| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
१०. थेरनामकसुत्तवण्णना
10. Theranāmakasuttavaṇṇanā
२४४. दसमे वण्णवादीति आनिसंसवादी। यं अतीतं तं पहीनन्ति अतीते खन्धपञ्चके छन्दरागप्पहानेन तं पहीनं नाम होति। अनागतन्ति अनागतम्पि खन्धपञ्चकं तत्थ छन्दरागपटिनिस्सग्गेन पटिनिस्सट्ठं नाम होति । सब्बाभिभुन्ति सब्बा खन्धायतनधातुयो च तयो भवे च अभिभवित्वा ठितं। सब्बविदुन्ति तं वुत्तप्पकारं सब्बं विदितं पाकटं कत्वा ठितं। सब्बेसु धम्मेसूति तेस्वेव धम्मेसु तण्हादिट्ठिलेपेहि अनुपलित्तं। सब्बञ्जहन्ति तदेव सब्बं तत्थ छन्दरागप्पहानेन जहित्वा ठितं। तण्हक्खये विमुत्तन्ति तण्हक्खयसङ्खाते निब्बाने तदारम्मणाय विमुत्तिया विमुत्तं। दसमं।
244. Dasame vaṇṇavādīti ānisaṃsavādī. Yaṃ atītaṃ taṃ pahīnanti atīte khandhapañcake chandarāgappahānena taṃ pahīnaṃ nāma hoti. Anāgatanti anāgatampi khandhapañcakaṃ tattha chandarāgapaṭinissaggena paṭinissaṭṭhaṃ nāma hoti . Sabbābhibhunti sabbā khandhāyatanadhātuyo ca tayo bhave ca abhibhavitvā ṭhitaṃ. Sabbavidunti taṃ vuttappakāraṃ sabbaṃ viditaṃ pākaṭaṃ katvā ṭhitaṃ. Sabbesu dhammesūti tesveva dhammesu taṇhādiṭṭhilepehi anupalittaṃ. Sabbañjahanti tadeva sabbaṃ tattha chandarāgappahānena jahitvā ṭhitaṃ. Taṇhakkhaye vimuttanti taṇhakkhayasaṅkhāte nibbāne tadārammaṇāya vimuttiyā vimuttaṃ. Dasamaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १०. थेरनामकसुत्तं • 10. Theranāmakasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / १०. थेरनामकसुत्तवण्णना • 10. Theranāmakasuttavaṇṇanā
