| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. таанасуд̇д̇ам̣
2. Ṭhānasuttaṃ
192. ‘‘жад̇д̇ааримаани, бхигкавз, таанаани жад̇уухи таанзхи взд̣̇ид̇аб̣б̣аани. гад̇амаани жад̇д̇аари? сам̣ваасзна, бхигкавз, сийлам̣ взд̣̇ид̇аб̣б̣ам̣, д̇ан̃жа ко д̣̇ийгхзна ад̣̇д̇хунаа, на ид̇д̇арам̣; манасигарод̇аа, но аманасигарод̇аа; бан̃н̃авад̇аа, но д̣̇уббан̃н̃зна. сам̣вохаарзна, бхигкавз, сожзяяам̣ взд̣̇ид̇аб̣б̣ам̣, д̇ан̃жа ко д̣̇ийгхзна ад̣̇д̇хунаа, на ид̇д̇арам̣; манасигарод̇аа, но аманасигарод̇аа; бан̃н̃авад̇аа, но д̣̇уббан̃н̃зна. аабад̣̇аасу, бхигкавз, т̇аамо взд̣̇ид̇аб̣б̣о, со жа ко д̣̇ийгхзна ад̣̇д̇хунаа , на ид̇д̇арам̣; манасигарод̇аа, но аманасигарод̇аа; бан̃н̃авад̇аа, но д̣̇уббан̃н̃зна. саагажчааяа, бхигкавз, бан̃н̃аа взд̣̇ид̇аб̣б̣аа, саа жа ко д̣̇ийгхзна ад̣̇д̇хунаа, на ид̇д̇арам̣; манасигарод̇аа, но аманасигарод̇аа; бан̃н̃авад̇аа, но д̣̇уббан̃н̃знаад̇и.
192. ‘‘Cattārimāni, bhikkhave, ṭhānāni catūhi ṭhānehi veditabbāni. Katamāni cattāri? Saṃvāsena, bhikkhave, sīlaṃ veditabbaṃ, tañca kho dīghena addhunā, na ittaraṃ; manasikarotā, no amanasikarotā; paññavatā, no duppaññena. Saṃvohārena, bhikkhave, soceyyaṃ veditabbaṃ, tañca kho dīghena addhunā, na ittaraṃ; manasikarotā, no amanasikarotā; paññavatā, no duppaññena. Āpadāsu, bhikkhave, thāmo veditabbo, so ca kho dīghena addhunā , na ittaraṃ; manasikarotā, no amanasikarotā; paññavatā, no duppaññena. Sākacchāya, bhikkhave, paññā veditabbā, sā ca kho dīghena addhunā, na ittaraṃ; manasikarotā, no amanasikarotā; paññavatā, no duppaññenāti.
1 ‘‘‘сам̣ваасзна , бхигкавз, сийлам̣ взд̣̇ид̇аб̣б̣ам̣, д̇ан̃жа ко д̣̇ийгхзна ад̣̇д̇хунаа, на ид̇д̇арам̣; манасигарод̇аа, но аманасигарод̇аа; бан̃н̃авад̇аа, но д̣̇уббан̃н̃знаа’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ид̇ха, бхигкавз, буг̇г̇ало буг̇г̇алзна сад̣̇д̇хим̣ сам̣васамаано звам̣ ж̇аанаад̇и – ‘д̣̇ийгхарад̇д̇ам̣ ко аяамааяасмаа кан̣д̣агаарий чид̣̇д̣̇агаарий саб̣алагаарий гаммаасагаарий, на санд̇ад̇агаарий на санд̇ад̇авуд̇д̇и 2; сийлзсу д̣̇уссийло аяамааяасмаа, нааяамааяасмаа сийлаваа’’’д̇и.
3 ‘‘‘Saṃvāsena , bhikkhave, sīlaṃ veditabbaṃ, tañca kho dīghena addhunā, na ittaraṃ; manasikarotā, no amanasikarotā; paññavatā, no duppaññenā’ti, iti kho panetaṃ vuttaṃ. Kiñcetaṃ paṭicca vuttaṃ? Idha, bhikkhave, puggalo puggalena saddhiṃ saṃvasamāno evaṃ jānāti – ‘dīgharattaṃ kho ayamāyasmā khaṇḍakārī chiddakārī sabalakārī kammāsakārī, na santatakārī na santatavutti 4; sīlesu dussīlo ayamāyasmā, nāyamāyasmā sīlavā’’’ti.
