| Library / Tipiṭaka / තිපිටක • Tipiṭaka / අපදානපාළි • Apadānapāḷi |
2. ථම්‌භාරොපකත්‌ථෙරඅපදානං
2. Thambhāropakattheraapadānaṃ
5.
5.
‘‘නිබ්‌බුතෙ ලොකනාථම්‌හි, ධම්‌මදස්‌සීනරාසභෙ;
‘‘Nibbute lokanāthamhi, dhammadassīnarāsabhe;
ආරොපෙසිං ධජත්‌ථම්‌භං, බුද්‌ධසෙට්‌ඨස්‌ස චෙතියෙ.
Āropesiṃ dhajatthambhaṃ, buddhaseṭṭhassa cetiye.
6.
6.
‘‘නිස්‌සෙණිං මාපයිත්‌වාන, ථූපසෙට්‌ඨං සමාරුහිං;
‘‘Nisseṇiṃ māpayitvāna, thūpaseṭṭhaṃ samāruhiṃ;
ජාතිපුප්‌ඵං ගහෙත්‌වාන, ථූපම්‌හි අභිරොපයිං.
Jātipupphaṃ gahetvāna, thūpamhi abhiropayiṃ.
7.
7.
‘‘අහො බුද්‌ධො අහො ධම්‌මො, අහො නො සත්‌ථු සම්‌පදා;
‘‘Aho buddho aho dhammo, aho no satthu sampadā;
දුග්‌ගතිං නාභිජානාමි, ථූපපූජායිදං ඵලං.
Duggatiṃ nābhijānāmi, thūpapūjāyidaṃ phalaṃ.
8.
8.
‘‘චතුන්‌නවුතිතො කප්‌පෙ, ථූපසීඛසනාමකා;
‘‘Catunnavutito kappe, thūpasīkhasanāmakā;
සොළසාසිංසු රාජානො, චක්‌කවත්‌තී මහබ්‌බලා.
Soḷasāsiṃsu rājāno, cakkavattī mahabbalā.
9.
9.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ථම්‌භාරොපකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā thambhāropako thero imā gāthāyo abhāsitthāti.
ථම්‌භාරොපකත්‌ථෙරස්‌සාපදානං දුතියං.
Thambhāropakattherassāpadānaṃ dutiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 2. ථම්‌භාරොපකත්‌ථෙරඅපදානවණ්‌ණනා • 2. Thambhāropakattheraapadānavaṇṇanā
