| Library / Tipiṭaka / ತಿಪಿಟಕ • Tipiṭaka / ಖುದ್ದಸಿಕ್ಖಾ-ಮೂಲಸಿಕ್ಖಾ • Khuddasikkhā-mūlasikkhā |
೬. ಥಾಲಕನಿದ್ದೇಸವಣ್ಣನಾ
6. Thālakaniddesavaṇṇanā
೭೧-೨. ದಾರು …ಪೇ॰… ವೇಳುರಿಯಾಮಯಾ ಅಕಪ್ಪಿಯಾ, ಫಲಿಕಾಕಾಚಕಂಸಜಾ ಥಾಲಕಾ ಗಿಹಿಸನ್ತಕಾ ಸಙ್ಘಿಕಾ ಚ ಕಪ್ಪಿಯಾ, ತುಮ್ಬಘಟಿಜಾ ತಾವಕಾಲಿಕಾ ಕಪ್ಪಿಯಾತಿ ಸಮ್ಬನ್ಧೋ। ಕಪ್ಪನ್ತಿ ಪರಿಕಪ್ಪನ್ತಿ ಅವಿರೋಧಿಭಾವೇನೇವಾತಿ ಕಪ್ಪಾ, ತಥಾ ಕಪ್ಪಿಯಾ। ನ ಕಪ್ಪಾ ಅಕಪ್ಪಾ। ಸಙ್ಘಸ್ಸ ಇಮೇ ಸಙ್ಘಿಕಾ। ತಾವ-ಸದ್ದೋ ಅವಧಿಮ್ಹಿ। ತಾವ ಭೋಜನಾವಧಿಭೂತೋ ಕಾಲೋ ಏತಾಸನ್ತಿ ತಾವಕಾಲಿಕಾ , ಭುಞ್ಜಿತ್ವಾ ಛಡ್ಡೇತಬ್ಬಾ, ನ ಪರಿಹರಿತಬ್ಬಾತಿ ಅಧಿಪ್ಪಾಯೋ।
71-2. Dāru …pe… veḷuriyāmayā akappiyā, phalikākācakaṃsajā thālakā gihisantakā saṅghikā ca kappiyā, tumbaghaṭijā tāvakālikā kappiyāti sambandho. Kappanti parikappanti avirodhibhāvenevāti kappā, tathā kappiyā. Na kappā akappā. Saṅghassa ime saṅghikā. Tāva-saddo avadhimhi. Tāva bhojanāvadhibhūto kālo etāsanti tāvakālikā, bhuñjitvā chaḍḍetabbā, na pariharitabbāti adhippāyo.
ಥಾಲಕನಿದ್ದೇಸವಣ್ಣನಾ ನಿಟ್ಠಿತಾ।
Thālakaniddesavaṇṇanā niṭṭhitā.
