| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੫. ਠਾਨਸੁਤ੍ਤਂ
5. Ṭhānasuttaṃ
੧੧੫. ‘‘ਚਤ੍ਤਾਰਿਮਾਨਿ, ਭਿਕ੍ਖવੇ, ਠਾਨਾਨਿ। ਕਤਮਾਨਿ ਚਤ੍ਤਾਰਿ? ਅਤ੍ਥਿ, ਭਿਕ੍ਖવੇ, ਠਾਨਂ ਅਮਨਾਪਂ ਕਾਤੁਂ; ਤਞ੍ਚ ਕਯਿਰਮਾਨਂ ਅਨਤ੍ਥਾਯ ਸਂવਤ੍ਤਤਿ। ਅਤ੍ਥਿ, ਭਿਕ੍ਖવੇ, ਠਾਨਂ ਅਮਨਾਪਂ ਕਾਤੁਂ; ਤਞ੍ਚ ਕਯਿਰਮਾਨਂ ਅਤ੍ਥਾਯ ਸਂવਤ੍ਤਤਿ। ਅਤ੍ਥਿ, ਭਿਕ੍ਖવੇ, ਠਾਨਂ ਮਨਾਪਂ ਕਾਤੁਂ; ਤਞ੍ਚ ਕਯਿਰਮਾਨਂ ਅਨਤ੍ਥਾਯ ਸਂવਤ੍ਤਤਿ। ਅਤ੍ਥਿ, ਭਿਕ੍ਖવੇ, ਠਾਨਂ ਮਨਾਪਂ ਕਾਤੁਂ; ਤਞ੍ਚ ਕਯਿਰਮਾਨਂ ਅਤ੍ਥਾਯ ਸਂવਤ੍ਤਤਿ।
115. ‘‘Cattārimāni, bhikkhave, ṭhānāni. Katamāni cattāri? Atthi, bhikkhave, ṭhānaṃ amanāpaṃ kātuṃ; tañca kayiramānaṃ anatthāya saṃvattati. Atthi, bhikkhave, ṭhānaṃ amanāpaṃ kātuṃ; tañca kayiramānaṃ atthāya saṃvattati. Atthi, bhikkhave, ṭhānaṃ manāpaṃ kātuṃ; tañca kayiramānaṃ anatthāya saṃvattati. Atthi, bhikkhave, ṭhānaṃ manāpaṃ kātuṃ; tañca kayiramānaṃ atthāya saṃvattati.
‘‘ਤਤ੍ਰ, ਭਿਕ੍ਖવੇ, ਯਮਿਦਂ 1 ਠਾਨਂ ਅਮਨਾਪਂ ਕਾਤੁਂ; ਤਞ੍ਚ ਕਯਿਰਮਾਨਂ ਅਨਤ੍ਥਾਯ ਸਂવਤ੍ਤਤਿ – ਇਦਂ, ਭਿਕ੍ਖવੇ, ਠਾਨਂ ਉਭਯੇਨੇવ ਨ ਕਤ੍ਤਬ੍ਬਂ ਮਞ੍ਞਤਿ 2। ਯਮ੍ਪਿਦਂ 3 ਠਾਨਂ ਅਮਨਾਪਂ ਕਾਤੁਂ; ਇਮਿਨਾਪਿ ਨਂ 4 ਨ ਕਤ੍ਤਬ੍ਬਂ ਮਞ੍ਞਤਿ। ਯਮ੍ਪਿਦਂ ਠਾਨਂ ਕਯਿਰਮਾਨਂ ਅਨਤ੍ਥਾਯ ਸਂવਤ੍ਤਤਿ; ਇਮਿਨਾਪਿ ਨਂ 5 ਨ ਕਤ੍ਤਬ੍ਬਂ ਮਞ੍ਞਤਿ। ਇਦਂ, ਭਿਕ੍ਖવੇ, ਠਾਨਂ ਉਭਯੇਨੇવ ਨ ਕਤ੍ਤਬ੍ਬਂ ਮਞ੍ਞਤਿ।
‘‘Tatra, bhikkhave, yamidaṃ 6 ṭhānaṃ amanāpaṃ kātuṃ; tañca kayiramānaṃ anatthāya saṃvattati – idaṃ, bhikkhave, ṭhānaṃ ubhayeneva na kattabbaṃ maññati 7. Yampidaṃ 8 ṭhānaṃ amanāpaṃ kātuṃ; imināpi naṃ 9 na kattabbaṃ maññati. Yampidaṃ ṭhānaṃ kayiramānaṃ anatthāya saṃvattati; imināpi naṃ 10 na kattabbaṃ maññati. Idaṃ, bhikkhave, ṭhānaṃ ubhayeneva na kattabbaṃ maññati.
