| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. т̇абад̇исуд̇д̇ам̣
6. Thapatisuttaṃ
1002. саавад̇т̇инид̣̇аанам̣. д̇зна ко бана самаязна самб̣ахулаа бхигкуу бхаг̇авад̇о жийварагаммам̣ гаронд̇и – ‘‘нидтид̇ажийваро бхаг̇аваа д̇змаасажжаязна жааригам̣ баггамиссад̇ий’’д̇и. д̇зна ко бана самаязна исид̣̇ад̇д̇абураан̣аа т̇абад̇аяо саад̇хугз бадивасанд̇и гзнажид̣̇зва гаран̣ийязна. ассосум̣ ко исид̣̇ад̇д̇абураан̣аа т̇абад̇аяо – ‘‘самб̣ахулаа гира бхигкуу бхаг̇авад̇о жийварагаммам̣ гаронд̇и – ‘нидтид̇ажийваро бхаг̇аваа д̇змаасажжаязна жааригам̣ баггамиссад̇ий’’’д̇и.
1002. Sāvatthinidānaṃ. Tena kho pana samayena sambahulā bhikkhū bhagavato cīvarakammaṃ karonti – ‘‘niṭṭhitacīvaro bhagavā temāsaccayena cārikaṃ pakkamissatī’’ti. Tena kho pana samayena isidattapurāṇā thapatayo sādhuke paṭivasanti kenacideva karaṇīyena. Assosuṃ kho isidattapurāṇā thapatayo – ‘‘sambahulā kira bhikkhū bhagavato cīvarakammaṃ karonti – ‘niṭṭhitacīvaro bhagavā temāsaccayena cārikaṃ pakkamissatī’’’ti.
ат̇а ко исид̣̇ад̇д̇абураан̣аа т̇абад̇аяо маг̇г̇з бурисам̣ табзсум̣ – ‘‘яад̣̇аа д̇вам̣, амбхо буриса, бассзяяааси бхаг̇аванд̇ам̣ ааг̇ажчанд̇ам̣ араханд̇ам̣ саммаасамб̣уд̣̇д̇хам̣, ат̇а амхаагам̣ аарожзяяаасий’’д̇и. д̣̇вийхад̇ийхам̣ тид̇о ко со бурисо ад̣̇д̣̇аса бхаг̇аванд̇ам̣ д̣̇уурад̇ова ааг̇ажчанд̇ам̣. д̣̇исваана язна исид̣̇ад̇д̇абураан̣аа т̇абад̇аяо д̇знубасан̇гами; убасан̇гамид̇ваа исид̣̇ад̇д̇абураан̣з т̇абад̇аяо зд̇ад̣̇авожа – ‘‘аяам̣ со, бханд̇з, бхаг̇аваа ааг̇ажчад̇и арахам̣ саммаасамб̣уд̣̇д̇хо. яасса д̣̇аани гаалам̣ ман̃н̃ат̇аа’’д̇и.
Atha kho isidattapurāṇā thapatayo magge purisaṃ ṭhapesuṃ – ‘‘yadā tvaṃ, ambho purisa, passeyyāsi bhagavantaṃ āgacchantaṃ arahantaṃ sammāsambuddhaṃ, atha amhākaṃ āroceyyāsī’’ti. Dvīhatīhaṃ ṭhito kho so puriso addasa bhagavantaṃ dūratova āgacchantaṃ. Disvāna yena isidattapurāṇā thapatayo tenupasaṅkami; upasaṅkamitvā isidattapurāṇe thapatayo etadavoca – ‘‘ayaṃ so, bhante, bhagavā āgacchati arahaṃ sammāsambuddho. Yassa dāni kālaṃ maññathā’’ti.
