| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
3. бариб̣б̣ааж̇агаваг̇г̇о
3. Paribbājakavaggo
1. д̇звиж̇ж̇аважчасуд̇д̇аван̣н̣анаа
1. Tevijjavacchasuttavaṇṇanā
185. д̇ад̇т̇аад̇и згабун̣д̣арийгасан̃н̃ид̇з бариб̣б̣ааж̇агаараамз. анааг̇ад̇абуб̣б̣о логияасамуд̣̇аахааравасзна ‘‘жирассам̣ ко, бханд̇з’’д̇иаад̣̇инаа вужжад̇и, аяам̣ банзд̇т̇а ааг̇ад̇абуб̣б̣ад̇ам̣ убаад̣̇ааяа д̇ат̇аа вуд̇д̇о. бхаг̇аваа хи гзсан̃жи вимуд̇д̇иж̇ананад̇т̇ам̣, гзсан̃жи инд̣̇рияабарибаагад̇т̇ам̣, гзсан̃жи висзсаад̇хиг̇амад̇т̇ам̣ гад̣̇аажи д̇ид̇т̇ияаараамам̣ убаг̇ажчад̇и. ананун̃н̃ааяа тад̇ваад̇и анануж̇аанид̇аб̣б̣з тад̇ваа. ануж̇аанид̇аб̣б̣ам̣ сияаа анан̃н̃аад̇асса н̃зяяасса абхаавад̇о. яаавад̇аган̃хи н̃зяяам̣, д̇аавад̇агам̣ бхаг̇авад̇о н̃аан̣ам̣, яаавад̇аган̃жа бхаг̇авад̇о н̃аан̣ам̣ д̇аавад̇агам̣ н̃зяяам̣. д̇знзвааха – ‘‘на д̇асса ад̣̇идтамид̇хад̇т̇и гин̃жи, ат̇о авин̃н̃аад̇амаж̇аанид̇аб̣б̣а’’нд̇иаад̣̇и (махаани. 156; жуул̣ани. д̇ход̇агамаан̣авабужчаанид̣̇д̣̇зса 32; бади. ма. 1.121). саб̣б̣ан̃н̃уд̇ан̃н̃аан̣зна хи бхаг̇аваа ааваж̇ж̇зд̇ваа баж̇аанаад̇и. вуд̇д̇ан̃хзд̇ам̣ ‘‘ааваж̇ж̇анабадиб̣ад̣̇д̇хам̣ б̣уд̣̇д̇хасса бхаг̇авад̇о н̃аан̣а’’нд̇и (ми. ба. 4.1.2). яад̣̇и звам̣ ‘‘жарам̣ самаахид̇о нааг̇о, д̇идтам̣ нааг̇о самаахид̇о’’д̇и (а. ни. 6.43) ид̣̇ам̣ суд̇д̇абад̣̇ам̣ гат̇анд̇и? вигкзбаабхаавад̣̇ийбанабад̣̇амзд̇ам̣, на анааваж̇ж̇анзнаби н̃аан̣аанам̣ бавад̇д̇ибарид̣̇ийбанам̣. яам̣ банзд̇т̇а вад̇д̇аб̣б̣ам̣, д̇ам̣ хздтаа вид̇т̇аарад̇о вуд̇д̇амзва.