‘‘ਤਤ੍ਰ, ਭਿਕ੍ਖવੇ, ਯਮਿਦਂ ਠਾਨਂ ਅਮਨਾਪਂ ਕਾਤੁਂ; ਤਞ੍ਚ ਕਯਿਰਮਾਨਂ ਅਤ੍ਥਾਯ ਸਂવਤ੍ਤਤਿ – ਇਮਸ੍ਮਿਂ, ਭਿਕ੍ਖવੇ, ਠਾਨੇ ਬਾਲੋ ਚ ਪਣ੍ਡਿਤੋ ਚ વੇਦਿਤਬ੍ਬੋ ਪੁਰਿਸਥਾਮੇ ਪੁਰਿਸવੀਰਿਯੇ ਪੁਰਿਸਪਰਕ੍ਕਮੇ। ਨ, ਭਿਕ੍ਖવੇ, ਬਾਲੋ ਇਤਿ ਪਟਿਸਞ੍ਚਿਕ੍ਖਤਿ – ‘ਕਿਞ੍ਚਾਪਿ ਖੋ ਇਦਂ ਠਾਨਂ ਅਮਨਾਪਂ ਕਾਤੁਂ; ਅਥ ਚਰਹਿਦਂ ਠਾਨਂ ਕਯਿਰਮਾਨਂ ਅਤ੍ਥਾਯ ਸਂવਤ੍ਤਤੀ’ਤਿ। ਸੋ ਤਂ ਠਾਨਂ ਨ ਕਰੋਤਿ। ਤਸ੍ਸ ਤਂ ਠਾਨਂ ਅਕਯਿਰਮਾਨਂ ਅਨਤ੍ਥਾਯ ਸਂવਤ੍ਤਤਿ। ਪਣ੍ਡਿਤੋ ਚ ਖੋ, ਭਿਕ੍ਖવੇ, ਇਤਿ ਪਟਿਸਞ੍ਚਿਕ੍ਖਤਿ – ‘ਕਿਞ੍ਚਾਪਿ ਖੋ ਇਦਂ ਠਾਨਂ ਅਮਨਾਪਂ ਕਾਤੁਂ; ਅਥ ਚਰਹਿਦਂ ਠਾਨਂ ਕਯਿਰਮਾਨਂ ਅਤ੍ਥਾਯ ਸਂવਤ੍ਤਤੀ’ਤਿ। ਸੋ ਤਂ ਠਾਨਂ ਕਰੋਤਿ। ਤਸ੍ਸ ਤਂ ਠਾਨਂ ਕਯਿਰਮਾਨਂ ਅਤ੍ਥਾਯ ਸਂવਤ੍ਤਤਿ।
‘‘Tatra, bhikkhave, yamidaṃ ṭhānaṃ amanāpaṃ kātuṃ; tañca kayiramānaṃ atthāya saṃvattati – imasmiṃ, bhikkhave, ṭhāne bālo ca paṇḍito ca veditabbo purisathāme purisavīriye purisaparakkame. Na, bhikkhave, bālo iti paṭisañcikkhati – ‘kiñcāpi kho idaṃ ṭhānaṃ amanāpaṃ kātuṃ; atha carahidaṃ ṭhānaṃ kayiramānaṃ atthāya saṃvattatī’ti. So taṃ ṭhānaṃ na karoti. Tassa taṃ ṭhānaṃ akayiramānaṃ anatthāya saṃvattati. Paṇḍito ca kho, bhikkhave, iti paṭisañcikkhati – ‘kiñcāpi kho idaṃ ṭhānaṃ amanāpaṃ kātuṃ; atha carahidaṃ ṭhānaṃ kayiramānaṃ atthāya saṃvattatī’ti. So taṃ ṭhānaṃ karoti. Tassa taṃ ṭhānaṃ kayiramānaṃ atthāya saṃvattati.
‘‘ਤਤ੍ਰ, ਭਿਕ੍ਖવੇ, ਯਮਿਦਂ 11 ਠਾਨਂ ਮਨਾਪਂ ਕਾਤੁਂ; ਤਞ੍ਚ ਕਯਿਰਮਾਨਂ ਅਨਤ੍ਥਾਯ ਸਂવਤ੍ਤਤਿ – ਇਮਸ੍ਮਿਮ੍ਪਿ, ਭਿਕ੍ਖવੇ, ਠਾਨੇ ਬਾਲੋ ਚ ਪਣ੍ਡਿਤੋ ਚ વੇਦਿਤਬ੍ਬੋ ਪੁਰਿਸਥਾਮੇ ਪੁਰਿਸવੀਰਿਯੇ ਪੁਰਿਸਪਰਕ੍ਕਮੇ। ਨ, ਭਿਕ੍ਖવੇ, ਬਾਲੋ ਇਤਿ ਪਟਿਸਞ੍ਚਿਕ੍ਖਤਿ – ‘ਕਿਞ੍ਚਾਪਿ ਖੋ ਇਦਂ ਠਾਨਂ ਮਨਾਪਂ ਕਾਤੁਂ; ਅਥ ਚਰਹਿਦਂ ਠਾਨਂ ਕਯਿਰਮਾਨਂ ਅਨਤ੍ਥਾਯ ਸਂવਤ੍ਤਤੀ’ਤਿ। ਸੋ ਤਂ ਠਾਨਂ ਕਰੋਤਿ। ਤਸ੍ਸ ਤਂ ਠਾਨਂ ਕਯਿਰਮਾਨਂ ਅਨਤ੍ਥਾਯ ਸਂવਤ੍ਤਤਿ। ਪਣ੍ਡਿਤੋ ਚ ਖੋ, ਭਿਕ੍ਖવੇ, ਇਤਿ ਪਟਿਸਞ੍ਚਿਕ੍ਖਤਿ – ‘ਕਿਞ੍ਚਾਪਿ ਖੋ ਇਦਂ ਠਾਨਂ ਮਨਾਪਂ ਕਾਤੁਂ; ਅਥ ਚਰਹਿਦਂ ਠਾਨਂ ਕਯਿਰਮਾਨਂ ਅਨਤ੍ਥਾਯ ਸਂવਤ੍ਤਤੀ’ਤਿ। ਸੋ ਤਂ ਠਾਨਂ ਨ ਕਰੋਤਿ। ਤਸ੍ਸ ਤਂ ਠਾਨਂ ਅਕਯਿਰਮਾਨਂ ਅਤ੍ਥਾਯ ਸਂવਤ੍ਤਤਿ।