‘‘‘ид̇ха бана, бхигкавз, буг̇г̇ало буг̇г̇алзна сад̣̇д̇хим̣ сам̣васамаано звам̣ ж̇аанаад̇и – ‘д̣̇ийгхарад̇д̇ам̣ ко аяамааяасмаа акан̣д̣агаарий ажчид̣̇д̣̇агаарий асаб̣алагаарий агаммаасагаарий санд̇ад̇агаарий санд̇ад̇авуд̇д̇и; сийлзсу сийлаваа аяамааяасмаа, нааяамааяасмаа д̣̇уссийло’д̇и. ‘сам̣ваасзна, бхигкавз, сийлам̣ взд̣̇ид̇аб̣б̣ам̣, д̇ан̃жа ко д̣̇ийгхзна ад̣̇д̇хунаа, на ид̇д̇арам̣; манасигарод̇аа, но аманасигарод̇аа; бан̃н̃авад̇аа, но д̣̇уббан̃н̃знаа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Idha pana, bhikkhave, puggalo puggalena saddhiṃ saṃvasamāno evaṃ jānāti – ‘dīgharattaṃ kho ayamāyasmā akhaṇḍakārī acchiddakārī asabalakārī akammāsakārī santatakārī santatavutti; sīlesu sīlavā ayamāyasmā, nāyamāyasmā dussīlo’ti. ‘Saṃvāsena, bhikkhave, sīlaṃ veditabbaṃ, tañca kho dīghena addhunā, na ittaraṃ; manasikarotā, no amanasikarotā; paññavatā, no duppaññenā’ti, iti yaṃ taṃ vuttaṃ idametaṃ paṭicca vuttaṃ.
‘‘‘сам̣вохаарзна, бхигкавз, сожзяяам̣ взд̣̇ид̇аб̣б̣ам̣, д̇ан̃жа ко д̣̇ийгхзна ад̣̇д̇хунаа, на ид̇д̇арам̣; манасигарод̇аа, но аманасигарод̇аа; бан̃н̃авад̇аа, но д̣̇уббан̃н̃знаа’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ид̇ха, бхигкавз, буг̇г̇ало буг̇г̇алзна сад̣̇д̇хим̣ сам̣вохарамаано звам̣ ж̇аанаад̇и – ‘ан̃н̃ат̇аа ко аяамааяасмаа згзна зго вохарад̇и, ан̃н̃ат̇аа д̣̇вийхи, ан̃н̃ат̇аа д̇ийхи, ан̃н̃ат̇аа самб̣ахулзхи; воггамад̇и аяамааяасмаа буримавохаараа бажчимавохаарам̣; абарисуд̣̇д̇хавохааро аяамааяасмаа, нааяамааяасмаа барисуд̣̇д̇хавохааро’’’д̇и.
‘‘‘Saṃvohārena, bhikkhave, soceyyaṃ veditabbaṃ, tañca kho dīghena addhunā, na ittaraṃ; manasikarotā, no amanasikarotā; paññavatā, no duppaññenā’ti, iti kho panetaṃ vuttaṃ. Kiñcetaṃ paṭicca vuttaṃ? Idha, bhikkhave, puggalo puggalena saddhiṃ saṃvoharamāno evaṃ jānāti – ‘aññathā kho ayamāyasmā ekena eko voharati, aññathā dvīhi, aññathā tīhi, aññathā sambahulehi; vokkamati ayamāyasmā purimavohārā pacchimavohāraṃ; aparisuddhavohāro ayamāyasmā, nāyamāyasmā parisuddhavohāro’’’ti.