185.Tatthāti ekapuṇḍarīkasaññite paribbājakārāme. Anāgatapubbo lokiyasamudāhāravasena ‘‘cirassaṃ kho, bhante’’tiādinā vuccati, ayaṃ panettha āgatapubbataṃ upādāya tathā vutto. Bhagavā hi kesañci vimuttijananatthaṃ, kesañci indriyaparipākatthaṃ, kesañci visesādhigamatthaṃ kadāci titthiyārāmaṃ upagacchati. Ananuññāya ṭhatvāti ananujānitabbe ṭhatvā. Anujānitabbaṃ siyā anaññātassa ñeyyassa abhāvato. Yāvatakañhi ñeyyaṃ, tāvatakaṃ bhagavato ñāṇaṃ, yāvatakañca bhagavato ñāṇaṃ tāvatakaṃ ñeyyaṃ. Tenevāha – ‘‘na tassa adiṭṭhamidhatthi kiñci, atho aviññātamajānitabba’’ntiādi (mahāni. 156; cūḷani. dhotakamāṇavapucchāniddesa 32; paṭi. ma. 1.121). Sabbaññutaññāṇena hi bhagavā āvajjetvā pajānāti. Vuttañhetaṃ ‘‘āvajjanapaṭibaddhaṃ buddhassa bhagavato ñāṇa’’nti (mi. pa. 4.1.2). Yadi evaṃ ‘‘caraṃ samāhito nāgo, tiṭṭhaṃ nāgo samāhito’’ti (a. ni. 6.43) idaṃ suttapadaṃ kathanti? Vikkhepābhāvadīpanapadametaṃ, na anāvajjanenapi ñāṇānaṃ pavattiparidīpanaṃ. Yaṃ panettha vattabbaṃ, taṃ heṭṭhā vitthārato vuttameva.
186. яаавад̣̇зваад̇и ид̣̇ам̣ яат̇ааружи бавад̇д̇и вияа абараабаруббад̇д̇иби ижчид̇аб̣б̣аад̇и д̇ад̣̇абхаавам̣ д̣̇ассзнд̇о ааха – ‘‘сагим̣ кийн̣аанам̣ аасаваанам̣ буна кзбзд̇аб̣б̣аабхааваа’’д̇и. бажжуббаннаж̇аананаг̇ун̣анд̇и ид̣̇ам̣ д̣̇иб̣б̣ажагкун̃аан̣асса барибхан̣д̣ан̃аан̣ам̣ анааг̇ад̇ам̣сан̃аан̣ам̣ анаад̣̇ияид̇ваа вуд̇д̇ам̣, д̇асса бана васзна анааг̇ад̇ам̣сан̃аан̣аг̇ун̣ам̣ д̣̇ассзд̇ийд̇и вад̇д̇аб̣б̣ам̣ сияаа.
186.Yāvadevāti idaṃ yathāruci pavatti viya aparāparuppattipi icchitabbāti tadabhāvaṃ dassento āha – ‘‘sakiṃ khīṇānaṃ āsavānaṃ puna khepetabbābhāvā’’ti. Paccuppannajānanaguṇanti idaṃ dibbacakkhuñāṇassa paribhaṇḍañāṇaṃ anāgataṃsañāṇaṃ anādiyitvā vuttaṃ, tassa pana vasena anāgataṃsañāṇaguṇaṃ dassetīti vattabbaṃ siyā.
г̇ихибаригкаарзсууд̇и вад̇т̇аабхаран̣аад̣̇ид̇ханад̇хан̃н̃аад̣̇иг̇ихибаригкаарзсу. г̇ихилин̇г̇ам̣ бана аббамаан̣ам̣, д̇асмаа г̇ихиб̣анд̇ханам̣ чинд̣̇ид̇ваа д̣̇угкассанд̇агараа хонд̇иязва. сад̇и бана д̣̇угкассанд̇агирияааяа г̇ихилин̇г̇з д̇з на д̇идтанд̇иязваад̇и д̣̇ассзнд̇о ‘‘язбий’’д̇иаад̣̇имааха. сугкаабзд̇ваа самужчинд̣̇ид̇ваа. арахад̇д̇ам̣ бад̇д̇ад̣̇ивасзязва баб̣б̣аж̇анам̣ ваа бариниб̣б̣аанам̣ ваад̇и аяам̣ наяо на саб̣б̣асаад̇хааран̣од̇и ааха ‘‘бхуумад̣̇звад̇аа бана д̇идтанд̇ий’’д̇и. д̇ад̇т̇а гааран̣аважанам̣ ‘‘нилийяаногаасасса ад̇т̇ид̇ааяаа’’д̇и. аран̃н̃абаб̣б̣ад̇аад̣̇ибавивзгадтаанам̣ нилийяаногаасо. сзсагаамабхавзд̇и гаамалогз. лал̣ид̇аж̇анассаад̇и аабхаран̣аалан̇гааранажжаг̇ийд̇аад̣̇ивасзна вилаасаяуд̇д̇аж̇анасса.
