| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. таанасуд̇д̇аван̣н̣анаа
2. Ṭhānasuttavaṇṇanā
192. д̣̇уд̇ияз сам̣ваасзнаад̇и сахаваасзна. сийлам̣ взд̣̇ид̇аб̣б̣анд̇и ‘‘аяам̣ сусийло ваа д̣̇уссийло ваа’’д̇и саха васанд̇зна убасан̇гаманд̇зна ж̇аанид̇аб̣б̣о. д̇ан̃жа ко д̣̇ийгхзна ад̣̇д̇хунаа, на ид̇д̇аранд̇и д̇ан̃жа сийлам̣ д̣̇ийгхзна гаалзна взд̣̇ид̇аб̣б̣ам̣, на ид̇д̇арзна. д̣̇вийхад̇ийхан̃хи сам̣яад̇аагааро жа сам̣вуд̇инд̣̇рияаагааро жа на саггаа д̣̇ассзд̇ум̣. манаси гарод̇аад̇и д̇амби ‘‘сийламасса бариг̇г̇ахзссаамий’’д̇и манасигаронд̇зна бажжавзгканд̇знзва саггаа ж̇аанид̇ум̣, на ид̇арзна. бан̃н̃авад̇аад̇и д̇амби саббан̃н̃знзва бан̣д̣ид̇зна. б̣аало хи манасигаронд̇оби ж̇аанид̇ум̣ на саггод̇и.
192. Dutiye saṃvāsenāti sahavāsena. Sīlaṃ veditabbanti ‘‘ayaṃ susīlo vā dussīlo vā’’ti saha vasantena upasaṅkamantena jānitabbo. Tañca kho dīghena addhunā, na ittaranti tañca sīlaṃ dīghena kālena veditabbaṃ, na ittarena. Dvīhatīhañhi saṃyatākāro ca saṃvutindriyākāro ca na sakkā dassetuṃ. Manasi karotāti tampi ‘‘sīlamassa pariggahessāmī’’ti manasikarontena paccavekkhanteneva sakkā jānituṃ, na itarena. Paññavatāti tampi sappaññeneva paṇḍitena. Bālo hi manasikarontopi jānituṃ na sakkoti.
сам̣вохаарзнаад̇и абараабарам̣ гат̇анзна.
Saṃvohārenāti aparāparaṃ kathanena.
‘‘яо хи гожи мануссзсу, вохаарам̣ убаж̇ийвад̇и;
‘‘Yo hi koci manussesu, vohāraṃ upajīvati;
звам̣ ваасздта ж̇аанаахи, ваан̣иж̇о со на б̣раахман̣о’’д̇и. (ма. ни. 2.457; су. ни. 619) –
Evaṃ vāseṭṭha jānāhi, vāṇijo so na brāhmaṇo’’ti. (ma. ni. 2.457; su. ni. 619) –
зд̇т̇а хи б̣яавахааро наама. ‘‘жад̇д̇ааро арияавохаараа, жад̇д̇ааро анарияавохаараа’’д̇и (д̣̇ий. ни. 3.313) зд̇т̇а жзд̇анаа. ‘‘сан̇каа саман̃н̃аа бан̃н̃ад̇д̇и вохааро’’д̇и (д̇ха. са. 1313-1315; махаани. 73) зд̇т̇а бан̃н̃ад̇д̇и. ‘‘вохаарамад̇д̇зна со вохарзяяаа’’д̇и (сам̣. ни. 1.25) зд̇т̇а гат̇аавохааро. ид̇хааби зсова ад̇хиббзд̇о. згажжасса хи саммукаагат̇аа бараммукаагат̇ааяа на самзд̇и бараммукаагат̇аа саммукаагат̇ааяа. д̇ат̇аа буримагат̇аа бажчимагат̇ааяа, бажчимагат̇аа жа буримагат̇ааяа. со гат̇анзнзва саггаа ж̇аанид̇ум̣ ‘‘асужи зсо буг̇г̇ало’’д̇и. сужисийласса бана буримам̣ бажчимзна, бажчиман̃жа буримзна самзд̇и. саммукаагат̇ид̇ам̣ бараммукаагат̇ид̇зна самзд̇и, бараммукаагат̇ид̇ан̃жа саммукаагат̇ид̇зна, д̇асмаа гат̇анзна саггаа сужибхааво ж̇аанид̇унд̇и багаасзнд̇о звамааха.
