| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒. ถมฺภาโรปกเตฺถรอปทานํ
2. Thambhāropakattheraapadānaṃ
๕.
5.
‘‘นิพฺพุเต โลกนาถมฺหิ, ธมฺมทสฺสีนราสเภ;
‘‘Nibbute lokanāthamhi, dhammadassīnarāsabhe;
อาโรเปสิํ ธชตฺถมฺภํ, พุทฺธเสฎฺฐสฺส เจติเยฯ
Āropesiṃ dhajatthambhaṃ, buddhaseṭṭhassa cetiye.
๖.
6.
‘‘นิเสฺสณิํ มาปยิตฺวาน, ถูปเสฎฺฐํ สมารุหิํ;
‘‘Nisseṇiṃ māpayitvāna, thūpaseṭṭhaṃ samāruhiṃ;
ชาติปุปฺผํ คเหตฺวาน, ถูปมฺหิ อภิโรปยิํฯ
Jātipupphaṃ gahetvāna, thūpamhi abhiropayiṃ.
๗.
7.
‘‘อโห พุโทฺธ อโห ธโมฺม, อโห โน สตฺถุ สมฺปทา;
‘‘Aho buddho aho dhammo, aho no satthu sampadā;
ทุคฺคติํ นาภิชานามิ, ถูปปูชายิทํ ผลํฯ
Duggatiṃ nābhijānāmi, thūpapūjāyidaṃ phalaṃ.
๘.
8.
‘‘จตุนฺนวุติโต กเปฺป, ถูปสีขสนามกา;
‘‘Catunnavutito kappe, thūpasīkhasanāmakā;
โสฬสาสิํสุ ราชาโน, จกฺกวตฺตี มหพฺพลาฯ
Soḷasāsiṃsu rājāno, cakkavattī mahabbalā.
๙.
9.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ถมฺภาโรปโก เถโร อิมา คาถาโย อภาสิตฺถาติฯ
Itthaṃ sudaṃ āyasmā thambhāropako thero imā gāthāyo abhāsitthāti.
ถมฺภาโรปกเตฺถรสฺสาปทานํ ทุติยํฯ
Thambhāropakattherassāpadānaṃ dutiyaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๒. ถมฺภาโรปกเตฺถรอปทานวณฺณนา • 2. Thambhāropakattheraapadānavaṇṇanā