Gihiparikkhāresūti vatthābharaṇādidhanadhaññādigihiparikkhāresu. Gihiliṅgaṃ pana appamāṇaṃ, tasmā gihibandhanaṃ chinditvā dukkhassantakarā hontiyeva. Sati pana dukkhassantakiriyāya gihiliṅge te na tiṭṭhantiyevāti dassento ‘‘yepī’’tiādimāha. Sukkhāpetvā samucchinditvā. Arahattaṃ pattadivaseyeva pabbajanaṃ vā parinibbānaṃ vāti ayaṃ nayo na sabbasādhāraṇoti āha ‘‘bhūmadevatā pana tiṭṭhantī’’ti. Tattha kāraṇavacanaṃ ‘‘nilīyanokāsassa atthitāyā’’ti. Araññapabbatādipavivekaṭṭhānaṃ nilīyanokāso. Sesakāmabhaveti kāmaloke. Laḷitajanassāti ābharaṇālaṅkāranaccagītādivasena vilāsayuttajanassa.
собийд̇и ‘‘со ан̃н̃ад̇ра згзнаа’’д̇и вуд̇д̇о соби. гарад̇о на гарийяад̇и баабанд̇и звам̣ на гирияам̣ бадиб̣аахад̇и. яад̣̇и ад̇д̇аанам̣язва г̇ахзд̇ваа гат̇зд̇и, ат̇а гасмаа махаасад̇д̇о д̇ад̣̇аа ааж̇ийвагабаб̣б̣аж̇ж̇ам̣ убаг̇ажчийд̇и ааха ‘‘д̇ад̣̇аа гираа’’д̇иаад̣̇и. д̇ассабийд̇и на гзвалам̣ ан̃н̃зсам̣ зва баасан̣д̣аанам̣, д̇ассаби. вийрияам̣ на хаабзсийд̇и д̇абож̇иг̇ужчаваад̣̇ам̣ самаад̣̇ияид̇ваа тид̇о вирааг̇ад̇т̇ааяа д̇ам̣ самаад̣̇ин̣н̣авад̇д̇ам̣ на барижжаж̇и, сад̇т̇усаасанам̣ на чад̣д̣зси. д̇знааха – ‘‘гирияаваад̣̇ий худ̇ваа саг̇г̇з ниб̣б̣ад̇д̇ад̇ий’’д̇и.
Sopīti ‘‘so aññatra ekenā’’ti vutto sopi. Karato na karīyati pāpanti evaṃ na kiriyaṃ paṭibāhati. Yadi attānaṃyeva gahetvā katheti, atha kasmā mahāsatto tadā ājīvakapabbajjaṃ upagacchīti āha ‘‘tadā kirā’’tiādi. Tassapīti na kevalaṃ aññesaṃ eva pāsaṇḍānaṃ, tassapi. Vīriyaṃ na hāpesīti tapojigucchavādaṃ samādiyitvā ṭhito virāgatthāya taṃ samādiṇṇavattaṃ na pariccaji, satthusāsanaṃ na chaḍḍesi. Tenāha – ‘‘kiriyavādī hutvā sagge nibbattatī’’ti.
д̇звиж̇ж̇аважчасуд̇д̇аван̣н̣анааяа лийнад̇т̇аббагаасанаа самад̇д̇аа.
Tevijjavacchasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. д̇звиж̇ж̇аважчасуд̇д̇ам̣ • 1. Tevijjavacchasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. д̇звиж̇ж̇аважчасуд̇д̇аван̣н̣анаа • 1. Tevijjavacchasuttavaṇṇanā
