བྷགཝནྟཾ ཨེཏདཝོཙ – ‘‘ཨཏྠི ནུ ཁོ, བྷོ གོཏམ, ཀོཙི གིཧཱི གིཧིསཾཡོཛནཾ ཨཔྤཧཱཡ ཀཱཡསྶ བྷེདཱ དུཀྑསྶནྟཀརོ’’ཏི? ‘‘ནཏྠི ཁོ, ཝཙྪ, ཀོཙི གིཧཱི གིཧིསཾཡོཛནཾ ཨཔྤཧཱཡ ཀཱཡསྶ བྷེདཱ དུཀྑསྶནྟཀརོ’’ཏི།
Evaṃ vutte, vacchagotto paribbājako bhagavantaṃ etadavoca – ‘‘atthi nu kho, bho gotama, koci gihī gihisaṃyojanaṃ appahāya kāyassa bhedā dukkhassantakaro’’ti? ‘‘Natthi kho, vaccha, koci gihī gihisaṃyojanaṃ appahāya kāyassa bhedā dukkhassantakaro’’ti.
‘‘ཨཏྠི པན, བྷོ གོཏམ, ཀོཙི གིཧཱི གིཧིསཾཡོཛནཾ ཨཔྤཧཱཡ ཀཱཡསྶ བྷེདཱ སགྒཱུཔགོ’’ཏི? ‘‘ན ཁོ, ཝཙྪ, ཨེཀཾཡེཝ སཏཾ ན དྭེ སཏཱནི ན ཏཱིཎི སཏཱནི ན ཙཏྟཱརི སཏཱནི ན པཉྩ སཏཱནི, ཨཐ ཁོ བྷིཡྻོཝ ཡེ གིཧཱི གིཧིསཾཡོཛནཾ ཨཔྤཧཱཡ ཀཱཡསྶ བྷེདཱ སགྒཱུཔགཱ’’ཏི 3།
‘‘Atthi pana, bho gotama, koci gihī gihisaṃyojanaṃ appahāya kāyassa bhedā saggūpago’’ti? ‘‘Na kho, vaccha, ekaṃyeva sataṃ na dve satāni na tīṇi satāni na cattāri satāni na pañca satāni, atha kho bhiyyova ye gihī gihisaṃyojanaṃ appahāya kāyassa bhedā saggūpagā’’ti 4.
‘‘ཨཏྠི ནུ ཁོ, བྷོ གོཏམ, ཀོཙི ཨཱཛཱིཝཀོ 5 ཀཱཡསྶ བྷེདཱ དུཀྑསྶནྟཀརོ’’ཏི? ‘‘ནཏྠི ཁོ, ཝཙྪ, ཀོཙི ཨཱཛཱིཝཀོ ཀཱཡསྶ བྷེདཱ དུཀྑསྶནྟཀརོ’’ཏི།
‘‘Atthi nu kho, bho gotama, koci ājīvako 6 kāyassa bhedā dukkhassantakaro’’ti? ‘‘Natthi kho, vaccha, koci ājīvako kāyassa bhedā dukkhassantakaro’’ti.
‘‘ཨཏྠི པན, བྷོ གོཏམ, ཀོཙི ཨཱཛཱིཝཀོ ཀཱཡསྶ བྷེདཱ སགྒཱུཔགོ’’ཏི? ‘‘ཨིཏོ ཁོ སོ, ཝཙྪ, ཨེཀནཝུཏོ ཀཔྤོ 7 ཡམཧཾ ཨནུསྶརཱམི, ནཱབྷིཛཱནཱམི ཀཉྩི ཨཱཛཱིཝཀཾ སགྒཱུཔགཾ ཨཉྙཏྲ ཨེཀེན; སོཔཱསི ཀམྨཝཱདཱི ཀིརིཡཝཱདཱི’’ཏི། ‘‘ཨེཝཾ སནྟེ, བྷོ གོཏམ, སུཉྙཾ ཨདུཾ ཏིཏྠཱཡཏནཾ ཨནྟམསོ སགྒཱུཔགེནཔཱི’’ཏི? ‘‘ཨེཝཾ, ཝཙྪ, སུཉྙཾ ཨདུཾ ཏིཏྠཱཡཏནཾ ཨནྟམསོ སགྒཱུཔགེནཔཱི’’ཏི།
‘‘Atthi pana, bho gotama, koci ājīvako kāyassa bhedā saggūpago’’ti? ‘‘Ito kho so, vaccha, ekanavuto kappo 8 yamahaṃ anussarāmi, nābhijānāmi kañci ājīvakaṃ saggūpagaṃ aññatra ekena; sopāsi kammavādī kiriyavādī’’ti. ‘‘Evaṃ sante, bho gotama, suññaṃ aduṃ titthāyatanaṃ antamaso saggūpagenapī’’ti? ‘‘Evaṃ, vaccha, suññaṃ aduṃ titthāyatanaṃ antamaso saggūpagenapī’’ti.
ཨིདམཝོཙ བྷགཝཱ། ཨཏྟམནོ ཝཙྪགོཏྟོ པརིབྦཱཛཀོ བྷགཝཏོ བྷཱསིཏཾ ཨབྷིནནྡཱིཏི།
Idamavoca bhagavā. Attamano vacchagotto paribbājako bhagavato bhāsitaṃ abhinandīti.
ཏེཝིཛྫཝཙྪསུཏྟཾ ནིཊྛིཏཾ པཋམཾ།
Tevijjavacchasuttaṃ niṭṭhitaṃ paṭhamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / མཛྫྷིམནིཀཱཡ (ཨཊྛཀཐཱ) • Majjhimanikāya (aṭṭhakathā) / ༡. ཏེཝིཛྫཝཙྪསུཏྟཝཎྞནཱ • 1. Tevijjavacchasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / མཛྫྷིམནིཀཱཡ (ཊཱིཀཱ) • Majjhimanikāya (ṭīkā) / ༡. ཏེཝིཛྫཝཙྪསུཏྟཝཎྞནཱ • 1. Tevijjavacchasuttavaṇṇanā