ат̇а ко исид̣̇ад̇д̇абураан̣аа т̇абад̇аяо язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа бхаг̇аванд̇ам̣ бидтид̇о бидтид̇о ануб̣анд̇хим̣су. ат̇а ко бхаг̇аваа маг̇г̇аа оггамма язна ан̃н̃ад̇арам̣ ругкамуулам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. исид̣̇ад̇д̇абураан̣аа т̇абад̇аяо бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з исид̣̇ад̇д̇абураан̣аа т̇абад̇аяо бхаг̇аванд̇ам̣ зд̇ад̣̇авожум̣ –
Atha kho isidattapurāṇā thapatayo yena bhagavā tenupasaṅkamiṃsu; upasaṅkamitvā bhagavantaṃ abhivādetvā bhagavantaṃ piṭṭhito piṭṭhito anubandhiṃsu. Atha kho bhagavā maggā okkamma yena aññataraṃ rukkhamūlaṃ tenupasaṅkami; upasaṅkamitvā paññatte āsane nisīdi. Isidattapurāṇā thapatayo bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te isidattapurāṇā thapatayo bhagavantaṃ etadavocuṃ –
‘‘яад̣̇аа маяам̣, бханд̇з, бхаг̇аванд̇ам̣ сун̣аама – ‘саавад̇т̇ияаа госалзсу жааригам̣ баггамиссад̇ий’д̇и, ход̇и но д̇асмим̣ самаяз анад̇д̇аманад̇аа ход̇и д̣̇оманассам̣ – ‘д̣̇уурз но бхаг̇аваа бхависсад̇ий’д̇и. яад̣̇аа бана маяам̣, бханд̇з, бхаг̇аванд̇ам̣ сун̣аама – ‘саавад̇т̇ияаа госалзсу жааригам̣ багганд̇о’д̇и , ход̇и но д̇асмим̣ самаяз анад̇д̇аманад̇аа ход̇и д̣̇оманассам̣ – ‘д̣̇уурз но бхаг̇аваа’’’д̇и.
‘‘Yadā mayaṃ, bhante, bhagavantaṃ suṇāma – ‘sāvatthiyā kosalesu cārikaṃ pakkamissatī’ti, hoti no tasmiṃ samaye anattamanatā hoti domanassaṃ – ‘dūre no bhagavā bhavissatī’ti. Yadā pana mayaṃ, bhante, bhagavantaṃ suṇāma – ‘sāvatthiyā kosalesu cārikaṃ pakkanto’ti , hoti no tasmiṃ samaye anattamanatā hoti domanassaṃ – ‘dūre no bhagavā’’’ti.
‘‘яад̣̇аа бана маяам̣, бханд̇з, бхаг̇аванд̇ам̣ сун̣аама – ‘госалзхи маллзсу жааригам̣ баггамиссад̇ий’д̇и, ход̇и но д̇асмим̣ самаяз анад̇д̇аманад̇аа ход̇и д̣̇оманассам̣ – ‘д̣̇уурз но бхаг̇аваа бхависсад̇ий’д̇и. яад̣̇аа бана маяам̣, бханд̇з , бхаг̇аванд̇ам̣ сун̣аама – ‘госалзхи маллзсу жааригам̣ багганд̇о’д̇и, ход̇и но д̇асмим̣ самаяз анад̇д̇аманад̇аа ход̇и д̣̇оманассам̣ – ‘д̣̇уурз но бхаг̇аваа’’’д̇и.
‘‘Yadā pana mayaṃ, bhante, bhagavantaṃ suṇāma – ‘kosalehi mallesu cārikaṃ pakkamissatī’ti, hoti no tasmiṃ samaye anattamanatā hoti domanassaṃ – ‘dūre no bhagavā bhavissatī’ti. Yadā pana mayaṃ, bhante , bhagavantaṃ suṇāma – ‘kosalehi mallesu cārikaṃ pakkanto’ti, hoti no tasmiṃ samaye anattamanatā hoti domanassaṃ – ‘dūre no bhagavā’’’ti.
‘‘яад̣̇аа бана маяам̣, бханд̇з, бхаг̇аванд̇ам̣ сун̣аама – ‘маллзхи важ̇ж̇ийсу жааригам̣ баггамиссад̇ий’д̇и, ход̇и но д̇асмим̣ самаяз анад̇д̇аманад̇аа ход̇и д̣̇оманассам̣ – ‘д̣̇уурз но бхаг̇аваа бхависсад̇ий’д̇и. яад̣̇аа бана маяам̣, бханд̇з, бхаг̇аванд̇ам̣ сун̣аама – ‘маллзхи важ̇ж̇ийсу жааригам̣ багганд̇о’д̇и, ход̇и но д̇асмим̣ самаяз анад̇д̇аманад̇аа ход̇и д̣̇оманассам̣ – ‘д̣̇уурз но бхаг̇аваа’’’д̇и.
‘‘Yadā pana mayaṃ, bhante, bhagavantaṃ suṇāma – ‘mallehi vajjīsu cārikaṃ pakkamissatī’ti, hoti no tasmiṃ samaye anattamanatā hoti domanassaṃ – ‘dūre no bhagavā bhavissatī’ti. Yadā pana mayaṃ, bhante, bhagavantaṃ suṇāma – ‘mallehi vajjīsu cārikaṃ pakkanto’ti, hoti no tasmiṃ samaye anattamanatā hoti domanassaṃ – ‘dūre no bhagavā’’’ti.
‘‘яад̣̇аа бана маяам̣, бханд̇з, бхаг̇аванд̇ам̣ сун̣аама – ‘важ̇ж̇ийхи гаасийсу жааригам̣ баггамиссад̇ий’д̇и, ход̇и но д̇асмим̣ самаяз анад̇д̇аманад̇аа ход̇и д̣̇оманассам̣ – ‘д̣̇уурз но бхаг̇аваа бхависсад̇ий’д̇и. яад̣̇аа бана маяам̣, бханд̇з бхаг̇аванд̇ам̣ сун̣аама – ‘важ̇ж̇ийхи гаасийсу жааригам̣ багганд̇о’д̇и, ход̇и но д̇асмим̣ самаяз анад̇д̇аманад̇аа ход̇и д̣̇оманассам̣ – ‘д̣̇уурз но бхаг̇аваа’’’д̇и.
‘‘Yadā pana mayaṃ, bhante, bhagavantaṃ suṇāma – ‘vajjīhi kāsīsu cārikaṃ pakkamissatī’ti, hoti no tasmiṃ samaye anattamanatā hoti domanassaṃ – ‘dūre no bhagavā bhavissatī’ti. Yadā pana mayaṃ, bhante bhagavantaṃ suṇāma – ‘vajjīhi kāsīsu cārikaṃ pakkanto’ti, hoti no tasmiṃ samaye anattamanatā hoti domanassaṃ – ‘dūre no bhagavā’’’ti.
‘‘яад̣̇аа бана маяам̣, бханд̇з, бхаг̇аванд̇ам̣ сун̣аама – ‘гаасийхи мааг̇ад̇хз жааригам̣ баггамиссад̇ий’д̇и, ход̇и но д̇асмим̣ самаяз анад̇д̇аманад̇аа ход̇и д̣̇оманассам̣ – ‘д̣̇уурз но бхаг̇аваа бхависсад̇ий’д̇и. яад̣̇аа бана маяам̣, бханд̇з, бхаг̇аванд̇ам̣ сун̣аама – ‘гаасийхи мааг̇ад̇хз жааригам̣ багганд̇о’д̇и, ход̇и анаббагаа но д̇асмим̣ самаяз анад̇д̇аманад̇аа ход̇и анаббагам̣ д̣̇оманассам̣ – ‘д̣̇уурз но бхаг̇аваа’’’д̇и.
‘‘Yadā pana mayaṃ, bhante, bhagavantaṃ suṇāma – ‘kāsīhi māgadhe cārikaṃ pakkamissatī’ti, hoti no tasmiṃ samaye anattamanatā hoti domanassaṃ – ‘dūre no bhagavā bhavissatī’ti. Yadā pana mayaṃ, bhante, bhagavantaṃ suṇāma – ‘kāsīhi māgadhe cārikaṃ pakkanto’ti, hoti anappakā no tasmiṃ samaye anattamanatā hoti anappakaṃ domanassaṃ – ‘dūre no bhagavā’’’ti.
‘‘яад̣̇аа бана маяам̣, бханд̇з, бхаг̇аванд̇ам̣ сун̣аама – ‘мааг̇ад̇хзхи гаасийсу жааригам̣ баггамиссад̇ий’д̇и , ход̇и но д̇асмим̣ самаяз ад̇д̇аманад̇аа ход̇и соманассам̣ – ‘аасаннз но бхаг̇аваа бхависсад̇ий’д̇и. яад̣̇аа бана маяам̣, бханд̇з, бхаг̇аванд̇ам̣ сун̣аама – ‘мааг̇ад̇хзхи гаасийсу жааригам̣ багганд̇о’д̇и, ход̇и но д̇асмим̣ самаяз ад̇д̇аманад̇аа ход̇и соманассам̣ – ‘аасаннз но бхаг̇аваа’’’д̇и.
‘‘Yadā pana mayaṃ, bhante, bhagavantaṃ suṇāma – ‘māgadhehi kāsīsu cārikaṃ pakkamissatī’ti , hoti no tasmiṃ samaye attamanatā hoti somanassaṃ – ‘āsanne no bhagavā bhavissatī’ti. Yadā pana mayaṃ, bhante, bhagavantaṃ suṇāma – ‘māgadhehi kāsīsu cārikaṃ pakkanto’ti, hoti no tasmiṃ samaye attamanatā hoti somanassaṃ – ‘āsanne no bhagavā’’’ti.
‘‘яад̣̇аа бана маяам̣, бханд̇з, бхаг̇аванд̇ам̣ сун̣аама – ‘гаасийхи важ̇ж̇ийсу жааригам̣ баггамиссад̇ий’д̇и, ход̇и но д̇асмим̣ самаяз ад̇д̇аманад̇аа ход̇и соманассам̣ – ‘аасаннз но бхаг̇аваа бхависсад̇ий’д̇и. яад̣̇аа бана маяам̣, бханд̇з, бхаг̇аванд̇ам̣ сун̣аама – ‘гаасийхи важ̇ж̇ийсу жааригам̣ багганд̇о’д̇и, ход̇и но д̇асмим̣ самаяз ад̇д̇аманад̇аа ход̇и соманассам̣ – ‘аасаннз но бхаг̇аваа’’’д̇и.
‘‘Yadā pana mayaṃ, bhante, bhagavantaṃ suṇāma – ‘kāsīhi vajjīsu cārikaṃ pakkamissatī’ti, hoti no tasmiṃ samaye attamanatā hoti somanassaṃ – ‘āsanne no bhagavā bhavissatī’ti. Yadā pana mayaṃ, bhante, bhagavantaṃ suṇāma – ‘kāsīhi vajjīsu cārikaṃ pakkanto’ti, hoti no tasmiṃ samaye attamanatā hoti somanassaṃ – ‘āsanne no bhagavā’’’ti.
‘‘яад̣̇аа бана маяам̣, бханд̇з, бхаг̇аванд̇ам̣ сун̣аама – ‘важ̇ж̇ийхи маллзсу жааригам̣ баггамиссад̇ий’д̇и, ход̇и но д̇асмим̣ самаяз ад̇д̇аманад̇аа ход̇и соманассам̣ – ‘аасаннз но бхаг̇аваа бхависсад̇ий’д̇и. яад̣̇аа бана маяам̣, бханд̇з, бхаг̇аванд̇ам̣ сун̣аама – ‘важ̇ж̇ийхи маллзсу жааригам̣ багганд̇о’д̇и, ход̇и но д̇асмим̣ самаяз ад̇д̇аманад̇аа ход̇и соманассам̣ – ‘аасаннз но бхаг̇аваа’’’д̇и.
