| Library / Tipiṭaka / තිපිටක • Tipiṭaka / මිලින්‌දපඤ්‌හපාළි • Milindapañhapāḷi |
2. ථනස්‌සිතදාරකඞ්‌ගපඤ්‌හො
2. Thanassitadārakaṅgapañho
2. ‘‘භන්‌තෙ නාගසෙන, ‘ථනස්‌සිතදාරකස්‌ස එකං අඞ්‌ගං ගහෙතබ්‌බ’න්‌ති යං වදෙසි, කතමං තං එකං අඞ්‌ගං ගහෙතබ්‌බ’’න්‌ති ? ‘‘යථා, මහාරාජ, ථනස්‌සිතදාරකො සදත්‌ථෙ ලග්‌ගති, ඛීරත්‌ථිකො රොදති, එවමෙව ඛො, මහාරාජ, යොගිනා යොගාවචරෙන සදත්‌ථෙ ලග්‌ගිතබ්‌බං, සබ්‌බත්‌ථ ධම්‌මඤාණෙන භවිතබ්‌බං, උද්‌දෙසෙ පරිපුච්‌ඡාය සම්‌මප්‌පයොගෙ පවිවෙකෙ ගරුසංවාසෙ කල්‍යාණමිත්‌තසෙවනෙ. ඉදං, මහාරාජ, ථනස්‌සිතදාරකස්‌ස එකං අඞ්‌ගං ගහෙතබ්‌බං. භාසිතම්‌පෙතං, මහාරාජ, භගවතා දෙවාතිදෙවෙන දීඝනිකායවරෙ පරිනිබ්‌බානසුත්‌තන්‌තෙ –
2. ‘‘Bhante nāgasena, ‘thanassitadārakassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti ? ‘‘Yathā, mahārāja, thanassitadārako sadatthe laggati, khīratthiko rodati, evameva kho, mahārāja, yoginā yogāvacarena sadatthe laggitabbaṃ, sabbattha dhammañāṇena bhavitabbaṃ, uddese paripucchāya sammappayoge paviveke garusaṃvāse kalyāṇamittasevane. Idaṃ, mahārāja, thanassitadārakassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena dīghanikāyavare parinibbānasuttante –
‘‘‘ඉඞ්‌ඝං තුම්‌හෙ, ආනන්‌ද, සාරත්‌ථෙ 1 ඝටථ, සාරත්‌ථෙ අනුයුඤ්‌ජථ;
‘‘‘Iṅghaṃ tumhe, ānanda, sāratthe 2 ghaṭatha, sāratthe anuyuñjatha;
සාරත්‌ථෙ අප්‌පමත්‌තා ආතාපිනො පහිතත්‌තා විහරථා’’’ති.
Sāratthe appamattā ātāpino pahitattā viharathā’’’ti.
ථනස්‌සිතදාරකඞ්‌ගපඤ්‌හො දුතියො.
Thanassitadārakaṅgapañho dutiyo.
Footnotes:
