| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੨. ਥਨਸ੍ਸਿਤਦਾਰਕਙ੍ਗਪਞ੍ਹੋ
2. Thanassitadārakaṅgapañho
੨. ‘‘ਭਨ੍ਤੇ ਨਾਗਸੇਨ, ‘ਥਨਸ੍ਸਿਤਦਾਰਕਸ੍ਸ ਏਕਂ ਅਙ੍ਗਂ ਗਹੇਤਬ੍ਬ’ਨ੍ਤਿ ਯਂ વਦੇਸਿ, ਕਤਮਂ ਤਂ ਏਕਂ ਅਙ੍ਗਂ ਗਹੇਤਬ੍ਬ’’ਨ੍ਤਿ ? ‘‘ਯਥਾ, ਮਹਾਰਾਜ, ਥਨਸ੍ਸਿਤਦਾਰਕੋ ਸਦਤ੍ਥੇ ਲਗ੍ਗਤਿ, ਖੀਰਤ੍ਥਿਕੋ ਰੋਦਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਸਦਤ੍ਥੇ ਲਗ੍ਗਿਤਬ੍ਬਂ, ਸਬ੍ਬਤ੍ਥ ਧਮ੍ਮਞਾਣੇਨ ਭવਿਤਬ੍ਬਂ, ਉਦ੍ਦੇਸੇ ਪਰਿਪੁਚ੍ਛਾਯ ਸਮ੍ਮਪ੍ਪਯੋਗੇ ਪવਿવੇਕੇ ਗਰੁਸਂવਾਸੇ ਕਲ੍ਯਾਣਮਿਤ੍ਤਸੇવਨੇ। ਇਦਂ, ਮਹਾਰਾਜ, ਥਨਸ੍ਸਿਤਦਾਰਕਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਦੇવਾਤਿਦੇવੇਨ ਦੀਘਨਿਕਾਯવਰੇ ਪਰਿਨਿਬ੍ਬਾਨਸੁਤ੍ਤਨ੍ਤੇ –
2. ‘‘Bhante nāgasena, ‘thanassitadārakassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti ? ‘‘Yathā, mahārāja, thanassitadārako sadatthe laggati, khīratthiko rodati, evameva kho, mahārāja, yoginā yogāvacarena sadatthe laggitabbaṃ, sabbattha dhammañāṇena bhavitabbaṃ, uddese paripucchāya sammappayoge paviveke garusaṃvāse kalyāṇamittasevane. Idaṃ, mahārāja, thanassitadārakassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena dīghanikāyavare parinibbānasuttante –
‘‘‘ਇਙ੍ਘਂ ਤੁਮ੍ਹੇ, ਆਨਨ੍ਦ, ਸਾਰਤ੍ਥੇ 1 ਘਟਥ, ਸਾਰਤ੍ਥੇ ਅਨੁਯੁਞ੍ਜਥ।
‘‘‘Iṅghaṃ tumhe, ānanda, sāratthe 2 ghaṭatha, sāratthe anuyuñjatha;
ਸਾਰਤ੍ਥੇ ਅਪ੍ਪਮਤ੍ਤਾ ਆਤਾਪਿਨੋ ਪਹਿਤਤ੍ਤਾ વਿਹਰਥਾ’’’ਤਿ॥
Sāratthe appamattā ātāpino pahitattā viharathā’’’ti.
ਥਨਸ੍ਸਿਤਦਾਰਕਙ੍ਗਪਞ੍ਹੋ ਦੁਤਿਯੋ।
Thanassitadārakaṅgapañho dutiyo.
Footnotes:
