| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๕. ฐเปตฺวา อริยมคฺคนฺติกถาวณฺณนา
5. Ṭhapetvā ariyamaggantikathāvaṇṇanā
๗๘๙-๗๙๐. อิทานิ ฐเปตฺวา อริยมคฺคนฺติกถา นาม โหติฯ ตตฺถ ‘‘ยสฺมา อริยมโคฺค ‘ทุกฺขนิโรธคามินิปฎิปทา’ติ วุโตฺต, ตสฺมา ฐเปตฺวา อริยมคฺคํ อวเสสา สงฺขารา ทุกฺขา’’ติ เยสํ ลทฺธิ, เสยฺยถาปิ เหตุวาทานํ; เต สนฺธาย ปุจฺฉา สกวาทิสฺส, ปฎิญฺญา อิตรสฺสฯ อถ นํ ‘‘ยทิ เอวํ สมุทยสฺสาปิ ทุกฺขภาโว อาปชฺชตี’’ติ โจเทตุํ ทุกฺขสมุทโยปีติ อาหฯ อิตโร เหตุลกฺขณํ สนฺธาย ปฎิกฺขิปติฯ ปุน ปุโฎฺฐ ปวตฺตปริยาปนฺนภาวํ สนฺธาย ปฎิชานาติฯ ตีเณวาติ ปเญฺหสุ สุตฺตวิโรธภเยน ปฎิกฺขิปติ, ลทฺธิวเสน ปฎิชานาติฯ เสสเมตฺถ อุตฺตานตฺถเมวาติฯ
789-790. Idāni ṭhapetvā ariyamaggantikathā nāma hoti. Tattha ‘‘yasmā ariyamaggo ‘dukkhanirodhagāminipaṭipadā’ti vutto, tasmā ṭhapetvā ariyamaggaṃ avasesā saṅkhārā dukkhā’’ti yesaṃ laddhi, seyyathāpi hetuvādānaṃ; te sandhāya pucchā sakavādissa, paṭiññā itarassa. Atha naṃ ‘‘yadi evaṃ samudayassāpi dukkhabhāvo āpajjatī’’ti codetuṃ dukkhasamudayopīti āha. Itaro hetulakkhaṇaṃ sandhāya paṭikkhipati. Puna puṭṭho pavattapariyāpannabhāvaṃ sandhāya paṭijānāti. Tīṇevāti pañhesu suttavirodhabhayena paṭikkhipati, laddhivasena paṭijānāti. Sesamettha uttānatthamevāti.
ฐเปตฺวา อริยมคฺคนฺติกถาวณฺณนาฯ
Ṭhapetvā ariyamaggantikathāvaṇṇanā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๑๗๐) ๕. ฐเปตฺวา อริยมคฺคนฺติกถา • (170) 5. Ṭhapetvā ariyamaggantikathā
