| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৩. ঠানিযসুত্তং
3. Ṭhāniyasuttaṃ
২০৪. ‘‘কামরাগট্ঠানিযানং , 1 ভিক্খৰে, ধম্মানং মনসিকারবহুলীকারা অনুপ্পন্নো চেৰ কামচ্ছন্দো উপ্পজ্জতি, উপ্পন্নো চ কামচ্ছন্দো ভিয্যোভাৰায ৰেপুল্লায সংৰত্ততি। ব্যাপাদট্ঠানিযানং, ভিক্খৰে, ধম্মানং মনসিকারবহুলীকারা অনুপ্পন্নো চেৰ ব্যাপাদো উপ্পজ্জতি, উপ্পন্নো চ ব্যাপাদো ভিয্যোভাৰায ৰেপুল্লায সংৰত্ততি। থিনমিদ্ধট্ঠানিযানং, ভিক্খৰে, ধম্মানং মনসিকারবহুলীকারা অনুপ্পন্নঞ্চেৰ থিনমিদ্ধং উপ্পজ্জতি, উপ্পন্নঞ্চ থিনমিদ্ধং ভিয্যোভাৰায ৰেপুল্লাযং সংৰত্ততি। উদ্ধচ্চকুক্কুচ্চট্ঠানিযানং, ভিক্খৰে, ধম্মানং মনসিকারবহুলীকারা অনুপ্পন্নঞ্চেৰ উদ্ধচ্চকুক্কুচ্চং উপ্পজ্জতি, উপ্পন্নঞ্চ উদ্ধচ্চকুক্কুচ্চং ভিয্যোভাৰায ৰেপুল্লায সংৰত্ততি। ৰিচিকিচ্ছাট্ঠানিযানং, ভিক্খৰে, ধম্মানং মনসিকারবহুলীকারা অনুপ্পন্না চেৰ ৰিচিকিচ্ছা উপ্পজ্জতি, উপ্পন্না চ ৰিচিকিচ্ছা ভিয্যোভাৰায ৰেপুল্লায সংৰত্ততি।
204. ‘‘Kāmarāgaṭṭhāniyānaṃ , 2 bhikkhave, dhammānaṃ manasikārabahulīkārā anuppanno ceva kāmacchando uppajjati, uppanno ca kāmacchando bhiyyobhāvāya vepullāya saṃvattati. Byāpādaṭṭhāniyānaṃ, bhikkhave, dhammānaṃ manasikārabahulīkārā anuppanno ceva byāpādo uppajjati, uppanno ca byāpādo bhiyyobhāvāya vepullāya saṃvattati. Thinamiddhaṭṭhāniyānaṃ, bhikkhave, dhammānaṃ manasikārabahulīkārā anuppannañceva thinamiddhaṃ uppajjati, uppannañca thinamiddhaṃ bhiyyobhāvāya vepullāyaṃ saṃvattati. Uddhaccakukkuccaṭṭhāniyānaṃ, bhikkhave, dhammānaṃ manasikārabahulīkārā anuppannañceva uddhaccakukkuccaṃ uppajjati, uppannañca uddhaccakukkuccaṃ bhiyyobhāvāya vepullāya saṃvattati. Vicikicchāṭṭhāniyānaṃ, bhikkhave, dhammānaṃ manasikārabahulīkārā anuppannā ceva vicikicchā uppajjati, uppannā ca vicikicchā bhiyyobhāvāya vepullāya saṃvattati.
‘‘সতিসম্বোজ্ঝঙ্গট্ঠানিযানং, ভিক্খৰে, ধম্মানং মনসিকারবহুলীকারা অনুপ্পন্নো চেৰ সতিসম্বোজ্ঝঙ্গো উপ্পজ্জতি, উপ্পন্নো চ সতিসম্বোজ্ঝঙ্গো ভাৰনাপারিপূরিং গচ্ছতি…পে॰… উপেক্খাসম্বোজ্ঝঙ্গট্ঠানিযানং, ভিক্খৰে, ধম্মানং মনসিকারবহুলীকারা অনুপ্পন্নো চেৰ উপেক্খাসম্বোজ্ঝঙ্গো উপ্পজ্জতি, উপ্পন্নো চ উপেক্খাসম্বোজ্ঝঙ্গো ভাৰনাপারিপূরিং গচ্ছতী’’তি। ততিযং।
‘‘Satisambojjhaṅgaṭṭhāniyānaṃ, bhikkhave, dhammānaṃ manasikārabahulīkārā anuppanno ceva satisambojjhaṅgo uppajjati, uppanno ca satisambojjhaṅgo bhāvanāpāripūriṃ gacchati…pe… upekkhāsambojjhaṅgaṭṭhāniyānaṃ, bhikkhave, dhammānaṃ manasikārabahulīkārā anuppanno ceva upekkhāsambojjhaṅgo uppajjati, uppanno ca upekkhāsambojjhaṅgo bhāvanāpāripūriṃ gacchatī’’ti. Tatiyaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩-৫. ঠানিযসুত্তাদিৰণ্ণনা • 3-5. Ṭhāniyasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩-৫. ঠানিযসুত্তাদিৰণ্ণনা • 3-5. Ṭhāniyasuttādivaṇṇanā
