| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౫. ఠానసుత్తవణ్ణనా
5. Ṭhānasuttavaṇṇanā
౧౧౫. పఞ్చమే ఠానానీతి కారణాని. అనత్థాయ సంవత్తతీతి అహితాయ అవడ్ఢియా సంవత్తతి. ఏత్థ చ పఠమం ఓపాతక్ఖణనమచ్ఛబన్ధనసన్ధిచ్ఛేదనాదిభేదం సదుక్ఖం సవిఘాతం పాపకమ్మం వేదితబ్బం, దుతియం సమజీవికానం గిహీనం పుప్ఫచ్ఛడ్డకాదికమ్మం సుధాకోట్టన-గేహచ్ఛాదనఅసుచిట్ఠానసమ్మజ్జనాదికమ్మఞ్చ వేదితబ్బం, తతియం సురాపానగన్ధవిలేపనమాలాపిళన్ధనాదికమ్మఞ్చేవ అస్సాదవసేన పవత్తం పాణాతిపాతాదికమ్మఞ్చ వేదితబ్బం, చతుత్థం ధమ్మస్సవనత్థాయ గమనకాలే సుద్ధవత్థచ్ఛాదన-మాలాగన్ధాదీనం ఆదాయ గమనం చేతియవన్దనం బోధివన్దనం మధురధమ్మకథాసవనం పఞ్చసీలసమాదానన్తి ఏవమాదీసు సోమనస్ససమ్పయుత్తం కుసలకమ్మం వేదితబ్బం. పురిసథామేతి పురిసస్స ఞాణథామస్మిం. సేసద్వయేపి ఏసేవ నయో.
115. Pañcame ṭhānānīti kāraṇāni. Anatthāya saṃvattatīti ahitāya avaḍḍhiyā saṃvattati. Ettha ca paṭhamaṃ opātakkhaṇanamacchabandhanasandhicchedanādibhedaṃ sadukkhaṃ savighātaṃ pāpakammaṃ veditabbaṃ, dutiyaṃ samajīvikānaṃ gihīnaṃ pupphacchaḍḍakādikammaṃ sudhākoṭṭana-gehacchādanaasuciṭṭhānasammajjanādikammañca veditabbaṃ, tatiyaṃ surāpānagandhavilepanamālāpiḷandhanādikammañceva assādavasena pavattaṃ pāṇātipātādikammañca veditabbaṃ, catutthaṃ dhammassavanatthāya gamanakāle suddhavatthacchādana-mālāgandhādīnaṃ ādāya gamanaṃ cetiyavandanaṃ bodhivandanaṃ madhuradhammakathāsavanaṃ pañcasīlasamādānanti evamādīsu somanassasampayuttaṃ kusalakammaṃ veditabbaṃ. Purisathāmeti purisassa ñāṇathāmasmiṃ. Sesadvayepi eseva nayo.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౫. ఠానసుత్తం • 5. Ṭhānasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౭. కేసిసుత్తాదివణ్ణనా • 1-7. Kesisuttādivaṇṇanā