‘‘Tatra, bhikkhave, yamidaṃ 12 ṭhānaṃ manāpaṃ kātuṃ; tañca kayiramānaṃ anatthāya saṃvattati – imasmimpi, bhikkhave, ṭhāne bālo ca paṇḍito ca veditabbo purisathāme purisavīriye purisaparakkame. Na, bhikkhave, bālo iti paṭisañcikkhati – ‘kiñcāpi kho idaṃ ṭhānaṃ manāpaṃ kātuṃ; atha carahidaṃ ṭhānaṃ kayiramānaṃ anatthāya saṃvattatī’ti. So taṃ ṭhānaṃ karoti. Tassa taṃ ṭhānaṃ kayiramānaṃ anatthāya saṃvattati. Paṇḍito ca kho, bhikkhave, iti paṭisañcikkhati – ‘kiñcāpi kho idaṃ ṭhānaṃ manāpaṃ kātuṃ; atha carahidaṃ ṭhānaṃ kayiramānaṃ anatthāya saṃvattatī’ti. So taṃ ṭhānaṃ na karoti. Tassa taṃ ṭhānaṃ akayiramānaṃ atthāya saṃvattati.
‘‘ਤਤ੍ਰ, ਭਿਕ੍ਖવੇ, ਯਮਿਦਂ ਠਾਨਂ ਮਨਾਪਂ ਕਾਤੁਂ, ਤਞ੍ਚ ਕਯਿਰਮਾਨਂ ਅਤ੍ਥਾਯ ਸਂવਤ੍ਤਤਿ – ਇਦਂ, ਭਿਕ੍ਖવੇ, ਠਾਨਂ ਉਭਯੇਨੇવ ਕਤ੍ਤਬ੍ਬਂ ਮਞ੍ਞਤਿ। ਯਮ੍ਪਿਦਂ ਠਾਨਂ ਮਨਾਪਂ ਕਾਤੁਂ, ਇਮਿਨਾਪਿ ਨਂ ਕਤ੍ਤਬ੍ਬਂ ਮਞ੍ਞਤਿ; ਯਮ੍ਪਿਦਂ ਠਾਨਂ ਕਯਿਰਮਾਨਂ ਅਤ੍ਥਾਯ ਸਂવਤ੍ਤਤਿ, ਇਮਿਨਾਪਿ ਨਂ ਕਤ੍ਤਬ੍ਬਂ ਮਞ੍ਞਤਿ। ਇਦਂ, ਭਿਕ੍ਖવੇ, ਠਾਨਂ ਉਭਯੇਨੇવ ਕਤ੍ਤਬ੍ਬਂ ਮਞ੍ਞਤਿ। ਇਮਾਨਿ ਖੋ, ਭਿਕ੍ਖવੇ, ਚਤ੍ਤਾਰਿ ਠਾਨਾਨੀ’’ਤਿ। ਪਞ੍ਚਮਂ।
‘‘Tatra, bhikkhave, yamidaṃ ṭhānaṃ manāpaṃ kātuṃ, tañca kayiramānaṃ atthāya saṃvattati – idaṃ, bhikkhave, ṭhānaṃ ubhayeneva kattabbaṃ maññati. Yampidaṃ ṭhānaṃ manāpaṃ kātuṃ, imināpi naṃ kattabbaṃ maññati; yampidaṃ ṭhānaṃ kayiramānaṃ atthāya saṃvattati, imināpi naṃ kattabbaṃ maññati. Idaṃ, bhikkhave, ṭhānaṃ ubhayeneva kattabbaṃ maññati. Imāni kho, bhikkhave, cattāri ṭhānānī’’ti. Pañcamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫. ਠਾਨਸੁਤ੍ਤવਣ੍ਣਨਾ • 5. Ṭhānasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੭. ਕੇਸਿਸੁਤ੍ਤਾਦਿવਣ੍ਣਨਾ • 1-7. Kesisuttādivaṇṇanā
