| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੮. ਠਾਨਸੁਤ੍ਤਂ
8. Ṭhānasuttaṃ
੩੧੧. ‘‘ਪਞ੍ਚਿਮਾਨਿ , ਭਿਕ੍ਖવੇ, ਠਾਨਾਨਿ ਦੁਲ੍ਲਭਾਨਿ ਅਕਤਪੁਞ੍ਞੇਨ ਮਾਤੁਗਾਮੇਨ। ਕਤਮਾਨਿ ਪਞ੍ਚ? ਪਤਿਰੂਪੇ ਕੁਲੇ ਜਾਯੇਯ੍ਯਨ੍ਤਿ – ਇਦਂ, ਭਿਕ੍ਖવੇ, ਪਠਮਂ ਠਾਨਂ ਦੁਲ੍ਲਭਂ ਅਕਤਪੁਞ੍ਞੇਨ ਮਾਤੁਗਾਮੇਨ। ਪਤਿਰੂਪੇ ਕੁਲੇ ਜਾਯਿਤ੍વਾ ਪਤਿਰੂਪਂ ਕੁਲਂ ਗਚ੍ਛੇਯ੍ਯਨ੍ਤਿ – ਇਦਂ, ਭਿਕ੍ਖવੇ, ਦੁਤਿਯਂ ਠਾਨਂ ਦੁਲ੍ਲਭਂ ਅਕਤਪੁਞ੍ਞੇਨ ਮਾਤੁਗਾਮੇਨ। ਪਤਿਰੂਪੇ ਕੁਲੇ ਜਾਯਿਤ੍વਾ, ਪਤਿਰੂਪਂ ਕੁਲਂ ਗਨ੍ਤ੍વਾ, ਅਸਪਤ੍ਤਿ ਅਗਾਰਂ ਅਜ੍ਝਾવਸੇਯ੍ਯਨ੍ਤਿ – ਇਦਂ, ਭਿਕ੍ਖવੇ, ਤਤਿਯਂ ਠਾਨਂ ਦੁਲ੍ਲਭਂ ਅਕਤਪੁਞ੍ਞੇਨ ਮਾਤੁਗਾਮੇਨ। ਪਤਿਰੂਪੇ ਕੁਲੇ ਜਾਯਿਤ੍વਾ, ਪਤਿਰੂਪਂ ਕੁਲਂ ਗਨ੍ਤ੍વਾ, ਅਸਪਤ੍ਤਿ ਅਗਾਰਂ ਅਜ੍ਝਾવਸਨ੍ਤੀ ਪੁਤ੍ਤવਤੀ ਅਸ੍ਸਨ੍ਤਿ – ਇਦਂ, ਭਿਕ੍ਖવੇ, ਚਤੁਤ੍ਥਂ ਠਾਨਂ ਦੁਲ੍ਲਭਂ ਅਕਤਪੁਞ੍ਞੇਨ ਮਾਤੁਗਾਮੇਨ। ਪਤਿਰੂਪੇ ਕੁਲੇ ਜਾਯਿਤ੍વਾ, ਪਤਿਰੂਪਂ ਕੁਲਂ ਗਨ੍ਤ੍વਾ, ਅਸਪਤ੍ਤਿ ਅਗਾਰਂ ਅਜ੍ਝਾવਸਨ੍ਤੀ ਪੁਤ੍ਤવਤੀ ਸਮਾਨਾ ਸਾਮਿਕਂ ਅਭਿਭੁਯ੍ਯ વਤ੍ਤੇਯ੍ਯਨ੍ਤਿ – ਇਦਂ, ਭਿਕ੍ਖવੇ, ਪਞ੍ਚਮਂ ਠਾਨਂ ਦੁਲ੍ਲਭਂ ਅਕਤਪੁਞ੍ਞੇਨ ਮਾਤੁਗਾਮੇਨ । ਇਮਾਨਿ ਖੋ, ਭਿਕ੍ਖવੇ, ਪਞ੍ਚ ਠਾਨਾਨਿ ਦੁਲ੍ਲਭਾਨਿ ਅਕਤਪੁਞ੍ਞੇਨ ਮਾਤੁਗਾਮੇਨਾਤਿ।
311. ‘‘Pañcimāni , bhikkhave, ṭhānāni dullabhāni akatapuññena mātugāmena. Katamāni pañca? Patirūpe kule jāyeyyanti – idaṃ, bhikkhave, paṭhamaṃ ṭhānaṃ dullabhaṃ akatapuññena mātugāmena. Patirūpe kule jāyitvā patirūpaṃ kulaṃ gaccheyyanti – idaṃ, bhikkhave, dutiyaṃ ṭhānaṃ dullabhaṃ akatapuññena mātugāmena. Patirūpe kule jāyitvā, patirūpaṃ kulaṃ gantvā, asapatti agāraṃ ajjhāvaseyyanti – idaṃ, bhikkhave, tatiyaṃ ṭhānaṃ dullabhaṃ akatapuññena mātugāmena. Patirūpe kule jāyitvā, patirūpaṃ kulaṃ gantvā, asapatti agāraṃ ajjhāvasantī puttavatī assanti – idaṃ, bhikkhave, catutthaṃ ṭhānaṃ dullabhaṃ akatapuññena mātugāmena. Patirūpe kule jāyitvā, patirūpaṃ kulaṃ gantvā, asapatti agāraṃ ajjhāvasantī puttavatī samānā sāmikaṃ abhibhuyya vatteyyanti – idaṃ, bhikkhave, pañcamaṃ ṭhānaṃ dullabhaṃ akatapuññena mātugāmena . Imāni kho, bhikkhave, pañca ṭhānāni dullabhāni akatapuññena mātugāmenāti.
