| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
5. டா²னஸுத்தவண்ணனா
5. Ṭhānasuttavaṇṇanā
115. பஞ்சமே டா²னானீதி காரணானி. அனத்தா²ய ஸங்வத்ததீதி அஹிதாய அவட்³டி⁴யா ஸங்வத்ததி. எத்த² ச பட²மங் ஓபாதக்க²ணனமச்ச²ப³ந்த⁴னஸந்தி⁴ச்சே²த³னாதி³பே⁴த³ங் ஸது³க்க²ங் ஸவிகா⁴தங் பாபகம்மங் வேதி³தப்³ப³ங், து³தியங் ஸமஜீவிகானங் கி³ஹீனங் புப்ப²ச்ச²ட்³ட³காதி³கம்மங் ஸுதா⁴கொட்டன-கே³ஹச்சா²த³னஅஸுசிட்டா²னஸம்மஜ்ஜனாதி³கம்மஞ்ச வேதி³தப்³ப³ங், ததியங் ஸுராபானக³ந்த⁴விலேபனமாலாபிளந்த⁴னாதி³கம்மஞ்சேவ அஸ்ஸாத³வஸேன பவத்தங் பாணாதிபாதாதி³கம்மஞ்ச வேதி³தப்³ப³ங், சதுத்த²ங் த⁴ம்மஸ்ஸவனத்தா²ய க³மனகாலே ஸுத்³த⁴வத்த²ச்சா²த³ன-மாலாக³ந்தா⁴தீ³னங் ஆதா³ய க³மனங் சேதியவந்த³னங் போ³தி⁴வந்த³னங் மது⁴ரத⁴ம்மகதா²ஸவனங் பஞ்சஸீலஸமாதா³னந்தி ஏவமாதீ³ஸு ஸோமனஸ்ஸஸம்பயுத்தங் குஸலகம்மங் வேதி³தப்³ப³ங். புரிஸதா²மேதி புரிஸஸ்ஸ ஞாணதா²மஸ்மிங். ஸேஸத்³வயேபி ஏஸேவ நயோ.
115. Pañcame ṭhānānīti kāraṇāni. Anatthāya saṃvattatīti ahitāya avaḍḍhiyā saṃvattati. Ettha ca paṭhamaṃ opātakkhaṇanamacchabandhanasandhicchedanādibhedaṃ sadukkhaṃ savighātaṃ pāpakammaṃ veditabbaṃ, dutiyaṃ samajīvikānaṃ gihīnaṃ pupphacchaḍḍakādikammaṃ sudhākoṭṭana-gehacchādanaasuciṭṭhānasammajjanādikammañca veditabbaṃ, tatiyaṃ surāpānagandhavilepanamālāpiḷandhanādikammañceva assādavasena pavattaṃ pāṇātipātādikammañca veditabbaṃ, catutthaṃ dhammassavanatthāya gamanakāle suddhavatthacchādana-mālāgandhādīnaṃ ādāya gamanaṃ cetiyavandanaṃ bodhivandanaṃ madhuradhammakathāsavanaṃ pañcasīlasamādānanti evamādīsu somanassasampayuttaṃ kusalakammaṃ veditabbaṃ. Purisathāmeti purisassa ñāṇathāmasmiṃ. Sesadvayepi eseva nayo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. டா²னஸுத்தங் • 5. Ṭhānasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-7. கேஸிஸுத்தாதி³வண்ணனா • 1-7. Kesisuttādivaṇṇanā