‘‘Yadā pana mayaṃ, bhante, bhagavantaṃ suṇāma – ‘vajjīhi mallesu cārikaṃ pakkamissatī’ti, hoti no tasmiṃ samaye attamanatā hoti somanassaṃ – ‘āsanne no bhagavā bhavissatī’ti. Yadā pana mayaṃ, bhante, bhagavantaṃ suṇāma – ‘vajjīhi mallesu cārikaṃ pakkanto’ti, hoti no tasmiṃ samaye attamanatā hoti somanassaṃ – ‘āsanne no bhagavā’’’ti.
‘‘яад̣̇аа бана маяам̣, бханд̇з, бхаг̇аванд̇ам̣ сун̣аама – ‘маллзхи госалз жааригам̣ баггамиссад̇ий’д̇и, ход̇и но д̇асмим̣ самаяз ад̇д̇аманад̇аа ход̇и соманассам̣ – ‘аасаннз но бхаг̇аваа бхависсад̇ий’д̇и. яад̣̇аа бана маяам̣, бханд̇з, бхаг̇аванд̇ам̣ сун̣аама – ‘маллзхи госалз жааригам̣ багганд̇о’д̇и, ход̇и но д̇асмим̣ самаяз ад̇д̇аманад̇аа ход̇и соманассам̣ – ‘аасаннз но бхаг̇аваа’’’д̇и.
‘‘Yadā pana mayaṃ, bhante, bhagavantaṃ suṇāma – ‘mallehi kosale cārikaṃ pakkamissatī’ti, hoti no tasmiṃ samaye attamanatā hoti somanassaṃ – ‘āsanne no bhagavā bhavissatī’ti. Yadā pana mayaṃ, bhante, bhagavantaṃ suṇāma – ‘mallehi kosale cārikaṃ pakkanto’ti, hoti no tasmiṃ samaye attamanatā hoti somanassaṃ – ‘āsanne no bhagavā’’’ti.
‘‘яад̣̇аа бана маяам̣, бханд̇з, бхаг̇аванд̇ам̣ сун̣аама – ‘госалзхи саавад̇т̇им̣ жааригам̣ баггамиссад̇ий’д̇и, ход̇и но д̇асмим̣ самаяз ад̇д̇аманад̇аа ход̇и соманассам̣ – ‘аасаннз но бхаг̇аваа бхависсад̇ий’д̇и. яад̣̇аа бана маяам̣, бханд̇з, бхаг̇аванд̇ам̣ сун̣аама – ‘саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз’д̇и, ход̇и анаббагаа но д̇асмим̣ самаяз ад̇д̇аманад̇аа ход̇и анаббагам̣ соманассам̣ – ‘аасаннз но бхаг̇аваа’’’д̇и.
‘‘Yadā pana mayaṃ, bhante, bhagavantaṃ suṇāma – ‘kosalehi sāvatthiṃ cārikaṃ pakkamissatī’ti, hoti no tasmiṃ samaye attamanatā hoti somanassaṃ – ‘āsanne no bhagavā bhavissatī’ti. Yadā pana mayaṃ, bhante, bhagavantaṃ suṇāma – ‘sāvatthiyaṃ viharati jetavane anāthapiṇḍikassa ārāme’ti, hoti anappakā no tasmiṃ samaye attamanatā hoti anappakaṃ somanassaṃ – ‘āsanne no bhagavā’’’ti.
‘‘д̇асмаад̇иха, т̇абад̇аяо, самб̣аад̇хо гхарааваасо раж̇аабат̇о, аб̣бхогаасо баб̣б̣аж̇ж̇аа. алан̃жа бана во, т̇абад̇аяо, аббамаад̣̇ааяаа’’д̇и. ‘‘ад̇т̇и ко но, бханд̇з, зд̇амхаа самб̣аад̇хаа ан̃н̃о самб̣аад̇хо самб̣аад̇хад̇аро жзва самб̣аад̇хасан̇каад̇ад̇аро жаа’’д̇и. ‘‘гад̇амо бана во, т̇абад̇аяо, зд̇амхаа самб̣аад̇хаа ан̃н̃о самб̣аад̇хо самб̣аад̇хад̇аро жзва самб̣аад̇хасан̇каад̇ад̇аро жаа’’д̇и?
