| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
3. ඨානියසුත්‌තං
3. Ṭhāniyasuttaṃ
204. ‘‘කාමරාගට්‌ඨානියානං , 1 භික්‌ඛවෙ, ධම්‌මානං මනසිකාරබහුලීකාරා අනුප්‌පන්‌නො චෙව කාමච්‌ඡන්‌දො උප්‌පජ්‌ජති, උප්‌පන්‌නො ච කාමච්‌ඡන්‌දො භිය්‍යොභාවාය වෙපුල්‌ලාය සංවත්‌තති. බ්‍යාපාදට්‌ඨානියානං, භික්‌ඛවෙ, ධම්‌මානං මනසිකාරබහුලීකාරා අනුප්‌පන්‌නො චෙව බ්‍යාපාදො උප්‌පජ්‌ජති, උප්‌පන්‌නො ච බ්‍යාපාදො භිය්‍යොභාවාය වෙපුල්‌ලාය සංවත්‌තති. ථිනමිද්‌ධට්‌ඨානියානං, භික්‌ඛවෙ, ධම්‌මානං මනසිකාරබහුලීකාරා අනුප්‌පන්‌නඤ්‌චෙව ථිනමිද්‌ධං උප්‌පජ්‌ජති, උප්‌පන්‌නඤ්‌ච ථිනමිද්‌ධං භිය්‍යොභාවාය වෙපුල්‌ලායං සංවත්‌තති. උද්‌ධච්‌චකුක්‌කුච්‌චට්‌ඨානියානං, භික්‌ඛවෙ, ධම්‌මානං මනසිකාරබහුලීකාරා අනුප්‌පන්‌නඤ්‌චෙව උද්‌ධච්‌චකුක්‌කුච්‌චං උප්‌පජ්‌ජති, උප්‌පන්‌නඤ්‌ච උද්‌ධච්‌චකුක්‌කුච්‌චං භිය්‍යොභාවාය වෙපුල්‌ලාය සංවත්‌තති. විචිකිච්‌ඡාට්‌ඨානියානං, භික්‌ඛවෙ, ධම්‌මානං මනසිකාරබහුලීකාරා අනුප්‌පන්‌නා චෙව විචිකිච්‌ඡා උප්‌පජ්‌ජති, උප්‌පන්‌නා ච විචිකිච්‌ඡා භිය්‍යොභාවාය වෙපුල්‌ලාය සංවත්‌තති.
204. ‘‘Kāmarāgaṭṭhāniyānaṃ , 2 bhikkhave, dhammānaṃ manasikārabahulīkārā anuppanno ceva kāmacchando uppajjati, uppanno ca kāmacchando bhiyyobhāvāya vepullāya saṃvattati. Byāpādaṭṭhāniyānaṃ, bhikkhave, dhammānaṃ manasikārabahulīkārā anuppanno ceva byāpādo uppajjati, uppanno ca byāpādo bhiyyobhāvāya vepullāya saṃvattati. Thinamiddhaṭṭhāniyānaṃ, bhikkhave, dhammānaṃ manasikārabahulīkārā anuppannañceva thinamiddhaṃ uppajjati, uppannañca thinamiddhaṃ bhiyyobhāvāya vepullāyaṃ saṃvattati. Uddhaccakukkuccaṭṭhāniyānaṃ, bhikkhave, dhammānaṃ manasikārabahulīkārā anuppannañceva uddhaccakukkuccaṃ uppajjati, uppannañca uddhaccakukkuccaṃ bhiyyobhāvāya vepullāya saṃvattati. Vicikicchāṭṭhāniyānaṃ, bhikkhave, dhammānaṃ manasikārabahulīkārā anuppannā ceva vicikicchā uppajjati, uppannā ca vicikicchā bhiyyobhāvāya vepullāya saṃvattati.
‘‘සතිසම්‌බොජ්‌ඣඞ්‌ගට්‌ඨානියානං, භික්‌ඛවෙ, ධම්‌මානං මනසිකාරබහුලීකාරා අනුප්‌පන්‌නො චෙව සතිසම්‌බොජ්‌ඣඞ්‌ගො උප්‌පජ්‌ජති, උප්‌පන්‌නො ච සතිසම්‌බොජ්‌ඣඞ්‌ගො භාවනාපාරිපූරිං ගච්‌ඡති…පෙ.… උපෙක්‌ඛාසම්‌බොජ්‌ඣඞ්‌ගට්‌ඨානියානං, භික්‌ඛවෙ, ධම්‌මානං මනසිකාරබහුලීකාරා අනුප්‌පන්‌නො චෙව උපෙක්‌ඛාසම්‌බොජ්‌ඣඞ්‌ගො උප්‌පජ්‌ජති, උප්‌පන්‌නො ච උපෙක්‌ඛාසම්‌බොජ්‌ඣඞ්‌ගො භාවනාපාරිපූරිං ගච්‌ඡතී’’ති. තතියං.
‘‘Satisambojjhaṅgaṭṭhāniyānaṃ, bhikkhave, dhammānaṃ manasikārabahulīkārā anuppanno ceva satisambojjhaṅgo uppajjati, uppanno ca satisambojjhaṅgo bhāvanāpāripūriṃ gacchati…pe… upekkhāsambojjhaṅgaṭṭhāniyānaṃ, bhikkhave, dhammānaṃ manasikārabahulīkārā anuppanno ceva upekkhāsambojjhaṅgo uppajjati, uppanno ca upekkhāsambojjhaṅgo bhāvanāpāripūriṃ gacchatī’’ti. Tatiyaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3-5. ඨානියසුත්‌තාදිවණ්‌ණනා • 3-5. Ṭhāniyasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 3-5. ඨානියසුත්‌තාදිවණ්‌ණනා • 3-5. Ṭhāniyasuttādivaṇṇanā
