| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
১৭. সত্তরসমৰগ্গো
17. Sattarasamavaggo
(১৭০) ৫. ঠপেত্ৰা অরিযমগ্গন্তিকথা
(170) 5. Ṭhapetvā ariyamaggantikathā
৭৮৯. ঠপেত্ৰা অরিযমগ্গং অৰসেসা সঙ্খারা দুক্খাতি? আমন্তা। দুক্খসমুদযোপি দুক্খোতি? ন হেৰং ৰত্তব্বে…পে॰… দুক্খসমুদযোপি দুক্খোতি? আমন্তা। তীণেৰ অরিযসচ্চানীতি? ন হেৰং ৰত্তব্বে…পে॰… তীণেৰ অরিযসচ্চানীতি? আমন্তা। ননু চত্তারি অরিযসচ্চানি ৰুত্তানি ভগৰতা – দুক্খং, দুক্খসমুদযো, দুক্খনিরোধো, দুক্খনিরোধগামিনী পটিপদাতি? আমন্তা। হঞ্চি চত্তারি অরিযসচ্চানি ৰুত্তানি ভগৰতা – দুক্খং, দুক্খসমুদযো, দুক্খনিরোধো, দুক্খনিরোধগামিনী পটিপদা; নো চ ৰত রে ৰত্তব্বে – ‘‘তীণেৰ অরিযসচ্চানী’’তি।
789. Ṭhapetvā ariyamaggaṃ avasesā saṅkhārā dukkhāti? Āmantā. Dukkhasamudayopi dukkhoti? Na hevaṃ vattabbe…pe… dukkhasamudayopi dukkhoti? Āmantā. Tīṇeva ariyasaccānīti? Na hevaṃ vattabbe…pe… tīṇeva ariyasaccānīti? Āmantā. Nanu cattāri ariyasaccāni vuttāni bhagavatā – dukkhaṃ, dukkhasamudayo, dukkhanirodho, dukkhanirodhagāminī paṭipadāti? Āmantā. Hañci cattāri ariyasaccāni vuttāni bhagavatā – dukkhaṃ, dukkhasamudayo, dukkhanirodho, dukkhanirodhagāminī paṭipadā; no ca vata re vattabbe – ‘‘tīṇeva ariyasaccānī’’ti.
দুক্খসমুদযোপি দুক্খোতি? আমন্তা। কেনট্ঠেনাতি? অনিচ্চট্ঠেন। অরিযমগ্গো অনিচ্চোতি? আমন্তা। অরিযমগ্গো দুক্খোতি? ন হেৰং ৰত্তব্বে…পে॰…।
Dukkhasamudayopi dukkhoti? Āmantā. Kenaṭṭhenāti? Aniccaṭṭhena. Ariyamaggo aniccoti? Āmantā. Ariyamaggo dukkhoti? Na hevaṃ vattabbe…pe….
অরিযমগ্গো অনিচ্চো, সো চ ন দুক্খোতি? আমন্তা। দুক্খসমুদযো অনিচ্চো, সো চ ন দুক্খোতি? ন হেৰং ৰত্তব্বে…পে॰… দুক্খসমুদযো অনিচ্চো, সো চ দুক্খোতি? আমন্তা। অরিযমগ্গো অনিচ্চো, সো চ দুক্খোতি? ন হেৰং ৰত্তব্বে…পে॰…।
Ariyamaggo anicco, so ca na dukkhoti? Āmantā. Dukkhasamudayo anicco, so ca na dukkhoti? Na hevaṃ vattabbe…pe… dukkhasamudayo anicco, so ca dukkhoti? Āmantā. Ariyamaggo anicco, so ca dukkhoti? Na hevaṃ vattabbe…pe….
৭৯০. ন ৰত্তব্বং – ‘‘ঠপেত্ৰা অরিযমগ্গং অৰসেসা সঙ্খারা দুক্খা’’তি? আমন্তা। ননু সা দুক্খনিরোধগামিনী পটিপদাতি? আমন্তা। হঞ্চি সা দুক্খনিরোধগামিনী পটিপদা, তেন ৰত রে ৰত্তব্বে – ‘‘ঠপেত্ৰা অরিযমগ্গং অৰসেসা সঙ্খারা দুক্খা’’তি।
790. Na vattabbaṃ – ‘‘ṭhapetvā ariyamaggaṃ avasesā saṅkhārā dukkhā’’ti? Āmantā. Nanu sā dukkhanirodhagāminī paṭipadāti? Āmantā. Hañci sā dukkhanirodhagāminī paṭipadā, tena vata re vattabbe – ‘‘ṭhapetvā ariyamaggaṃ avasesā saṅkhārā dukkhā’’ti.
ঠপেত্ৰা অরিযমগ্গন্তিকথা নিট্ঠিতা।
Ṭhapetvā ariyamaggantikathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৫. ঠপেত্ৰা অরিযমগ্গন্তিকথাৰণ্ণনা • 5. Ṭhapetvā ariyamaggantikathāvaṇṇanā