‘‘Tasmātiha, thapatayo, sambādho gharāvāso rajāpatho, abbhokāso pabbajjā. Alañca pana vo, thapatayo, appamādāyā’’ti. ‘‘Atthi kho no, bhante, etamhā sambādhā añño sambādho sambādhataro ceva sambādhasaṅkhātataro cā’’ti. ‘‘Katamo pana vo, thapatayo, etamhā sambādhā añño sambādho sambādhataro ceva sambādhasaṅkhātataro cā’’ti?
‘‘ид̇ха маяам̣, бханд̇з, яад̣̇аа рааж̇аа басзнад̣̇и госало уяяаанабхуумим̣ нияяаад̇угаамо ход̇и, яз д̇з ран̃н̃о басзнад̣̇исса госаласса нааг̇аа обаваяхаа д̇з габбзд̇ваа, яаа д̇аа ран̃н̃о басзнад̣̇исса госаласса баж̇аабад̇ияо бияаа манаабаа д̇аа згам̣ бурад̇о згам̣ бажчад̇о нисийд̣̇аабзма. д̇аасам̣ ко бана, бханд̇з, бхаг̇инийнам̣ зваруубо г̇анд̇хо ход̇и, сзяяат̇ааби наама г̇анд̇хагаран̣д̣агасса д̇аавад̣̇зва виварияамаанасса, яат̇аа д̇ам̣ рааж̇аган̃н̃аанам̣ г̇анд̇хзна вибхуусид̇аанам̣. д̇аасам̣ ко бана, бханд̇з, бхаг̇инийнам̣ зваруубо гааяасампассо ход̇и, сзяяат̇ааби наама д̇уулабижуно ваа габбаасабижуно ваа, яат̇аа д̇ам̣ рааж̇аган̃н̃аанам̣ сукзд̇хид̇аанам̣. д̇асмим̣ ко бана, бханд̇з, самаяз нааг̇оби рагкид̇аб̣б̣о ход̇и, д̇ааби бхаг̇инияо рагкид̇аб̣б̣аа хонд̇и, ад̇д̇ааби рагкид̇аб̣б̣о ход̇и. на ко бана маяам̣, бханд̇з, абхиж̇аанаама д̇аасу бхаг̇инийсу баабагам̣ жид̇д̇ам̣ уббаад̣̇зд̇аа. аяам̣ ко но, бханд̇з, зд̇амхаа самб̣аад̇хаа ан̃н̃о самб̣аад̇хо самб̣аад̇хад̇аро жзва самб̣аад̇хасан̇каад̇ад̇аро жаа’’д̇и.
‘‘Idha mayaṃ, bhante, yadā rājā pasenadi kosalo uyyānabhūmiṃ niyyātukāmo hoti, ye te rañño pasenadissa kosalassa nāgā opavayhā te kappetvā, yā tā rañño pasenadissa kosalassa pajāpatiyo piyā manāpā tā ekaṃ purato ekaṃ pacchato nisīdāpema. Tāsaṃ kho pana, bhante, bhaginīnaṃ evarūpo gandho hoti, seyyathāpi nāma gandhakaraṇḍakassa tāvadeva vivariyamānassa, yathā taṃ rājakaññānaṃ gandhena vibhūsitānaṃ. Tāsaṃ kho pana, bhante, bhaginīnaṃ evarūpo kāyasamphasso hoti, seyyathāpi nāma tūlapicuno vā kappāsapicuno vā, yathā taṃ rājakaññānaṃ sukhedhitānaṃ. Tasmiṃ kho pana, bhante, samaye nāgopi rakkhitabbo hoti, tāpi bhaginiyo rakkhitabbā honti, attāpi rakkhitabbo hoti. Na kho pana mayaṃ, bhante, abhijānāma tāsu bhaginīsu pāpakaṃ cittaṃ uppādetā. Ayaṃ kho no, bhante, etamhā sambādhā añño sambādho sambādhataro ceva sambādhasaṅkhātataro cā’’ti.
‘‘д̇асмаад̇иха, т̇абад̇аяо, самб̣аад̇хо гхарааваасо раж̇аабат̇о, аб̣бхогаасо баб̣б̣аж̇ж̇аа. алан̃жа бана во, т̇абад̇аяо, аббамаад̣̇ааяа. жад̇уухи ко, т̇абад̇аяо, д̇хаммзхи саманнааг̇ад̇о арияасааваго сод̇аабанно ход̇и авинибаад̇ад̇хаммо нияад̇о самб̣од̇хибарааяан̣о.
‘‘Tasmātiha, thapatayo, sambādho gharāvāso rajāpatho, abbhokāso pabbajjā. Alañca pana vo, thapatayo, appamādāya. Catūhi kho, thapatayo, dhammehi samannāgato ariyasāvako sotāpanno hoti avinipātadhammo niyato sambodhiparāyaṇo.
‘‘гад̇амзхи жад̇уухи? ид̇ха, т̇абад̇аяо, арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇и – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз…бз… виг̇ад̇амаламажчзрзна жзд̇асаа аж̇жхааг̇аарам̣ васад̇и муд̇д̇ажааг̇о баяад̇абаан̣и воссаг̇г̇арад̇о яаажаяог̇о д̣̇аанасам̣вибхааг̇арад̇о. имзхи ко, т̇абад̇аяо, жад̇уухи д̇хаммзхи саманнааг̇ад̇о арияасааваго сод̇аабанно ход̇и авинибаад̇ад̇хаммо нияад̇о самб̣од̇хибарааяан̣о.
‘‘Katamehi catūhi? Idha, thapatayo, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… vigatamalamaccherena cetasā ajjhāgāraṃ vasati muttacāgo payatapāṇi vossaggarato yācayogo dānasaṃvibhāgarato. Imehi kho, thapatayo, catūhi dhammehi samannāgato ariyasāvako sotāpanno hoti avinipātadhammo niyato sambodhiparāyaṇo.
‘‘д̇умхз ко, т̇абад̇аяо, б̣уд̣̇д̇хз авзжжаббасаад̣̇зна саманнааг̇ад̇аа – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз…бз… яам̣ ко бана гин̃жи гулз д̣̇зяяад̇хаммам̣ саб̣б̣ам̣ д̇ам̣ аббадивибхад̇д̇ам̣ сийлаванд̇зхи галяаан̣ад̇хаммзхи. д̇ам̣ гим̣ ман̃н̃ат̇а, т̇абад̇аяо, гад̇ивид̇хаа д̇з госалзсу мануссаа яз д̇умхаагам̣ самасамаа, яад̣̇ид̣̇ам̣ – д̣̇аанасам̣вибхааг̇з’’д̇и? ‘‘лаабхаа но, бханд̇з, сулад̣̇д̇хам̣ но, бханд̇з! язсам̣ но бхаг̇аваа звам̣ баж̇аанаад̇ий’’д̇и. чадтам̣.
‘‘Tumhe kho, thapatayo, buddhe aveccappasādena samannāgatā – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… yaṃ kho pana kiñci kule deyyadhammaṃ sabbaṃ taṃ appaṭivibhattaṃ sīlavantehi kalyāṇadhammehi. Taṃ kiṃ maññatha, thapatayo, katividhā te kosalesu manussā ye tumhākaṃ samasamā, yadidaṃ – dānasaṃvibhāge’’ti? ‘‘Lābhā no, bhante, suladdhaṃ no, bhante! Yesaṃ no bhagavā evaṃ pajānātī’’ti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. т̇абад̇исуд̇д̇аван̣н̣анаа • 6. Thapatisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. т̇абад̇исуд̇д̇аван̣н̣анаа • 6. Thapatisuttavaṇṇanā
