| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༢. ཐནསྶིཏདཱརཀངྒཔཉྷོ
2. Thanassitadārakaṅgapañho
༢. ‘‘བྷནྟེ ནཱགསེན, ‘ཐནསྶིཏདཱརཀསྶ ཨེཀཾ ཨངྒཾ གཧེཏབྦ’ནྟི ཡཾ ཝདེསི, ཀཏམཾ ཏཾ ཨེཀཾ ཨངྒཾ གཧེཏབྦ’’ནྟི ? ‘‘ཡཐཱ, མཧཱརཱཛ, ཐནསྶིཏདཱརཀོ སདཏྠེ ལགྒཏི, ཁཱིརཏྠིཀོ རོདཏི, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན སདཏྠེ ལགྒིཏབྦཾ, སབྦཏྠ དྷམྨཉཱཎེན བྷཝིཏབྦཾ, ཨུདྡེསེ པརིཔུཙྪཱཡ སམྨཔྤཡོགེ པཝིཝེཀེ གརུསཾཝཱསེ ཀལྱཱཎམིཏྟསེཝནེ། ཨིདཾ, མཧཱརཱཛ, ཐནསྶིཏདཱརཀསྶ ཨེཀཾ ཨངྒཾ གཧེཏབྦཾ། བྷཱསིཏམྤེཏཾ, མཧཱརཱཛ, བྷགཝཏཱ དེཝཱཏིདེཝེན དཱིགྷནིཀཱཡཝརེ པརིནིབྦཱནསུཏྟནྟེ –
2. ‘‘Bhante nāgasena, ‘thanassitadārakassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti ? ‘‘Yathā, mahārāja, thanassitadārako sadatthe laggati, khīratthiko rodati, evameva kho, mahārāja, yoginā yogāvacarena sadatthe laggitabbaṃ, sabbattha dhammañāṇena bhavitabbaṃ, uddese paripucchāya sammappayoge paviveke garusaṃvāse kalyāṇamittasevane. Idaṃ, mahārāja, thanassitadārakassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena dīghanikāyavare parinibbānasuttante –
‘‘‘ཨིངྒྷཾ ཏུམྷེ, ཨཱནནྡ, སཱརཏྠེ 1 གྷཊཐ, སཱརཏྠེ ཨནུཡུཉྫཐ།
‘‘‘Iṅghaṃ tumhe, ānanda, sāratthe 2 ghaṭatha, sāratthe anuyuñjatha;
སཱརཏྠེ ཨཔྤམཏྟཱ ཨཱཏཱཔིནོ པཧིཏཏྟཱ ཝིཧརཐཱ’’’ཏི༎
Sāratthe appamattā ātāpino pahitattā viharathā’’’ti.
ཐནསྶིཏདཱརཀངྒཔཉྷོ དུཏིཡོ།
Thanassitadārakaṅgapañho dutiyo.
Footnotes:
