| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
5. табзд̇ваа арияамаг̇г̇анд̇игат̇ааван̣н̣анаа
5. Ṭhapetvā ariyamaggantikathāvaṇṇanā
789-790. ид̣̇аани табзд̇ваа арияамаг̇г̇анд̇игат̇аа наама ход̇и. д̇ад̇т̇а ‘‘яасмаа арияамаг̇г̇о ‘д̣̇угканирод̇хаг̇ааминибадибад̣̇аа’д̇и вуд̇д̇о, д̇асмаа табзд̇ваа арияамаг̇г̇ам̣ авасзсаа сан̇каараа д̣̇угкаа’’д̇и язсам̣ лад̣̇д̇хи, сзяяат̇ааби хзд̇уваад̣̇аанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘яад̣̇и звам̣ самуд̣̇аяассааби д̣̇угкабхааво аабаж̇ж̇ад̇ий’’д̇и жод̣̇зд̇ум̣ д̣̇угкасамуд̣̇аяобийд̇и ааха. ид̇аро хзд̇улагкан̣ам̣ санд̇хааяа бадигкибад̇и. буна будто бавад̇д̇абарияаабаннабхаавам̣ санд̇хааяа бадиж̇аанаад̇и. д̇ийн̣зваад̇и бан̃хзсу суд̇д̇авирод̇хабхаязна бадигкибад̇и, лад̣̇д̇хивасзна бадиж̇аанаад̇и. сзсамзд̇т̇а уд̇д̇аанад̇т̇амзваад̇и.
789-790. Idāni ṭhapetvā ariyamaggantikathā nāma hoti. Tattha ‘‘yasmā ariyamaggo ‘dukkhanirodhagāminipaṭipadā’ti vutto, tasmā ṭhapetvā ariyamaggaṃ avasesā saṅkhārā dukkhā’’ti yesaṃ laddhi, seyyathāpi hetuvādānaṃ; te sandhāya pucchā sakavādissa, paṭiññā itarassa. Atha naṃ ‘‘yadi evaṃ samudayassāpi dukkhabhāvo āpajjatī’’ti codetuṃ dukkhasamudayopīti āha. Itaro hetulakkhaṇaṃ sandhāya paṭikkhipati. Puna puṭṭho pavattapariyāpannabhāvaṃ sandhāya paṭijānāti. Tīṇevāti pañhesu suttavirodhabhayena paṭikkhipati, laddhivasena paṭijānāti. Sesamettha uttānatthamevāti.
табзд̇ваа арияамаг̇г̇анд̇игат̇ааван̣н̣анаа.
Ṭhapetvā ariyamaggantikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (170) 5. табзд̇ваа арияамаг̇г̇анд̇игат̇аа • (170) 5. Ṭhapetvā ariyamaggantikathā