‘‘ид̇ха бана, бхигкавз, буг̇г̇ало буг̇г̇алзна сад̣̇д̇хим̣ сам̣вохарамаано звам̣ ж̇аанаад̇и – ‘яат̇зва ко аяамааяасмаа згзна зго вохарад̇и, д̇ат̇аа д̣̇вийхи, д̇ат̇аа д̇ийхи, д̇ат̇аа самб̣ахулзхи. нааяамааяасмаа воггамад̇и буримавохаараа бажчимавохаарам̣; барисуд̣̇д̇хавохааро аяамааяасмаа, нааяамааяасмаа абарисуд̣̇д̇хавохааро’д̇и . ‘сам̣вохаарзна, бхигкавз, сожзяяам̣ взд̣̇ид̇аб̣б̣ам̣, д̇ан̃жа ко д̣̇ийгхзна ад̣̇д̇хунаа, на ид̇д̇арам̣; манасигарод̇аа, но аманасигарод̇аа; бан̃н̃авад̇аа, но д̣̇уббан̃н̃знаа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘Idha pana, bhikkhave, puggalo puggalena saddhiṃ saṃvoharamāno evaṃ jānāti – ‘yatheva kho ayamāyasmā ekena eko voharati, tathā dvīhi, tathā tīhi, tathā sambahulehi. Nāyamāyasmā vokkamati purimavohārā pacchimavohāraṃ; parisuddhavohāro ayamāyasmā, nāyamāyasmā aparisuddhavohāro’ti . ‘Saṃvohārena, bhikkhave, soceyyaṃ veditabbaṃ, tañca kho dīghena addhunā, na ittaraṃ; manasikarotā, no amanasikarotā; paññavatā, no duppaññenā’ti, iti yaṃ taṃ vuttaṃ idametaṃ paṭicca vuttaṃ.
‘‘‘аабад̣̇аасу, бхигкавз, т̇аамо взд̣̇ид̇аб̣б̣о, со жа ко д̣̇ийгхзна ад̣̇д̇хунаа, на ид̇д̇арам̣; манасигарод̇аа, но аманасигарод̇аа; бан̃н̃авад̇аа, но д̣̇уббан̃н̃знаа’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ид̇ха, бхигкавз, згажжо н̃аад̇иб̣яасанзна ваа пудто самаано, бхог̇аб̣яасанзна ваа пудто самаано, рог̇аб̣яасанзна ваа пудто самаано на ид̇и бадисан̃жигкад̇и – ‘д̇ат̇аабхууд̇о ко аяам̣ логасанниваасо д̇ат̇аабхууд̇о аяам̣ ад̇д̇абхаавабадилаабхо яат̇аабхууд̇з логасанниваасз яат̇аабхууд̇з ад̇д̇абхаавабадилаабхз адта логад̇хаммаа логам̣ анубаривад̇д̇анд̇и лого жа адта логад̇хаммз анубаривад̇д̇ад̇и – лаабхо жа, алаабхо жа, яасо жа, аяасо жа, нинд̣̇аа жа, басам̣саа жа, сукан̃жа, д̣̇угкан̃жаа’д̇и. со н̃аад̇иб̣яасанзна ваа пудто самаано бхог̇аб̣яасанзна ваа пудто самаано рог̇аб̣яасанзна ваа пудто самаано сожад̇и гиламад̇и барид̣̇звад̇и, урад̇д̇аал̣им̣ ганд̣̇ад̇и, саммохам̣ аабаж̇ж̇ад̇и.
‘‘‘Āpadāsu, bhikkhave, thāmo veditabbo, so ca kho dīghena addhunā, na ittaraṃ; manasikarotā, no amanasikarotā; paññavatā, no duppaññenā’ti, iti kho panetaṃ vuttaṃ. Kiñcetaṃ paṭicca vuttaṃ? Idha, bhikkhave, ekacco ñātibyasanena vā phuṭṭho samāno, bhogabyasanena vā phuṭṭho samāno, rogabyasanena vā phuṭṭho samāno na iti paṭisañcikkhati – ‘tathābhūto kho ayaṃ lokasannivāso tathābhūto ayaṃ attabhāvapaṭilābho yathābhūte lokasannivāse yathābhūte attabhāvapaṭilābhe aṭṭha lokadhammā lokaṃ anuparivattanti loko ca aṭṭha lokadhamme anuparivattati – lābho ca, alābho ca, yaso ca, ayaso ca, nindā ca, pasaṃsā ca, sukhañca, dukkhañcā’ti. So ñātibyasanena vā phuṭṭho samāno bhogabyasanena vā phuṭṭho samāno rogabyasanena vā phuṭṭho samāno socati kilamati paridevati, urattāḷiṃ kandati, sammohaṃ āpajjati.
