| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. т̇зранаамагасуд̇д̇аван̣н̣анаа
10. Theranāmakasuttavaṇṇanā
244. ад̇ийд̇з канд̇хабан̃жагзд̇и ад̇ийд̇з ад̇д̇абхаавз. чанд̣̇арааг̇аббахаанзнаад̇и чанд̣̇арааг̇асса ажжанд̇амзва ж̇аханзна. бахийнам̣ наама ход̇и анабзгкабарижжааг̇ад̇о. бадиниссадтам̣ наама ход̇и саб̣б̣асо чад̣д̣ид̇ад̇д̇аа. д̇аяо бхавзд̇и иминаа убаад̣̇ин̣н̣агад̇хаммаанам̣язва г̇ахан̣ам̣. саб̣б̣аа канд̇хааяад̇анад̇хаад̇уяо жаад̇и иминаа убаад̣̇ин̣н̣аанамби анубаад̣̇ин̣н̣аанамби д̣̇вид̇хаа бавад̇д̇алогияад̇хаммаанам̣ г̇ахан̣ам̣ ависзсзд̇ваа вуд̇д̇ад̇д̇аа. вид̣̇ид̇ам̣ баагадам̣ гад̇ваа тид̇ам̣ барин̃н̃аабхисамаяавасзна. д̇зсвзваад̇и д̇збхуумагад̇хаммзсу зва. анубалид̇д̇ам̣ амат̇ид̇ам̣ асам̣гилидтам̣ д̇ан̣хаад̣̇идтисам̣гилзсаабхаавад̇о. д̇ад̣̇зва саб̣б̣анд̇и хздтаа д̇ийсуби бад̣̇зсу ид̇ха саб̣б̣аг̇г̇ахан̣зна г̇ахид̇ам̣ д̇збхуумагаваддам̣. ж̇ахид̇ваад̇и бахаанаабхисамаяавасзна. д̇ан̣хаа кийяад̇и зд̇т̇аад̇и д̇ан̣хагкаяасан̇каад̇з ниб̣б̣аанз вимуд̇д̇ам̣. д̇амаханд̇и д̇ам̣ уд̇д̇амабуг̇г̇алам̣ згавихаарим̣ б̣рууми д̇ан̣хаад̣̇уд̇ияасса абхаавад̇о. зд̇т̇а жа барин̃н̃аабахаанаабхисамаяагат̇анзна ид̇арамби абхисамаяам̣ ад̇т̇ад̇о гат̇ид̇амзваад̇и д̣̇адтаб̣б̣ам̣.
244.Atīte khandhapañcaketi atīte attabhāve. Chandarāgappahānenāti chandarāgassa accantameva jahanena. Pahīnaṃ nāma hoti anapekkhapariccāgato. Paṭinissaṭṭhaṃ nāma hoti sabbaso chaḍḍitattā. Tayobhaveti iminā upādiṇṇakadhammānaṃyeva gahaṇaṃ. Sabbā khandhāyatanadhātuyo cāti iminā upādiṇṇānampi anupādiṇṇānampi dvidhā pavattalokiyadhammānaṃ gahaṇaṃ avisesetvā vuttattā. Viditaṃ pākaṭaṃ katvā ṭhitaṃ pariññābhisamayavasena. Tesvevāti tebhūmakadhammesu eva. Anupalittaṃ amathitaṃ asaṃkiliṭṭhaṃ taṇhādiṭṭhisaṃkilesābhāvato. Tadeva sabbanti heṭṭhā tīsupi padesu idha sabbaggahaṇena gahitaṃ tebhūmakavaṭṭaṃ. Jahitvāti pahānābhisamayavasena. Taṇhā khīyati etthāti taṇhakkhayasaṅkhāte nibbāne vimuttaṃ. Tamahanti taṃ uttamapuggalaṃ ekavihāriṃ brūmi taṇhādutiyassa abhāvato. Ettha ca pariññāpahānābhisamayakathanena itarampi abhisamayaṃ atthato kathitamevāti daṭṭhabbaṃ.
т̇зранаамагасуд̇д̇аван̣н̣анаа нидтид̇аа.
Theranāmakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. т̇зранаамагасуд̇д̇ам̣ • 10. Theranāmakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. т̇зранаамагасуд̇д̇аван̣н̣анаа • 10. Theranāmakasuttavaṇṇanā
