| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༥. ཋཱནསུཏྟཝཎྞནཱ
5. Ṭhānasuttavaṇṇanā
༡༡༥. པཉྩམེ ཋཱནཱནཱིཏི ཀཱརཎཱནི། ཨནཏྠཱཡ སཾཝཏྟཏཱིཏི ཨཧིཏཱཡ ཨཝཌྜྷིཡཱ སཾཝཏྟཏི། ཨེཏྠ ཙ པཋམཾ ཨོཔཱཏཀྑཎནམཙྪབནྡྷནསནྡྷིཙྪེདནཱདིབྷེདཾ སདུཀྑཾ སཝིགྷཱཏཾ པཱཔཀམྨཾ ཝེདིཏབྦཾ, དུཏིཡཾ སམཛཱིཝིཀཱནཾ གིཧཱིནཾ པུཔྥཙྪཌྜཀཱདིཀམྨཾ སུདྷཱཀོཊྚན-གེཧཙྪཱདནཨསུཙིཊྛཱནསམྨཛྫནཱདིཀམྨཉྩ ཝེདིཏབྦཾ, ཏཏིཡཾ སུརཱཔཱནགནྡྷཝིལེཔནམཱལཱཔིལ༹ནྡྷནཱདིཀམྨཉྩེཝ ཨསྶཱདཝསེན པཝཏྟཾ པཱཎཱཏིཔཱཏཱདིཀམྨཉྩ ཝེདིཏབྦཾ, ཙཏུཏྠཾ དྷམྨསྶཝནཏྠཱཡ གམནཀཱལེ སུདྡྷཝཏྠཙྪཱདན-མཱལཱགནྡྷཱདཱིནཾ ཨཱདཱཡ གམནཾ ཙེཏིཡཝནྡནཾ བོདྷིཝནྡནཾ མདྷུརདྷམྨཀཐཱསཝནཾ པཉྩསཱིལསམཱདཱནནྟི ཨེཝམཱདཱིསུ སོམནསྶསམྤཡུཏྟཾ ཀུསལཀམྨཾ ཝེདིཏབྦཾ། པུརིསཐཱམེཏི པུརིསསྶ ཉཱཎཐཱམསྨིཾ། སེསདྭཡེཔི ཨེསེཝ ནཡོ།
115. Pañcame ṭhānānīti kāraṇāni. Anatthāya saṃvattatīti ahitāya avaḍḍhiyā saṃvattati. Ettha ca paṭhamaṃ opātakkhaṇanamacchabandhanasandhicchedanādibhedaṃ sadukkhaṃ savighātaṃ pāpakammaṃ veditabbaṃ, dutiyaṃ samajīvikānaṃ gihīnaṃ pupphacchaḍḍakādikammaṃ sudhākoṭṭana-gehacchādanaasuciṭṭhānasammajjanādikammañca veditabbaṃ, tatiyaṃ surāpānagandhavilepanamālāpiḷandhanādikammañceva assādavasena pavattaṃ pāṇātipātādikammañca veditabbaṃ, catutthaṃ dhammassavanatthāya gamanakāle suddhavatthacchādana-mālāgandhādīnaṃ ādāya gamanaṃ cetiyavandanaṃ bodhivandanaṃ madhuradhammakathāsavanaṃ pañcasīlasamādānanti evamādīsu somanassasampayuttaṃ kusalakammaṃ veditabbaṃ. Purisathāmeti purisassa ñāṇathāmasmiṃ. Sesadvayepi eseva nayo.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༥. ཋཱནསུཏྟཾ • 5. Ṭhānasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༧. ཀེསིསུཏྟཱདིཝཎྞནཱ • 1-7. Kesisuttādivaṇṇanā