‘‘ид̇ха бана, бхигкавз, згажжо н̃аад̇иб̣яасанзна ваа пудто самаано бхог̇аб̣яасанзна ваа пудто самаано рог̇аб̣яасанзна ваа пудто самаано ид̇и бадисан̃жигкад̇и – ‘д̇ат̇аабхууд̇о ко аяам̣ логасанниваасо д̇ат̇аабхууд̇о аяам̣ ад̇д̇абхаавабадилаабхо яат̇аабхууд̇з логасанниваасз яат̇аабхууд̇з ад̇д̇абхаавабадилаабхз адта логад̇хаммаа логам̣ анубаривад̇д̇анд̇и лого жа адта логад̇хаммз анубаривад̇д̇ад̇и – лаабхо жа, алаабхо жа, яасо жа, аяасо жа, нинд̣̇аа жа, басам̣саа жа, сукан̃жа, д̣̇угкан̃жаа’д̇и. со н̃аад̇иб̣яасанзна ваа пудто самаано бхог̇аб̣яасанзна ваа пудто самаано рог̇аб̣яасанзна ваа пудто самаано на сожад̇и на гиламад̇и на барид̣̇звад̇и, на урад̇д̇аал̣им̣ ганд̣̇ад̇и, на саммохам̣ аабаж̇ж̇ад̇и. ‘аабад̣̇аасу, бхигкавз, т̇аамо взд̣̇ид̇аб̣б̣о, со жа ко д̣̇ийгхзна ад̣̇д̇хунаа, на ид̇д̇арам̣; манасигарод̇аа, но аманасигарод̇аа; бан̃н̃авад̇аа, но д̣̇уббан̃н̃знаа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘Idha pana, bhikkhave, ekacco ñātibyasanena vā phuṭṭho samāno bhogabyasanena vā phuṭṭho samāno rogabyasanena vā phuṭṭho samāno iti paṭisañcikkhati – ‘tathābhūto kho ayaṃ lokasannivāso tathābhūto ayaṃ attabhāvapaṭilābho yathābhūte lokasannivāse yathābhūte attabhāvapaṭilābhe aṭṭha lokadhammā lokaṃ anuparivattanti loko ca aṭṭha lokadhamme anuparivattati – lābho ca, alābho ca, yaso ca, ayaso ca, nindā ca, pasaṃsā ca, sukhañca, dukkhañcā’ti. So ñātibyasanena vā phuṭṭho samāno bhogabyasanena vā phuṭṭho samāno rogabyasanena vā phuṭṭho samāno na socati na kilamati na paridevati, na urattāḷiṃ kandati, na sammohaṃ āpajjati. ‘Āpadāsu, bhikkhave, thāmo veditabbo, so ca kho dīghena addhunā, na ittaraṃ; manasikarotā, no amanasikarotā; paññavatā, no duppaññenā’ti, iti yaṃ taṃ vuttaṃ idametaṃ paṭicca vuttaṃ.
‘‘‘саагажчааяа, бхигкавз, бан̃н̃аа взд̣̇ид̇аб̣б̣аа, саа жа ко д̣̇ийгхзна ад̣̇д̇хунаа, на ид̇д̇арам̣; манасигарод̇аа, но аманасигарод̇аа; бан̃н̃авад̇аа, но д̣̇уббан̃н̃знаа’д̇и , ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ид̇ха, бхигкавз, буг̇г̇ало буг̇г̇алзна сад̣̇д̇хим̣ саагажчааяамаано звам̣ ж̇аанаад̇и – ‘яат̇аа ко имасса ааяасмад̇о уммаг̇г̇о яат̇аа жа абхинийхааро яат̇аа жа бан̃хаасамуд̣̇аахааро, д̣̇уббан̃н̃о аяамааяасмаа, нааяамааяасмаа бан̃н̃аваа. д̇ам̣ гисса хзд̇у? д̇ат̇аа хи аяамааяасмаа на жзва г̇амбхийрам̣ ад̇т̇абад̣̇ам̣ уд̣̇аахарад̇и санд̇ам̣ бан̣ийд̇ам̣ ад̇аггааважарам̣ нибун̣ам̣ бан̣д̣ид̇авзд̣̇анийяам̣. яан̃жа аяамааяасмаа д̇хаммам̣ бхаасад̇и д̇асса жа наббадиб̣ало сам̣кид̇д̇зна ваа вид̇т̇аарзна ваа ад̇т̇ам̣ аажигкид̇ум̣ д̣̇зсзд̇ум̣ бан̃н̃аабзд̇ум̣ бадтабзд̇ум̣ виварид̇ум̣ вибхаж̇ид̇ум̣ уд̇д̇аанийгаад̇ум̣. д̣̇уббан̃н̃о аяамааяасмаа, нааяамааяасмаа бан̃н̃аваа’’’д̇и.
