| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๗. สตฺตรสมวโคฺค
17. Sattarasamavaggo
(๑๗๐) ๕. ฐเปตฺวา อริยมคฺคนฺติกถา
(170) 5. Ṭhapetvā ariyamaggantikathā
๗๘๙. ฐเปตฺวา อริยมคฺคํ อวเสสา สงฺขารา ทุกฺขาติ? อามนฺตาฯ ทุกฺขสมุทโยปิ ทุโกฺขติ? น เหวํ วตฺตเพฺพ…เป.… ทุกฺขสมุทโยปิ ทุโกฺขติ? อามนฺตาฯ ตีเณว อริยสจฺจานีติ? น เหวํ วตฺตเพฺพ…เป.… ตีเณว อริยสจฺจานีติ? อามนฺตาฯ นนุ จตฺตาริ อริยสจฺจานิ วุตฺตานิ ภควตา – ทุกฺขํ, ทุกฺขสมุทโย, ทุกฺขนิโรโธ, ทุกฺขนิโรธคามินี ปฎิปทาติ? อามนฺตาฯ หญฺจิ จตฺตาริ อริยสจฺจานิ วุตฺตานิ ภควตา – ทุกฺขํ, ทุกฺขสมุทโย, ทุกฺขนิโรโธ, ทุกฺขนิโรธคามินี ปฎิปทา; โน จ วต เร วตฺตเพฺพ – ‘‘ตีเณว อริยสจฺจานี’’ติฯ
789. Ṭhapetvā ariyamaggaṃ avasesā saṅkhārā dukkhāti? Āmantā. Dukkhasamudayopi dukkhoti? Na hevaṃ vattabbe…pe… dukkhasamudayopi dukkhoti? Āmantā. Tīṇeva ariyasaccānīti? Na hevaṃ vattabbe…pe… tīṇeva ariyasaccānīti? Āmantā. Nanu cattāri ariyasaccāni vuttāni bhagavatā – dukkhaṃ, dukkhasamudayo, dukkhanirodho, dukkhanirodhagāminī paṭipadāti? Āmantā. Hañci cattāri ariyasaccāni vuttāni bhagavatā – dukkhaṃ, dukkhasamudayo, dukkhanirodho, dukkhanirodhagāminī paṭipadā; no ca vata re vattabbe – ‘‘tīṇeva ariyasaccānī’’ti.
ทุกฺขสมุทโยปิ ทุโกฺขติ? อามนฺตาฯ เกนเฎฺฐนาติ? อนิจฺจเฎฺฐนฯ อริยมโคฺค อนิโจฺจติ? อามนฺตาฯ อริยมโคฺค ทุโกฺขติ? น เหวํ วตฺตเพฺพ…เป.…ฯ
Dukkhasamudayopi dukkhoti? Āmantā. Kenaṭṭhenāti? Aniccaṭṭhena. Ariyamaggo aniccoti? Āmantā. Ariyamaggo dukkhoti? Na hevaṃ vattabbe…pe….
อริยมโคฺค อนิโจฺจ, โส จ น ทุโกฺขติ? อามนฺตาฯ ทุกฺขสมุทโย อนิโจฺจ, โส จ น ทุโกฺขติ? น เหวํ วตฺตเพฺพ…เป.… ทุกฺขสมุทโย อนิโจฺจ, โส จ ทุโกฺขติ? อามนฺตาฯ อริยมโคฺค อนิโจฺจ, โส จ ทุโกฺขติ? น เหวํ วตฺตเพฺพ…เป.…ฯ
Ariyamaggo anicco, so ca na dukkhoti? Āmantā. Dukkhasamudayo anicco, so ca na dukkhoti? Na hevaṃ vattabbe…pe… dukkhasamudayo anicco, so ca dukkhoti? Āmantā. Ariyamaggo anicco, so ca dukkhoti? Na hevaṃ vattabbe…pe….
๗๙๐. น วตฺตพฺพํ – ‘‘ฐเปตฺวา อริยมคฺคํ อวเสสา สงฺขารา ทุกฺขา’’ติ? อามนฺตาฯ นนุ สา ทุกฺขนิโรธคามินี ปฎิปทาติ? อามนฺตาฯ หญฺจิ สา ทุกฺขนิโรธคามินี ปฎิปทา, เตน วต เร วตฺตเพฺพ – ‘‘ฐเปตฺวา อริยมคฺคํ อวเสสา สงฺขารา ทุกฺขา’’ติฯ
790. Na vattabbaṃ – ‘‘ṭhapetvā ariyamaggaṃ avasesā saṅkhārā dukkhā’’ti? Āmantā. Nanu sā dukkhanirodhagāminī paṭipadāti? Āmantā. Hañci sā dukkhanirodhagāminī paṭipadā, tena vata re vattabbe – ‘‘ṭhapetvā ariyamaggaṃ avasesā saṅkhārā dukkhā’’ti.
ฐเปตฺวา อริยมคฺคนฺติกถา นิฎฺฐิตาฯ
Ṭhapetvā ariyamaggantikathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๕. ฐเปตฺวา อริยมคฺคนฺติกถาวณฺณนา • 5. Ṭhapetvā ariyamaggantikathāvaṇṇanā