‘‘ਪਞ੍ਚਿਮਾਨਿ, ਭਿਕ੍ਖવੇ, ਠਾਨਾਨਿ ਸੁਲਭਾਨਿ ਕਤਪੁਞ੍ਞੇਨ ਮਾਤੁਗਾਮੇਨ। ਕਤਮਾਨਿ ਪਞ੍ਚ? ਪਤਿਰੂਪੇ ਕੁਲੇ ਜਾਯੇਯ੍ਯਨ੍ਤਿ – ਇਦਂ, ਭਿਕ੍ਖવੇ, ਪਠਮਂ ਠਾਨਂ ਸੁਲਭਂ ਕਤਪੁਞ੍ਞੇਨ ਮਾਤੁਗਾਮੇਨ। ਪਤਿਰੂਪੇ ਕੁਲੇ ਜਾਯਿਤ੍વਾ ਪਤਿਰੂਪਂ ਕੁਲਂ ਗਚ੍ਛੇਯ੍ਯਨ੍ਤਿ – ਇਦਂ, ਭਿਕ੍ਖવੇ, ਦੁਤਿਯਂ ਠਾਨਂ ਸੁਲਭਂ ਕਤਪੁਞ੍ਞੇਨ ਮਾਤੁਗਾਮੇਨ। ਪਤਿਰੂਪੇ ਕੁਲੇ ਜਾਯਿਤ੍વਾ ਪਤਿਰੂਪਂ ਕੁਲਂ ਗਨ੍ਤ੍વਾ ਅਸਪਤ੍ਤਿ ਅਗਾਰਂ ਅਜ੍ਝਾવਸੇਯ੍ਯਨ੍ਤਿ – ਇਦਂ, ਭਿਕ੍ਖવੇ, ਤਤਿਯਂ ਠਾਨਂ ਸੁਲਭਂ ਕਤਪੁਞ੍ਞੇਨ ਮਾਤੁਗਾਮੇਨ। ਪਤਿਰੂਪੇ ਕੁਲੇ ਜਾਯਿਤ੍વਾ ਪਤਿਰੂਪਂ ਕੁਲਂ ਗਨ੍ਤ੍વਾ ਅਸਪਤ੍ਤਿ ਅਗਾਰਂ ਅਜ੍ਝਾવਸਨ੍ਤੀ ਪੁਤ੍ਤવਤੀ ਅਸ੍ਸਨ੍ਤਿ – ਇਦਂ, ਭਿਕ੍ਖવੇ, ਚਤੁਤ੍ਥਂ ਠਾਨਂ ਸੁਲਭਂ ਕਤਪੁਞ੍ਞੇਨ ਮਾਤੁਗਾਮੇਨ। ਪਤਿਰੂਪੇ ਕੁਲੇ ਜਾਯਿਤ੍વਾ ਪਤਿਰੂਪਂ ਕੁਲਂ ਗਨ੍ਤ੍વਾ ਅਸਪਤ੍ਤਿ ਅਗਾਰਂ ਅਜ੍ਝਾવਸਨ੍ਤੀ ਪੁਤ੍ਤવਤੀ ਸਮਾਨਾ ਸਾਮਿਕਂ ਅਭਿਭੁਯ੍ਯ વਤ੍ਤੇਯ੍ਯਨ੍ਤਿ – ਇਦਂ, ਭਿਕ੍ਖવੇ, ਪਞ੍ਚਮਂ ਠਾਨਂ ਸੁਲਭਂ ਕਤਪੁਞ੍ਞੇਨ ਮਾਤੁਗਾਮੇਨ। ਇਮਾਨਿ ਖੋ, ਭਿਕ੍ਖવੇ, ਪਞ੍ਚ ਠਾਨਾਨਿ ਸੁਲਭਾਨਿ ਕਤਪੁਞ੍ਞੇਨ ਮਾਤੁਗਾਮੇਨਾ’’ਤਿ। ਅਟ੍ਠਮਂ।
‘‘Pañcimāni, bhikkhave, ṭhānāni sulabhāni katapuññena mātugāmena. Katamāni pañca? Patirūpe kule jāyeyyanti – idaṃ, bhikkhave, paṭhamaṃ ṭhānaṃ sulabhaṃ katapuññena mātugāmena. Patirūpe kule jāyitvā patirūpaṃ kulaṃ gaccheyyanti – idaṃ, bhikkhave, dutiyaṃ ṭhānaṃ sulabhaṃ katapuññena mātugāmena. Patirūpe kule jāyitvā patirūpaṃ kulaṃ gantvā asapatti agāraṃ ajjhāvaseyyanti – idaṃ, bhikkhave, tatiyaṃ ṭhānaṃ sulabhaṃ katapuññena mātugāmena. Patirūpe kule jāyitvā patirūpaṃ kulaṃ gantvā asapatti agāraṃ ajjhāvasantī puttavatī assanti – idaṃ, bhikkhave, catutthaṃ ṭhānaṃ sulabhaṃ katapuññena mātugāmena. Patirūpe kule jāyitvā patirūpaṃ kulaṃ gantvā asapatti agāraṃ ajjhāvasantī puttavatī samānā sāmikaṃ abhibhuyya vatteyyanti – idaṃ, bhikkhave, pañcamaṃ ṭhānaṃ sulabhaṃ katapuññena mātugāmena. Imāni kho, bhikkhave, pañca ṭhānāni sulabhāni katapuññena mātugāmenā’’ti. Aṭṭhamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨-੧੦. ਪਸਯ੍ਹਸੁਤ੍ਤਾਦਿવਣ੍ਣਨਾ • 2-10. Pasayhasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨-੧੦. ਪਸਯ੍ਹਸੁਤ੍ਤਾਦਿવਣ੍ਣਨਾ • 2-10. Pasayhasuttādivaṇṇanā