‘‘‘Sākacchāya, bhikkhave, paññā veditabbā, sā ca kho dīghena addhunā, na ittaraṃ; manasikarotā, no amanasikarotā; paññavatā, no duppaññenā’ti , iti kho panetaṃ vuttaṃ. Kiñcetaṃ paṭicca vuttaṃ? Idha, bhikkhave, puggalo puggalena saddhiṃ sākacchāyamāno evaṃ jānāti – ‘yathā kho imassa āyasmato ummaggo yathā ca abhinīhāro yathā ca pañhāsamudāhāro, duppañño ayamāyasmā, nāyamāyasmā paññavā. Taṃ kissa hetu? Tathā hi ayamāyasmā na ceva gambhīraṃ atthapadaṃ udāharati santaṃ paṇītaṃ atakkāvacaraṃ nipuṇaṃ paṇḍitavedanīyaṃ. Yañca ayamāyasmā dhammaṃ bhāsati tassa ca nappaṭibalo saṃkhittena vā vitthārena vā atthaṃ ācikkhituṃ desetuṃ paññāpetuṃ paṭṭhapetuṃ vivarituṃ vibhajituṃ uttānīkātuṃ. Duppañño ayamāyasmā, nāyamāyasmā paññavā’’’ti.
‘‘сзяяат̇ааби, бхигкавз, жагкумаа бурисо уд̣̇агарахад̣̇асса д̇ийрз тид̇о бассзяяа барид̇д̇ам̣ мажчам̣ уммуж̇ж̇амаанам̣. д̇асса звамасса – ‘яат̇аа ко имасса мажчасса уммаг̇г̇о яат̇аа жа уумигхаад̇о яат̇аа жа взг̇ааяид̇ад̇д̇ам̣, барид̇д̇о аяам̣ мажчо, нааяам̣ мажчо маханд̇о’д̇и. звамзвам̣ ко, бхигкавз, буг̇г̇ало буг̇г̇алзна сад̣̇д̇хим̣ саагажчааяамаано звам̣ ж̇аанаад̇и – ‘яат̇аа ко имасса ааяасмад̇о уммаг̇г̇о яат̇аа жа абхинийхааро яат̇аа жа бан̃хаасамуд̣̇аахааро, д̣̇уббан̃н̃о аяамааяасмаа, нааяамааяасмаа бан̃н̃аваа. д̇ам̣ гисса хзд̇у? д̇ат̇аа хи аяамааяасмаа на жзва г̇амбхийрам̣ ад̇т̇абад̣̇ам̣ уд̣̇аахарад̇и санд̇ам̣ бан̣ийд̇ам̣ ад̇аггааважарам̣ нибун̣ам̣ бан̣д̣ид̇авзд̣̇анийяам̣. яан̃жа аяамааяасмаа д̇хаммам̣ бхаасад̇и, д̇асса жа на бадиб̣ало сам̣кид̇д̇зна ваа вид̇т̇аарзна ваа ад̇т̇ам̣ аажигкид̇ум̣ д̣̇зсзд̇ум̣ бан̃н̃аабзд̇ум̣ бадтабзд̇ум̣ виварид̇ум̣ вибхаж̇ид̇ум̣ уд̇д̇аанийгаад̇ум̣. д̣̇уббан̃н̃о аяамааяасмаа, нааяамааяасмаа бан̃н̃аваа’’’д̇и.
