| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
2. т̇амбхааробагад̇т̇зраабад̣̇аанаван̣н̣анаа
2. Thambhāropakattheraapadānavaṇṇanā
ниб̣б̣уд̇з логанаат̇амхийд̇иаад̣̇игам̣ ааяасмад̇о т̇амбхааробагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о д̇хаммад̣̇ассисса бхаг̇авад̇о гаалз гулаг̇зхз ниб̣б̣ад̇д̇о сад̣̇д̇хо басанно бариниб̣б̣уд̇з бхаг̇авад̇и д̇асса бхаг̇авад̇о д̇хаад̇уг̇аб̣бхамаал̣агз т̇амбхам̣ никанид̇ваа д̇хаж̇ам̣ ааробзси. б̣ахууни ж̇аад̇исуманабубпаани г̇ант̇ид̇ваа ниссзн̣ияаа аарохид̇ваа бууж̇зси.
Nibbutelokanāthamhītiādikaṃ āyasmato thambhāropakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto dhammadassissa bhagavato kāle kulagehe nibbatto saddho pasanno parinibbute bhagavati tassa bhagavato dhātugabbhamāḷake thambhaṃ nikhanitvā dhajaṃ āropesi. Bahūni jātisumanapupphāni ganthitvā nisseṇiyā ārohitvā pūjesi.
5. со яаавад̇ааяугам̣ тад̇ваа гаалам̣ гад̇ваа д̣̇звамануссзсу сам̣саранд̇о убхаяасамбад̇д̇ияо анубхавид̇ваа саб̣б̣ад̇т̇а бууж̇ид̇о имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о д̣̇ахарагаалад̇о бабхуд̇и бууж̇анийяо саасанз б̣ад̣̇д̇хасад̣̇д̇хо баб̣б̣аж̇ид̇ваа саха бадисамбхид̣̇аахи арахад̇д̇ам̣ бад̇д̇о ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о ниб̣б̣уд̇з логанаат̇амхийд̇иаад̣̇имааха. д̇ад̇т̇а ниб̣б̣уд̇з логанаат̇амхийд̇и сагалалогасса наат̇з бад̇хаанабхууд̇з бадисаран̣з жа сад̇т̇ари канд̇хабариниб̣б̣аанзна ниб̣б̣уд̇з ниб̣б̣уд̇ад̣̇ийбасикаа вияа ад̣̇ассанам̣ г̇ад̇зд̇и ад̇т̇о. д̇хаммад̣̇ассийнараасабхзд̇и жад̇усажжад̇хаммам̣ бассад̇ийд̇и д̇хаммад̣̇ассий, ат̇а ваа сад̇ибадтаанаад̣̇игз сад̇д̇ад̇им̣саб̣од̇хибагкияад̇хаммз д̣̇ассанасийло бассанасийлод̇и д̇хаммад̣̇ассий, нараанам̣ аасабхо баваро уд̇д̇амод̇и нараасабхо, д̇хаммад̣̇ассий жа со нараасабхо жзд̇и д̇хаммад̣̇ассийнараасабхо, д̇асмим̣ д̇хаммад̣̇ассийнараасабхз. ааробзсим̣ д̇хаж̇ам̣ т̇амбханд̇и жзд̇ияамаал̣агз т̇амбхам̣ никанид̇ваа д̇ад̇т̇а д̇хаж̇ам̣ ааробзсим̣ б̣анд̇хид̇ваа табзсинд̇и ад̇т̇о.
5. So yāvatāyukaṃ ṭhatvā kālaṃ katvā devamanussesu saṃsaranto ubhayasampattiyo anubhavitvā sabbattha pūjito imasmiṃ buddhuppāde ekasmiṃ kulagehe nibbatto daharakālato pabhuti pūjanīyo sāsane baddhasaddho pabbajitvā saha paṭisambhidāhi arahattaṃ patto attano pubbakammaṃ saritvā somanassajāto pubbacaritāpadānaṃ pakāsento nibbute lokanāthamhītiādimāha. Tattha nibbute lokanāthamhīti sakalalokassa nāthe padhānabhūte paṭisaraṇe ca satthari khandhaparinibbānena nibbute nibbutadīpasikhā viya adassanaṃ gateti attho. Dhammadassīnarāsabheti catusaccadhammaṃ passatīti dhammadassī, atha vā satipaṭṭhānādike sattatiṃsabodhipakkhiyadhamme dassanasīlo passanasīloti dhammadassī, narānaṃ āsabho pavaro uttamoti narāsabho, dhammadassī ca so narāsabho ceti dhammadassīnarāsabho, tasmiṃ dhammadassīnarāsabhe. Āropesiṃ dhajaṃ thambhanti cetiyamāḷake thambhaṃ nikhanitvā tattha dhajaṃ āropesiṃ bandhitvā ṭhapesinti attho.
6. ниссзн̣им̣ маабаяид̇ваанаад̇и ниссааяа д̇ам̣ ин̣анд̇и г̇ажчанд̇и аароханд̇и убарийд̇и ниссзн̣и, д̇ам̣ ниссзн̣им̣ маабаяид̇ваа гаарзд̇ваа б̣анд̇хид̇ваа т̇уубасздтам̣ самаарухинд̇и самб̣анд̇хо. ж̇аад̇ибубпам̣ г̇ахзд̇ваанаад̇и ж̇ааяамаанамзва ж̇анаанам̣ сунд̣̇арам̣ манам̣ гарод̇ийд̇и ж̇аад̇исуманам̣, ж̇аад̇исуманамзва бубпам̣ ‘‘ж̇аад̇исуманабубпа’’нд̇и вад̇д̇аб̣б̣з г̇аат̇ааб̣анд̇хасукад̇т̇ам̣ суманасад̣̇д̣̇асса лобам̣ гад̇ваа ‘‘ж̇аад̇ибубпа’’нд̇и вуд̇д̇ам̣, д̇ам̣ ж̇аад̇исуманабубпам̣ г̇ахзд̇ваа г̇ант̇ид̇ваа т̇уубамхи ааробаяим̣, ааробзд̇ваа бууж̇зсинд̇и ад̇т̇о. сзсам̣ сувин̃н̃зяяамзваад̇и.
6.Nisseṇiṃ māpayitvānāti nissāya taṃ iṇanti gacchanti ārohanti uparīti nisseṇi, taṃ nisseṇiṃ māpayitvā kāretvā bandhitvā thūpaseṭṭhaṃ samāruhinti sambandho. Jātipupphaṃ gahetvānāti jāyamānameva janānaṃ sundaraṃ manaṃ karotīti jātisumanaṃ, jātisumanameva pupphaṃ ‘‘jātisumanapuppha’’nti vattabbe gāthābandhasukhatthaṃ sumanasaddassa lopaṃ katvā ‘‘jātipuppha’’nti vuttaṃ, taṃ jātisumanapupphaṃ gahetvā ganthitvā thūpamhi āropayiṃ, āropetvā pūjesinti attho. Sesaṃ suviññeyyamevāti.
т̇амбхааробагад̇т̇зраабад̣̇аанаван̣н̣анаа самад̇д̇аа.
Thambhāropakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 2. т̇амбхааробагад̇т̇зраабад̣̇аанам̣ • 2. Thambhāropakattheraapadānaṃ