Ettha hi byavahāro nāma. ‘‘Cattāro ariyavohārā, cattāro anariyavohārā’’ti (dī. ni. 3.313) ettha cetanā. ‘‘Saṅkhā samaññā paññatti vohāro’’ti (dha. sa. 1313-1315; mahāni. 73) ettha paññatti. ‘‘Vohāramattena so vohareyyā’’ti (saṃ. ni. 1.25) ettha kathāvohāro. Idhāpi esova adhippeto. Ekaccassa hi sammukhākathā parammukhākathāya na sameti parammukhākathā sammukhākathāya. Tathā purimakathā pacchimakathāya, pacchimakathā ca purimakathāya. So kathaneneva sakkā jānituṃ ‘‘asuci eso puggalo’’ti. Sucisīlassa pana purimaṃ pacchimena, pacchimañca purimena sameti. Sammukhākathitaṃ parammukhākathitena sameti, parammukhākathitañca sammukhākathitena, tasmā kathanena sakkā sucibhāvo jānitunti pakāsento evamāha.
т̇аамод̇и н̃аан̣ат̇аамо. яасса хи н̃аан̣ат̇аамо над̇т̇и, со уббаннзсу убад̣̇д̣̇авзсу г̇ахзд̇аб̣б̣ам̣ г̇ахан̣ам̣ гад̇д̇аб̣б̣ам̣ гижжам̣ абассанд̇о ад̣̇ваарагагхарам̣ бавидто вияа жарад̇и. д̇знааха ‘‘аабад̣̇аасу, бхигкавз, т̇аамо взд̣̇ид̇аб̣б̣о’’д̇и.
Thāmoti ñāṇathāmo. Yassa hi ñāṇathāmo natthi, so uppannesu upaddavesu gahetabbaṃ gahaṇaṃ kattabbaṃ kiccaṃ apassanto advārakagharaṃ paviṭṭho viya carati. Tenāha ‘‘āpadāsu, bhikkhave, thāmo veditabbo’’ti.
саагажчааяаад̇и сам̣гат̇ааяа. д̣̇уббан̃н̃асса хи гат̇аа уд̣̇агз г̇зн̣д̣у вияа уббилавад̇и. бан̃н̃авад̇о гат̇знд̇асса бадибхаанам̣ ананд̇ам̣ ход̇и. уд̣̇агавибпанд̣̇ид̇знзва хи мажчо куд̣̇д̣̇аго ваа маханд̇о ваад̇и н̃ааяад̇и.
Sākacchāyāti saṃkathāya. Duppaññassa hi kathā udake geṇḍu viya uppilavati. Paññavato kathentassa paṭibhānaṃ anantaṃ hoti. Udakavipphanditeneva hi maccho khuddako vā mahanto vāti ñāyati.
н̃аад̇ивинаасод̇и жорарог̇абхаяаад̣̇ийхи н̃аад̇ийнам̣ винаасо. бхог̇аанам̣ б̣яасанам̣ бхог̇аб̣яасанам̣, рааж̇ажораад̣̇ивасзна бхог̇авинаасод̇и ад̇т̇о. д̇знааха ‘‘д̣̇уд̇ияабад̣̇зби зсзва наяо’’д̇и. бан̃хуммаг̇г̇од̇и бан̃хаг̇авзсанам̣, н̃аад̇ум̣ ижчид̇асса ад̇т̇асса виймам̣сананд̇и ад̇т̇о. ад̇аббаганд̇и ад̇ид̇д̇игарадтзна ад̇аббагам̣ саад̣̇урасабхож̇анам̣ вияа. сан̣ханд̇и сукумасабхаавам̣.
Ñātivināsoti corarogabhayādīhi ñātīnaṃ vināso. Bhogānaṃ byasanaṃ bhogabyasanaṃ, rājacorādivasena bhogavināsoti attho. Tenāha ‘‘dutiyapadepi eseva nayo’’ti. Pañhummaggoti pañhagavesanaṃ, ñātuṃ icchitassa atthassa vīmaṃsananti attho. Atappakanti atittikaraṭṭhena atappakaṃ sādurasabhojanaṃ viya. Saṇhanti sukhumasabhāvaṃ.
таанасуд̇д̇аван̣н̣анаа нидтид̇аа.
Ṭhānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. таанасуд̇д̇ам̣ • 2. Ṭhānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. таанасуд̇д̇аван̣н̣анаа • 2. Ṭhānasuttavaṇṇanā