‘‘Seyyathāpi, bhikkhave, cakkhumā puriso udakarahadassa tīre ṭhito passeyya parittaṃ macchaṃ ummujjamānaṃ. Tassa evamassa – ‘yathā kho imassa macchassa ummaggo yathā ca ūmighāto yathā ca vegāyitattaṃ, paritto ayaṃ maccho, nāyaṃ maccho mahanto’ti. Evamevaṃ kho, bhikkhave, puggalo puggalena saddhiṃ sākacchāyamāno evaṃ jānāti – ‘yathā kho imassa āyasmato ummaggo yathā ca abhinīhāro yathā ca pañhāsamudāhāro, duppañño ayamāyasmā, nāyamāyasmā paññavā. Taṃ kissa hetu? Tathā hi ayamāyasmā na ceva gambhīraṃ atthapadaṃ udāharati santaṃ paṇītaṃ atakkāvacaraṃ nipuṇaṃ paṇḍitavedanīyaṃ. Yañca ayamāyasmā dhammaṃ bhāsati, tassa ca na paṭibalo saṃkhittena vā vitthārena vā atthaṃ ācikkhituṃ desetuṃ paññāpetuṃ paṭṭhapetuṃ vivarituṃ vibhajituṃ uttānīkātuṃ. Duppañño ayamāyasmā, nāyamāyasmā paññavā’’’ti.
‘‘ид̇ха бана, бхигкавз, буг̇г̇ало буг̇г̇алзна сад̣̇д̇хим̣ саагажчааяамаано звам̣ ж̇аанаад̇и – ‘яат̇аа ко имасса ааяасмад̇о уммаг̇г̇о яат̇аа жа абхинийхааро яат̇аа жа бан̃хаасамуд̣̇аахааро, бан̃н̃аваа аяамааяасмаа, нааяамааяасмаа д̣̇уббан̃н̃о. д̇ам̣ гисса хзд̇у? д̇ат̇аа хи аяамааяасмаа г̇амбхийран̃жзва ад̇т̇абад̣̇ам̣ уд̣̇аахарад̇и санд̇ам̣ бан̣ийд̇ам̣ ад̇аггааважарам̣ нибун̣ам̣ бан̣д̣ид̇авзд̣̇анийяам̣. яан̃жа аяамааяасмаа д̇хаммам̣ бхаасад̇и, д̇асса жа бадиб̣ало сам̣кид̇д̇зна ваа вид̇т̇аарзна ваа ад̇т̇ам̣ аажигкид̇ум̣ д̣̇зсзд̇ум̣ бан̃н̃аабзд̇ум̣ бадтабзд̇ум̣ виварид̇ум̣ вибхаж̇ид̇ум̣ уд̇д̇аанийгаад̇ум̣. бан̃н̃аваа аяамааяасмаа, нааяамааяасмаа д̣̇уббан̃н̃о’’’д̇и.
‘‘Idha pana, bhikkhave, puggalo puggalena saddhiṃ sākacchāyamāno evaṃ jānāti – ‘yathā kho imassa āyasmato ummaggo yathā ca abhinīhāro yathā ca pañhāsamudāhāro, paññavā ayamāyasmā, nāyamāyasmā duppañño. Taṃ kissa hetu? Tathā hi ayamāyasmā gambhīrañceva atthapadaṃ udāharati santaṃ paṇītaṃ atakkāvacaraṃ nipuṇaṃ paṇḍitavedanīyaṃ. Yañca ayamāyasmā dhammaṃ bhāsati, tassa ca paṭibalo saṃkhittena vā vitthārena vā atthaṃ ācikkhituṃ desetuṃ paññāpetuṃ paṭṭhapetuṃ vivarituṃ vibhajituṃ uttānīkātuṃ. Paññavā ayamāyasmā, nāyamāyasmā duppañño’’’ti.
‘‘сзяяат̇ааби , бхигкавз, жагкумаа бурисо уд̣̇агарахад̣̇асса д̇ийрз тид̇о бассзяяа маханд̇ам̣ мажчам̣ уммуж̇ж̇амаанам̣. д̇асса звамасса – ‘яат̇аа ко имасса мажчасса уммаг̇г̇о яат̇аа жа уумигхаад̇о яат̇аа жа взг̇ааяид̇ад̇д̇ам̣, маханд̇о аяам̣ мажчо, нааяам̣ мажчо барид̇д̇о’д̇и. звамзвам̣ ко, бхигкавз, буг̇г̇ало буг̇г̇алзна сад̣̇д̇хим̣ саагажчааяамаано звам̣ ж̇аанаад̇и – ‘яат̇аа ко имасса ааяасмад̇о уммаг̇г̇о яат̇аа жа абхинийхааро яат̇аа жа бан̃хаасамуд̣̇аахааро, бан̃н̃аваа аяамааяасмаа, нааяамааяасмаа д̣̇уббан̃н̃о. д̇ам̣ гисса хзд̇у? д̇ат̇аа хи аяамааяасмаа г̇амбхийран̃жзва ад̇т̇абад̣̇ам̣ уд̣̇аахарад̇и санд̇ам̣ бан̣ийд̇ам̣ ад̇аггааважарам̣ нибун̣ам̣ бан̣д̣ид̇авзд̣̇анийяам̣. яан̃жа аяамааяасмаа д̇хаммам̣ бхаасад̇и, д̇асса жа бадиб̣ало сам̣кид̇д̇зна ваа вид̇т̇аарзна ваа ад̇т̇ам̣ аажигкид̇ум̣ д̣̇зсзд̇ум̣ бан̃н̃аабзд̇ум̣ бадтабзд̇ум̣ виварид̇ум̣ вибхаж̇ид̇ум̣ уд̇д̇аанийгаад̇ум̣. бан̃н̃аваа аяамааяасмаа, нааяамааяасмаа д̣̇уббан̃н̃о’д̇и.
‘‘Seyyathāpi , bhikkhave, cakkhumā puriso udakarahadassa tīre ṭhito passeyya mahantaṃ macchaṃ ummujjamānaṃ. Tassa evamassa – ‘yathā kho imassa macchassa ummaggo yathā ca ūmighāto yathā ca vegāyitattaṃ, mahanto ayaṃ maccho, nāyaṃ maccho paritto’ti. Evamevaṃ kho, bhikkhave, puggalo puggalena saddhiṃ sākacchāyamāno evaṃ jānāti – ‘yathā kho imassa āyasmato ummaggo yathā ca abhinīhāro yathā ca pañhāsamudāhāro, paññavā ayamāyasmā, nāyamāyasmā duppañño. Taṃ kissa hetu? Tathā hi ayamāyasmā gambhīrañceva atthapadaṃ udāharati santaṃ paṇītaṃ atakkāvacaraṃ nipuṇaṃ paṇḍitavedanīyaṃ. Yañca ayamāyasmā dhammaṃ bhāsati, tassa ca paṭibalo saṃkhittena vā vitthārena vā atthaṃ ācikkhituṃ desetuṃ paññāpetuṃ paṭṭhapetuṃ vivarituṃ vibhajituṃ uttānīkātuṃ. Paññavā ayamāyasmā, nāyamāyasmā duppañño’ti.
‘‘‘саагажчааяа, бхигкавз, бан̃н̃аа взд̣̇ид̇аб̣б̣аа, саа жа ко д̣̇ийгхзна ад̣̇д̇хунаа, на ид̇д̇арам̣; манасигарод̇аа, но аманасигарод̇аа; бан̃н̃авад̇аа, но д̣̇уббан̃н̃знаа’д̇и , ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣. имаани ко, бхигкавз, жад̇д̇аари таанаани имзхи жад̇уухи таанзхи взд̣̇ид̇аб̣б̣ааний’’д̇и. д̣̇уд̇ияам̣.
‘‘‘Sākacchāya, bhikkhave, paññā veditabbā, sā ca kho dīghena addhunā, na ittaraṃ; manasikarotā, no amanasikarotā; paññavatā, no duppaññenā’ti , iti yaṃ taṃ vuttaṃ idametaṃ paṭicca vuttaṃ. Imāni kho, bhikkhave, cattāri ṭhānāni imehi catūhi ṭhānehi veditabbānī’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. таанасуд̇д̇аван̣н̣анаа • 2. Ṭhānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. таанасуд̇д̇аван̣н̣анаа • 2. Ṭhānasuttavaṇṇanā
